Ka Makaainana, Volume VI, Number 20, 16 November 1896 — Page 7

Ka Makaainana.

NA AINA MAMAO

 

Mau Lono Huikau mai kela a me keia Wahi Like Ole.

 

Hiona Kupilikii o ke Kuikahi Pukolu.

 

            Ua nui ko Europa hoopioloke ia mamuli o ka Kama'lii Bisimaka mea o ka huai pau ana ae no kekahi kuikahi makamaka aloha kaikawa mawaena o Rusia me Geremania mai 1884 a 1890 (e like hoi me ia i hoikeia aku ai ma ka helui hala o KA MAKAAINANA nei).  Mamuli hoi o nei lono, ua lilo ia i mea no na nu pepa o Viena e manao ai he hana kela na Bisimaka i hoomakaukau ai no ka hoomahae ana ae i ke Kuikahi Pukolu me ka ikaika o na mea kaua, a no ka hooponopono ae hoi i kekahi hoohui ana mawaena o Rusia, Farani a me Geremania no ke kue aku ia Enelani hookahi.

 

Manao o na Nupepa no nei Huai Pau.

 

            Haohao loa na nupepa o Auseteralia i nei mau huai pau a Kama'lii Bisimaka, aka, ua he ike nui ae no nae hoi i ko lakou manaoio i ka Emeperoa o Geremania me ka hoomaopopo ole ae i nei ano hana lawelawe pukalua a ke Kuhina Nui i pau, pela na lono o Viena o Okataba 28.  A ma Berelina hoi, ia la no, ua hoahewa loa na nupepa i ua kuhi kuhipuuone la no kana mau hoopukapuka manao koke ana ae.  I kahi ia mai hoi, ua ano akakuu iki mai na manao eena o na nupepa o Viena, a na manaoio aku hoi ua hoopihapibaia mai lakou.  Ma ko lakou manao nae hoi i nei wa, he mea ole nei hana pukalua a Kama'lii Bisimaka e hoopoino ai i ke kulana paa mau-aku o ke Kuikahi Pukolo.  O ka nupepa Manawa nae hoi o Parisa ka i kukala ae aole loa ke kuikahi ana ae mawaena o Farani a me Rusia e lilo i mea e kue @ka ai ia Beritania Nui, ae hiki ana hoi na hoopaapaa ana mawaena o keia mau aupuni ke hooponoponoia ma o na kukai a launa ana mawaena o na loea kalaiaina.

            Ua oleloia ae ma Berelina, Okatoba 29, ua nui ko Emeperoa Uilama inaina i na huai pau a Kama'lii Bisimaka.

            Ua pane ae hoi kekahi nupepa o Berelina i ka Kama'lii Bisimaka palapala i kakau ai iloko o kana nupepa penoi, no ke kumu o keia kahoaka makamaka mawaena o Rusia a me Farani, a ua kuhi ae i ke Kama'lii me ka hoolilo ana i kona kulana hilinaiia i mea e inoia ai ke Aupuni o ke Kaisa imua o ke @o nei, a @a olelo ae hoi ia nupepa @a hiki mai hoi ka wa ku@ e kinai aku ai i na ana huai pau a me na pane a nema ana e kue ana i na pono io maoli o Geremania e like me ia i ikeia ae i nei wa.

 

Hopohopoia ko Enelani Kahua.

 

            I ka Makuisa o Duferina, kekahi o ko Enelani loea kalaiaina alakai, makaukau a akabele loa, i kamailio ai ma Belef@sa, Irelani, wahi a ka hoikeia ae ma Ladana, Okatoba 29, ua olelo ae aohe loa he wahi hoomaopopo iki o ko Enelani lahuikanaka i na manao hopohopo i lilo i akaku no na poe kulana kiekie loa o Europa aku.  E kau mau ana ke ao omamalu kaua, a ua weli loa hoi ko Europa poe o lilo auanei na ko Beritania Nui kahua alakai hana e heawiwi aku i ka puke ana ae o na hakoko kaua ana.  A no laila mai no hoi ka manao eena i lan@aha loa ae e kue ana ia Beritania Nui.

 

Liuliu e Mahuka - Na Lono e Ae.

 

            Ua lonoia mai Konakinopela, Okatoba 28, aia ka ke Suletana moku holoholo lealea ke ku mau la i ka po a me ke ao ma ka aoao o kekahi ala malu mai ka halealii aku.

            Eha poe Amenia i hopuia, Okatoba 27, no ka hoao ana e lawe i ke ola o kekahi o na kumu ekalesia kahiko (p@o ohana), a lakou hoi i manao ai he mea lawelawe hana oia na ke Suletana.

            Ua hoauhee aku kekahi puali o na poe Masedonia, wahi o ka hoikeia ma Konakiaopela i Okatoba 28, i na poe Tuke ma Caroiza, ma ka pepehi ana aku he 90 o lakou a he 9 i lawe pio ia.

 

Pio Oleke Kipi o na Paemoku Pilipine.

 

            Ua hoikeia ae ma S@dane, Wale Hema Hou, Auseteralia, aia no ke mau la ke kaua kipi ma na  Paemoku Pilipine, a ua lawelawe koke ia mai nei hoi kekahi mau @ooili kaua hahana ana.L@hulehu o na kipi i pau i ka pepehiia a make a @he mau haneri i hopuia, me kekahi poe a@kai lehulehu loa.  He mau heluna i ki poka ia ma na kuea o ka lehulehu ma ke ano ao aku hoi i na poe e ae. Ke paa la kekahi mahele kipi nui o 8,000 i kekahi papu, aka, aia nae hoi lakou ke hoopuni akahele ia la e na pualikoa Sepania, a ua ma naoia ua hala ae ka puuhaku oi loa aku o ke ino a me ka hopohopoia.

 

Poe Hiena Luku a Ai-kanaka.

 

            No Sidane na lono o Okatoba 27 no kekahi hana loku hou ma Nu Gini.  I na la makamua o Augate aku nei, oiai ka moku holoholo lealea Lize, i ona a hooholoia e Kapena Webesa, e holoholo kaapuni ana i ke ao nei, i ku ae ai mawaho o kahi o na Holani ma Nu Gini. Ua holo aku kekahi o na luina no ke kiki manu iuka, aka, mahope koke iho o ka pae ana aku o ka waapa i ka aekai, ua holo paukiki mai la kekahi o na luina me ka uhaiia mai e kekahi aluka nui o na kanaka maoli o ia wahi.  Ua pakele oia ma ka au ana aku a kau iluna o ka moku iwaena o ka haule makawalu aku o na pua a me na ihe. Ekolu poe luina e ae i hiki ole ke pakele aku, a ua pau nui i ka pepehi a aiia.  O ka waapa hoi keia o lakou i pae aku ai me elima pu, ua lawe pio ia aku e na kanaka. No elima la ua hiki ole i ka moku ke haalele iho i kona wahi e hekau ana. Ua hoao mau aku he heluna nui o na kanaka hie na e kau aku iluna o ka moku, a he lehulehu loa hoi o lakou i pau i ki pu ia.

 

Hakaka na Pukiki ma Aferika.

 

            No Mozamabike ka lono o Okatoba 24, ua hele aku o Mekia Alebukake, Kiaaina-Generaala, me 300 poe koa Pukiki a me 100 poe koa paele no Manicalani.  Oiai e hoomaha ana ma Magenela, ua lele kaua ia aku la lakou e 2,000 poe paele Masiaralo.  Ua hulu a no na Pukiki o ke kue ana aku, a no 24 hora o lakou i hoomau aku ai i ke keakea aku i ko na paele nee mai imua, aka, mamuli hoi o ka nele i ka wai, ua konoia lakou e kuemi i hope, me elua i make a me 23 i eha, a o ke Kiaaina-Generala kekahi iwaena o na poe i eha. Nui ko ka enemi poino.

 

Ma Ke Kauoha.

 

            Ke kauohaia aku nei na Ahahui Kalaiaina a puni ka Paeaina e koho mai i ko lakou mau luna nui i mau elele a hoouna mai ma Honolulu nei me na hookohu elele o ko lakou koho pono ia ana e ko lakou mau ahahui pakahi, no ka akoakoa mai no ke koho ana i na luna nui o ka Ahahui Kalaiaina Makua o na kanaka Hawaii a puni ka Paeaina, me ko lakou hoike pu mai i ke kulana o ko lakou mau ahahui pakahi, oia hoi, na lala, na waihona dala, a no ka halawai ana hoi ma Honolulu nei ma na la 26, 27 a me 28 o Novemaba nei, 1896,

John Poe Kuoha, Kakauolelo Nui o ka Ahahui Kalaiaina

 

            He heihei kaa hehihehi-wawae ko ka hora 4 o ka auwine la Poaono, Okatoba 31, mai Kapiolaui Paka a Halealii Kuea mawaena o kekahi poe opio. Aole no makou i hiki kino aku, aka, ua lohe mai na eo ia F. Damona, a haule o Siliveta a me Siliva me na poe e ae.

            No na wa lehulehu i hookuku kiki pu mau ai na Makai me ke Komopaui B, aohe eo iki i na "@owau." Aka, i ka ulele hou ana i ka Poaouo, la 7 nei, ma ka lana mau kahua hoomaamaa kiki pu pakahi, akahi no a eo i ua kaiko me ex@in ka oi, oia hoi, he 404 kue ia 401.  Ke eleeleu loa mai nei na makai i ke ki pu pololei.

            Ma kekahi paikau ana o na koa kaulio pualu o ke Aupuni he wa i hala ae, ua owala ae kekahi lio a haule ka mea e kau ana iluna o kona kua, ua hoi hou ae no oia a ku ma kona wahi iloko o ka laina i ku mua ai.  He hoihoi ole no paha hoi i kona kahu, i hana ai peia.  Ua apiki no hoi ka noonoo o ka holoholona la.

 

Iloko o ka Aha Kaapuni Apana Hokolokolo Ekahi o ko Hawaii Paeaina-Ma ka Hooponopono Waiwai.

MA KA HANA O KA WAIWAI O KALAHIKU (k) o Ewa, Oahu, i make kauoha ole.

            No ka mea, ua waihoia mai e Akaneki Kekua [w] ka moopuna, he palapala noi no ka hookohu Lunahooponopono Waiwai no ka waiwai i oleloia, a e hoopukaia aku ia palapala ia Solomon K. Oili, nolaila, ma keia, ke hoolahaia aku nei i ka poe a pau i kuleana ma ua waiwai la, o ka POALIMA, NOVEMABA 27, M. H. 1896, ma Aliiolani Hale. Honolulu, hora 10 o ke kakahiaka, o ia kahi a me ka manawa e hele mai a lakou, a e hoike mai i na kumu ina he kumu ka lakou e ae ole ia ai ke noi.

J. A. THOMPSON;

Kakauolelo.

Honoluu Okatoba 26, 1896

nov. 2-3mw

 

Robert Napunako Boyd

(ITALIA)

He Ana-aina a he kokua no hoi ma ka heoponopono ana i na waiwai paa, huli ana paha i na Buke o ke Aupuni, a pela aku.

            Keena Hana: Mauka iho o ka Hale Leta, maluna ae o ka haleaina Pake, Alanui Betela.  apl 13-mp

 

NO KE KUAI.

            He ale o Elima Keena, hookai makahiki o ka paa ana, a me Elua Apana Aina ma Kalia, Waikiki, ma ka mahele aina o Bruce Waring & Co., e hooliloia aku no i ka mea e makemake mai ana. Aia keia wahi ke pili kokoke la i kahi noho o E.S. Boyd

            KUMUKUAI: - $1,000; $500 ma ke kuike, a ma ka Moraki ke koena no ek lu makahiki ma ka 8 pa-keneta ukupanee.

            No na mea i koe, e ninau ia

            BRUCE WARING & CO., a i ole, ia F.J. TESTA, ma ke keena o keia nupepa.  sept 7-mp

 

HALEKUAI LAHUI KALAHIKI.

Helu 405, Alanui Moi. ma Waikiki aku @ Alanui Nuuanu, ma ka aoao mauka ke keena mua o ka "Hawaii Holomua."

Ma ia halekuai o na oiwi e loaa ai na anoi a me na paihi o na ano hou loa, e laa

Na Kalakoa, Na Keokeo.

Na Makalena, Na Kinamu,

Na Huluhulu, N@ Lihilihi,

            Na Kamaa o na Kane, Wahine me Keiki a pela aku.

            Oluolu no ke kuai ana.  Aohe hewa ke kipa mai e ikemaka, a aohe no hoi he kunu kunuia  no ka hoikeike ana i na mea kuai.

            M. PALAU, Luna Nui.

@

 

C.E. Williams me Keiki

Ed. A. Williams, Luna Nui.

Helu 611, Alanui Moi, ma Ewa iho o ka Pa o Aigupita.

 

He mau mea kuai lako hale o na ano a pau loa.

            He mau mea Hana Pahu Kupapau a Hooponopono Hoolewa.

            E hoolakoia no na Kaa Kupapau, na Kaa pio a me na Kaa-ohana.

            Ina no e ninau ia laua, e loaa no na Pohaku Kia Hoomanao no na He Kupapau.

 

            O ka Ialoa kekahi hana hiki loa ia laua, aia ia malalo o ka lawelawe ponoi ana a Ed. A. Williams, F. D., he mea i puka pono mai ka Kalaka Kula o ka Ialoa Maikai ana iloko o Mei, 1894.

 

NA TELEPONA

Keena, Helu 179 - Kauhale a me Kahea P@,

Helu 815

nov 2-mp,  feb 3-mp