Ka Makaainana, Volume VII, Number 1, 4 January 1897 — Page 2

Ka Makaainana.

2     HONOLULU, OAHU, POAKAHI, IANUARI 4, 1897.

KA MEA OHUMU KIPI O COADOVA

MOKUNA II.

KE ALOHA I KA IWIHILO.

[Mai ka Helu 26, Buke VI.]

Ua haule iho la na maka o ka ui nohea ilalo i ka papahele, no ka mea, aole i maopopo iaia kana mea e pane aku ai.  Ua noonoo nui oia, a ua hakukoi hoi o loko, he mea maopopo loa ia; aka, me he la ua hopohopo oia i ke kamailio ae---aneane makau loa no i ka nana pono mai o kona hoopakele.  Eia nae, o Gaberiela ka i hoomaopopo mai i keia ano o laua, no ka mea, ua luliluli ae la oia i kona poo e like la no me kona ano mau mamua eku; a ia wa oia i hoololi ae ai i ke kamailio ana no na poe powa.

"He poe noonoo ole loa lakou," wahi a ka mea kaomi-waina," a he lehulehu na hooili kaua ana no ke kue aku ia lakou, eia nae, ua hiki ole lakou ke hoopioia Ua nui loa ko lakou heluna, a ua hiki ole loa hoi ke hoopioia ko lakou mau wahi oolea loa iloko o na ana o na mauna.  A o kekahi no hoi, o ko lakou alii a alakai mana nui o Miramolina, ua like kona maalea e like la me kona koa a me ke ino piha hoomainoino."

"Ua lohe au," wahi a Leone, "o keia Miramilina, he alii ka oia mamua no ke kulana kiekie loa ma Coadova."

Ua aui ae la ko ka mea kaomiwaina nana ana ia Lula, me he la e i okoa aku ana no oia ka mea i kupono loa e pane no nei nineu.

"Ua lohe au," wahi a ka ui palupalu, me ka haliu hou ae o kona nana ana i ka kakou koa, "he keiki hanauna o Miramolina no ke kipi nui, Oma bene Hafa  No kekahi ewe mai oia i puni i ka hoala kipi a me ka hookahe koko, a he pani kupono loa ka oia.  He kanaka hopohopo ole oia, a he kanaka piha ino a hoomainoino."

"Makemake loa au e hui a e halawai pu me ia," i namunamu ae ai o Leone, me ha la, iaia iho no.

"Aole, aole," i awiwi mai ai ka pane ana o ka ui nohenohea i ka kakou kaeaea," he mea kupono a waiwai ole loa ia."  Me he mea la ka hoi ua hoomaopopo iho oia ua hoike okoa ae oia i ka loko e hana ana iaia, no ka mea, ua haule koke iho ka nana ana a kona mau maka ilalo o ka papahele me na kehoaka hiki ole ko hoohewahewaia aku o kona lauwili.

Ua nana ae o Gaberiela i ka nanaina o kona haku, a i kona ike ana aku i na loina ano e o ia nanaina, ua luliluli iho la oia i kona poo me ka manao oi ae mai kana i hana mua ai.  eia nae, aohe ka haku hale i hoomaopopo iki i kekahi mea ano e, a ua hoomau aku no oia i ke kamailio ana no na poe powa a hiki i ka wa a kana wahine maikai i kahea mai ai iaia no ka hoomakaukau i mea-ai no ka hoolaulea ana i ka laua poe malihini no ia po.

"Aole o'u manao he mea pono no'u ke hoao aku e hoi iloko o keia ino," wahi a Lula, me ka hoolono aku o kona pepeiao i ka makani e nu ana, a i ka ua hoi e Ioku eloelo ana mawaho.

"Auwe no ka hoi e!" i leo nui aku ai o Dorisi, me ke ano weliweli ona no keia manao ana pela.  "Aole loa oe e hiki ke ola i kekahi wa e like la me neia ino e noke nei.  Aole, aole,--e haawi no maua ia oe i ka malumalu e like la me ka hiki i ko maua wahi pupupu hale nei ke haawi a hoolako aku, a i kakahiaka ua manaolana au e hale ae ana no keia ino."

Nolaila, ua hooholoia e noho a e hoaumoe lakou a pau ilaila ia po a ao, a i ka wa kupono no ua liuliuia ae la na hoomakaukau ana no ka hooluolu aku.  Ua lawe aku ka wahine o ka hale ia Lula iloko o kona keena ponoi, oiai hoi kana kane ua hoomaopopo ae no Leone a me Gaberiela.

I kakahiaka nui wale ua eu ae la ka kakou kaeaea, a iaia hoi i puka aku ai i iwaho, e oili ae ana ka la e puka me ka moakaka loa maluna ae o na kuahiwi.  Ua oolea a ikaika io no ka ino o ka po iho, i hiki hoi ke ike maopopo ia aku ma o na owawa ma ka aoao o ka puu, a me ka nui o ka wai o kahawai; eia nae hoi, ua kalae o luna ae o ka lewa, a aole hoi na alanui i poino iki.  Ua kahea aku oia ia Gaberiela, a u haele holoholo aku la laua no kekahi huli ae o kahi papali.

"E kuu haku," wahi aku a ka ukali, mahope iho o ko laua haele ana aku no kekahi wahi mamao iki me ka pane leo ole, "ke manao nei au malia paha he manao kou e ukali pu aku me ka Lede Lula a hiki i ke kulanakauhale."

"Pela no hoi paha," i pane aku ai ka naita me ka ea oie ae o kona mau maka iluna.

Aole i pau.

Eia mai no makou ke oili aku la me na mea hou makamaka o kela a me keia ano

NA HOOKO MOEUHANE.

Hoike ke Kilokilo i na mahele i

Hookoia.

He moeuhane no keia i loaa ia Amalia i ka Poaha, la 4, a i hoopukaia ma KA MAKAAINANA o ka la 22 o Okatoba, 1894.  Penei ua moeuhane la:

(1) Ua hiki kau oia ma ka hale oihana poo o ka Hui Ala hao a me Aina ma Kuwili Oiai oia malaila, ike aku nei oia he ahi nui e lalapa ana ma Kikihale a me Kapukolo.

Eia na wehewehe ana.   He elua no mahele; 1;--kaua me ka hakaka; 2,--Ma'i ahulau.

Ua hookoia kela  Iloko o Ianuari 7, 1895, ua hoea ae la ke kaua aloha aina ma Laehai.  A o ka ma'i korela hoi iloko o Augate me Sepatemaba, a i hooko maoli ia no hoi e like me ka moe ma ke puhi maoli ia ana no o na hale e ke Aupuni.

(2).  Moeuhane.  A komo iho la iloko ona ka manao e holo i kauhale e noho nei o ka Puuku o KA MAKAAINANA, no ka hoike ana aku iaia e iho i kai e hoopakele ai i ke keena nupepa Iaia ka hoi i mea mai ai e hele, ike iho la oia ua hoolana pu ia o waho iho o ke kahua o ia hale oihana poo e ka wai a hiki ole iaia ke hooko aku i kona manao.

Wehewehe.  Ma ka nana ana i keia mahele, me he la, he manao mua paha, a he manao hou paha.  ua ulu he manao no ka ona o ka nupepa KA MAKAAINANA e hoonee i keena hou no ka nupepa, a ke lana nei paha ia manao pela.

Ua hookoia keia.  Ua loaa hou he kahua poo no ia nupepa ma kahi o E. B. Kamaki

(3)  Ia wa iho, alawa aku o a i kai a i waho o ke awa, e hoolana mai ana he m u waapa lehulehu, a lohe aku la oia i ke poha ana mai o kekahi mea me he pu la, a i nana aku kona hana, e lele ae ana kekahi mea keokeo iuka nei o ka aina, me he kao la, ma kahi o ke ahi e holapu ana, i like ke kolili me he wai la, aka, ike hou aku nei no oia i ka huli hou ana aku o ua mea la i kai, me he la ua puaiia aku e ka makani a haule ana ma kahi o ke alahaka e moe la i kai o Kahakaaulana.

Wehewehe.  O ke koliii me he wai la, o ka inaina ia; o ka hoi ana o ua kao la mai kahi aku o ke ahi a haule i kahi o ke ala--haka e Kahakaaulana, o ke kuhikuhi ana ia i kahi o ka poino, no ka mea, o ke alahaka e moe la no Kahakaaulana, he alahaka ia i hookaawaleia no na poe i loaa i ka poino o ka ma'i ahulau

Ua hookoia keia, I ke malama o Ianuari, 1895, i oili mai ai ke kanawai koa, a kanapa iho la kona mana e hooko ana i kona maina maluna o na poe kipi, ohunau, oleloino wale ae i ke Aupuni, a pela wale aku.

A i na malama mai o ke korela, ua hahana hou na hana a ke Aupuni ma o ka Papa Ola la, ke hele la a lilo ke kanaka i manu o komo iloko o ke eke.  Ke hele la ka upi a puhoho ke o loko, ke hele la ka momona o ka laau a ono i ka waiu, i ka ua mea o ka oleha o na maka o ke korela.

Aole i pau.

I ke ahiahi Poaha iho, la 7, o uniki ai kela pa hulahula o kai o ka hale waapa, i noho kumu ia e Gilimana, ma ka Ariona Holo.

DR. C. A. PETERSON,

(KAUKA PITASONA)

Ua nee Ae Oia a ka Helu 28

ALANUI EMA.

NA HORA KEENA: --8--10 A. M.;  2-4 A ME

7-8 P. M.

nov. 30     TELEPONE 752  

Olelo Hoolaha.

E oluolu na poe hoolimalima o MRS. Ai, LAU KAHIKINA O Kalaupapa, Molokai a me kahi poe e ae e hoomaopopo maua ho kohuia ka mea nona a inoa malalo iho i Agena no Kona Waiwai ma ka Mokupuni o Oahu, malalo o kekahi palapala hookohu hope iha, e ohi mai a e haawi aku i na palapala hookaa no na uku hoolimalima i aieia iaia.  O ka hookaa koke ia mai ka mea i makemakeia

EDWARD S. BOYD.

Honolulu, Dekemaba 19, 1896.