Ka Makaainana, Volume VII, Number 2, 11 January 1897 — Page 2

Ka Makaainana.                                            

HONOLULU, OAHU, POAKAHI, IANUARI  11,  1897

 

 

 

LEONE DE BOANE

--------------

KA MEA OHUMU KIPIO COADOVA

-------------

MOKUNA  II.

--------------

KE ALOHA I KA IWIHILO.

-------------

(MAI KA HELU 1,)

 

            "Malia paha he makemake kou e haawi aku au i ko'u lio, i kela lio o ka powa i lilo pio mai ai ia'u, a e hele aku au malalo."

            "O ka'u no ia i manao ai, e Gaberiela."

            "Pela no hoi au ia manao wale iho ai no.  A pehea hoi, aole anei ou manao ua oi aku ka pono owau ke ukali pu aku i ka lede, a nau no hoi oe e hele hoo kahi ae mahope?"

            "Pehea ia?"

            "Ua manao au owau ka i kupono loa o hele ukali aku no ka wahine opio."   "O oe, e Gaberiela?  Ha, ha,----he keu mai nei ka hoi a kou mikimiki a eleeleu i nei kakahiaka."           

            "Eia nae, ua kuio maoli no ua i ko'u manao."

            "Kuio?  No keaha----heaha kau i manao ia?"

            "Ua manao au ua lawa ko ka lede ike ana ia oe."

            "E Gaberiela!"

            "Mai huhu oe, e kuu haku; aka, e noonoo akahele mai.  Ua hiki iaia ke ike, a ua maopopo ia'u ka'u mea e kamailio nei.  Ano, ua oi loa aku ko ka wahine opio manao nou, i oi loa aku hoi i ko ka manao mahalo a hoomaikai mai--i oi loa aku hoi memua ae o ka manao e lawe ia oe i hoa'loha nona.  Aohe o@ kuleana e hoopaani wale aku ai no iaia.  Mai inaina mai oe.  Aole oo'u manao e haliu iho ana oe a hooopaani wale aku no me kou manao io maoli aka, ina oe e hoolalapa aku ana i ke ahi o ke aloha iloko o kona houpo, na kou noonoo ponoi iho no e hoike ae ia oe he hoohoka maopopo ia o ka manao a o ka hopena mai ia o ia."

            "Ua manao anei oe ua aloha oia ia'u, e Gaberiela?"

            Ina i naauao ka ukali, inala ua hoololi ae oia i ka lana kamailio ana, me he la, aohe ona hoomaopopo io ia mea; eia nae, ua hoopono loa oia, a ua ike ole hoi heaha la ko ke aloha kokoia oolea loa maluna aku o ka naita koa loa.

            "Aloha ia oe!"  i pane aku ai me ke kuio loa.  "Auwe no ka hoi e, ua kapalili kona puuwai iaia i kamailio ai ia oe, me he manu nunu la i eha.  Ua noho au a kilo aku iaia, a ua ike aku @  pau loa me he a@iani la ke ahuwale mai"

            "A ke manao nei au owau no hoi paha kahi au i kilo mai ai?"

            "E mea hiki ole loa ia ia'u ke alo ae."

            "A ua ike mai no anei oe i ke kapalili o ko'u puuwai?"

            "Aohe i like me ia ke kapalili koke ae o kou puuwai, e kuu haku; aka, ua ahuwale oe i  ou mau maka.  No ia la, ua kupono loa e hookuu mai oe ia'u e hele pu aku me ia, oiai hoi oe e hoohala ana i kou manawa me kekahi mea e ae e loa ai he hope na oi ae o ka pomaikai."

            Ua hoomau aku no ka naita i ka hele ana me ke ano hakanu a nonoo, a hiki i kona ku ana a kamailio ae la:

            "E kuu Gaberiele, aole au i huhu no kekahi mea au i ka mailio iho nei; eia nae, ua makemake ole loa au e lohe hou aku i kahi mea e pili ana no nei kumu o ka kaua kamailio ana.  Na ko'u noonoo ponoi iho no au e alakai kaokoa aku, a maluna ponoi iho no o ko'u poo na hopena e hoea mai ana e haule iho ai.  Nolaila, e hoopau i keia a e hoolilo aku no ka wa i hala hope ae"

            O ka hoopena io no keia nana i hookikina aku i ka ukali e apo mai, a mai hoololi ae no oia i ke kamailio ana maluna o kekahi kumuhana e ae, koe wale no ua hoihoi ole loa kona haku e hoomau aku ia kamailio ana, nolaila, ua meha pu a mumule loa oia no ke koena aku o ka laua hele holoholo ana.

            Ia laua i hoea aku ai i kau hale, ua loaa aku ua ala na wahine, a ua makaukau hoi ka paina kakahiaka.  Mahope iho o ka ai ana, ua hele aku ka naita imua o Lula, a nonoi aku la iaia ibna paha e ukali aku oia a kona wahi.  Aole oia i makemake e hooluhi wale mai no iaia, wahi mai a ka ui nohea, aka uae, ua oi loa aku kona manao no kona palekana loa malalo o kona ukali pu aku iaia.

            He mea oiaio loa, aole ia he mea hooluhi wale iaia.  O kona ollu a hauoli loa hoi paha ia.

Aole i pau.

 

-----------------------

 

            Ma ka mokumahu Kalaadine o ke ku ana mai i Dekemaba 20 i hala iho la i pae mai ai o Jas. P. Saunders (Kimo) kumukula Euelani o Keanae, Maui.  Ua ukali pu mai la kana wahine, no ka hoihoi ana  i ka Home Makuahine Kapiolani e hanau ai.  Eia nae, aole i ko ia manao o laua, no ka mea, ia po iho no oia i hanau mai ai he kaikamahine.  A ma ko laua moku no i hoea mai ai i kli hoi aku ai laua i ke ahi@hi Poalua, la 5 nei, me ka laoa milimili hou me ka mai kai o ke ola o ke keiki a me ka makuahine pu no.

---------------------------

 

NA HOOLO MOEUHANE.

 

-----------------------------

 

Hoike ke Kilokilo i na Mahele i

Hookoia.

(Mai ka Helu 1.)

 

            (4).  Moeuhane.  A ma kahi o ia mea i haule aku ai, ike aku nei oia he mau kaa hali ohua e like me na kaa hali ukana o ka Hui Alahao, ua hele o luna a piha i na kanaka,  aohe nae i hiki iaia ke hoomaopopo aku ina paha he poe haole, a i ole, he poe Hawaii paha

            Wehewehe.  O ka hana a ke kaa, ua pili no ia i na mahele like ole, ua hookaawaleia kekahi mau ano kaa no na ukana, ohua, a pela aku.  Aka, o keia kaa, ua ikeia mai ia no  @ohua.  Nolaila, he kaa ohua ola ko ka po, he kaa ohua make paha ko ke ao.  A i hooiaioia o ka inoa Kuwili ma ka paa ana i ke one. 

            Ua hookoia keia, ma o ka loaa ana o kela a me keia i ke korelal, na ikeia aku lakou e laweia ana maluna o na kaa no ka hopena i maopopo ole aku ia lakou.  A ua ikeia aku no hoi na kino make e laweia ae ana no ka hookomoia aku iloko o ka pahu a laweia aku no ke kanu ana.

            Hookahi mea i wehewehe nui ia no keia mahele ae la ma o ka inoa Kahakaaukana, a o ka haina ano nui i hoikeia, he hele i kahi e ku ai na wawae a me kahi e noho ai maluna o ka aina.

            Ma keia wehewehe ae la, aole ia i hoea piha mai i keia wa, akaa, eia nae na hiona paialewa ke ikeia aku nei, a o ke kahua nui o keia mau hiona paialewa, o ia no ka nele o ke Aupuni i ke dala ole, e hiki ai ke manao aku e ku aku ke Aupuni m a ke ano paa.  A ke mau nei no hoi ka  hanai ana a ka haua  ka inoa Kahakaaukana, ma o ka hua ole o na hana a na elele mana nui o Hawaii a hiki i keia la.  O Kakina ka mua, a pau ka pono i ka Lae-o-ka-Laau; o Kakela aku, o Hati, ma ke ano, pono noho wale aku no, a-pehe- aku la  A p Kupa aku nei hoi keia, iaia paha ka pono paa iloko o ka pahu.  O Pi Ki Keoni, ua hoi wa'e mai ia, a pela aku nei no hoi ia W. O. Kamika no Nu Kilaniako nei me Iapana.

            Oiai, ua huli hoi mai uei o Kupa me ka nele loa, o ka pau ae la no ia o na kanaka kupono a kakou ee hiki ai e loaa mai he aponoia a he pono no ke Aupuni.  O ka welo hope loa ia pau, aohe pua hou aku i koe.

------------------------------------

            (5).  Moeuhane.  O ua mau kaa nei ka hoi, moe mai nei kaoo no uka nei, a lele okoa nui mai nei @e ke kii o ke Akuawahine o ke Lanaki@a (Goddess of Liberty) o Amerika   Huiipuia mamua poono, ( i like loa ke ano me ke kii ma ke dala Amerika, he wahine e paa ana i kekahi laau iho ma kona lima akau.) a makau iho la oia a huli hoi aku la no kauhale, no Kapalama.

            Wehewehe.  Ina o keia mahele a he mahele e hoike mai ana i ka Amerika hana, me na mea kaua oia e hana ai i kana hana hoihoi Aupuni kumu, i like ai me ka hoike a kela  wahine Ameika me ka iho, alaila, e manaoio iho kakou, ua pololei ka hoike a keia mahele, a ua hooiaia mai hoi e ka inoa Kahakaaulana, e nele ana ke Aupuni, e kau ana maluna o Kahakaaulana, a e au hele aku ana i ka loa a me ka Iaula o na pilikia he nui.  A me he la, o kela kii "Akuawahine o ka Lanakila." o ia no oia nei ae i hala aku uei i ko na aina e.  No ka mea, o Liliuokaninea ka mea imua o na Amerika hoopono a pau e like me Kalivilana.  A o ia hoi ke kohu o kela kii mamua o keia poe i lele iho la mai luna iho o na kaa.  Ea, ua kokoke mai anei ka manawa?

            Ua hookoia kekahi hapa o keia wehewehe.  Aia o Liliuokalani i Amerika i keia wa, ma ke ano, o ke Akuawahine ia o ka Lanakila mai ka noho pio ae, a e ku aku ana oia he maka a he maka, he alo a he alo, he waha a he waha, he leo a he leo.

            Ua hookoia ka ihe.  O ia ke kaua ma Laeahi; no ka mea, he hoike ia no ke kaua.  A ina aole i pau ke koi ana mai a heia ihe  ma ka lima o ka Akuawahine o Ammerika, alaila, na Amerika ana no paha ia hana o ko kakou ike pono ana aku ia i ka hooko pau pono ia o na wehewehe  He elua mahele i koe, alaila, pau keia moe.  Ua lawa keia mau hoaiai ana, pela ka manao o

KILOKILO DIMERATA.

-------------------------

 

            Ahiahi Poana nei, oiai kekahi mau Kepani i holo mai ana mauka o alanui Kouia, a i ka hiki ana ma ke kihi o na alanui Hotele a me Kouia a huli malalo, ia owala ae la ka lio o kekahi Kepani a haule aku la oia ilalo me kona paa no i ke kaulawaha o kona lio, a kau hoi ae la no oia me ka loaa ole i na palapu

------------------------------------

 

HOOLAHA A KA LUNAHOOPONOPONO WAIWAI.

 

            Ua hookohu pono ia ka mea nona ka inoa malalo iho i Luu hooko Kauoha mal l o ka Palapala Kauoha hope loa a MRS. LAHELA SHAW.

            Ma ke a ke hoikia aku nei ka lohe i na mea a p@ he mau koi ka lakou ma ka Mor aki a Palapala e ae paha, e hoike koke m@ i ka me nona ka inoa malalo iho nei il ko e eono mahina mai k ia la aku,  i ole, e hoole loa ia aku mahope o ia manawa.  A o @ a  mea a pau he mau aie ko lakou i ka mea i make, e awiwi 1 kou i ka h okaa kokke mai i ka mea nona ka inoa malalo iho ma kona wahi ma Lahaina i oleloia.

C. B. COCKETT.     Lunahooko  Kauoha o ka Palapala Kauoh hope loa a Mrs. Lahela Shaw. i m@re.  Lahaina, Augute @, 189@.  au@ 10-3@.