Ka Makaainana, Volume VII, Number 1, 4 Ianuali 1897 — Page 1

Ka Makaainana.

BUKE VII ---- Ano Hou

Honolulu, Oahu, Ianuari 4, 1896

HELU 1

 

Ka Hui Lokahi ke Kaiaulu.

Kaulana mai nei o Waianae,

Ka Hui Lokahi ke Kaiaulu;

Ulu aku ka manano no ke kaa-ahi,

I ka nome hala olo i ke alahao;

Kau aku ka manao no Manana,

I ka hale hoolulu a ke aloha;

Ke hea mai nei Puakalehua,

Ilaila makou e luana ai;

Ohaoha i ka luna Awa,

Me ke kula loa o Waiawa;

Alawa makou a o Waipio,

O ke kai nehe mai i ka iliili;

Ke i mai nei Kaukaopua,

O Waikele nei i ka ulu-niu;

Aohe ou loa e Hoaeae,

I ka lawe noeau a ka Lanakila;

Ike aku i ka nani o Honouliuli,

Me ka i'a-hamau-leo o Ewa;

Ui aku, ui mai, ui na hoa,

Aia mahea e ka halewili;

O ke kula loa Waimanalo,

Me ka lau hunehune o ke kiawe;

A hala o ka Lae o Puuohulu,

Ikeia e ka nani o Waianae;

O ke kani hone mai a ke @ eoe,

O ka hale hoolulu hope keia;

O ka lau lipoa ka'u aloha,

I ka wehi i ke kai o Neneu;

Ke hea mai nei Haleolono,

Ilaila na pua e walea ai;

            Hainaia mai ana ka puana,

            O ka Hui Lokahi ke Kaiaulu,

                        MRS. TONG YUEN,

            Waianae, Dekemaba 1, 1896.

 

Hui o na Keiki Oiwi.

            Mamuli o na hooikaika ana iho nei a J. N. K. Keola, @a hookumuia he hui kalepa hou malalo o ka inoa e kau ae la maluna.  I keia mau la iho @ hoopukaia ai na kuleana ma ka $25 paka@i, a he $5,000 ke kumuwaiwai e hoohana aku ai.  Ua heikeia mai ia makou ua nui no na poe i haawi ae i na hooia no ka hooholomua ana i ka hana a nei opio oiwi e makemake nei e hoala, oia hoi, he halekuai o na mea-ai like ole.  Aia a akaka mua ke kumu o ka hana, alaila, maopopo kahi e ku ai a hoohana aku.  E kauoha okoa ana no ka i na waiwai i ko na aina e.  O ka makou ia kakou a pau, e ike ia kakou hoakanaka, a mai lu aku hoi kahi poe ia hai, a ia kakou iho no ka pono loa.

            Ua holo aku nei ka Loio Kuhina a me ke Kuhina Kalaiaina no Hilo ma ka mokumahu Kinau o ka auwina la Poaono nei.  E kaapuni aku ana ke Kuhina Kalaiaina ia Hawaii, ke pakele nae hoi oia mai ka inaina mai o ko Hilo poe, a ua manao ma ka mokumahu Mauna Loa e hoea mai ana ianei i ka la 15.

            Mahope iho o ka hora 5 o ke ahiahi Poaha nei i ku mai ai ka mokum@hu Kopetica iloko o 10 la holo mai Iokahama mai.  Ua lawe mai oia he hookahi ohua papa ekahi a hookahi ohua haole papa elua a me 392 Pake, a me 500 tona ukane.  A mahope iho o ka hueia ana, na holo loa aku oia no Kapalakiko i ke awakea Poalima.

 

Aha Ike Peresidena

            Mai ka hora 11 a ka hora 12 awakea o ka Poalima nei i malamaia ai he aha ike pili oihana Makahiki Hou na Peresidena a me Misasa Kole maloko o Iolani Hale, ma ke keena kalau@u mamua.  Ua kokuaia o Misasa Kole e kekahi poe wahine lehulehu o ko lakou aoao kalaiaina like no.  Mawaho ae o na luna oihana Aupuni, na luna a me na kanikela o na aina e, a me ke kapena a me na alii o ka mokukaua Adamu, auhea hoi ka lehulehu o lakou iho, a ole loa hoi na oiwi, i hele aku e haawi i na ike a hoomaikai ana o ka la.  Ua paihi no na ukali me ko lakou mau @ahu koa.  Ma ke alo iho no hoi na pualikoa a me ka puali puhiohe.  He kou no a k@ kamolamola a ano malohaha.  E kala no peha hoi i hala kahiko ai ke hie.

 

Huakai Hoau a ka Mauna Loa.

            Kakahiaka Poalua iho la, Dekemaba 29, i hoau mua loa aku ai ka mokumahu Mauna Loa ma na awa maa mau a kona mau mua i holoholo mau ai ma Maui a me Hawaii.  Ua laukanaka ae o kai o ka uwapo i ka lehulehu, a me he la, i oi loa paha hoi kahi i ka loheia ana e paani ana ka Puali Puhiohe Lahui makai o laila.  O ka Moiwahine Kanemake ka ohua kiekie mua nana i hoau aku la iaia, oia no a me ia keiki ana, me Kama'lii Kawananakoa, a o kona agena no hoi ia, me ka ukali pu ia aku no hoi e ke Kama'lii Bolabola.  I hala aku la ke Aliiwahine no kekahi mau la e hoohala ai ma Kailua, a ua loheia mai hoi na ke Alii no ka hoi i papa ae i ke puhiohe nona.  Ua ku aku ka Mauna Loa i Lahaina iloko o eono a me ka hanaha hora holo mai kona haalele ana iho i ka uwapo i ka hora 11 a.m.  Holo no ka hoi la!

            Mamuli o ka haule ana o ka la 17 o nei malama i ka La Pule, ua hoolaha ae ke Kuhina Kalai aina e kulaia ana ke Aupuni i ka la mamua iho, Poaono, la 16, no ka hoomanao ana i ka la o ke Aupuni oiwi i aihue a i pakahala ai.

            Ua hoomalu pokole ia ka mokumahu Kopetica i ke ahi ahi Poaha nei, mahope iho o ka hoea ana mai Iokohama mai mamuli o ka @@@oia mai no ka nui o na ma'i anulau ma Honakona a me Iapana.  Aole kahi mea i aeia e komo aku i ka uwapo a pau kona mau e@moku Pake i ka hooleleia i Kahakaaula@a.

 

Ahai ka Pupuhi me ka Ipo.

            He wa i hala ae i loheia ai no ka launa hewa ana o Misasa Wile Kaimana, wahine a ka ona o ka Hale Oiwi, me kekahi haole o C. D. Wilisona ka inoa, he mea hookani pahu uuku no ka puali puhiohe Aupuni mamua a he mea malama buke iho nei no ka Hoi Laau Lapaau Hopena.  Ua hoohua mai keia launa hewa ana mai ka hoomaka ana e hoomaamaa i na hana keaka no ka wehe ae i ka Hale Opera Hawaii hou a hiki iho la i ko laua wa i hoekeloia ai a loaa pono ma kekahi hale makai o Kakaako, i ulu hoi he hoohuoi ana iloko o ke kane i na hana ano e a ka wahine.  He kaapio ka i lawe mua aku ia Misasa Kaimana, a mahope kii mai i kela haole, a o ia kaa ka i hookoloia aku a loaa pono ai laua e hana ana i na ai hoolealea a na aoao ui a elua.  E kala no i kohoia ai ke ano o ia wahine ma koua kii a me na hana hoikeike i ke akea.

            I ko laua loaa pono ana i ke kane, aohe a ke kane hana i koe, o ka hookomo ae i palapala noi oki mare imua o ka Aha Kaapuni, a i ke aumoe o ka Poakolu iho la i hookoia ai maluna o ua wahine la.  Aka, aole ia he mea nona e hopo ai, a ua hala aku oia no Amerika ma ka moku mahu Kopetica i ke awakea.  Poalima nei, a me ka ukali pu aku no o ke kane ona i haule ai.  Makai ka hoi o ka uwapo, ua lehulehu na palapala hoopaa i ka holo aku ka hoi o ua haole la i hoopukaia e na poe ana i aie ai, a na ua wahine la ka hoi i uku mai a pau, a me ka hooia mai no ina he mau aie hou aku koe, uaua no e uku mai.  Ua heo aku la oia me nei aloha hou ana, a haalele iho la i ka home oluolu a maikai, a me kana lei he kaikamahine uuku e noho pu me kona lua@i.

            O kela haole hoi, he wahine no kaua, a he mau moku i hala ae i haalele iho ai oia i kana kaua mahone nei e lealea pu me kana aloha hou.  I kona ike a hoomaopopo ana ka ia laua, ua lilo na hana a kaua kane i mea hoehaeha loa iaia a pono ole loa hoi o kona noonoo a me kona mauao, a o ka hopena loa ua hele aku oia e hui a e kamailio pu me kona hoa ai walu hou, eia nae, ua lilo kaua uwalo aku i mea ole.  Ma ko Wile Kaimana aoao hoi, ua uumi a ua hoekaukaulua oia i kona manao, aka, a hiki ole hoi iaia ke hoomanawanui iho, a haoa ai oia e like me ia i hoike mua ia maluna ae.  He wahine keia no ke anuu a ana@na kiekie o kakou nei, a laa @ae hoi ka haole ino loa la.

 

Kau Aha Kaapu@@ ma Hilo.

            I nei la e w@heia ai ke kau kiure o ka Aha Kaapuni, Apana Ehe, m@ Hilo, Hawaii.  A mamuli hoi @ ka hoike ana mai nei o Lunakanawai Kaapuni Hikikoki i ka LUnakanawai Kiekie ua kupono ole oia e noho a e hoelohe i na hihia hewa, no ka mea, na hopuhopuia ia poe i kona wa e noho Makai Nui ana, nolaila, ua kauohaia ae na Lunakanawai Kaapuni Keaka @ malama a e hoomalu i ke kau hookolokolo ma o.  Ma ka mokumahu Kinau o ka auwina la Poaono nei i holo aku ai o Lunakanawai Kaaka, ka mua o na lunakanawai kaapuni elua o Oahu nei, na ka malama ana i ko o kau hookolokolo.

 

Mea Aihue o ka Wanaao.

            Mawaena o na hora 2 me 5 o ka wanaao Poaono nei i komoia ai ka hale noho o J. Naholowaa, mea hookele kaapio @ noho nei mauka o Hauhaukoi, alanui Liliha, a lawe aihue ia aku la he $20 mai kona waihona aku.  Iaia i hoi ai e moe ia aumoe, he $15 ko loko @ kekahi ek@@ke o kona lolewawae a me ke ki o ke keena telepone o ko lakou kahua kaa I. X. L, a he ki pahu-ume pakaukau.  O na $15 o loko o ka pakeke a me na $5 o loko o ka pahu-ume ka i lilo.  Ua pai akahele ia ae ke poi e ka ume pakaukau me kekahi puna, aole hoi me ke ki, a lilo aku la i @e kolohe.  I ka ikeia ana na lilo, ua hoike koke ia ae ka loho i ka Halewai ia Makaikiu D Kaapa, a ia kakahiaka nui wale no, ua loaa ae o Naihe Kaili ma kekahi hale in@ kope Pake a hopuia oia a noho ana i k@ Halewai.  Ua lilo i mea ole ka haawi ahaaina ana a ke poo o na makaikiu i kona poe hoa hana i ka la mamua iho ina he hana kahi nana o hooke, e like la hoi me keia ana i hooko koke ai me ka eleu a pili no kana manu mua o nei makahiki hou a noho ana i ke puhi.

            He ahaaina ka Makaikiu D. Kaapa i haawi ae i ke ahiahi mamua iho o ka La Makahiki Hou i ko@a poe hoa luhi pu ma ka hana, ma kona wahi noho ma Kikihale aenei.  Ua lawa kela a me keia me na mea i hoomakaukauia, a ua hoolauleala mai hoi ke a@aina e kekahi poe himeni me na mea kani i hoonohoia maluna o ka lauai o ka hale.  He h@e Hawaii nui ko ke alo iho, i ahuwale ole ai hoi i na poe hele ma ia wahi malalo loa o alanui Hotele ae nei.