Ka Makaainana, Volume VII, Number 3, 18 January 1897 — Page 3

Ka Makaainana.

 

NA MOKUPUNI

Na Lono Like Ole no ka Makani Apaanaa

            Ma kekahi La Sabati ua ikaika loa ia ka makani.  Ma ka Poaono ka hoomaka liilii ana mai.  Ma ia La Sabati kaili aku ai o Kiaimakani hookahi kauna pa pale a me hookahi keu, he mea kakaa kena iluna o ka makika, e alualu ana mahope, na loaa mai hookahi kauna, a o ke keu ka i nalowale loa.  Ua lawe pu no paha o kiaimak@ni ia papale nona.  O keia makani no paha keia i alakai ai ia Lo Walena a loaa ke aupuni kini o diabolo, oiai oia e imi ana ia Lo Bianalo ma, a na ia makani hookahi no i hoolilo ia Iwa, e mo ku i Kailua, Kona, a mai hooipo pu me ka wahine hiu i'a o ka Lae Makapana, ka mea na@a i hoopaa pio o Romianaho i ke aupuni o ka papa ku o ka moana, ina hookahi la ke kaunu pu ana me ka wahine hiu i'a nana i hoopaa pio "ka loea hookahi bila hapa."

            Ua mahuka pu aku he elua poe o ke awa e Honoipu, ua lawe pu aku o Keaumiki me Keauka iwako o ka moana.  No ka ikaika loa o keia makani, oiai, ina oe iluna o ka lio e kau ai, ua hapa ka ikaika hoonee o ka lio i keia makani, e pupue ana i paa pono iho, hemahema ae no oe ike oe ia Kulaipi ma Kulaipau.  Ina oe e makaala ole ia oe iho, alaila, e hooipo pu ana oe me ka pela nolunolu uwea o ka honua; ina aole, i ka lepo iluna o ka pela nolunolu o ka mauu.

            Ma ka la 28 o Novemaba, o ia ka La Kuokoa, na hoike mai la oia i kona nani nui, me he la, o ko ke Akua Mana Loa makemake ia; o ia ka piha ana o na makahiki he 53 o ke kuokoa ana o Hawaii nei, aiai na Mana mai o ke ao nei, oia o Beritania me Farani, a e hoomauia ke kuokoa o ke Aupuni Hawaii nei. 

            Ua malamaia he mau paina lehulehu, ua ai na mea a pau me ka lawa pono, e alualu ana ia Hanale e hoopiha ia Keoni Bulu, na Keoni Bulu i kaohi mai ua pau, oiai, e iho ana o luna e pii ana o lalo, ua ehaia au ia Keoni Bulu, uwese lale, eha oe ia'u.  Ua malamaia ae he halawai o ka Hui Aloha Aina ma Kapaau, Kohala Akau.  Ma ka pau ana o ka halawai, ua malamaia he paina a me ka haiolelo no ka La Kuokoa o Hawaii nei, e na kupa o ka aioa Haaheo o Kohala, me ka maikai.  Aole i ulu he haunaele ma ia la a lawe.  Lehua i ka la He mau hooaanea ma ia po a huli hoi no ka home.

            Ma ka La Sabati, ua naue aku i ka pule ma ka halepule o Kala hikiola.  I ko'u nana ana aku he mehameha na noho, aole hoi e like me mamua, i ahooa i kamalii kula o Mauna Oliva.  He kahunapule hou a me ke kahu kamaaina Rev. S.W. Kekuewa.  No ke kuee o na hoahanau me ke kahu, o ia ke kumu i piha ole ai ka halepule; he uuku na hoahanau iloko, o na poe no i hoohiki ma ke Aupuni Repubalika ka i hele mai i ka pule.  No ke aloha aina, ua malama o he mau hale halawai ma na apana pakahi.  Oiai, ke mau nei no ke kupaa o na kanaka mahope o ka aina, ka aina i alohaia mai na kupuna mai, i naiia ai e Kamehameha I, ka Napoliona o ka Pakipika nei, a me ka lokahi o koaa mau koa, a me na pu-kaua o ia au i hala aku la i hope.

                                                                                                                                                                                      Ma ka po Karisimaka, he nui ka ua, mai ke ahiahi mai o ka Poaha.  Ma ia po i hoonanea aku ai ka hui Puuwaialoha Club.  Hoomaka mai Mahukona mai, ua haalele ia laila, pii pololei no ka uka anu o Puuhue, malalo o ke pailaka ana a kekahi keiki kamaaina o ia mau kualono.  Oiai na lio e haulani ana, ua loaa mai la lakou i ka ua nui e haluku ana, aole nae lakou i kuemi hope; ua nee aku la no mua me ka hopo oie a na ka nui o ka ua i kono mai e komo ma ka hale kamaaina.  Ua hoonanea malaila, mai laila aku no kekahi hale okoa aku, a malaila i kuupau ai a hiki i ke ala ana mai o ka ona nona ia hale, ua hoolawa piha ia aku kona makemake a pau pono, a ua hookuu maikai mai laua me kana lede maikai, uwese kanana, ua eha oe ia'u i ka po nei, e he he ne a ha ha na.  Eia makou ke ka nei i ka lopo (he olelo kahiko o Hawaii nei), a motio pono ka ihu o na lio no Puuhue, ia ala hoopiipii, nona nei wahi lalani mele:

Ua nani Haena i ka ehukai,

Haaheo ana i ka lau o ka niu,

Mea ole ka loa o Puuhue,

I ka haulani a ka ihu o ka lio,

Ilaila makou ike iho ai,

I ke ahe anu huihui houhou ili o ka aina,

He nui makou ka hele'na,

O nei kula loa e hele nei.

            Puka ilaila, hoopaa ka laina o ka moku holo honua (lio).  Komo maloko, ua pa hakea aia keiki lalawai o ka uka anu o Puuhue, ua hoonanea malaila he mau hora, a me na hookipa maikai ana ia po, a me na koiikoi ana a ka makemake.

            Ma ka pau ana o na hana ma ia wanaao, ua haawi mai la oia i na huaolelo hoolana e hauoli si ak manao.  Ua ulele hou aku la no Kehena.  Ma ia alanui hele akahi a ikemaka kekahi o ko'u mau hoa ia ale hoopiipii a hookui ana me na makani paio ma ke ala mai o Puuhue Puu, he ui ninau na hoa, ohea keia wahi; ua haiia aku me ka maikai ka inoa o ia wahi, a hiki i ka hale kamaaina, aia hoi, hone ana ka leo o ke kahuli ia wanaao, a komo maloko.  Ia wa i hooipo mai ai kekahi o ko'u mau hoa me lihilihi anuenue a me anoipua, ua hiki mai o Kaululaau, me na kepau pipili (i hoopipiliia ai na akua o Lanai), a na ka leo kolohe o na hoa i hoopuiwa ae, me he la, ua hooipo pu paha me Laieikawai i ka uluwehi o Paliuli.

            Ma kakahiaka ana ae, ua pahola mai na kamaaina he papaaina Karisimaka, ua ai a lawa, ua inu a kena, a na Keoni Bulu i kaohi mai, ua ehaia, ua holo o Hanakele.  A haalele ia laila no Puuhue, malaila i hoonanea ai, a pahola hou ia he papaaina ma ia auwina la, ilaila i ike iho ai i na kohi kelekele a ka Puukolu e hiki ole ai ia oe ke hoohalahala iho.  Ua lawa pono kou makemake ma ia papaaina Karisimaka i paholaia mai i na poe a pau i naue aku, e na keiki kupa o Puuhue.  Ua hoonaneaia he mau mele, a uhi ke ano ahiahi, huli hoi no ka home me ka manao hauoli no ia La Karisimaka.

            Ma ka Poaha, Dekemaba 31, o ia ka ia hope o kela makahiki i hala aku la, ia kakahiaka ua ano e mai la ka moana me ke ano oaniani makaui makai mai, e hoike mai ana he ino a heea mai.  I ka aui ana ae o ka la, hora 1 paha, ua hoomaka mai la ka ua me ka ikaika loa mai ka moana mai.  E hoike mai ana o ka la hope o keia makahiki e pau ana, o kona mau kuluwai make hope ana ia a hala ia makahiki me kana mau pono, a hoea mai la ka makahiki hou, o ia ka la Hape Nu Ia, la 1.  Ua malamaia he mau paina he nui ma ia la, me ka hauoli nui no ka loaa ana o keia makahiki hou me na ulia ole he nui, me ka ulu ole o ka haunaele me ka maikai.  Ua ai na mea a pau me ka hauoli, ua kalua na poaa momona e pii ai ka eha i ke kumu pepeiao, "ua heha Waipio i ka ua noe."

            He hoike Kula Sabati no ke aloha aina ma Kapaau, Kohala; ua malamaia na haawina me ka maemae, a me na himeni, a he mau haiolelo no ka loaa ana o keia makahiki hou me ka maikai.

            He heihei lio no ma ia la, a no k@ ua aole i heihei na lio mamuli o ka pakika o ke alanui, no ia kumu i holo ole ai.  Na wai ana la ka eha i ka la e heihei ai keia mau lio, na ua oiwi paha o o ka aina, a i ole ia, na ua keiki paha o Potugala?  Ma keia Poaono e ikeia ai na eha a laua.

            Ma ka Poaono ae, ua kaahele aku au ma ke alanui e imi ana i na mea hou o ka la 1 o Ianuari, Hape Nu Ia, ua o alaala no kekahi, a ua paluku aku o Adamu i kana Ewa a ua miko mai la i ka paakai, me ka mea a ka palahu pokeokeo i mua o ka Aha a Akina ma Kapaau.  "Ua luhe paha i ka wai a kanaulu," o ia ke kumu i ulu mai ai.

            Ua nui ka hookipaia mai ma ia alahele me ka maikai, ua ai a lawa i ka oluolu o kamaaina heahea me ke kipa ana aku e paina a ua hoea i na pali kiekie o Pololu, aia hoi na loi laiki a ua Pake e waiho kahela mai ana.  He nani maoli no, a ua huli hoi mai a kipa ma kekahi hale ka maaina ma ka hookipa ana a kekahi iwa maka palupalu.  Ua hoonanea me ka paina pu ana.  Mai laila mai huli hoi no ka home, a ua halawai au me ka hai ipo ia po pouli nui anoano.  Hora 8 puka no ka home.

 

  PUUWAIALOHA CLUB.

   Kohala, Hawaii, Ianuari 7, 1897.

 

  E Kipa a e Ike Ae

            I kela hoa oiwi o kakou, ia S.M. Kamakau, ma ka halekuai waiona o Lovekeoe Ma, kihi o na alanui Nuuanu a me Marine.  He heahea a he oluolu oia, a ua loihi kona kamaainaia ma ia haale, malalo o kona mau haku mua elua, i make.  O na waiona maikai wale no ke loaa malaila, a pela no hoi me na waina Kaleponi maikai loa.  Oluolu na kumukuai, a pela no me na hookipa a kuka pu ana me ua hoa la malalo o kona mau haku hou.

 

MORIKAWA.

Ka Oi ma Kana Hana.

Ua nee ae nei kona hale hana mai Alanui Betela a i ka Halelio o Akana, Alanui Konia, mauka o Alanui Hotele.

 

Amara a Mea Hana Kaa me ke Kapili Kapuai Hao Lio

Oluolu loa ka uku o ka hana, i hiki ole i na poe e ae ke lihi launa aku.  jun 8--3ml.

 

C.E. Williams me Keiki

Ed. A. Williams, Luna Nui.

Helu 611, Alanui Moi, ma Ewa iho o ka Pa o Aigupita.

He mau mea kuai lako hale o na ano a pau loa.

            He mau mea Hana Pahu Kupapau a Hooponopono Hoolewa.

            E hoolakoia no na Kaa Kupapau, na Kaa ipo a me na Kaa ohana.

            Ina no e ninau ia laua, e loaa no na Pohaku Kia Hoomanao no na He Kupapau.

            O ka Ialoa kekahi hana hiki loa ia laua, aia ia malalo o ka lawelawe ponoi ana a Ed. A. Williams, F.D., he mea i puka pono mai ka Kalaka Kula o ka Ialoa Maikai ana iloko o Mei, 1894.

NA TELEPONA

Keena, Helu @@@--Kauhale a me Kahea Po. Helu 815

@@@ @-mp.            @@@ @-mp.

 

           

LAST COLUMN UNREADABLE