Ka Makaainana, Volume VI, Number 14, 5 October 1896 — Page 1

Ka Makaainana.

BUKE VI – Ano Hou   Honolulu, Oahu, Okatoba 5, 1896   HELU 14

 

Ke Aloha Aina.

He lei he aloha keia la,

No kuu one hanau,

Kona mau kualono uliuli,

Na lau nahele kupaoa.

 

Hui – Puili mai a paa iloko,

Ke aloha i ka aina,

Haliu i ka Mea Mana,

A e ola no ka lahui.

 

He aloha la he aloha,

No kuu lahui oiwi,

I hookahi puuwai,

Kuupaa me ka lokahi.

 

He aloha la hea aloha,

Ka makani o ka aina,

I ka pa kolonahe mai,

A ka makani la he Moae.

 

E alu ka pule i ka Haku,

Me ka naau haahaa,

E noi me ka walohia,

E maliu mai no Ia.

                                                                                    NA KE ALIIAIMOKU.

 

Make ia Lunakanawai.

            Ma ka mokumahu Keauhoa mai o kakahiaka Poaono nei i loaa mai ai ka lono no ka make @moole ana o Lunakanawai Kaapuni S. L. Aukina i ka hora 10 a. m.  a ka Poalima nei ma Waimea, Hawaii.  Ua hooi loa ia mai kela lono ma o na palapala i kekahi poe maanei.  E hele ana no oia no ka hooko aua i kana hana, no ka hoolohe ana i kekahi mau hihia hooponopono waiwai ma Kohala a me ka malama ana no hoi kahi i ke kau kiure.  Ua piha iaia na makahiki he 73 a make aku la.  O kekahi kaikamahine ana ka mea o kona ohaua i ukali aku iaia a i ike iho iaia i kona wa hope loa.

 

Hookohuia i Lunakanawai.

            Mamuli hoi o ka make ana o Lunakanawai Kaapuni Aukina, ua onouia ae kona kulana oihana i kakahiaka Poaono nei e ke Aupuni ma o ka Loio Kuhina la ia Akoni Rosa.  Ua ho leia aku no, aka, ua koi hoomanoia mai me ke noi mai e noonoo oia a e pono hoi e ae aku e kokua ao i nei popilikia o ke Aupuni.

            I ka auwina la iho, ua ae aku oia no ka manawa malalo o kekahi kumu, a o kekahi o na kumu, e hele no oia e malama i ka hana no ke ka@ o ka Poakolu iho a hoi mai, waiho aku.  Ma ka Malulani oia e holo aku ai i ka auwina a apopo no ka malama ana i ke k@ o Okatoba ma Kohala, i hoi mai o Peresidena Kole ma ke Kinau, pela ka manaoia, a kakouinoa iho i kona hookohu.  Nolaila, o Lunakanawai Rosa kaolelo ana i nei wa.

 

HIKI MAI A HALA AKU.

Ke Kino Wailua o ka Hon. Joseph Kahooluhi Nawahi.

            Aole ka mokumahu Auseteralia i ku mai i ka Poakahi i hala, e like me ka mea i hoolahaia a i upuia hoi, aka, i kakahiaka nui Poalua ae oia i hoea mai ai me ka ukana kino wailua a ka lehulehu i aloha ai, a mamuli no hoi o ia i paewa ai kekahi mau hoolala ana i @ keia aku ma ka helu i hala.  I hooia hoi no

Ke Alohaia a me ke Ohohiaia,

i ke kani ana o ke oeoe uwila i ke aumoe La Pule iho no ka mokumahu Kulanakauhale o Pekina, ua luhiehu ae o kai o na uwapo me ka lehulehu mamuli o ka manao kakuhihewa no ka Ausetralia ia hoailona o ke aumoe.  Pela no hoi i ke kakahiaka o ka Auseteralia i komo mai ai, ua moe kaoo no kai o na uwapo mai na kane a na wahine, a mai ke nui a ka liilii, a ua kakahiaka nui wale no hoi ko ka lehulehu, mawaho ae o na poe paahana, eeu ma na alanui.  He kohu la kulaia ka hoi.

 

Loaa ho Kuia ma ka Uwapo

            Maka waapa i holo aku ai ka lunahoomalu o ke Komite Hookipa a loaa ka moku iwaho o ka halekukui, a ua pii a hui pu me ka wahine kanemake a hoike aku hoi i na mea i manaoia e ko ka lehulehu aoao e hana aku no ka hoohiwahiwa ana i ke kina wailua koou puanuanu o kana kane, a kokoolua aloha, ana hoi i hoihoi uhane ole mai la.  Ua iho aku o E. A. Wiliama me kona kaa kupapau nani me eha lio eleele, a i kai aku o ka uwapo Osianika i halawai ai me ke kuia, mamuli o ka hoounaia ana mai o ke kino kupapau ma ka inoa o H. H. Wiliama, kona pokii.  Ua ulu ae he wahi ano e, eia nae, aohe mea hiki ke hana aku, no hoounaia mai ma ko ka inoa hoep inoa.  Eia nae, ua makaukau no ka inoa inoa e lawe au, oiaia, oia ka i hiki aku i ka uwapo me ka makaukau malalo o na hooponopono a ke Komite Hooponopono Hana, aka, ua paakiki mai no hoi kahi malalo o ke kuleana oi i loaa iaia mai Kapalakiko mai, no laila, ua hoi no ko E. A. Wiliama kaa me ka nele.

 

Ua Hoea io mai no ke Kino Wailua.

koo@ o ka Mea Hanohano Joseph Kahooluhi Nawahi.  Hora 8 ae i laweia ae ai ke kino kupapau ma ko H. H. Wiliama kaa kupapau a kona hale hana, mahope iho o ka pau ana o ka hana pili i ka Hale Dute, a ilaila i weheia ai mai ko Kaleponi pahu a hookomoia iloko o kekahi holowaa i uhi eleele ia me ke pani aniani maluna iho o ka helehelena.  O na keiki ka i ukali aku mahope mai ka moku a me kahi poe e ae no hoi kahi o ka lehulehu.  Awakea @ paha, ua hoihoi a aku ka holowaa ma kona kaa me eha ho ulaula no uka o Mauna Ke@ .  E mau ana no ko ka lehulehu haiamu ma na alanui, o ka oi loa aku no, ma ke ala i manaoia ai, oia no ke Alanui Moi.  Ua komo pualu aku no ka lehulehu mahope, mai na kane, na wahine a me na keiki, aohe ka nana ae.  (O ia kekahi o na hoolala mua ana i hoomaopopo ole ia).  Ina paha i kai palua ia, ina la he kaoo loihi okoa no ia; aka, ua muimuia aku ka lehulehu me ke ohohia me he muimuia ana la na kekahi kaoo i’a ma ka makaha loko.  Mahope pono aku o ke kaa kupapau kekahi mau pilikana o ka mea i make.

 

Hoea Iuka o Mauna Kamala.

e piha mai ana no hoi o laila i ka lehulehu malalo a maluna o na @, o ka piha ka ia o waho o ka pa a ma ke alanui Aupuni a hiki ole i na poe hope aku ma na kaa ke hou aku no mua.  Aka, komo iloko o ka pa, mahope aku no ka lehulehu; a i wahi pa nuku mai no, pau ole iloko, a no ka nui maoli no, ua pau i ka alapohoia.  I lawa no a hapaiia ka holowaa a komo iloka o ke keena hookipa, o ka wa oo ia o ka lehulehu i kom oaluka aku ai a piha o loko a me ka lanai iho me ka hookeke, no ke ake paha e ike iho i ka helehelena.  Ua poaa mai he leo, e kauoha ana i ka lehulehu e hele aku iwaho a pau pono na hoomakaukau ana, alaila, kuu akea ia no ka hele mai o kela a me keia e ike, a ua hooloheia.

 

Ike ko Alii a me ka Lehulehu.

            Mahope koke iho hoi o ke ku ana  mai o ka Auseteralia, ua lele mai ka wahine kanemake a kau ina kekahi kaapio i hookaawale ia nona, ua poha aku no hoi na leo aloha a me ka na makena mai waena aku oia no Mauuna Kamala, a iuka o leila kekahi poe lehulehu i pii aku ai e haawi i ke aloha, na hoomaikai a me na kumakena ana iaia.  O ke Aliiaimoku kekahi ma@ a hiki aku ai ka holowaa me ke kino wailua koou puanuanu o kona kanaka.  Mahope iho hoi o ka pau ana o na hoomakaukau ana ia loko o ka hale, e hoonohonoho ana hoi i na pono a me na lei @ pua i laweia aku e na hoa’loha, ua weheia ae ke puni e uhi ana i ke aniani, a o Kala@ ka i nana mua iho i na helehelena wailua o kona kanaka, a @ na waimaka no e hiolo.  Ma ia hope iho, ua kuu akea ia i ka lehulehu, ma kahi puka e komo ai a puka no hoi ma kekahi, a ua hookahi hora a oi o @ pela, akahi no a ano @ mai ko ke lehulehu komo ana.

 

Peahi Kahili – Na Lama o ka Po.

            A mai ia wa mai no hoi i ku ae ai na wali ku kahili a ao @ po a hiki wale no i ka wa hoolewa, a ua mau no hoi ko ka lehulehu komo e ike a ka hora 3 paha o ka wanaao, paniia a wehe hou ia no I ke ao ana ae, a mamua iki iho o ka hapaiia ana no ke kaa holewa, ua paniia.  Ua laukanaka o Mauna Kamala ia la a po a ao a hoolewaia i ka lehulehu.  I ka po, ua hoomalamalamaia ke alahele o ka pa me na kukui aila-mahu, a ua lako no hoi me na noho a E. A. Wiliama, malalo no o na lawelawe ana a kela Komite Hooponopono Hana.  E hoike ae paha hoi makou ma nei wahi, mahope iho o ka hiki ana o ke kino iuka ua haawiia ae ka hooponopono ana o ko kino a me ka hoolewa e kela komite ae la ia E. A. Wiliama, ka mea i hilinaiia.

            I ka hora 9 paha a mahope iho o ia po, oiai no ka lehulehu e haia@ ana a e komo ana no e ike a e makena, ua.

 

Poha ae na Leo Mele Mua.

o ia po mai na kileo mai o na haumana i puka o ke Kula Kamehameha.  No kahi manawa ko lakou hoomau ana a mahope o ka hora 10, hookuu nui no hoi.  Mahope aku, he poe opio hookani pila manadoline me na giti, a mahope i awaiaulu pu aku ai kekahi i poe kileo wahine i na himeni a me na mele like ole.  He mau hana hoolaulea keia i na poe iloko o ka luuluu na paa kahili a me ka lehulehu no hoi e haiamu aku ana, i loaa ai no hoi he mea holo waa i ka manawa.  Ua hoomauia keia ano a hala i na hora liihi loa o ka wanaao.  Ao ae o ka Poakolu, hookahi mea nui i keia, o I ano na liuliu ana no ka hoolewa.  Hora 12:30 p. m.  i malamaia ai ke

 

Anaina Haipule Hoolwea

maloko o ke keena ona i waiho ai malalo o na lawelawe haipule ana a ke Rev. E. S. Timoteo, ia kahunapule kupaa mahope o ka lahui a me ka aina i waia nana e lawelawe na hana hope loa maanei maluna iho o ke kino wailua o ia hoa kupaa ona i hala aku.  Ma ka manawa i hoikeia, na akoakoa ae ka wahine kanemake, na keiki, ka ohana, na maka@ ka a me na hoa’loha a poe hoa hana pu no ke kahua aloha aina.  Mahope iho o na leo pule a me na himeni ana a kekahi poe kileo i wae a ua haawi mai ka Rev. E. S. Timoteo i kana

 

Haiolelo Aloha a Hooni Puuwai,

a aohe maka i nele ole ka hiolo o na kulu wai.  Ua anoano a @ na mea a pau i lawelaweia.  Eia iho na haiolelo la ana:

            Ke nana aku nei kakou maluna o keia holowaa a ke kino lepo o ke kanaka a ka lahui i kau aku ai na maka, oia ke kia ka pou-hana, ke kuhikuhi puuone a o ke alakai hookahi nana

 

[E nana ma ka aoao @]