Ka Makaainana, Volume VII, Number 3, 18 January 1897 — Page 8

Ka Makaainana.

 8     HONOLULU, OAHU, POAKAHI, IANUARI 18, 1897.

 

(Mai ka aoao ekahi mai.)

mea hoi, ma Kahalau, Kona Akau, Hawaii, ma ka la 8 o Ianuari M.H. 1897, ua kipa ae la ka Anela o ka Make, a lawe aka la i ka hanu hope loa o ka wahine i aloha nui, ia, Mrs Kluaapaua Simerson, ka hoolaukanaka a me ka makua o ka home, ua hala, ua nalo, ua hele i ke ala hoi ole mai.  Auwe, aloha ino oe!  Aloha na Lae Makawehi o Kona, aloha ka uka o Ala@apo, e uhiia mai la e ka ohu!  Aloha ka Heiau o Hikiau, E Kaikilani, aliiwahine o Puna e! ke hea mai nei ko ipo ia oe, o Kamaulupali o Heake koa.  O ke kui kela , o ka holo keia, mau kawa, kopala ke kea, na ka ele ka ai.

Ua lawe ke Akua i Kana o ka uhane, a e hoi aku ke lepo i ka lepo.  Ua hala, ua moe i ka moe kau, moe hooilo.

Aloha!  Aloha!!  Aloha pau ole!!! Nolaila;

1 - Hooholoia, Me ko makou mau houpo i hele a eha, me na maka i upehupehu, me na naau i kuipaluiia a eha, ke komo pa aku nei makou me oe a me au lei, e u pu aku no kau wahine i aloha nui ia;

2 - Hooholoia, o ka makou pule i na L@ui, e hoomama mai i kou mau kaumaha a me na keiki i hooneleia i ka makuahine ole, a ke pule nei makou e Hooloihiia kou mau la ma ka aina, a na ke Akua ola loa e malama mai ia oe;

3 - Hooholoia, me @ keia mau mea, ke manalo ae nei makou i na Lani, oiai, o Kona makemake ke hanaia, a e like me Kana kanawai kumuhonua paa loa, "O ke kanaka i hanauia e ka wahine, no na la pokole ia, a ua puni i na popilikia."

{J.A. MAGUIRE,

{J.K. NAHALE,

{C.K. MAGUIRE,

{A. LINDSAY,

{A. COCKBURN,

{THOS. @IU,

{A. BURGESS,

{D.P. NAMAUU,

Komite  {THOS. WRIGHT,

{G.P. KAMAUOHA,

{S. HAANIO,

{W.M. KALAIWAA,

{W.N. @ON@,

{C.A. LAZARO

{J.W. KELIIKOA,

{S. LAZARO

{WM. J. WRIGHT.

 

Poe Kiure o ke Kau o Feberuari Ae Nei.

Eia iho malalo nei na inoa o na poe kiure e noho mai ana i keia kau ao o Feberuari e hiki mai ana.

Na Hawaii - S P Nohea, John N Taylor, JW Akana, H Kahalewai, Hiram Kaaha, ES Holt, H Meek, JNK Keola, WB Jones, JK Kamealoha, John Wallace, WH Tell, WR Parker, Joseph Morse, RH Baker, Wm Kekaula, HS Swinton, EM Jones, GE Smithies, William Ringer, J Koo, J Benito, MK Keohokalole, SH O@i, TW Jackson, JN Kanaulu, E Rathburn, EH Naoho, John Edwards, HE Cook, Charles Mahoe, WK Waiamau Samuel Kapoi, A Bishaw, William Kino me L McKeague.

Na Haole - John Kidwell, S Roth, M Smith, OC Swain, NE Gedge, WM Templeton, DW McNiehol, William Berlowitz, GWR King, BF Beardmore, CS Weight, Charles Phillips, A Frank Cooke, JM Sims, William Mutch, HE Waity, CD Chase, WF Dillingham, AE Weirick, A Larnach, JW Lloyd, JA Gilman, H Myon Holt, C Lucas, WR Sims, CW Dickey, Thomas Wall, HA Parmalee, George R Carter, James G Spencer, Paul J Voeller, RW Catheart, FJ Turner, FJ Kruger, CR Demaut me HH Williams.

 

Hoi ka Lepo i ka Lepo.

MISASA KAWAIMAKA HIKI

Mahope o ka hoomailo ana a ka ma'i ua lalau mai la na lima o ka make i ka hanu ola o ka mea nona ka inoa maluna ae, wahine a Henry Hiki e noho hana nei ma ka Halekuai Lako Hao Hawaii, ma ko laua wahi noho makai o Kawaiahao, i ka h@ 1 auwina la o ka La Pule i hala, la 10 nei.  Ua hanauia oia ma Kahuku, Koolauloa, Oahu nei, a ua mareia laua he ehiku makahiki i hala ae, a ua loaa @ laua he ekolu mau keiki e ola nei (elua keikikane a hookahi kaikamahine).  Hora 2 auwina la ae o ka Poakahi i maneleia aku ai kona kino puanuanu a nalo ma ka ilina o Makiki, malalo o na lawelawe haipule ana a ka Rev. Makua Makia, a me na hooponopono hoolewa ana e E A Wiliama.  Ua piha iaia he 27 inakahiki ma neia ola ana a niau palanehe aku la, me ka waiho iho i ke kane a me na lei a laua e noho kumakena aku nona, a o makou hoi kahi e panee aku nei i ka u ana me ia ohana iloko o ka luuluu a me ke kaumaha paumako.

MISR ERNESTINE KALIKO KAHOALII

Aumoe o ka Paokahi i hala, mahope o ka waiho ma'i pokole ana o ka mea nona ka inoa ma luna ae, ua anehe aku la kona uhane no kela ala polikua pohihihi a Kane i ka 17 no o kona mau makahiki ma nei oia ana.  Iaia no iloko o ke kula Vir@gine o Sana Anaru i loaa ai oia @ ka ma'i, he eha ka iloko o ka opu, a ua hoihoiia i kahi no ho o na makua mahope aku o ka huli ma Ewa o alanui Ema mai Ema Kuae aku, a ua hoao ko ke kauka ike a puhili iho la.  O a kekahi o na kaikamahine lehulehu a JK Kalawaianui, a me Ke lupaina, kana wahine hope e ola pa nei.  He ewe keia wahine opio no kela ohana Lewalewa o lalo o Waianae ma o koua luaui la.  I kahi la ae i hele aku ai kona mau hoakula e ike i kona kino wailua a lehulehu na kulu waimaka i hoohanimianoua,, a ia auwina la iho no hoi i malamaia ai ke anaina haipule kupapau nona maloko o ka luakini o Sana Anaru, malalo o na lawe lawe ana a ka Rev V.H. Kiticata.  Mai ia luakini aku i hoo lewaia aku ai malalo o na hoo ponopono ana a E.A. Wiliama, maloko o ka pa ilina o ia ohaua a nalo ma ka ilina o Kawaiahao, a waiho ana ma ka aoao o kekahi kaikuaana i hala mua.  Nui na hoohiwahiwa pua i loaa aku mai na hoa'loha me ke ku maoli no i ka nani.  Anoano a eehia na hana haipule me na mele ma ka luakini a ma ka ilina mai kona mau hoakula aku a haaleleia aku la oia "e hoomaha iloko o ka maluhia" o kona Haku.  Ua kamaaina makou iaia a ke u pu aku nei hoi me na makua a me ka ohana no a pau.

Ma kahi o na Kiai Date C. Wallace a me Akina i hoopauia i na la mua o nei malama, ua hooaohoia aku he mau me hou no laua na inoa o G. Beka a me Haole.  I pau ka ka inoa mua no kona makemake aua e noho i kalamua, a o ka inoa hope iho hoi, @ haalele okoa no ka hoohana loihi ia a oi ae mamua o ke kupono.

 

KELA A ME KEIA.

Pula lepo na maka i nehinei i ka pa kikiao o ka makani.

O ka mokumahu Kopetica ko nei Poaono ae, a i na la mahope aku ka mokumahu Warimu.

Ua loheia he omaimai ano popilikia ka ko Kauka Makalua e waiho mai la ma Ladana, Euelani.

Eia i Honolulu nei ko makou @ua o Hamoa, Maui, oia o P. Kauimakaole, ma ka mokumahu Kalaudine mai o kakahiaka o nehinei.

He mau heihei kaa paikikala a kukini ko waho o Kapiolani Paka i ka auwina la Poaono nei, he 19 ka nui, a ua lehulehu no na poe i hele makaikai aku.

Ma ka mokumahu Kopetica e hoea mai ai o Kilome Hata (Jerome Hart), lunahoopouopouo o ka nupepa Agonota (Argonaut) o Kapalakiko.  He kue oia i ka manao hoohuiaina.

Aia aku nei ka Bihopa o Honolulu i Hawaii, ma na hana pili i kona Ekalesia, ma ka mokumahu Kalaudine o ka Poalua iho la .  Apopo e pae hou mai ai ma ka mokumahu Kinau.

Ma ka hookuku ki pu pololei hope Ioa mawaena o na poe wae o na Makai a me ke Komopani G, i mala naia makai o Iwilei i kakahiaka Poaono nei, ua lilo ke eo i na Makai me 406 i ka 389 o na koa.

Aumoe Poaono nei i ku mai ai ka mokumahu Zealanadia mai Kapalakiko, a i ke ahiahi molehulehu o nehinei i holo loa aku ai no ka Hema.  I lohi oia i ke kali i na eke leta Pelekane.  No 8 1/2 la oia i holo mai nei.  Lohi no!

Hauoli na makai i ke awakea Poaono nei wakai o ka Halewai, a ilaila kahi o lakou i @uu iho ai i na ono i hoomakaukauia no ka la hoomanao aihue.  He ana nui ole no paha i kela puaa o ka la 6 nei a me ia mai la ma Wasinetona.

O ka Noeau ka inoa oa ka mokumahu h@u o ka Hui Hoo holo Mokumahu Pili-Ai@, a he pokii hoi oia no ka mokumahu Keauhou.  I nei auwina la e hoau mua loa aku ai oia no Maui malalo o Kapena.  Pet@soua o ka mokumahu Kimo Maki.

He halawai ko ka Ahakuka Malu i ka auwina la Poalima nei, a ma ia halawai i huikalaia ai o Naimana, kela Olelo E i  ki ai i kekahi hoa koa ona.  Ua hoe kuuia oia i ka Poaono nei.  Aohe mau huikala e ae i noonooia ma ia halawai aka, ua hoomoeia a no kahi wa aku.

Ehiku poe hanapia o Kikihale aeuei i pau i ka hopuhopuia e Makaikiu D. Kaapa a me kona poe i kakahiaka o nehinei, a nonoho nui ana  me ka lakou mau me paahana ia Kalakaua Hale.  Ua hookuuia mai nae hoi he ekolu o lakou a hele aku no i ka hookolokolo i nei la.

Wanaao Poaha iho la i hoea mai ai ka mokumahu P@ra iwaho iloko o 6 la 9 hora a me 26 minute mai Kapalakiko mai, a hookomo loa mai i kakahiaka nui ae.  Mahope o ka uhao ana he 300 t@na lanahu maanei, ua holo loa aku oia no Iokohama me Honokona ia auwina la iho.

Ua hoonee ae nei o S.K. Paa i kona keena hana makai iho e ko R.W. Winkoki.

I nehinei, iwaho o Makiki, ua hanau mai na ka wahine a J. He Wundehausi, he kaikamahine.

He halawai hoohuiaina ko ka po Poalua iho la ma Haimoeipo, a ua 200 paha a oi na poe i hel@ aku e hoolohe ia Kuhina Kupa, he ole nae hoi kahi pilu i huai ia ae no kana huakai hoopau koalaala.

O ka Poaono nei ko ka mokumahu Miowera la ku mai ka Akau mai uo ka Hema, eia nae, a hiki mai i nei wa a makou e puka aku nei, aohe i mahuiia mai nona, a nolaila, he wa ku wale mai no nona.

Ma kahi noho o Misasa Ana Makapolena, i ke ahiahi Poaono nei, i uoia ai o Kalalena Makapo ena (C.W. Macfarlane) ia Misasa Julia Kitchen, kekani kaikamahine a Kapena Maki i make.  Na ka Rev. H.H. Paleka iaua i mare a imua wale no o ka ohana.  Ma Waikiki keia ae la a aia laua ilalo o Mauana, Ewa, kahi i hoohaia ai i na la mua.

Auwioa la Poakolu iho la i huli hoi aku ai ka makumahu Anseteralia no Kapalakiko me ka hoihoi pu aku i ke kino make o Kuhina Wilisi.  Ma ia moku no i kau aku ai o Misasa Wilisi, ke keiki, a me ko ka wahine kanemake pokii.  Na na koa malina me luina o ka mokukaua Aleti i hoohanohano aku ke kupapau a kai o ka uwapo mai ka ilina mai o Maemae.

O ka Poaono nei ka la hoomanao hauau o Roberto Keoua Wilikoki, a piha na makahiki eha o kona ola aua ma nei ao.  He paina ka na makua i haawi ae ma ko laua wahi ilalo o Moanalua, a he mau haneri o na hoa'loha i hiki aku e nuu ae inu i na mea i hoomakaukauia e ka lokomaikai o R.W. Wilikoki a me kana aliiwahine.  Ilaila ka Puali Puhiohe Lahui kahi i houhene ai.  Lehulehu na haole malihini i pau aku no lalo o laila e ike ai i na hana a ka Hawaii.

Ahiahi Poakolu i hala, Ia 11 nei, o ka hora 830 paha ia, oiai na keiki a R. Wile Aileti ma e hanoli nui ana no ka hoomanao i ka la hanau o kekahi o na kaikamahine, ma ko lakou wahi noho hou iwaho o Makiki, alanui Beretania, ua hanau mai o Misasa Keola Aileti he keikikane a loaa hoi he kaikunane hou no ia kaikamahine nona ka la.  O ka eiwa iho la ia o ka Wile mau keiki e ola nei.  Lahui no ka hoi a ola no ka aina iaia.  Ua aneane e piha ka makahiki mai ko Wile hoi ana mai Amerika Huipuia mai.

He papaaina ka i haawiia e kekahi poe Palekane i ke ahiahi Poaono nei iwaho o Sana Susi, Waikiki, no ka hanohano o Keoki Gareiga, Moi o ka Mokupuni Fanina, a kaikuaana hoi o Wile Gareiga, kekahi pio kalaialua o kakou i huikalaia a kipakuia.  Oiai hoi o Keoki e ka@ ana maanei no kekahi moku e hoihoi aku ai iaia no kona Aupuni, e hoea mai ana kona pokii au hoi pu aku.  Pau kela @aiu@, pau nui lakou a pau, a he 17 paha, no lalo o Moanalua, i kahi o R.W. Wilikoki, maluna o kekahi kaa nui.