Ka Makaainana, Volume VI, Number 19, 9 November 1896 — Page 8

Ka Makaainana.

 

8     HONOLULU, OAHU, POAKAHI, NOVEMABA 9, 1896.

 

[Mai ka aoao elima mai]

no ka huaiia ana ae o ka lakou wahi obumu iki.  Ua hooiaia mai no he oiaio loa no ka a ua pololei no makou.  E hoole wale no, aole e pau.

 

  O ko makou kamaaina ia Kapu, o ka "aole" ka huaolelo paa mau i ka mono o kona alelo.  I na wa lehulehu o kana mau hana kolohe mai ia makou ai loaa ai oia, a ke ninau aku, o ka "aole" koko mai la no ia, a ina no e hoikeia aku ana na kumu hoike maopopo loa, e mau mai ana no i ka "aole," a ua hele a lilo ka hoole i ae iaia.  Pela no me nei ae la, o kana hoole mai ma kana ohakulai, he ae ia imua o makou, a like no me ka maa iaia.

 

  Aohe a makou olelo maopopo no kekahi kakau palapala ia aku nei i kekahi o na Ahahui Aloha Aina, koe wale ka lono a kahi o lakou i onou mai ai i o makou nei.  Mawaho ae o ia, aohe he mea i maopopo ia makou, koe wale no paha a oluoluia mai.

 

  No D W. Mahuahua hoi, ua ae ponoi mai oia ua pololei loa ka makou i kuhi ai nona.  Ua manao oia aole e ikeia ana, eia ka hoi ua teleponeia ae i KA MAKAAINANA.  Pela no hoi paha, nawai no e nalo na hana malu.

 

  A no ka io loa hoi o ka makou i paneia mai ai.  Ina paha he pona iwi wale no, ina la ua laoa a pilikia ka puu, hiki ole ko puai mai ka "aole."

 

  E hewa ole hoi makou imua o ka lehulehu aohe a makou kuhi aku ia J. K. Nakookoo ua nui oia a me Mahuahua e hooholomua aku i ua ohakulai la.  Ina ua kohoia no ua Nakookoo la ka makou i olelo ai, alaila, pela io aku la no paha hoi, no ka mea, ua oi aku ko lakou la ike i ko makou.  Aole anei hoi i oiaio eia oia ke kokua nei?  Makau na puuku mua elua i ka pinai mau aku o na eleao a me na mu, noho ole ia iho ke keena, he mea holo ka ia i kahi e, a onou okoa i kahi mea e.

 

  Pololei loa no ka makou i olelo ai no ka lolelole mau.  Eia no KA MAKAAINANA ke oili mau nei ma na Poakahi, a ina no i ka Poalua ae, he mea ole no ia i kona poe heluhelu, no ka mea, ua mau no ka hoohialaaiia, oiai, ua piha mau no me na nu hou oi ae, a aole loa hoi me na hua poo nunui hoopiha kowa wale o ka pepa.  Ua ike no kela ino i hoomanawanuiia i ka oi ae o na mea heluhelu o KA MAKAAINANA nei i ko laua ohakulai.

 

  No ka pomaikai o ko makou poe heluhelu, ua unuhi ae makou i kela palapala a na lala o ka Puali Puhiohe Lahui i waiho ai imua o Kuhina Poka, a e ikeia no ma ka aoao mua o nei helu

 

  Ua makemake makou e hui me kekahi mau mea o kakou nei e palapala nei ia makou i kekahi mau mea hou me ka hoike ole mai i na inoa.  O ke kumu o nei, i akaka lea ai ia mau mea, a i hiki pono ai hoi ia makou ke hilinai aku.

 

  Ua paa e hoi ko makou manao e pili ana no ka Kuhina Poka huakai ma ka aoao 4 o nei helu, malalo o ke poo "Ake Haha Hoohuiaina," ua lohe mahu hou mai nei makou mai kekahi mau iiwi mai, o ke kumuhana  io ka, he noi e hooloihi hou ia aku ka manawa o ka pono kuleana o ka Polena uweaolelo moana.  Aniani no hoi paha ia makou.

 

  E like no me ua hoakaka ma ka helu i hala, pela no i hookoia ai ua hana hoomanao o ka la hanau o ka Emeperoa o Iapana.  Nui ka mahaloia o na hookipa a hoolaulea ana a ke Kaoikela Kenerala Kepani a me kaua wahine

  Pololei no e like me ka makou i hoike aku ai ma ka helu i hala, na hookuuia na wahine alakai o ka Puali Hoola imua o ka Aha Apana i ka Poakolu nei, a ua hoopau wale ia hoi he eono poe e ae.  Ua hoikeia aole lakou i keakea i ke alanui.

  Auwina la Ponono nei i hookomo mai ai ka mokukaua Amerika Albatross i ke awa o Kou nei mai Iokohama, ana i haalele aku ai i Okatoba 22.  I kii mai la oi i kona mau eke leta a aohe i maopopo kona loihi e noho ai i o kakou nei.  He moku oia no ua hana imi naauao akeakamai.

  Aohe no i piha loa ka aha mele ma ka halepaikau hao ma Haimoeipo i ka po Poaono, Okatoba 31, no ka pomaikai o ka luakini o Imiola, Kamoiliili.  Oiai, aohe palapala ae komo i eluoluia mai, ua hele ole ia aku no a nele ai no makou me ka hoike no na mea i hanaia ma ia po.  Ua loheia mai nae hoi ua nui ka mahaloia o na himeni a na ahahui mele like ole.

  Kakahiaka nui wale o ka Poaha, Okatoba 29, i ku mai ai ka mokumahu Kepani Kinisiu Maru iloko o 14½ la holo mai Iokahama mai.  Ua lawe mai oia he 241 poe Kepani imi naauao ma o kakou nei.  Maluna mai ona o Keoki Bodimana i huli hoi mai ai.  He 234 tona ukana no nei a me na ukana e ae no Keomalewa.  Hora 3 p.m. a mahope iho o kahi la ae i holo loa aku ai oia no Seatele.

  Poaono, Okatoba 24, puhili ekolu pualikoa i na makai Kumau ma ke kipu pololei.  Penei na helu i loaa:  Makai, 391; Komopani D, 378; Makai, 402-kua i ke Komopani F me 394 a me ke Komopani G me 375.  Ua hoouoa hou mai no ke Komopani F ia ka Poaono, la 31 mai, a poino hou ua me 384 i ka 388 o na Makai Kumau.  Hauoli na nauaina o na makai ia mau la ia lakou i huli hoi mai ai malu na o ke kaa alahe a lawe pa ilio mekala ole.

 

KELA A ME KEIA.

Papaa ka hoi i ka ua kolohe!

  He mau hoolaha manao hooko a kuai moraki ko nei helo.  E nana ae no ka pono.

 

  Ae, nui ka ohumu, pela mai no kahi mea i komo pono na lima iloko o ka waihona omilumilu.

 

  I nei kakahiaka e weheia ai ka halekula olelo Enelani hou i kukuluia iho nei iuka o Maemae.

 

  He wa wale no a ku mai ka mokumahu Iapana Toio Maru me 700 poe paahana Kepani hou.

 

  He eke dala ili me na lako gula o loko ka i loaa, a e loaa i ka mea nona ia ke kii mai ma nei keena a uku mai i na lilo.

 

  He heihei au ia e walaauia nei mawaena o kekahi mau kaeaea haole elua i ike i ka au no ka la 16 ae no kekahi makana.

 

  Ua kohoia iho nei o Walata Dilinahama i kapena no ka puali kaualio pualu ma ko Kapena Kaaka wahi, i waiho ae a i lilo aku hoi i ukali no ka Ilamuku.

 

  Ua lonoia mai e hoopuka hou ia ae ana no ke ka nupepa Ke Au Hou i mauliawa kike iho nei, a ua loheia na Kakina aua ka hoi e kakoo i nei wa, ke puka io ae hoi.

 

  He mau heihei moku liilii ke malamaia ana e ka Hui Mokuliilii Hawaii iloko nei o ke awa i keia Poakahi ae, la 16, ma ke ano hoomanao no ka la hanau o ka Moi Kalakaua i make.

 

  Eia o Kikaha i Honolulu nei mai Lanai mai me ke oia kiao maikai.  Ua haohao loa ia ka oia i ka loheia aua maanei ua lilo aku ko Maui Makai Nui Anaru i Makai Nui no Hawaii.

 

  Mahope iho nei o ko J. K. Kahookano waiho ma'i kupilikii ana, ua hano i makou me ka hoike aku ua pohala aia, ua oluolu a ua puka hoi iwaho a ike hou ia ma kona keena oihana.

 

  Iloko no o ka hoopoluluhi mai o ke ao ua i mai pohina ae i ke aouli a me ko ka na hoopu mai no iuka, ua loaa ole ka oluolu, aka, he keu aku a ka ikii ai Makai mai no hoi ka makani.

 

  Ma ka Home Makuahine Kapiolani, ua hanau mai o Misasa Kaaialii Kamakea he kaikamahine i ka Poaha nei, la 5, a o Misasa Elena Poaha hoi i kahi la ae (Poalima), he keikikane.

 

  Ua haule o Misasa Kahalelaukoa Balaunu mai luna iho o kona kaa hehihehi wawae i ka Poaha nei a ua eha, koe nae hoi ke kukonukonu loa.  he mau la helu wale no paha a puka hou ae oia.

 

  Ma ka mokumahu Kalaudine o ka Poalua iho la i hala aku ai ka Luna Leta Nui no Maui, no ka makaikai ana i ko laila mau bale leta.  A mai bila aku oia e holo loa ai no na Kona o Hawaii ma ia hana hookahi.

 

S. K. PUA,

He Agena no na Waiwai Paa

He Mea huli i na Kuleana Aina i mea e

maopopo ai,

He Mea Ohi i na Aie i hiki ole ke Ohiia e

na Poe no lakou na Aie a.

He Mea Hana i na Ano Palapala P

Kanawai a pau.

KEENA HANA: - Ma ke keena o R. W.

Wilikoki, Alanui Konia.

Aug. 31 - 1mk.

 

Hoolaha Manao Hooko a Kuai a ka

Mea Paa Moraki.

  I KULIKE AI HOI ME NA HOA-kaka ana o kekahi Moraki i hanaia e JOSEPH PELE a me KEAMO, kana wahine, ia H. Dimond, i Sepatemaba 26, 1884, i kopeia ma ke keena o ka Luna Kakau Kope, Oahu, iloko o ka Buke 88, ma na aoao 368-9, a i hooliloia hoi e H. a me J. T. Waterhouse, na luna-hooko o ka palapala kauoha a H. Dimond, ma o ka palapala hoolilo i kopeia ma ke keena i oleloia iloko o ka Buke 163, aoao 275 a pela aku, ke hoolahaia aku nei ma keia na manao ka mea paa moraki i oleloia e hooko aku no ka uhakiia o ke kumu aelike, oia hoi, no ka uku ole ia o ke kumupaa a me ka ukupanee pu i ka wa i kauohaia ai no ka hookaa ana.

  Ke hoolahaia aku nei no hoi, mahope iho o ka pau ana o na pule ekolu mai keia la aku, e hoolahaia aku no ka waiwai i hoopaaia ma ua Moraki la no ke kuai a e hooliloia aku no ma ke kuai kudala akea ma na keena kudala o Jas. F. Morgan, Honolulu, na ka Poakahi, la 30 o Novemaba, 1896, ma ka hora 12 awakea o ia la.

H. WATERHOUSE, JR.

  Mea i Lilo ai mai ka Mea Paa Moraki.  No na mea hou aku i koe, e ninau ia J. Alfred Magoon, Loio no H. Waterhouse Jr.

  Hanaia Honolulu, Nov. 4, 1896.

 

  Penei iho ka waiwai e hooliloia aku ana.

  O kela apana aina a pau loa e waiho la ma Kewalo, Pauoa, Mokupuni o Oahu, i hoikeia maloko o ka Palapala Sila Nui Helu 1626, Kuleana Helu 10276, no Mahina, o ia ka Apana 2, a i hoakaka maopopo loa ia penei iho: - Aina Kalo a me Kula. - E hoomaka ma ke kihi Hema o ka loi koele o J. Piikoi ke kihi Hikina mauka o keia aina, a e holo, Akau 49º Komohana 166 kapuai ma kuauna mawaho o ke koele a hiki i ka Pohaku i Peaia X e pili ana me ko Kalawaia, alaila, Hema 36º Komohana 52 kapuai, kihi o Kalawaia, a Akau 50º Komohana 38 kapuai anahua a Akau 49º Komohana 146 kapuai ma ko Kalawaia ia mau aoao a hiki i ko Kekawewe, alaila, Hema 46º Komohana 72 kapuai ma ko Kekawewe, a hiki i ko Kalawaia, alaila, ma ia aina Hema 43¼º hikina 284 kapuai a hiki i ka Pohaku ma ke ala liilii, e pili ana me ka mokuna o Kewalo a me Auwaiolimu, alaila, pololei iuka, e pili ana me ka aina o ke kula a hiki i kahi i hoomaka ai.  O ka Ili 72-100 Eka.

 

Hoolaha Manao Hooko a Kaui a ka

Mea Paa Moraki.

  I KULIKE AI HOI ME NA HO-akaka ana o kekahi Moraki i hanaia e ANNIE HAINES me CHARLES HAINES, kana kane, ia W. A. Kinney, i Augate 4, 1887, i kopeia ma ke keena o ka Luna Kakau Kope, Oahu, iloko o ka Buke 111, ma na aoao 403 a pela aku a ua hooliloia hoi ua Moraki la ia J. A. Magoon ma o kekahi palapala hoolilo, ke hoolahaia aku nei ma keia ua manao ka mea i hooliloia aku ai o ka Moraki i oleloia e hooko aku no ka uhaiia o ke kumu aelike, oia hoi, no ka uku ole ia o ke kumupaa a me ka ukupanee pu i ka wa i kauohaia ai no ka hookaa ana.

  Ke hoolahaia aku nei no hoi, mahope iho o ka pau ana o na pule ekolu no ka waiwai i hoopaaia ma ua Moraki la no ke kuai a e hooliloia aku no ma ke kuai kudala akea ma na keena kudala o W. S. Luce, Honolulu, ma ka Poakahi, Dekemaba 7, 1896, ma ka hora 12 awakea o ia la.  No na mea i koe, e ninau ia.

J. A. MAGOON.

Hanaia Honolulu, Nov. 7, 1896.

 

  O ka waiwai e hooliloia aku ana penei iho no ia:

  O kela apana aina a pau loa e waiho la ma Puunui, Honolulu, a i hoakaka maopopo loa ia ma ka Palapala Sila Nui 4461 B, Kuleana 1070, no Hikoula.

 

HOOLAHA A KA LUNAHOOPONOPONO

WAIWAI.

  Ua hookohu pono ia ka mea nona kainoa malalo iho i Lunahooponopono no ka Waiwai o PAELE [k] o Waikele, Ewa, Oahu i make.  Ma keia ke hoikeia aku nei ka lohe i na mea a pau he mau koi ka lakou ma ka moraki a palapala e ae paha, e hoike koke mai i ka mea nona ka inoa malalo iho nei iloko o na Mahina Eono [6] mai keia la aku, a i ole, e hooleia aku mahope o ia manawa.  A o na poe he mau aie ko lakou i ka mea i make e awiwi lakou i ka hookaa koke mai ma ke keena loio o S. K. KANE, ma ke kihi o na Alanui Moi a me Betela ma ka hale maluna.

MRS, KANUI PAELE.

Lunahooponopono Waiwai o ka Waiwai o Paele ki i make.

  Honolulu, Okatoba 1, 1896.  oktle-@