Ka Makaainana, Volume VI, Number 19, 9 November 1896 — Page 7

Ka Makaainana.

HONOLULU, OAHU, POAKAHI, NOVEMABA 9, 1896

7

 

ropa papapai e kue ana ia Iselama.

            O ke Komite Beritania i hookohuia ai no ka nieniele ana ia ke kumu o na hoohaunaele koke ana mai nei ma Konakinopela, pela ka hoike o kekahi lono o Okatoba 23, ua kohokoho ae he 15,000 poe Amenia ma Konakinopela a me na wahi mawaho aku e pili kokoke mai ana i hoilihuneia mamuli o na hana luku wale.

Laulaha ka Hopohopoia ma Tureke.

            Ua lonoia ma Konakinopela, Okatoba 25, ua hopuia e na makai he heluna nui o na mea hoopahu i ke ahiai mamua iho.  Ke hoomau la no ka hopuhopuia o na poe Amenia.

            Wahi a ka mea kakau ma Konakinopela o ka nupepa Standard o Ladana, i hoopukaia ae i Okatoba 25, ua nui palena ole ke kuaiia ana o na lako kaua i ka pule i pau, a ke laulaha awiwi loa aku la hoi na manao hopohopo a hoohikilele hauli.  Ua manaolana ka halealii e hoopuhili aku i ka hoomaopopo ana o na poe Moselema ma Konakinopela mai ka lakou mau hana pono ole ma ke ano kiola maunu aku no ka hiki ia lakou ke lawelawe aku i na hana hao wale palena ole.

            A mai Atenai ae hoi i ia nupepa like no, no ka loaa o na lono mai na wahi a pau o Tureke e kuhi pololei ana no ka hoomahae pau pono loa ia ae o na hana hooponopono aupuni a me ka nele loa o ka pono kaulike a me ke ka lehulehu hoopakeleia.  Ua hoouna like aku na elele o na aupuni e ae i ke Aupuni o Tureke he palapala huiia o ke ano a hiona oolea loa, mamuli hoi o ke ano kupilikii loa o ke kulana.

 

Hoopilikia i ke Kuikahi Pukolu.

            Ma ke kamailio ana a na nupepa kakoo B simaka no ka mare o ke Kamaa o Napol@, ka Hooilina Moi o Italia, ia Kama'liiwahine Helene o Monotenegero, ua hoopiliia ae ia mea me he hana pahele la ua Enelani e hookukaokoa ae ia Geremania a kaawale a e kono aku hoi i ko Italia unuhi aku iaia iho mai ke Dareibuna.  A ma ka manao hoi o kekahi mea kakau, he ka hoaka waho wale no ka nanaina io o ke Dareibuna, oia hoi, he hoomaikeike wale no ea he kuikahi.  Wahi no a ia mea, aole loa e hiki ana ia Geremania ke hilinai aku i kona mau hoa, oiai, ua maopopo lea loa no iaia e hiki no ia Rusia ke haawi ae i kona ae ana e hui me Farani, he enemi hoi i ake loa e panai aku i ka hoopai no ka eha i loaa mua iaia.  He mau hana ka keia i hoolalaia e ka Emeperoa a me kona Kuhina Nui, Generala vona Caparivi, no ka hoomahae ana i ka Kama'lii Bisimaka kahua alakai hana a e hoao e hoomalielie ia Rusia:

 

Ke Suletana o Zaniziba i Hoopauia,

            Mahope koke iho o ke ki poka ia ana o ka halealii o Suletana Saida Kalida o Zaniziba @ na mokukaua Beritania, ua hoonoho ae na poe Pelekane i kahi mea i ku i ko lakou hoihoi ma ia kulana.  Ia wa no, ua holo aku ke Suletana paakiki a hoonoho iaia iho malalo o ko Geremania malu ina o kona Kanikela la malaila.  Ua koiia aku ko Geremania haawi pio mai iaia, ua hooleia mai na@, a maluna o kekahi mokukaua Geremania oia i laweia aku ai no Aferika Hikina Geremania, ka okana o ia Aupuni malaila.  Ano hoi, ua hoikeia ae ma Berelina, pela kekahi lono i hoikeia ae ma Ladana i Okatoba 13, ina e hoao ana o Saida Kalida oiai oia @ noho ana malalo o ko Geremania malu e ohumu a e lawelawe i na hana poholalo no ka loaa hou mai o ka nohoalii iaia, e kipaku no o Geremania iaia mai kona okana aina aku.

            Koi o Enelani e Hookuuia Mai.

            I kakahiaka o Okatoba 23 i koi aku ai ka Maku sa o Saulebure no ka hookuu koki ia ae o Sun Yet Sen, he kauka Pake i oleloia he kupa Ber tania oia, a e like hoi me na olelo a kona poe hoa'loha, ua hopuia oia iaia e koalo ae ana i ke Keena Kuhina Pake ma Ladana, Enelani, a ua paaia maloko o la la ma ke ano he pio malalo o ke kumu hoahewa aia oia ke lawelawe la i kekahi hana ohumu e hookahulihia i ka ohana noho alii Manakuria o Kina.  Aole no i loihi loa ko na luna oihana Pake ike a hoomaopopo ana iho e haawi pio aku lakou i mea e pono ai, a ua hookuuia ae hoi ka Pake i hoopaahaoia.  He h umana ao kauka oia a i holo i Ladana e hoopau pono loa ai ikona ao ana i ka ike lapaau.

Aina no na Poe Kepani.

            Ua loheia mai, pela ka hoikeia ma Sana Diego, Kaleponi, Okatoba 10, ua hoike o Konela de Gerese, Kanikela Hawaii ma Mekiko, i kona Aupuni (o ia paha hoi ke Aupuni Hawaii nei) ua haawi ke Aupuni o Mekiko i kekahi mahele aina nui i na poe Kepani hoolaupai ma kekahi mau okana o ia Aupuni i hiki aku ka huina nui i na @ka he 300 000.  Wahi ana i pakui mai ai, o keia ana ka hua o ka hookahuaia ae o kekahi laina mokumahu e holoholo ai mawaena o Iokohama a me ka aekai komohana o Mekiko ma o Honolulu mai.  Ua kakoo keia i na lono mua no ka na Kepani mau lawelawe hoohana aua ma Mekiko, a ua manaoia he hooia ana keia o ke awa o Sana Diego ke awa kumoku Amerika kupono loa no ua lana mokumahu la.

 

Ke Poo Ekalesia o Enelani.

            No Ladana ka hoike o Okatoba 25, ua hookohuia ka Mea Hanohano a me ka Rev. Nui Frederick Temple, D. D., Bihopa o Ladana, i ke kulana Akibihopa o Kanatebure a Poo Ekalesia hoi o Enelani a pau ma ka i o ka Mea Hanohano a Rev. Kiekie Loa Edward White Benson, i make emoole ai ma Hawadene, Okatoba 11.

            He keiki ka Akibihopa hou o Kanatebure na kekahi aliikoa iloko o ka pualikaua.  Ua banauia oia i Novemaba 30, 1825, a ma ka make ana o Kauka Jackson iloko o Ianuari, 1885, ua kohuia o Kauka Temepele i Bihopa no Ladana.

 

Aha Mare o na Alii Opio.

            Ma Roma, Italia, Okatoba 24, i hookoia ai ka mare o ka Hooilina Moi o Italia ia Kama'liiwahine Helene o Monotenegero.  Ia kakahiaka, hora 11, i hookoia ai ka mare kivila ana iloko o ke keena hulahula o ke Kuirinala, ka halealii.  Pau ia, ua kai huakai aku ka paa opio a ka Luakini o Sanata Marie Degeli, aole no i mamao loa aku, kahi i hookoia ai o ka mare hoomana, a pau i ka hora 1 p. m.  Nui ka uwa uwaia ma ke ala e na leo hooho hauoli o ka lehulehu oiai hoi na koa e ku lalani ana ma o a maanei oke ala.  Ua uina nakolo kolo ae na kileo o n i pu-ku@ia hi

 

Na Hunahuna Laulaha.

            I keia mau la koke iho e noho ai ka aha nieniele i na koi poho o ke Kai Ber na ma Vitoria, Kolumebia Beritania.

            He ma'i ahulau weliweli ia e holapu la ia Bomabe a me Calacuta, Inia, a ua nui hoi ka hopo hopoia iwaena o na haole e noho la ma ia wahi.

            He olai ka i hoonaue ae ia Monetone, Farani, i ka hora 6:30 a. m. o Okatoba 16.  A i ka hora 7:16 p. m. iho no o ia la ma na wahi lehulehu o Italia.

            Ua hapalua no ka hoi a oi o ke kulanakauhale o Gaiakuila i pau i ke ahi, a ua oi aku mamua o 30,000 poe i nele i na home a me na mea e pono ai ke ola.

            He pauahi nui mai nei ko Monotereale, Okana o Kuibeke, Kanada, i ka auwina la o Okatoba 16, a o ka oi hoi i ikeia no kani wa loihi loa me ka nui o ka poino a me ke poho.  Ekolu poe kinalahi i make, a he umi paha a oi i eha.

            Ua haalele aku o Mekia Lotea i ka uouo hana ana malalo o ke Aupuni Conogo, i hookuu koke ia mai nei ma ka hookolokoloia ana ma Berusela, Holani, no ka hooko ana i ka hoopai make maluna o kekahi mea lawelawe kalepa Pelekane, a ua hoi aku a noho bana malalo o na Faraoi ma Madegasaka.

 

Robert Napunako Boyd

(ITALIA)

He Ana-aina a he kokua no hoi ma ka hooponopono ana i na waiwai paa, huli ana paha i na Buke o ke Aupini, a pela aku.

            Keena Hana:  Mauka iho o ka Hale Leta, maluna ae o ka haleaina Pake, Alanui Betela.  apl 13-mp

 

NO KE KUAI.

            He ale o Elima Keena, hookahi m akahiki o ka paa ana, a me Elua Apana Aina ma Kalia, Waikiki, ma ka mahele aina o Bruce Waring & Co., e hooliloia aku no i ka mea e makemake mai ana.  Aia keia wahi ke pili kokoke la i kahi noho o E. S. Boyd.

            KUMUKUAI:---$1,000;  $500 ma ke kuike, a ma ka Moraki ke koena no ekolu makahiki ma ka pa-keneta ukupanee.

            No na mea i koe, e ninau ia

            BRUCE WARING & CO.,

a i ole, ia F. J. TESTA, ma ke keena o keia nupepa.  sept 7-mp

 

HALEKUAI LAHUI KALAHIKI.

Helu 405, Alanui Moi, ma Waikiki aku e Alanui Nuuanu, ma ka aoao mauka, ke keena mua o ka "Hawaii Holomua."

Ma ia halekuai o na oiwe e loaa ai ma anei a me na paihi o na ano hou loa, e laa

Na Kalakoa,    Na Keokeo,

Na Makalena, Nakinamu,

Na huluhuli, Na Lihilihi,

            Na Kamaa o na Kane, Wahine me Keiki a pela aku.

            Oluolu no ke kuai ana.  Aohe hewa ke kipa mai e ikemaka, a aohe no hoi he kunu kunuia no ka hoikeike ana i na mea kuai.

            @

 

KUAI EMI LOA!

SING LOY,

(SINI LOY),

Helu 51 me 53, Alanui Moi, ma Ewa aku o ka Huina-a-Ka@e.

E Kuai Hoopau ia aku ana na Waiwai a pau o keia Halekuai me ka nana a hoomaopopo ole ae i ke Kumulilo

 

No Elu Pule Wale No

E Hoomaka ana i ka

Poaono, Okatoba 31,

a pau i ka

Poaono. Novemaba 14

            Mai no a hoopoina i keia ae la. 

            O na ano Waiwai like ole no a pau loa ke hooliloia aku ana, i nui loa hoi ke helupapa aku.

           

            Hele mai Hookahi,

            Hele mai no a pau loa.

            SING LOY

            okt26-3mw

 

C. E. Williams me Keiki

Ed. A. Williams, Luna Nui.

Helu 611, Alanui Moi, ma Ewa iho o ka Pa o Aigupita.

 

He mau mea kuaia lako hale o na ano a pau loa.

 

He mau mea Hana Pahu Kupapau @ Hooponopono Ho@lewa

 

            E hoolakoia no na Kaa Kupapau, na Kaa pio a me na Kaa-ohana.

            Ina no e ninau ia laua, e loaa no na Pohaku Kia Hoomanao no na He Kupapau.

 

            O ka Ialoa kekahi hana hiki loa ia laua, aia ia malalo o ka lawelawe ponoi ana a Ed A. Williams, F. D., he mea i puka pono mai ka Kalaka Kula o ka Ialoa Maikai ana @ o Mei, 1894.

 

NA TELEPONA

Keena.  Helu 1@0--Kauhale a me Kahea P@.

Helu 818.

nov 8-mp

@