Ka Makaainana, Volume VI, Number 16, 19 October 1896 — Page 6

Ka Makaainana.

HONOLULU, OAHU, POAKAHI, OKATOBA 19, 1896

 

IOSEPINE

KA

EMEPERESE PUUWAI OLU O FARANI

MOKUNA IV

 

HOOKUUIA MAI KA HALEPAAHAO.

 

[Mai ka Helu 15.]

            O keia wahi kanaka Kosika uuku, aole no ia he mea e ae, aka, o Napoliana Punipake no ia, a i keia manawa ona i kaheaia aku ai e hele mai imua o ka Ahakuka, akahi no a pii ae ka hoku o kona kaulana maluna o ke kahua wela o Tulona.  He wahi kono pilalahi wale no kona, a me he wahine la kona nanaina, aka, he mau maka oi kona e like me ko ka aeko.  Iloko oia o ka ma’i i waiho ai a akahi no a oluolu ae, aka, e ano kunewanewa ana no me ke kunahihi a ku ana imua o ka Ahakuka, a na lilo ia he mea hookahaha i ko lakou nana ana mai i ko lakou mea nana e hoopakele ia lakou mai keia poino e nee mai nei, aole hoi he kulana o ke kanaka koa, aka, he wahi keiki maimai me ka nawaliwali.

            A no laila i haka pono mai ai na maka o ka Peresidena a ninau mai la iaia me ke ano kanalua: “Ke aa nei no anei oe e lawelawe i ka hoopakele ana ae ia kakou?”

            “Ae,” wahi a ka pane me ke pihoihoi ole.

            “A ke hoomaopopo nei, anei oe i ke koikoi a me ke kupilikii a ka hana au e aa mai nei e lawelawe?”

            “Maopopo loa!” wahi a Napoliona i pane aku ai me ke kau pono a ia o kona mau maka maluna o ka Peresidena; “a ua maa no hoi au i ka holopono o ka’u mea e lawelawe ai.”

            Mai ia manawa mai i hookahua iho ai oia i kona kulana a me kona mana.  Ua hoomaopopo iho la na lala a pau i kona manao paa.  Ua haawi mai la o Barasa i ua mea a pau o ke kulana alihikaua iloko o ko Napoliona lima.  Ia manawa koke no o Napoliona i hoopuka ae ai i kaua kauoha e hoakoakoaia na pualikoa aupuni a pau e ku ana mawaho aku o Parisa iloko o ke kulanakauhale, a hoonohonoho aku la i na pu-kuniahi @ he 50 malalo o Murata e paa pono ana hoi i ke alanui e hiki aku ai i ka hale hui, kahi o ka Aha e noho ana.  Ua hoomaopopo oia ina e hakalia iki iho ana kana mau hooponopono a me kana mau hoonohonoho ana i keia mau pu-kuniahai, e lilo e ana ia kahua i ka enemi; a ina e lilo ua kahua la i ka aoao kipi, ina na hiki ole i ka aoao aupuni ke pale ae ia lakou iho.  Aole i pili ko Naohona maka ia po a ao.  I ke ao ana ae, ua hookahahaia na mea a pau i ka ike ana mai i na koa o Napoliona e ku ana me ka makaukau me he papu la.  A o Napoliona hoi, e kali malie ana oia no ka hiki mai o ka manawa ana e hooili aku ai i ka make weliweli maluna o ka enemi ke komo ao lakou iloko o ko pahele ana i hoomakauka uia ai no lakou, a me he mea la ua molakiia e ia ka lanakila o ia la, a aole oia i kanalua iki no ia mea.

            Ia Napoliona, e liuliu ana a e hoonohonoho ana i kona mau koa i kela po, aole no i moe ka enemi, aka, e houluulu ana no lakou i ko lakou mau puali ma na wahia pau o Parisa, a me he mea la, e like paha me ka loheia ana o ka halulu a me ka nu mamua o ka hoea ana mai o ka ino pela iho la ka hauwalaau o na alanui o Parisa.

            I ka hoea ana mai o ka hora no ka hana, ua oi aku maluna o kanakolu tausani kanaka koa i lako pono me na mea kaua o ka aoao kipi, e alakaiia ana e na aliikoa i hele a laeula ma ia hana; e nee aku ana i kahi o na wahi koa kakaikahi e hoopuni ana i ka hale hui.

            E aa ana no anei kahi kanaka Koaika e ki aku i na kanaka – na makaainana hoi?  E aa ana anei keia wahi keiki, i hiki ole aku i ke kulana kanakamakua, e hookahe i ke koko o kona lahui ponooi maluna o na alanui o Parisa?  A e aa io ana anei ia e paio mai kona mau wahi haneri koa me na tausani koa o ka enemi.  He hana keia nona ka hopena he make wale no ina e haule.

            Me na papalina haikea a me na maka hulili, ku malie iho la o Napoliona, oiai na tausani koa o ka enemi e hookokoke mai ana imua ona la.  Aole oia i hoao e keakea aku ia lakou, aole oia i pane leo, aka, ku malie iho lano ia me he kii la.

Aole i pau.

 

            He lele baluna hoi ko ka auwina le Poaono Sepatemaba 26, iwaho o ka Peka Kuokoa, Pawai, na Porofesi, Palaika, aka, no ikaika lauua ole mai o ka pa kikiao o ka makaui, ua pahu ka baluna a hiki ole ke lele.  Ua hoopaneeia mai a ka auwina la, Poakahi i hala e lele ai ke hiki hoi; a hiki mai uae hoi i nei la, he ole ka lele, ua paumua nae na kenikeni a kahi poe i ka ohi ia, pela ka louoia mai.  O kahi mea hope nona, ua ahai aku ka pupuhi iaia ma ka mokumahu D@rica no ke Komohana me ka haalele iho i na ai@ lehulehu mahope nei.

 

NA KIKE OLELO ANA

 

A na Mea Elua Iloko o ke Kino Hookahi

[Mai ka Helu 14.]

N – Ua manao anei oe e pane pololei ia mai ana ia mea?
H – O ia ko’u manao.  A ina aole he pane pololei e loaa mai ana e like me kau e ninau mai nei, alaila, ua hiki ia kaua ke olelo iho, ua haalele paha o Amerika a ua makemake ole e hoopau i ka ekaeka o kona inoa maemae i minamina nui ia o ka lahui.

N – O ko’u manao koho wale keia, e loaa mai ana kana pane pololei imua o na komite lahui ke hoouna aku, no ka mea, mai ko ke Kuhina hoi ana mai a hiki i keia la, aole he hoike pili aupuni i lohe iki ia no ka ninau o Hawaii, a aole loa no paha he mea a kona aupuni e hap ana, a mamuli o ia ano, aia na aoao elua ke kku nei me ka maopopo ole, aka, ina aole i hiki mai i ka hora o ia pane, o ia ke kumu.  No keia maopopo ole, ua kupono paha e hoao kakou e koi aku i keia Aupuni e ae mai e koho balota akea na aoao a elua, e koho lakou i na mahele aupuni a lakou i makemake ai, a e koho no hoi ka lahui i ka lakou aupuni i makemake ai.  He hookahi wale no a ka lahui ano aupuni i makemake ai, aole elua, aole ekolu; pehea la kou manao ia?

H – He oiaio ia, he hookahi io no aupuni a ka lahui i makemake ai, ke loaa i keia Aupuni ke ano Karistiano oiaio, alaila, hiki a ina aole, aole no e hiki ana.  A ina hoi e ae mai @, aole o ka ae mai ma ka waha ka mea i makemakeia, aka, o ka ae pu mai ma ka palapala me ke kapae ae i ka hoohiki kakoo, a e hookomo iho ma ia wahi, “koho balota hoohaiki ole.”  Ua manao au, o ke hoi ana o ka lahui ma keia ano imua o keia Aupuni, he hana ia I mahaloia e na mana aupuni e ae a e maopopo mai, ai i ko ke ao a pau, ke koi nei lakou i ko lakou kuleana oiaio koho balota, ko lakou wahi kuleana hookahi wale iho no i koe.

N – He manaoio no anei kou, e ae mai ana lakou nei i ke koho balota akea?

H – Aole au e hooiaio aku ana ia mea, no ka mea, aole ia kaua ka mana ae koho balota, no lahkou nei ae ia maua.  Aka, ma ka hoomaopopo aku, aole io @ ae mai ana lakou nei, aka, o ka @ e hana, o ka oni e oni aku no ke koho balota imua o ke Aupuni e ku nei, a i hoole mai no hoi paha, he naui ia ua koi ia aku la no ma ke ano Pelekane Ke lawe kaua a nana aku i ka Beritania hana hewa ana, ua hoomaemae no oia i kona inoa, pela no o Farani, ua hoomaemae no oia i kona inoa.  A pehea o Amerika, ahea oia hoomaemae ae i kona inoa I kaenaia no ke kaulike me ka lanakila, ka mea hoi a kaua e kamailio nei, e koi aku i ke Aupuni e ku nei no ka ae mai i ke koho balota I hoomaemae ole ia e Amerika? Ina aole he loaa o ke kaulike ia Amerika, maliapaha o loaa ae no hoi i kahi mau mana e ae ke kaulike, ia Beritania paha, Farani, Geremania paha, a pela aku; nolaila, aole anei he mea pono ka oni ana aku iwaena o lakou? Eia nae paha, ua papa ka Amerika olelo hooholo, ea? Oiaio paha, aka, o ka hoao ka mea pono; e oni e au, e ala ae no ke koi aku i ke koho balota akea, aole i ke koi koho balota ma ka hoohikiia mai e lakou nei e loaa ai ke koho ana.

N – Pehea kou manao, aole anei lakou nei e onou mai i aupuni, mamuli o ko lakou nei makemake ponoi iho, a o ia ka kakou e koho aku ai?

H – Nawai hoi auanei ka ole.  Ma ka hoomaopopo aku, e onou ia mai ana no.

N – I kou manao ana, heaha ka lakou nei ano aupuni e onou mai ana?

H – Ke manao nei au, e onou mai ana lakuo nei he ekolu paha mahele e waihoia mai ana na ka lahui e koho aku.

N – Heaha ia mau mahele i kou manao ana?

H – Eia na mahele a’u e manao la: 1-Hoohuiaina; 2-Aupuni Hoomaluia e Amerika; 3-Aupuni Moi me Kaiulani.

Aole i pau.

 

C. E. WIlliams me Keiki,

Ed. A. Williams, Luna Nui.

Helu 611, Alanui Moi, ma Ewa iho o ka Pa o Aigupita.

 

He mau mea kuai lako hale o na ano a pau loa.

 

            He mau mea Hana Pahu Kupapau a Hoe onopono Hoolwea.

            E hoolakoia no na Kaa Kupapau, aa Kaapio a me na Kaa-ohana.

            Ina no e ninau ia laua, e loaa, no na Pohaku Kia Hoomanao no na He Kupapau.

            O ka Ialoa kekahi hana hiki loa, ia laua aia ia malalo o ka lawelawe ponoi ana e E. A. Williams, F. D., he mea i puka pono ma ka Kalaka Kula, o ka ialoa Maikai ana iloko o Mei, 1894.

NA TELEPONA

Keena, Helu 179 – Kauhale a me Kahea Pu.

Helu 818