Ka Makaainana, Volume VII, Number 2, 11 Ianuali 1897 — Page 7

Ka Makaainana.

Honolulu, Oahu, Poakahi, Ianuari 11, 1897 – page 7

 

NA AINA MAMAO

 

Mau Lono Huikau mai kela a me keia Wahi Like Ole.

Na Mana Europa me Tureke

            Mamuli o ka hana like ana o ka Emebasedoa Rukini me na elele o Beritania Nui, Farani, Italia, Geremania me Auseteria, ua kipa ike aku oia a ua kukai kamailio pu me ke Suletana Abedula Hamida i ka Peaono, pela ka hoike o kekahi lono mai Konakinopela o Dekemaba 28, a @ kekahi hoi keia o na kukai kamailio lehulehu pu ana i malamaia no kekahi makahiki i hala ae maluna o ia kumuhana hookahi oia hoi, ka hoopenepono a hooko ei loa ia ae o na hana kuloko o ka emepaea Tureke.

            Ua hoomaka aku ka elele Rukini ma ke ao ana aku i ke Suletana a me ke Aupuni o Tureke ina e lalauia ana na loaa i hookaokoaia no ka hookaa ana i ke Tureke aie, alaila, he mea maopopo loa o ka hopena aku o ia hana, o ke komo aku o na Mana e hoomalu i na hooponopono dala ia ana o ka eme paea.  A ua hoike hou aku no hoi o M. Nelidofa, ka Emebasedoa Rukini, i ke Suletana no ko ke Za hooia i kona hoopakele pilikine ia a ine kona hoolilo hoi iaia iho i mea e kakoo a e hoomauia ai o ko ke Suletana kulana poo a oi kelakela ina e ikeia ana e na Mana he mea kupono ke lawelawe oolea aku.  Eia nae, ua paakiki a mumule ke Suletana, e hoole loa ana i ka ae aku i kekahi an@ hana ma ka aoao mai o ma Mana e lilo aku aio ka hooponopono ana, ma ke ano pili i na loaa a ano @ ae paha.

            Wahi aku a ka Emebasedoa Rukini, ua lilo ke kulana o ka emepaea Tureke i mea e hoonaueue a e hookulanalana ai i ka nohoalii a me ke kulana Kalifa (Moi). Mamuli hoi o ia, ua pane kuoe aku o Abedula Hamida: “Malia owau ana paha ka hope loa o na Kalifa, aka, aole loa au e lilo iki ana i Kedive elua.”  A mawaho ae hoi o keia mau olelo ao, ua hoouna palapala aku o M. Nelidofa i ke Aupuni Tureke a i ka halealii, a ua lilo ia palapala i mea ano nui iwaena o ka poai o na elele.  Ua kuhikuhi aku ka oia me na olelo moakaka loa i ke kupono no ke Suletana e hooko aku i ke ao a na Mana a e hana pu aku me ka lokahi like me ka lakou mau hoolala ana no ka hooi ae I ka maemae a me ka maluhia o ke kulana, me ke ao hou aku no hoi o ko ke Suletana hoele ana i ka hana aku pela, he mea no ia e loaa mai ai o na hopena awahua a maikai ole loa.

            E halawai hou ana na Emebasedoa o na Man@ e kukakuka no ke kulana, a e akoakea hou no ma ia mua aku no elua manawa o ka pule a hiki i ka pau pouo ana o ka lakou mau ao ana i ke Suletana a me kona poe ao aku.  Mamuli o ke na olele hana like aku, e malama loa ia ana ka lakou mau kukakuka ana iloko o ka malu loa, pela no me na mea i hooholoia a i manaoia paha e hoohana aku, a aole loa no hoi e hoike iki aku i na elele o na Mana e ae i komo pu ole aku no na mea i hooholoia no ka hooko aku.  Ua lilo hou ka keia ke@hina i lawelaweia ma ka aoao o na Mana, pela ka lonoia ae, i mea ano nui loa iwaena o ka poai o na luna oihana, a mamuli hoi o ka hoopukaia ana ae o ke kuahaua huikala, ke hookuu mau ia la@ kela a me keia la ma na pualu o 15 poe pio Amenia ma Asia Uuku, a ma ia kulana kauhale a me na wahi e pili kokoke aku ana.

 

Kuikahi Malu Geremania me Tureke.

O ka mea i hoikeia ae aia ka he kuikahi malu mawaena o Geremania a me ka Sultana o Tureke, na loheia ae ia ma Wasinetona i Dekemaba 28 ma o kekahi palapala i loaa ae i kekahi luna o ke Keena o ko na Aina E mai Konakinopela.  Ua kakauia ka ua palapala la e kekahi mea mana kiekie loa o ke Aupuni Tureke, a ua hoakaka ae I ke ano o keia kuikahi malu ana, he mea ka ia o hoopahua ae ai i ka Rusia a me ko Euelani hookauhihi aku ma pa palena o ko ke Suletana mau okana aina ma kona emepaea.

Ko Tureke Haawina Ai pakiko.

            Ua hoikeia ae ma Konakinepela, Dekemaba 28, o na kohokoho ana no ka bila haawina o 1897, ua oi ae na loaa mamua ae o na hoolilo ma kahi o 82,000 paona Tureke.  O ke kumu mai ka o keia, mamuli no ia o ka hoemiia ana mai o na kohokoho kaua he 1,000,000 paooa Tureke, mamuli o ka pokeia ana ma kekahi mau wahi e ae, a mamuli no hoi kahi o ka hoomahuahuaia ana ae o na auhau.

 

Hulili na Maka o ka Bea ia Iapana.

            No Parisa ae kekabi lono i ka nupepa Garafika o Ladana, Dekemaba 25, e hoike ana ka ke mo ku la he 15 mau mokukaua ma Valadivosetoka, Siberia, no ke kiai aku i ka Aina o ka La Hiki o kimopo hou ae ka oia ia Kina, oiai, pela wale no ka haupuia aku no ka akoakoa o keia poe aumokukaua malaila iloko e nei wa anu aaki.

 

Kupilikii Kulana ma Manila

            E hoike ana kekahi lono mai Sinapore ae i ka nupepa Manawa o Ledana, Dekemaba 10, penei:  La haalaniuia ae la na koa, Sepania i hoounaia aku ai i @a mokupuni Pilipine ma Manila, a aia hoi he 50,000 poe kipi ma Cavite.  He kupilikii ke kulana malaila, a ua hoalaia ae kekahi komite malama ole iwaena o na haole Europa ma Manila.

 

Lono no Iapana me Hawaii.

            He palapala no Wasinetona ka i loaa ae ma Nu Ioka, Dekemaba 24, e olelo ana aia o Iapana ke nooholomoku la ia Hawaii me kona mau makaainana no ka hoopio akahele ana aku ia mau Paemoku iloko o ka maluhia.  Aohe nae hoi i hilinaiia keia mea, eia nae, ua pakuiia ua hoakoakoa ae ko Iapana Legationa i na ike a pau e loaa ana no ko Hawaii mau launa ana me na aina e ae.

 

Anaiia he Puali Holookoa

            No Ki Komohana, Felorida, ae ka lono i loaa i ka nupepa honua o Nu Ioka o Dekemaba 27, e hoike ana ua anai pau loa ia aku ka Puali Hoku Mehameha o ka pualikaua aloha-aina o Kuba Komohana.  He 15 wale no ka nui o keia poe a he poe ki pu pololei wale no a pau no Teka@a aku, Amerika Huipuia.  Ne elima hora o ko lakou paio ana me ka huluaa loa a hiki i ko lakou pau loa ana i ka make i ka heluna nui hewahewa loa o no koa Sepania.

 

No na Olelo Hooholo Ike ia Cuba.

            Aia ka a pau ae na la hoomaha kulaia ana o ka Ahaolelo alaila, lawelaweia aku na hana hope loa e pili ana i na olelo hooholo a ka Aha Senate no Kuba.

            Ua hoike ae ka hoi o Peresidena Kativilana e noho no oia me ka hoomaopopo ole aku, ina ia a manao ana pela, i kekahi olelo hooholo, i ae like ia a hooholo lokahi ia paha, a ka Ahaolelo e heoholo ai no ka ikeia aku o ko Kuba kuakoa.

 

Omaimai o J.W. Foster a ua Pohala.

            No Wasinetona ka lono o Dekemaba 11 ua loohiaia ka o Keoni Poka, Kuhina Nui mua i pau o Amerika Huipuia, a he Ioea naauae hoi ma na kanawai lahui, me kekahi anu ikaika iaia i huli hoi aku ai mai Hawaii aku nei, a aa hele loa no i ke ano kukonukonu a kupilikii loa; aka, ua lohe hou ia mai no nae hoi ua pohala oia a ke pii ae la kona oluolu a palekana loa.

 

Aelike Palukuluku a na Kaeaea.

            Ua kakauinoa ae o Kimo Kobeta i kekabi aelike ma ka Hotela Tela, kulanakauhale o Iereae, i Dekemaba 17, no ka hakaka aku me Robata Fitisimona a hoea i ka hopena ma Mar@ki 17 ae nei, no ka huiua @@l@o $15,000 ma kahi e hoikeia mai ua e Daniela Setu@ta, he kanekolu la mainua ae o ka la e hakaka ai.

Hoolaha Manao Hooko a Kuai

a ka Mea Paa Moraki.

            I kulike ai hoi me na hoakaka ana o kekahi Moraki i hanaia e Konale Markham, he wahine kanemake, ia O.P. Emerson, i Augate 6, 1892, a i kulike ai no hoi me na hoakaka o kela pakui hou iho i ka Moraki i oleloia i hanaia e Konale Markham i oleloia ia Emerson i oleloia, i Okatoba 18, 1892, a ua kopeia hoi ka Moraki kumu ma ke Keena Kakau Kope, Oahu, iloko o ka Buke 139, ma na aoao 174-5, a o kela pakui hou iloko o ka Buke 138, ma na aoao 302-3, a o ia Moraki a me ka pakui hou ua hooliloia e Emerson i oleloia ia J.A. Magoon, ke hoolahaia aku nei ma keia ua manao ka mea i lilo ai o ka Moraki i oleloia e hooko aku no ka uhakiia o ke kumu aelike, oia hoi, no ka uku ole ia o ke kumupaa, ka ukupanee a me na auhau i ka wa i kauohaia ai no ka Lookaa ana.

            Ke hoolahaia aku nei no hoi, mahope iho o ka pau ana o na pule ekolu mai keia ia aku, e hoolahaia aku no ka waiwai i hoopaaia ma ua Moraki @a no ke kuai a e hooliloia aku no ma ke kuai kudala akea ma na keena kudala o Jas. F. Morgan, Honolulu, ma ka Poalua, Ianuari 26, 1897, ma ka hora 12 awakea o ia la.

            No na mea e ae i koe, e ninau ia J.A. MAGOON, Mea i Lilo ai o ka Moraki i oleloia.  Hanaia Honolulu, Dekemaba 21, 1896.

 

 

Penei iho ka waiwai hooliloia aku ana:

            O kela apana aina a pau loa e waiho la ma Kalihi, Oahu, a i hoakakaia maloko o ka Palapala Sila Nui 679, Kuleana 1200, no Halekii, nona hoi ka ili o Elua a me 7-100 Eka;

            A pela iho no hoi me keia apa@a aina a pau loa e waiho la ma Kalihi i olelo mua ia, i hoakakaia maloko o ka Palapala Sila Nui 1255, Kuleana 1205, nona hoi ka ili o 55-100 o ka Eka.

            Kuike ke kumu, ma ke dala gula o Amerika Huipuia.

            I ka mea kuai mai na lilo palapala.  dek 21-4m@w.

 

Hoolaha Manao Hooko a Kuai a ka Mea Paa Moraki.

            I kulike ai hoi me na hoakaka ana o kekahi Moraki i hapaia e George Wond a me Hatte K. Wond, kana wahine, ia Emma M. Nakuina, i Sepatemaba 30, 1891, i kopeia ma ke keena o ka Luna Kakau Kope, Oahu, iloko o ka Buke 129, ma na aoao 450 a me 451, a ua hooliloia hoi ua Moraki ia e Emma M. Nakuina i oleloia, ia Miss Agnes McIntyre, ke hoolahaia aku nei ma keia ua manao ka mea i lilo ai o ka Moraki i oleloia e hooko aku no ka ubakiia o ke kumu aelike, oia hoi, no ka uku ole ia o k@ kumupaa, ka ukupanee a me na auhau i ka wa i kauohaia ai no ka hookaa ana.

            Ke hoolahaia aku nei no hoi, mahope iho o ka pau ana o na pule ekolu mai keia ia aku, e hoolahaia aku no ka waiwai i hoopaaia ma ua Moraki ia no ke kuai a e hooliloia aku no ma ke kuai kudala akea ma na keena kudala o W. S. Luce, Honolulu, ma ka Poakolu, la 27 o Ianuari, 1897, ma ka hora 12 awakea o ia la.

MISS AGNES McINTYRE

Mea i Lilo ai o ka Moraki.

 

            Penei iho ka waiwai e hooliloia aku ana:

            O kela mau apana aina a pau loa e waiho la ma Kaili Place, Kalihi, Honolulu, a i hoakaka maopopo loa ia o na Apana Helu 11 me 12 maluna o kekabi kii-aina a palapala-aina paha, i kopeia ma ka Buke 120, ma no aoao 391 a me 392, maloko o ke Keena Kope o na Palapala Hoolilo, o ka huina ili nui o na wahi i oleloia he 12915 kapuai kuea, oi aku a emi mai paha.

            Kuike ke kumu, ma ke dala gula o Amerika Huipuia.

I ke mea kuai mai na lilo palapala.  Job 21 - @@@@.