Ka Makaainana, Volume VI, Number 15, 12 ʻOkakopa 1896 — Page 7

Ka Makaainana.

 

                HONOLULU,  OAHU,  POAKAHI,  OKATOBA  12,  1896          7

 

ia i nei wa aole i emi mai malalo o 100,000 poe Amenia i lekuia, mai na kane, na wahine a me na keiki.

Hoomau ka Lukuia o na Karistano.

  He lono ka i loaa ae ma Ladana, Sepatemaba 20, e hoike ana ua loaa ae na lono i ke Konea Kuhina Amerika ma Konakinopela mai kekahi mai o na keena kanikela Amerika ua oili ae he luku hou ana, a ua nui na poe Karistiano i pau i ka pepehiia a make ma Egini, iloko o Kaputa. Aia hoi ka halealii o ke Suletana ke hoopuniia la e kona mau pualikoa kiai ponoi, a ua lehulehu loa hoi o lakou i ano makee ole aku iaia a ua komohia paha hoi ka manao kipikipi iloko o lakou mamuli o o ko ke Suletana hoonoho ana aku i Konakinopela i ka Puali Kaualio Hamidie, he poe Kude hoi i maopopo loa ko lakou ano aihue a me ka okipuu.

  Ma kela luku ana i hoikeia maluna ae i ua la 15 a me 16 o Sepatemaba, ua lele aku na Kude ma kahi o na Amenia a ua luku ahulau aku me ka hoomaopopo ole ae, a ua pau aku he heluna nui i ka pepehiia a make. Ua hele pu no nei mau hana luku me ka hao wale a me ke puhi ahi i na kauhale. Lehulehu na poe Ameaia i holo aku no na kuahiwi. E like hoi me ka hoi ke a ke Aupuni o Tureke, he 600 ka nui o na poe Amenia i pepehiia ma Egini. I hewa no ka i na poe Amenia, pela no ia hoike, i ko lakou ki pu aku iloko o kahi uoho o ua poe Tureke. Eia nae, aole mau hoike maopopo loa i loaa ae. Ua pakele ko Egini poe Amenia mai ka lukuia iloko o 1895 mamali o ke kipe ana me kedala a me ua lakou mea ai. Ua hopohopoia, o keia paha ka hoomaka hou ana aku o na luku ana i na poe Aineaia.

Na Lonolono e ae no Tureke.

  Ua hooleia ke noi a ke Aupuni o Tureke e hoolako aku i na kahua oihana emehasa me na koa kiai, oiai, ua oi aku no ka hili nai o na luna oihana o na aina e i na koa luina o na mokukaua o na mana.

  Ke hopohopoia la ma ua wahi kiekie loa e oui ae ana na poe Muselemana a kue aku i ke Suletana, nolaila, kelawelawe la na hoomakaukau kana, ana ma ke ano nui.

  O na kauwa lawelawe hoi keia o ka halealii a me na luna haole o na wahi hana lako kaua, ua pau i kipakuia, a e hoike ana hoi keia i kupilikii a hopohopoia, a me na hana hoi o ke ano poholalo. Ua hoopauia o Roderaua Pasa, Kiaaina o Konakioopela, a ua hopoia hoi na pokii o ke Suletana.

  Oiai no hoi, ana uo ke Suletana ke paakiki la i ka hoole i ke koi a na mana e loaa ka aeia o eono mau mokukaua e koma laelae aku i ke Dadanele, ua heluheluia ae nae hoi ha kuahaua iloko o na luakini Mahomeda, he mea paha hoi i kohoia aku no ka hoomakaukau ana i na makaainaua no nei hana, ke hoea ae.

Lilo Pio o Dongola i na Beritania.

  Ua loaa ae ka lono ma Kairo Aigupita, Sepatemaba 20, ua lilo pio mai o Donogola, ka pahu hopu hoi o ka huakai kaua Auegelo-Aigupita e nee la imua, me kekahi keakea ole ia mai e na oe Derevise, no ka mea, ua haaleleia iho o laila me ke koe kanaka ole. (I ka la mamua iho keia lilo pio ana.) Ua pakui ae ka lono ua lilo mai ke kulana kauhale o Ele Hafiri, ma ka akau aku o Donogola, o kahi hoi ia a na poe Derevise i nee aku ai i ka la mamua ae, mahope iho o kekahi hoouka kaua hahaua ana. Mahope iho o ka lilo pio ana mai o ia wahi, na hopu pio aku na Aigupita he 27 mau waapa i piha me na mea-ai, a he poino nui paha hoi ia no na poe Derevise e popilikia ai. Ua hooikaika lakou ma na hoao aa makehewa ana e lilo hou mai kela mau waapa, aka, ua ki makawalu ia aku me ka hahana iwaena o lakou mai na pualikoa a me na waapa-pu, a ua haalele aku lakou me ke poho o ka manaolana.

  Mahope iho o ko na poe Derevise auhee ana, ua nee aku lakou no ka hema o Donogola. Ia wa like no hoi i holo aku aina waapa @ uahu o ka huakai no ia wahi like no, a no ka oi aku no hoi o ka holo na hoea mua aku ilaila mamua ae o na poe Derevise. Ua loaa aku ia wahi ua nele me na koa, nolaila, ua hoolele koke ia aku he puali o na koa hele-wawae a paa ia wahi a hoea aku ka hapauui o ka huakai. Oiai hoi, aole ai a ua poe Derevise, ua manaoia e hoao ikaika aku ana lakou e lilo hou mai o Donoola

  I lilo pio mai o Eie Hafiri mahope iho o ka hakake hahana ana a me ke kue oolea mai no hoi o na poe Derevise. Mahope o na papu lepo i hana maikai ia ko na poe Derevise poe ki puraifela kahi i ki ai a iloko hoi o na auwaha i halilia me na moena. Eia nae, ua lilo keia mau palepale o ka hanaia ana i mea ole i na ki poka oolea a hahana mai na pu-raifela a na koa Aigupia a me na pu Makima a kekahi pualikoa Pelekane. Ua huinaa no na poe Derevise iloko o ka hiolo maka walu ana o na poka, eia nae, ua hiki mai no ko lakou wa e hiki ole ai ke ku aku a haalele okoa, Aohe ko lakou poe kaualio i komo aku ma nei hooili kana ana, aka. ua ku mamao aku no iloko o ka waoakua a nana mai ne ka hopena o ke kaua. I ka lele ana aku o na Beritania me na Aigupita, ua haalele iho lakou a pau no ka hema aku. Ua lilo i mea hauoli loa ia e na kanaka ka haule pio ana o ia wahi, o ka hoomanawa@ loihi ana hoi i na hana kaeku a na poe Derevise. Ua uwauwa lakou, hulahula a himeni me ke ano pioloke a piha ohohia loa, a ua kapa ae i ka huakai o na koa o ko lakou poe hoopakele ia.

  O Sa Hebeta Kikena (S r Herbert Kitchener) ke alakai o ka aoao Anegelo-Aigupita, a o Wada Bisara hoi ma ka aoao o na poe Derevise. Ua eha ka inoa hope ma Ele Hafiri, a ua laweia aku a kaawale mai kahi aku o na poka. Iaia ka i ike ai ua auhee oia, ua olelo ae oia, "Ua kue mai o Alahe ia'u."

Na Hunahuna Laulaha

  He 16 poe aliikoa Helene, pela kahi lono mai Atenai o Sepatemaba 10, i pau i ka ahewaia e make no ke komo pu ana ma ke kipi ma Kerete, a he poe okoa e ae no kahi e hookolokoloia la.

  Ua hoopuka ae ka Pope he palapala pili ekalesla hou i Sepatemaba 18, e pili ana i ka pono a pololei ole o ka oihana kahuna o ka hoomana Anagalikaua, a e uwalo aku ana i ko na poe Anagalikana hoi aku a malalo o ka malumalu o ka Ekalesia Katolika Roma.

  He louo no Viena o Sepatemaba 16 kai olelo ae: Ua hoikeia mai ua lele pepehi la mai kekahi poe akeakamai o ka mokukaua Alabaterosa i Augate 10 e na kanaka o Guadalacana, Paeaina Solomona. He kanaka huli i ke ano o ka honua, nona ka inoa Fuletona, he pikimana a me elua luina ka i make.

  Ua pau mai nei, pela ka hoike o kekahi lono mai Manila, Paeaina Pilipine, o Sepatemaba 13, na alakai o ke ala ohumu kipi ma ka apana o Covite i ka hopuhopuia a ki pu ia. A no ka la 21 mai hoi ka lono mai laila ae, ua kuahaua ae o Kiaaina-Generala Balan@co no ka laweia o na waiwai a pau o na poe kipi ma ia mau paemoku.

 

  No ka piha ana o na makahiki elua o Kenei (Kenneth), ke keikikane mua a hiapo loa a Misita Giovani Apiana Loua, ua haawi ae na makua i ahaaina hoomanao ma ko laua wahi noho mauka o Manoa i ka auwina la Poaono, Okatoba 3, Lehulehu na poe i hiki aku a ua haupa iho i na ono a pau i hoomakaukauia a lawa. Ke panai aku nei makou i na hoomaikai ana i ke kama nona ka la, me ke kalokalo ae e loihi kena mau la me nei ola ana. E ola ana no paha hoi o Kieke laua me Kaae i ka laua moopuna.

 

  Ua malama io ae no o G. W. Kualaku a me kana wahine i ke la hoomanao hauau o ka laua keikikane i ka Poalua, Sepatemaba 29, a ua nui a lehulehu na poe i nele aku e ai i na ono a pau i hoomakaukauia. Ia auwina la a aumoe ia po ka ai ana, a hoomauia no i kahi la ae  Ma ke kona akea a G. W. Kualaku, ua hanaiia ka lehulehu i hele aku i ka Poalua e ike a e makena i ke kino kupapau o J. Nawahi. Ola no. E ola loihi ke kama nona ka la, o ka makou kalokalo ia, me ka penai pu aku no hoi i na hoomaikai ana o ka la.

 

Robert Napunako Boyd

(ITALIA)

    He Ana aiha a he kokua no hoi ma ka hooponopono ahi i na waiwai paa, huli ana paha i na Buke o ke Aupune, a pela aku.

          Keena Hana: Mauka iho o ka Hala Leta, maluna ae o ka haleaina Pake,

Alanui Betela.                         apl 13-mp

 

C. B. DWIGHT

(KALE KUAIKA.

    Mea Hana Pohaku Kaekae Alanui, na He Kupapau a me na Kia Hoomanao Mahala.

        E loaa o  oia ma kona wahi nohe ma Koluiu, Honolulu nei. Telepona, Helu

833.                                             17-lmk

 

HALEKUAI LAHUI KALAHIKI.

    Helu 405, Alanui Moi, ma Waikiki aku o Alanui Nuuanu, ma ka aoao mauka, ke keena mua o ka "Hawaii Holomua."

Ma ia halekuai o na oiwi e loaa ai na anoi a me na paihi o na ano hou loa, e laa

         Na Kalakoa,           Na Keokeo,

                 Na Makalena,   Na Kinamu,

                        Na Huluhulu,   N @ Lihilihi,

  Na Kamaa o na Kane, Wahine me Keiki, a pela aku.

  Oluolu no ke kuai ana. Aohe hewa ke kipa mai e ikemaka, a aohe no hoi he kunu kunuia no ka hoikeike ana i na mea kuai.

                                               M. PALAU, Luna Nui,

           @ok 14@f

 

NO KE KUAI.

  He Hale o Elima Keena, hookahi makahiki o ka paa ana, a me Elua  Apana Aina ma Kalia, Waikiki, ma ka mahele aina o Bruce Waring & Co., e hooliloia aku no i ka mea e makemake mai ana. Aia keia mwahi ke pili kokoke la i kahi noho o E. S. Boyd.

  KUMUKUAI:--$1,000; $500 ma ke kuike, a ma ka Moraki ke koena no ek@lu makahiki ma ka 8 pa-keneta nkupanee.

       No na mea i koe, e ninau ia

                    BRUCE WARING & CO.,

a i ole, ia F. J. TESTA, ma ke keena o

keia nupepa.                            sept 7-mp

 

C. E. Williams   me Keiki.

Ed. A. Williams,    Luna Nui.

Helu 611, Alanui Moi, ma Ewa iho o ka

Pa o Aigupita.

 

He mau mea kuai lako hale o

na ano a pau loa.

 

  He mau mea Hana Pahu Kupapau a Hooponopono Hoolewa.

 

  E hoolakoia no na Kaa Kupapau, na Kaa pio a me na Kaa-ohana.

  Ina no e ninau ia lana, e loaa no na Pohaku Kia Hoomanao no na He Kupapau.

 

  O ka Ialoa kekahi hana hiki loa ia laua, aia ia malalo o ka lawelawe ponoi ana a Ed. A. Williams, F. D., he mea i puka pono ma ka Kalaka Kula o ka Ialoa Maikai ana iloke o Mei, 1894.

----NA TELEPONA----

Keena, Helu 179--Kauhale a me Kahea Po,

Helu 815.

nov 2-mp.              feb 3-mp