Ka Makaainana, Volume VII, Number 2, 11 January 1897 — Page 3
| This text was transcribed by: | Kate Motoyama |
| This work is dedicated to: | the very dear jadoo motoyama I |
Ka Makaainana.
HONOLULU, OAHU, POAKAHI, IANUARI 11, 1897 3
OULI PAHAOHAO.
--
Hoike ka Po i ke Kamahao a
Ahuwale hoi i ke Ao.
I ka wanaao La Pule, o ia hoi ka la 30 o Augate, 1896, ua loaa iho la ia'u kekahi hihio, ma ke ano e makemake ana wau e aia. Eia nae, aohe e hiki, ano lulumi hou iho la no e hiamoe. Ia manawa, loaa iho nei ua wahi hihio nei ia'u, a o ia iho keia malalo:
He ekolu ko makou nui iloko o ko makou wahi pupupu hale, ia manawa ike aku nei makou i kekahi rumi ma kahi aoao o ko makou wahi hale, a o mama ko loko o ua rumi nei, e hoomakaukau ana i wahi e hana ai i kekahi papa ahaaina a me kekahi papa ahaaina a me kekahi wahi e haipule ai no ka la nui ke hiki mai. Ia manawa puka aku nei ko'u uhane mawaho o ka lanai; a ia wa ike aku nei wau ia Halealii makai pono o ko makou wahi hale, ua hele a uluwehiwehi me na lau nahelehele like ole o kela a me keia ano pua like ole; ia manawa ike pu aku nei au i na moe kalunu o na 'lii mawaho o ka lanai o ua halealii nei, ia wa i puka mai ai kekahi o makou a ku iho nei me a'u, a ia wa i ninau aku iho nei me a'u, a ia wa i ninau aku ai ko'u wahi uhane: "Ano e ka hoi ka mea nana i hana kela mea." Ia wa i pane mai ai ko'u wahi kokoolua: "Heaha hoi ka mea i ano e ai o ia mea, ka i no hoi o ia lau nahelehele, ua like no hoi ia me ka have Hawaii, a o ka mea no hoi ia e hauoli ai oukou e ka lahuikanaka."
Ia wa i pane hou aku ai ko'u wahi uhane. "He kanaka no ka paha ko ka poeleele e hana nei i na lau nahelehele i ka halealii me ko kakou wahi hale nei." Ia wa i pane hou mai ai ko'u wahi kokoolua: "Pupuleia paha oe e walaau nei." Ia wa i pane hou aku ai ko'u uhane: "Ka,, no ke aho e no paha kahi o keia mea a'u e ike nei." Ia wa i pane hou mai ai ko'u kokoolua: "Hulia paha kaua mauka la," a ia wa huli like aku noi maua, ike aku nei maua i kanaka e hoomakaukau ana i wahi e hana ai i kekahi papa ahaaina, a me kekahi wahi e haipule ai no ka ia nui, ke hiki mai, koe nae keia, aole i maopopo ia'u ke ano o ua la nui nei, a puiwa ae la wau.
MRS. LULUMOE JOHNSON.
Na Wehewehe a ke Kilokilo.
O ka ike ana "i ka makuahine e hoomakaukau ana i wahi no kekahi papaaina a me kahi e haipule ai," he hoike ka ike ana i ka makuahine no kekahi wahi pomaikai iki. O ka ike ana i ka hoomakaukau wale no me ka maopopo pono ole o ke kino o ka papaaina, he hoike ia no ka pihoihoi; he malihini hiki mai paha, a he kouoia paha e hele aku no kahi mea i makemakeia, a i ole, he mau noi no na hana kokua aku no kahi ahaaina paha. Aka, ua hui pu no nae ka hana hoomakaukau papaaina me ka hana hoomakaukau wahi haipule, a ua awiliwili pu ia mau mea elua, nolaila ua like ia me ka holopono ole o na hana. A in a ua awiliwili pu ia mau mea elua nolaila, ua like ia me ka holopono ole o na hana. A in a ua ike pono maoli ia aku hoi kahi e haipule ai, he hoike ia no ka oluolu o ka manao, aole nae i hoike pono loa mai ka moe me ka moakaka, he ano huikau ia me ka pono ole.
A in a ma na rumi e nana aku ai malia paha he lehulehu wale na mea e mokaki ana iloko o ka rumi, e laa ka wahie a mea e ae paha, he hoike ia uo ka eha a ma'i paha, a i ole, he hana hooluhi.
A in a ma ka pupupuhale ka nana ana, he hoike ia no ka hana oolea me ka ehaeha.
O ka ike ana "i ka Halealii i ka uluwehiwehi i na lau nahele me na pua like ole o kela ano keia ano," he hoike ia no kekahi hana maalea, aia no he uluwehiwehi no kekahi mau mea pono ole e makalapua mai ana; a in a e loli ae keia halealii i ke kulana o ka halepaahao, o ka ikeia ana aku no ia o na hana maalea iloko o ka poino; a i mahu pu iho hoi he maalahi ka hoi ia.
O ka ike ana "i na moe kalaunu o na 'lii e waiho mai ana mawaho o ka lanai o ka halealii." he hoike ia no ka pomaikai a me ka noho ana ulakolako o ke kuonoono. Aka, in a ua aui ae ka hoike o na moe kalaunu ma kekahi ano okoa ae, alaila, e huliia kona ano okoa ae ma ka inoa (moe) penei: Moe, aole ia he ala iluna, he hina ana ia no ke kino ilalo a waiho pololei a pupuu paha. Moe, he pili ana ia no na maka me ke kaakaa ole ae, he hoomaha ana i ka hana a na maka me ka hana a ke kino, O keia mau hoike ae la, ua pili no ia i ka hiona o poino a me make. Nolaila, o ka nani o na moe kalaunu i ikeia aku no na 'lii, he poino ia maloko o ka Halealii i lilo ae i ke kulana halepaahao, a kau i ka moe ahamaka, in a paha ua pili ae ia i na makaainana o ke Alii.
O ka ike ana "i na kanaka e hoomakaukau ana i paa ahaaina a me kahi e haipule ai," he hoike ia no ka pihoihoi o na kanaka, no kekahi la i maopopo ole e hoea mai ana, a he poino paha; no ka mea, ua awiliwiliia na hana elua, o ka hoomakaukau i ka papa ahaaina, ma ko ke kino iho ia, a o ka hana haipule hoi ma ko ka uhane ia. Nolaila, ua hoike mai ka hoomakaukau ahaaina i na hauoli o ke kino, me ka lealea a me ka poino; a o ka hoomakaukau haipule ana hoi, ua hoike mai ia i ke noi a me ka mihi me ka mihi me ka ehaeha. Heaha la auanei ka hana ehaeha e hoea mai ana?
O ka olelo he "have Hawaii na launahele a me na pua," he hoike ia no na olelo hoopeepee a hoea mai ana.
A o ka olelo e i ana "o ka mea no hoi ia e hauoli ai oukou e ka lahuikanaka," he olelo hoonalonalo no keia, me he mea la, e i mai ana, e ka mea ia o oukou e mumule ai no ka hopena o ka oukou mau hana.
O keia ka hopena o na wahahee a ke Kilokilo; auwe! hewa ae la ka hoi ia olelo; he mea puu ka hoi keia no ka nuku o Iwakalua.
KILOKILO DIMERATA.
--
Kikowaena Kinaiahi Hou.
Awakea Poakahi, Dekemaba 28, i weheia ai na kohokoho no ke kukulu ana i ka hale kiko waena hou o ka Oihana Kinaiahi, ma ke kihi hikina o na alanui Papu me Beritania, ma ke Keena Kalaiaina. Ke maopopo ae ka mea e lilo ai o ka hana, e hoomaka koke ia aku ana no ke kukulu ana i nei hale uinihe pa hou. Penei iho na kohokoho ana:
E. B. Thomas . . . $25,366
John F. Bowler . . 25,811
Fred Harrison . . 25,856
F. H. Redward . . 27,000
Arthur Harrison . . 27,350
Lishman & Ouderkirk . 27,997
H. Patzig . . 31,500
Lo@s Bros. . . 32,138
--
Ahaiia Mai me ka Hoihoi Ole.
Ma Kawaihae i kau ia o Palmer P. Woods, luna nui o ke kahua hanai holoholona o Puuhue, iluna o ka mokumahu Lehua me ka manao e pae ma Mahukona, aka, no ka nui launa ole mai o ka ino, ua hiki ole ke hookoia kona manao a lawe loa ia mai la oia no Honolulu nei a pae mai i ka hora 11 a m. paha o ka La Haope Nu Ia. Ua lele mai oia me kona mau pono hoohei bipi a he kohu kanaka ahin ke nana aku. No nei na wahi aahu maemae a kupono i loaa iaia a ua huli hoi aku no i ka Poaono, la 2 nei, ma ke Kinau.
--
Kohokoho Laau Hana Uwapo.
Mahope iho o ka weheia ana o na kohokoho no ka hana ana i hale kikowaena hou no ka OIhana Kiuaiuhi, ua wehe pu ia ae no na kohokoho no na pou. na kua a me na papa no ka hana ana i na uwapo o ke awa nei no ke Aupuni. Ua lilo ia Lui & Kuke ka aelike no ka hoolawe ana i na ano laau a pau no $14 - 25 o ke tausani kapuai hookahi. Ia Alani & Lopikana hoi ka aelike no na pou mai ka $14 30 a ka $17 90 no ke tausani kapuai hookahi.
--
Hoomaikai i ka Hapauea.
Dekemaba 24 iho la i piha ai ko H. A Wilimana mau makahiki i ke 74. Ia kakahiaka i akoakoa ae ai na keiki a me na moopuna ma kauhale a haawi nui aku la i na hoomaikai ana o ka la iaia. Maluna o kekahi pakaukau i waiho ai he meaono nui a ua hoopuniia me 74 ihoiho e a ana. Pau ma kauhale, ua iho mai ka hapaauea no lalo nei, a ma ka hale o ke Kalahu Pakipika, ua haawiia aku ua hoomaikai ana o ka la@aia e na hoa'loha malaila.
Hoike Make o Dekemaba.
He 54 ka nui o na make no ka malama i hala ma khi o 65 no ia malama like o 1895, 75 no 1894, 55 no 1893 a me 54 no 1894. O kakou oiwi no ka oi aku o ka mae, a penei iho ka mahelehele ana ma na lahui: Haaii, 28, Pake 10, Pukiki me Kepani, 2 pakahi. He 10 poe i make i oi mamua o60 makahiki; 16 mawaena o 30 a me 40 a he 13 malalo o 13 makahiki. O na ma'i ano nui loa o na make, oia hoi, he 7 no ka puuwai, a he 6 pakahi no ka akepau a me ka numonia.
--
He hapaha hora koe a kani ae ka hora 12 o ka po hope loa o ka makahiki i pau iho la, mauka o Kapalama aenei, ua hanau mai la na ka wahine a Keoki Holo (Geo. H. Holt), he keikikane. Ola no ka makahiki 1896 ia pua omaka hou, a aohe no hoi he wa a komo i nei makahiki hou.
--
OLELO HOOLAHA.
--
Aole au e uku i kekahi aie i hanaia ma kuu inoa me kuu apono ole.
J. N. KANAULU.
Honolulu, Jan. 4th, 1897.
--
DR. C. A. PETERSON,
(KAUKA PITASONA),
Ua Nee Ae Oia a ka Helu 28
ALANUI EMA.
NA HORA KEENA:--8-10 A. M.; 2-4 a me
7-8 P. M.
nov. 30 TELEPONE 752. 3ml
--
NO KE KUAI.
He hale o Elima Keena, hookahi ana kahiki o ka paa ana, a me Elua Apana Aina ma Kalia, Waikiki ma ka mahele aina o Bruce Waring & Co., e hooliloia aku no i ka mea e makemake mai ana. Aia keia wahi ke pili kokoke la i kahi noho o E. S. Boyd.
KUMUKUAI:--$1,000; $500 ma ke kuike, a ma ka Moraki ke koena no ek lu makahiki ma ka 8 pa-keneta ukupanee.
No na mea i koe, e ninau ia
BRUCE WAKING & CO.,
a i ole, ia F. J. TESTA, ma ke keena o keia nupepa. sep 7--mp.
--
HELE HOOLUOLU
O. R. L. Co.
MA NA POAONO A ME NA LA PULE.
E haalele mai no na Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 a me 5:55 P.M.
Na Palapala Uku Puni
Papa 1. Papa2.
Manana $ 75 $ 50
Mahiko o Ewa 1 00 75
Waianae 1 50 1 25
F. C. Smith,
Agena Ohua a Palapala Nui
feb10-tf
--
Hui Papa a Kukulu-
Hale Oahu
(OAHU LUMBER & BUILDING CO.
Leleo, Alanui Moi, kokoe i ke Ka
hua a ka Hui Alahao & Aina Oahu
--
Poe Kalepa Laau, Hana Aelike
a me Kukulu Hale.
Poe Hookomo Mai a Hoolilo
aku i na
Puka, Olepelepe, Kui,
Pepa, Pena, Aila,
Na Pono Kamaua,
A pela aku, a pela aku
Telepone 53. Pahu Leta.
@