Ka Makaainana, Volume VI, Number 25, 21 Kekemapa 1896 — Page 8
8 HONOLULU, OAHU, POAKAHI, DEKEMABA 21, 1896.
[Mai ka aoao ekahi mai]
-
he koa oia no kekahi pualikoa pualu o ke Aupuni, a ua waiho hemahema oia me ka piha no. Ua lalau keia opio Pake, he mea hana no lakou, a ki ai me ka ike ole ua piha, nolaila, he ulia paha ke ano o ia ki ana. Ma ke kakahiaka i hoea mai ai o ke kino make o J. Nawahi, Sepatemaba 29, hora 10 paha, i hanaia ai kela hewa. Ua hoihoiia ka mea i ku ma ka Halemai Moiwahine a make loa i kahi ahiahi ae Pakele hoi kekahi mea o loko o kekahi hale o ka pa kula kaikamahine mai ku i kela poka aloha ole.
-
Eia ma kahi okoa ae o keia nelu ka hoolaha o na luna i kehoia o ka Hui Aina a Hooholomua Lanai, Kaupalenaia. He hui hou keia e lawelawe oihana ai ma neia mua aku.
Kakahiaka Poalua nei i ku mai ai ka mokumahu Belegica iloko o 10 la holo mai Iokohama. No ka ma'i ahulau ma Kina me Iapana, aohe i nui na eemoku ana i lawe mai. Ahiahi iho oia i holo loa aku ai no Kapalakiko.
Ma ke Kinau o ka Poalima nei i loheia mai ai no ke piholo ana iloko o ke kai o kekahi luina o ke Kilauea Hou ma Kukaiau. Hawaii, mamuli o ke kahuli ana o k awaapa i ke poiia e ka nalu, aohe nae i maopopo kona inoa.
Kakahiaka Poaono nei i ku mai ai ka Warimu mai ka Akau iloko o 8 1/4 la holo. He 300 tona ukana mea ai holoholona ana i lawe mai no noe mai Seatele mai. Mahope o ka uhao ana he 700 tona lanahu nona maanei, ua holo loa aku oia no ka Hema i ko aumoe ana ae.
Ahiahi Poakolu nei ka mokumahu Dorica mai Kapalakiko, me kekahi poe kamaaina o kakou nei, iloko o ka manawa holo o 6 la me 6 hora, me ka haalele aku na ka Alameda e lawe mai na eke leta. Awakea ae o kahi la i holo loa aku ai oia no ke Komohana.
No ka hele ole o J. Manaku i ke kula, ua hoounaia aku oia a ka Lunakanawai Apana i ke Poalima, la 11 nei, no 30 la e noho ai ma ke kula hoopololei o Keoneula. E na opio, mai hoomaloka i ka hele i ke kula, oiai, o ka hua e loaa mai ana mamuli o ka hooikaika ana i ka naauao, he pomaikai no ia no nei mua aku ma keia ola ana.
I ka pule hope o Novemaba aku nei i hoea mai ai o Keliikui (W.H. Halstead) i Honolulu nei, i kii mai nei i kona hookohu Lunakanawai Apana no Wailuku, Maui, a ua loaa aku. Aia oia ke lawelawe la i na hana o ia kulana ma kahi o Ferede W. Kaaka, i waiho aku a lilo i Makai Nui no Kauai, ma kahi o L.M. Balauwina i hoi i Makai Nui no Maui.
Laukanaka o mua iho o ka Hale Oiwi i ka po Poaono nei, ke hele la a hookeke, i ka hoolohe i na leo himeni a ka mahele himeni o ka Puali Puhiohe Lahui, o ka aoao helewawae nae hoi mauka o alanui Moi ka oi loa aku o ka piha. E hoomauia aku ana no pela i keia po Poaono ae, a pela mau aku a pau pono ae na la kulaia. I ka lanai o luna lakou i himeni ai i nei hana ana, a iloko hoi i kela po mua aku.
KELA A ME KEIA.
-
ALOHA KARISIMAKA a pau loa!
Poaha iho ka mokumahu Mikahala e ku mai ai mai Hawaii a me Maui.
E nana a e hoomaopopo ae i ka hoolaha a ka Oihana Wai no ka wa hookaa wai o keia hapalua makahiki ae.
Nui ka walaauia no ka hui mahiko hou o lalo o Ewa, o ia ka Hui Ko Oahu, a ke lawe nuiia nei ka na mahele.
Elua mau hoolaha hooko moraki ma nei helu, hookahi no Keoki Uwanu, a o kekahi no Misasa Konale Makamu.
He pauahi ko Hana, Maui, i ka la 8 nei. Ua pau aku ko M. S. Kalinipuma Ma halekuai a me na hale e ae a pili kokoke aku ana.
Kakahiaka Poaha nei ka mokumahu Alameda mai Kapalakiko, a hora 1 o ka wanaao Poalima ae i mau loa aku ai no ka Hema.
O ka mokumahu Kina ko ka Poaono iho no ke Komohana, a o ka mokumahu Miowera no hoi kahi o ia la mai ka Hema no ka Akau.
Laukanaka ke kahua kula Kamehameha ka auwina la Poaono nei, no na hana maa mau no o ia la a pela no hoi i ka po ae.
Ua holo hoomaha aku nei ka Lunakanawai Apana i Kauai a ke paniia nei kona wahi o Lunakanawai W. Luka Wilikoki. Kau ka weli iaia!
Auwina la Poakolu nei i pelukua aku ai ka mokumahu Auseteralia no Kapalakiko, a o na hiona mau no ka i ikeia makai o ka uwapo. Osianika.
Puehu ka lepo i ka ua mea o ka pa kikiao o ka makani e noke nei i keia mau la me ka huihui pu A helelei mai hoi kilihune ua i ka po nei, aia no nae iuka ka nui aku kahi i hoopu mai ai.
Ua hauoli makou i ka lohe ana mai eia ke pii ae nei ka oluolu o ko ka Rev. A. Makinikoki ma'i, a pela no ka hoi no ka hoi me ko kona makuahonowai wahine. Maha o puka ae laua i keia mau la iho.
He halawai ka na Luna Auhau Nui i nei kakahiaka, no ka hoomaopopo ana i ka lakou mea e hana aku ai e pili ana i na auhau malalo o ke kanawai hou, a i nei mahina ae e hoomaka ai e hookoia.
Ke hoomakaia nei ke alehe kipuka ana i na ilio kaa ole o na auhau a me ka lei ole i na mekala. Elua manawa o ka la e hopuhopuia nei, o kakahiaka a me ka auwina la. Malamaia na ilio, o paa auanei.
Poalua iho la i ahewaia ai o A.L. Morris, o ka Washington Feed Co., no ka hewa hoopae opiuma, a ua hoopaiia no elima malama hoopaahao ma ka hana oolea a e uku i $500 a me na koina. Ua hoohalahala aku i ka Aha Kaapuni.
He kuai hoemi nui ko ka Halekuai Kalahiki ke hiki aku i ka Poakahi, la 30 o Novemaba, a e hoomauia aku ana a hiki i ka po o ka la 24 o Dekemaba, 1896, i na waiwai o kela a me keia ano. Eia ka wa, e hele nui ae, a e ike ia kakou oiwi ponoi iho.
Lealea loa paha o Kapu i holo kaa pu ai me Owana i ka Poaono nei ma ke ano kahu paa lio a malama kaa. Huro! welawela aku la no hoi paha.
Ua wehe ae o G. McNacoll, ka haole kalewa ko omoomo i ikeia ma ka inoa "French Boss," i halekuai ko a me inu wai momona nona ma ka aoao mauka o alanui Moi nei, mawaena o na Alanui Betela a me Papu a ma Waikiki aku o ka halekuai bipi o Wala.
Ua komo kolohe ia ka halekuai o L.B. Ka i ka po a ao ae ka Poakahi, la 7 nei i hala, ma ke kua mai makai, koe nae hoi ka hiki ke komoia ke keena oi hana, kahi o ka pahuhao i ku ai. Aohe mea i lilo aku, eia nae, ua nokeia na pahu-ume i ka loleloleia.
-
Ma ke Kauoha
-
OLELO HOOLAHA WAI.
I kulike ai me ka Pauku 1 o ka Mokuna XXVI, o na Kanawai o 1896:
O na poe a pau e paa ana i na pono wai, a o na poe hoi e uku ana no na kuleana wai, ke hoolahaia aku nei ma keia, o na uku wai no ka manawa e pau ana i Iune 30, 1897, e hookaaia no ma ke Keena o ka Oihana Wai o Honolulu, ma ka la 1 o Ianuari, 1897.
O na uku wai a pau i hookaa ole ia a hala na la he umikumamalima mahope iho o ka wa no ka hookaa ana, e uku kaulele ia no he 10 keneta.
E hookaaia no na uku wai ma ke Keena o ka Oihana Wai ma Kapuaiwa Hale.
ANDREW BROWN,
Luna Nui o ka Oihana Wai o Honolulu.
Honolulu, H. I. Dekemaba 17, 1896.
dek 21-3mnw.
-
Hauoli Karisimaka!
-
MAU
DAIMANA
-
HE BALOTA DAIMANA i kela
a me keia e kuai ana he
$1 ma na Waiwai
Eia ke Hoikeikeia nei ke
Komo Daimana
Ma ko makou Halekuai, i kuaiia mai ia H.E. Wikimana mai, a e HAAWI WALE ia aku ana i ka mea e paa ana i ka heluna nui loa o na BALOTA i Dekemaba 31, 1896.
-
H.W. Schmidt & Sons
Hale vona Holo, Alanui Moi.
-
Aloha Karisimaka!
dek 14-mhp
-
Hoolaha no ke Kohoia ana o na Luna o ka Lanai Lad and Development Co., Ltd.
Ma ka halawai mua o ka Papa Hooko o ka hui i hoikeia maluna ae i malamaia ma ke keena o ka hui ma Honolulu i ka la 23 o Novemaba, M.H. 1896, ua kohoia na poe no lakou na inoa mahope iho i mau luna no ka hui no ka makahiki e nee nei, oia hoi:
F.H. HAYSELDEN.....................Peresidena
GEORGE HERBERT.................Hope Peresidena
R.D. WALBRIDGE....................Kakauolelo
R.H. DRAPER.............................Puuku
L.M. VETLESEN........................Luna Hooia
O na Luna no i oleloia ka Papa Hooko.
R.D. WAI BRIDGE,
Kakauolelo.
Hanaia Honolulu, Dekemaba 14, 1896
dek 2t-2mnw.
Hora 10 o nei kakahiaka e hoomaka ai ke kau o ka Aha Kiekie hoolohe i na hihia hoohalahala.
-
Hoolaha Mano Hooko a Kuai
a ka Mea Paa Moraki.
I kulike ai hoi me na hoakaka ana o kekahi Moraki i hanaia e GEORGE WOND a me HATTE K. WOND, kana wahine, ia Emma M. Nakuina, i Sepatemaba 30, 1891, i kopeia ma ke keena o ka Luna Kakau Kope, Oahu, iloko o ka Buke 129, ma na aoao 450 a me 451, a ua hooliloia hoi ua moraki la e Emma M. Nakuina i oleloia, ia Miss Agnes McIntyre, ke hoolahaia aku nei ma keia ua manao ka mea i lilo ai o ka Moraki i oleloia e hooko aku no ka uhakiia o ke kumu aelike, oia hoi, no ka uku ole ia o ke kumupaa, ka ukupanee a me na auhau i ka wa i kauohaia ai no ka hookaa ana.
Ke hoolahaia aku nei no hoi, mahope iho o ka pau ana o na pule ekolu mai keia la aku, e hoolahaia aku no ka waiwai i hoopaaia ma ua Moraki la no ke kuai a e hooliloia aku no ma ke kuai kudala akea ma na keehia kudala o Jas. F. Morgan, Honolulu, ma ka Poakolu, la 27 o Ianuari, 1897, ma ka hora 12 awakea o ia la.
MISS AGNES MCINTYRE,
Mea i Lilo ai o ka Moraki.
No na mea hou aku i koe, e ninau ia J.A. Magoon, Loio no Miss Agnes McIntyre.
Hanaia Honolulu, Dekemaba 21, 1896.
Penei iho ka waiwai e hooliloia aku ana:
O kela mau apana aina a pau loa e waiho la ma Kaili Place, Kalihi Honolulu, a i hoakaka maopopo loa ia o na Apana Helu 11 me 12 maluna o kekahi kii-aina a palapala-aina paha, i kopeia ma ka Buke 120, ma na aoao 391 a me 392, maloko o ke Keena Kope o na Palapala Hoolilo, o ka huina ili nui o na wahi i oleloia he 12,915 kapuai kuea, oi aku a emi mai paha.
Kuike ke kumu, ma ke dala gula o Amerika Huipuia.
I ka mea kuai mai na lilo palapala.
dek 21-4mnw.
-
Hoolaha Manao Hooko a Kuai
a ka Mea Paa Moraki.
I kulike ai hoi me na hoakaka ana o kekahi Moraki i hanaia e KONALE MARKHAM, he wahine kanemake, ia O.P. Emerson, i Augate 6, 1892, a i kulike ai no hoi me na hoakaka o kela pakui hou iho i ka Moraki i oleloia i hanaia e KONALE MARKHAM i oleloia ia Emerson i oleloia, i Okatoba 18, 1892, a ua kopeia hoi ka Moraki kumu ma ke Keena Kakau Kope, Oahu, iloko o ka Buke 139, ma na aoao 174 - 5, a o kela pakui hou iloko o ka Buke 138, ma na aoao 302 - 3, a o ia Moraki a me ka pakui hou ua hooliloia e Emerson i oleloia ia J.A. Magoon, ke hoolahaia aku nei ma keia ua manao ka mea i lilo ai o ka Moraki i oleloia e hooko aku no ka uhakiia o ke kumu aelike, oia hoi, no ka uku ole ia o ke kumupaa, ka ukupanee a me na auhau i ka wa i kauohaia ai no ka hookaa ana.
Ke hoolahaia aku nei no hoi, mahope iho o ka pau ana o na pule ekolu mai keia la aku, e hoolahaia aku no ka Waiwai i hookaaia ma ua Moraki la no ke kuai a e hooliloia aku no ma ke kuai kudala akea ma na keena kudala o Jas. F. Morgan, Honolulu, ma ka Poalua, Ianuari 26, 1897, ma ka hora 12 awakea o ia la.
No na mea e ae i koe, e ninau ia
J.A. MAGOON,
Mea i Lilo ai o ka Moraki i oleloia, Hanaia Honolulu, Dekemaba 21, 1896.
-
Penei iho ka waiwai e hooliloia aku ana:
O kela apana aina a pau loa e waiho la ma Kalihi, Oahu, a i hoakakaia maloko o ka Palapala Sila Nui 679, Kuleana 1200, no Halekii, nona hoi ka ili o Elua a me 7-100 Eka;
A pela iho no hoi me kela apana aina a pau loa e waiho la ma Kalihi i olelo mua ia, i hoakakaia maloko o ka Palapala Sila Nui 1255, Kuleana 1205, nona hoi ka ili o 55-100 o ka Eka.
Kuike ke kumu, ma ke dala gula o Amerika Huipuia.
I ka mea kuai mai na lilo palapala.
dek 21 - 4mnw.