Ka Makaainana, Volume VI, Number 24, 14 December 1896 — Page 7
HONOLULU, OAHU, POAKAHI, DEKEMABA 14, 1896. 7
NA AINA MAMAO.
-
Mau Lono Huikau mai kela a
me keia Wahi Like Ole.
Rusia a me ke Dadanele.
Ma kekahi haiolelo ana a Sa Kale Dilike, ka loea ma na hana kalaiaina o na aupuni, i ke ahi ahi o Novemaba 11 ma Enefila, Enelani, ua hoike ae oia o ko Enelani hoole koke ana aku nei no ia i ka manao o na Mana Nui ekolu e mahelehele ia Kina. Ua olelo ae no hoi oia o ka hele ana mai nei o kekahi generala Rukini e nana i na papu ma kae o ke Dadanele, ua hanaia ia mamuli o ke kauoha a ke Aupuni o Rusia, a nolaila, e kohoia aku no paha hoi e manao no o Rusia i kekahi kue aku a Beritania Nui i ke Dadanele he kumu ia e ala ae ai o kekahi hooili kaua ana.
Pii ka Wi ma Inia.
No kahi wa i hala ae i hopohopoia ai no ko Inia halawai hou ae me ka wi mamuli o na ulia a haawina popilikia ma na wahi lehulehu mai ka la a mai ka ua e hoopoino ai i na mea ulu. Mamuli hoi o keia mau haawina popilikia ae la, ua lonoia mai Bomabe aia ma umikumamakahi mau apana o Decana a me Conocana he 1,250,000 ka nui o na kanaka i manaoia aia ma kae o ka poino mai ka nele loa o na mea e ai ai. Ua ulu ae na hoohaunaele ana ma Sahaboda a me Kazoda.
Wahi a ka lono mai Sana Peterobuga aia o Kama'lii Obeleneseki ke hoeueu la i ka hoounaia o na hua ai i Inia, i mea e hoomalielie ai i ka wi. Ua hoike ae oia ua nui a oi loa ma Rusia, a e hiki no ia Rusia ke hoolilo aku i ka huita a emi iho malalo o Kaleponi ma Bomabe.
Mamuli no o keia i kipa ike aku ai ka Emebasedoa Beritania ma Sana Peterobuga ia Odesa. Aia na nupepa Rukiki ke uwalo ikaika la i ka lehulehu o Rusia e lulu ae i waihona dala no ke kokua ana i na poe o Inia e noho la iloko o ka wi.
Anai Pau i na Uhane Ola ma Cuba.
Wahi a ka hoike a ka mea kakau o ka nupepa La o Nu Ioka e noho la ma Havana, i loaa ae Novemaba 30, aohe a Kapena -Generala Weila hana i koe ma kona aoao, o ka heleuluulu maoli aku no e anai i na poe a pau a me na waiwai a pau. Oiai hoi, ua hiki aku ke kulana o ke kaua kipi ma Kuba a ka panepoo o ka hului a anai pau a me ka hookahe koko pu, ua manao paa o Weila he mea makehewa ke wahapaa wale aku no, aka, e anai pau aku no ka pono loa i na poe Kuba a pau e noho ana na ka apana o Pinaedele Rio i lilo ole i poe koa ma ka aoao Sepania, me ka nana ole ae ina he poe nohona maluhia a hoopilikia ole mai lakou. Aia ka pono o ia poe a hele ma kela a me keia aoao, he kakoo Sepania a he kakoo kipi paha. Malalo o kia manao hookahi, o na wahine a me na keiki kekahi e pau aku ana i ka lukuia, aohe nana ae a keia mea; no ka mea, i ka nana aku ka i keia poe, me he poe hewa ole la lakou, aka, o lakou no na kiu a na poe kipi. O na mea a pau, aohe mea e koe iho ana, ke puhiia aku i ke ahi, i pau ai hoi na hale e hoolulu ai i na kipi a e nele pu ai hoi i na mea ai e ola ai mai na mahiko aku. Ua lako na poe koa Sepania he 125,000 me na mea ai mai Havana, oiai nae hoi na kipi e loaa ana kahi ola mai na mea e loaa ana ia lakou. Aole loa he holoholona, aole loa no hoi he wahi iole iki, e haaleleia iho ana na Maceao, ina nae hoi ia he mea e hiki ana ke anai pau loa aku.
Mau Lonolono no Amerika Huipuia.
Ua manaoia e waiho aku ana o Lunakanawai Field i kona ku lana ma ka Aha Hookolokolo Kiekie ke komo ae o Makinile, a e paniia aku ana kona makalua e Senatoa Cushman K Davis o Minesota.
E hoolilo aku ana o Peresidena Kalivilana ia Kuhina Hebeta i Lunakanawai Nui no ka Aha o na Koi, i pani ma kahi o Lunakanawai Rikekona, i make. Ua ae o Lunamakaainana Foamana i pau o Ilinoi e lawe i ke kulana Komisina o na Loaa Kuloko. He mau Demokarata keia no ka aoao kekua gula, a pela auanei e hoopomaikaiia ai.
No kahi mau la mamua aku o Novemaba 27, pela ka lonoia mai Wasinetona, i noonoo nui ai o Peresidena Kalivilana no kana palapala i ka Ahaolelo ke noho ae i na la hope o Dekemaba nei. O ia ana kana palapala hope loa i ka Ahaolelo, a ma ia ana no hoi paha oia e haawi aku ai i kona aloha pili oihana hope loa i ka Mana Kau Kanawai. Ua oleloia ua kokoke ka e makaukau a o keia ana ka kekahi o na palapala oi loa aku o ka loea ana e hana ai oiaio oia e noho ana i kona mau kau elua.
Houpuupu Aha Kuhina i Manaoia.
Mahope iho na inoa a na poe puni kohokohu, i hoopukaia ae hoi ma na nupepa Amerika, no na lala i manaoia no ko Peresidena Makinile Aha Kuhina:Kuhina Nui - Henry Cabot Lodge, no Masakuseta; Kuhina Waiwai - Mark A. Hanna, no Ohio; Kuhina Kaua - Horace Porter, no Nu Ioka; Loio Kuhina – William R Day, no Ohio; Luna Leta Nui - H. Clay Evans, no Tenes; Kuhina Moana - Charles A. Boutelle, no Maine, a i ole ia, o John R Thomas, no Ilinoi; Kuhina Kalaiaina - Henry C. Payne, no Minesota; Kuhina Mahiei - M.H. de Young, no Kaleponi.
Mawaho ae o keia poe inoa ae la, ua manaoia e kahi poe o Beniamina J. Harisona, Peresidena i pau, kekahi e lilo aku ana i Kuhina Nui.
Na Hunahuna Laulaha.
Nui na poino a popilikia i loaa ia Atenai, Helene, mamuli
o na waikahe a me na ino he nui.
He kipi kuloko ia e noke la ia Urugue, a he hoeueu kipi hoi ia e oehu la ma Berazila a me Kili.
Ua kakauinoa aku o Fitisimona i na olelo aelike no kekahi hakaka me Kobeta a ka hopena no kekahi uku makana i luluia o $15,000.
He mau mokukaua Kepani ka i hoounaia aku i na Paemoku Pilipine, no ka mea, ua hopohopoia o lele kaua ia aku o Manila e na poe kipi.
Aia na Pake o Kikako ke kukulu la i heiau nui no Confucius (Konofusiu), ko lakou alakai pookela ma ka noho'na pono, me ka manao e hoohulihuli aku i na haole ma ia hoomana pookela.
Ua hoike ae na kauka o ka halepaahao, kahi o Kauka Kemisona i hoopaaia ai, pela ka lono mai Ladana o Novemaba 30, aia ke pii ae la kona oluolu, eia nae, ua hoikeia ua kupilikii loa kona kulana ola he pule mamua aku.
Ua oleloia he mau kahoakaka kekahi no ko Peresidena Kalivilan komo aku ma kekahi aelike me Enelani a me Sepania no ke kuai ana ia Kuba, i mea ka e hookuu aku ai i kona kau o ka noho poo aupuni ana me ka hanohano.
Mamuli o ka hoole loa ana o Lu.nakanawai Nui Ide (Aide) e hoomau aku oia ma ke kulana Peresidena no ka Aha Hooponopono Aupuni Kuloko o Samoa, ua hookohuia aku o Kauka Raffel (Rafela) o Aferika Hikina Geremania i pani ma kona wahi.
Ua aoia aku na elele o Kanada i ka ahakuka Uweaolelo - moana Pakipika e malamaia aku ana ma Ladana, Enelani, aole loa e kokua i kekahi kumuhana ke hapaiia ae no ka hoopae aku i ka Uweaolelo - moana Kanada - Auseteralia ma kekahi aina e, ina no o Hawaii kahi o ia aina e.
MORIKAWA,
Ka Oi ma Kana Hana.
Ua nee ae nei kona hale hana mai
Alanui Betela a i ka Halelio o Akana, Alanui Konia, mauka
o Alanui Hotele. Amara a Mea Hana Kaa me ke Kapili
Kapuai Hao Lio
Oluolu loa ka uku o ka hana, i hiki ole i na poe e ae ke lihi launa aku.
jun 8-3ml.
-
Kuai Hoemi Nui
-
Elua Halekuai i ka Wa Hookahi.
-
Kwong Sing Loy
a me Sing Loy
-
E hoomaka ana i keia la 30 o Novemaba, 1896, pela no e hoomauia aku ai no Hookahi Wahine.
-
Na MUUMUU, Na PALEKOKI,
a me na Pono e ae o na Wahine, i hana maiau ia, emi a emi loa!
Na LIHILIHI, Na PAPALE a me
Na KAMAA o na Wahine,
aohe emi aku a koe mai!
Na PAA LOLE PIHA, na PAPALE
a me na KAMAA o na Kane,
oluolu loa Kumukuai!
Na PAA LOLE o na KEIKIKANE
a me na KAIKAMAHINE,
he Makepono Loa! He keu aku a ka olu
waipahe'a ka launa ole mai.
O na Waiwai no a pau loa ke kuai hoemi loa ia kau ana, a he mau Waiwai hou loa wale mai nei no ka hapanui.
E Hoomano i na Halekuai a Elua.
nov. 30-5mnw.
-
HELE HOOLUOLU.
O.R.L.Co.
MA NA POAONO A ME NA LA PULE
E haalele mai no na Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 a me 5:55 P.M.
Na Palapala Uku Puni.
Papa 1. Papa 2
Manana - - $75 $50
Mahiko o Ewa - - 1 00 75
Waianae - - - 1 50 1 25
F.C. Smith,
Agena Ohua a Palapala Nui
feb 10-tf
-
C.E Williams me Keiki.
Ed. A. Williams, Luna Nui
Helu 611, Alanui Moi, ma Ewa iho o ka Pa o Aigupita.
-
He mau mea kuai lako hale o na ano a pau loa.
-
He mau mea Hana Pahu Kupapau a Hooponopono Hoolewa.
-
E hoolakoia no na Kaa Kupapau, na Kaapio a me na Kaa-ohana.
Ina no e ninau ia laua, e loaa no na Pohaku Kia Hoomanao no na He Kupapau.
-
O ka Ialoa kekahi hana hiki loa ia laua, aia ia malalo oka lawelawe ponoi ana a Ed. A Williams, F.D., he mea i puka pono mai ka Kalaka Kula o ka Ialoa Maikai ana iloko o Mei, 1894.
-NA TELEPONA-
Keena, Helu 179 - Kauhale a me Kahea Po,
Helu 815.
nov 2-mp. feb 3-mp.