Ka Makaainana, Volume VI, Number 13, 28 September 1896 — Page 6

Ka Makaainana.

HONOLULU, OAHU, POAKAHI, SEPATEMABA 28, 1896.

 

IOSEPINE

EMEPERESE PUUWAI OLU O FARANI.

MOKUNA IV.

NA HIONA O KA HALEPAAHAO

[Mai ka Helu 12.]

            Na ka mako o Robepia i kaohi mai i ka maka o ke koi mai ka haule ana iho maluna o ka hokua o Iosepine.

            Ua lawe mua ia aku ka lono o keia hookahuli aupuni ia Iosepine ma ke ano i maa ole ia.  Oiai o Lede Aiguilona e hoo-peana i kona mau papalina me na waimaka eloelo o ke aloha no kona hoa a haku hoi ka mea i manaoia e make ana i kekahi la ae, a no ia mea, alako aku la o Iosepine iaia ma ka puka-ani-ani, i loaa ai hoi iaia he wahi maha mai na ea huihui mai e kololio mai ana mawaena o na maka-ha hao o ka puka aniani.  A oiai laua malaila, ua kailiia aku la ko ke aliiwahine noonoo i ka ike ana aku i kekahi wahi wahiine o ke kulana haahaa loa e peapeahi mai ana iaia, m@ ke kuhi ana o kona mau lima i o a ianei.  Me he mea la e ak@ loa ana oia e hoomaopopo pono aku o Iosepine i kona aahu, e kuekuehu ana me ke kuhikuhi mau ana ia mea.  Maloko o ka maka ha o ka puka-aniani, kahea mai la o Iosepine, Robe (he a@hu ke ano o ia).  Ua olioli loa kahi wahine i kona ike ana @a hoomaopopoia k@no mea i ku@@k@@i ai, oia hoi kona aaliu, aka, aole i loaa ia Iosepine ka noonoo no Robepia ka mea i makemake@a iaia e hoomaopopo.  Aka, @@ kunokunou aku, la ke poo @ kahi wahine, a lalau koke iho la i ka pohau, noua hoi ka inoa ma ka olelo Farani he Pierce (pia).  Kahea hou mai la no o Iosepine, pierre (pia) No keia loaa hou ana @ kana manenane ia Iosepine, ua piha loa oia i ka hauoli.  Alaila, hoao aku la ia e hoomaopopo ia Iosepine e hoohui ae i kela mau huaolelo ma koua kuhikuhi ana i kona aahu a i ka pohaku.  Kahea mai la no hoi o Iosepine, Robepia.  Ia manawa i lele ae ai kahi wahine ma o a m@anei, me ke kuhi ana ae o kona mau lima ma kona a i @e he mea la e oki ana.

            I keia mauawa i haupu ae ai o Iosepine no ka hopena o kona enemi a lelele ae la kona oili.  Aole oia i aa e manao@@ mai i na kaena a kahi wahine, aka, aole ana manao e ae e hiki ai ke hoopili mai no kela hana a kahi wahine.  Aka, he mau minute pokole iho no nae mahope a loheia aku la ke kamu m@ ana mai o na paui puka hao o ka halepaahao.  Loheia aku la ka leo kipaku a ka wiliki i ke kahea ana ae me ka l@@ @ai i kana ilio, "E hele pela, e kona holoholona ino e like me Robepia."  Na keia mau h@aolelo ka kana a ka wiliki i hoomaopopo mua ae i na poe o loko ua pau ka maka'uia ana o ka mea @ ko Farani a pau i weliweli nui ai.  A no kekahi mau minute pokole mahope koke iho i wawalo ae ai na leo hauoli no ka loaa ana mai o kela @@@ou hauoli, a he lehulehu o na poe pio i puoho hopua ae mai ko lakou kulana pilih@a i ke kaumaha a i kei a kulaua o ka hauoli palena ole.  Ua hoihoi hou ia aku la ko Iosepine moe iaia, a hookau aku la oia i koua poo maluna o ka uluna, a haule aku la hiamoe ma ia po me ka mama o kona noonoo a mo ka maluhia.

            Ua lawa ole na huaolelo ke hoakaka ae i ke ano o kela hauoli huliamahi a puni o Farani no ka haule ana o Robepia.  Ma ia manawa aia he ekolu haneri tausani pio @ paa ana iloko o na halepaahao o Parisa e kali ana i ka make.  A i ka wa i anapa ai o ka pahi kila i ka haule ana iho ma ka a i o Robepia, o ka wa no ia i hamama like ae ai o na pa@i puka o ko lakou mau lumi paahao, a nohe puuwai Farani i @ele ka piha i ka hau oli.  A mawaho ae o keia poe pio, aia ma kahi o ka elima haneri t@usani poe e pee ana me ka maka'u po ko lakou loaa aku a papau pu iloko o ke ana puhi aohe ahailono.  Puka mai lakou a pau mai ko lakou wahi e pee ana, a hele ae la me ka hauoli a me ka lanakila, a me na waimaka o ka hauoli e haloiloi ana ma ko lakou mau maka.

            Na kela hui hou a Taliena @ noho poo ana i hookuu ae i kela poe i ahewaia, a na lakou hoi i wehe hamama ae i ka puka o ka halepaahao o Iosepine.  Aka, mai loko mai o na kaumaha o ka halepaahao ua puka mai la ia i waho, aole nae i loko o ke ao malamalama, aka, he ao i oi aku ka pouli a me ka hakumakuma.  Ua okiia ke poo o kana kaue, a @a lawe wale ia kona waiwai.  He wahine kaumaha oia a me ka ilihune, a ua aneane pau loa kona poe makamaka a me @a hoa'ioha i ka poino iloko o kela ino nana i pulumi ae o Farani.  Ua hala ke kau o ka ino a me ka weliweli malalo o keia alii lokoino, aka, eia ka aina holookoa iloko o ka wi.  Ho mau minute ia o ka hauoli i ka wa a Iosepine, mahope iho o koua lanakila ana, i apo aku ai i kana mau keiki, aka, aia he ao poluluhi o ke kaumaha e @ekau ana maluna ona.  Aia oia iloko o ka ilihune a me ka pololi.  Aohe ona wahi hoa'loha e hiki ai iaia ke kahea aku e kokua mai.  Aohe no hoi he wahi hana e loaa iaia e hiki ai la hoi iaia ke huli paka aku i ola nona a me ka@a mau keiki, a he mea maopopo loa iaia, e haule loa ana oia a me kana mau keiki iloko o ke kulana makilo.  Ua lilo keia mau hora he mau hora pouli loa iloko o koua moolelo.  A mai loko ae nae o keia kulana haahaa o ka ilihune e hapai hou ia ae ai oia a i ke kulana hanohano a me ka mana i oi aku mamua o ka mea hiki ke moeuhaneia.

                        Aole i pau.

 

Hoopaa Kuni Manamanalima.

            Ua loaa mai nei ia W. Tela, ka Luna Hoopaa Inoa Nui, ka hoike piha a puni ka Paeaina holookoa nei no ka nui o na poe i hoopaa i ko lakou mau inoa a i hapala hoi i na manamanalima nui, i kulike ai me ka makemake o kela Kanawai Hoopaa Inoa i umiapuaa koke ia ai no oiai no e noho ana ke kau Ahaolelo nana i hooholo mamuli hoi o ka nui o ke k@eia e ka lehulehu o na ano a pau.  Eia malalo iho ka puana hailoaa:

            Oahu -- Honolulu, 2348; Ewa a me Waianae, 859; Waialua, 45; Koolauloa, 13; Koolaupoko 1,161; Koolaupoko 2,151 Huina, 2,577.

            Hawaii -- Hilo Hema, 486; Hamakua, 611; Kohala Hema, 23; Kohala Aku, 386; Kona Akau, 449; Kona Hema, 53; Kau, 9; Puna, 59; Huina, 2,076.

            Kauai -- Koloa, 268; Waimea, 980; Lihue, 247; Hanalei, 364; Kawaihau, 631; Huina, 2,490.

            Maui -- zesiluku, 129; Makawao, 6; Lahaina a me Molokai, 18; Hana, 43; Huina, 196.

            Honolulu -- Oahu, 3,577; Hawaii, 2,076; Kauai, 2,490; Maui, 196; Huina nui, 8,339.

 

            Poaono, la 12 nei, i hoomaka ai ke kau o ke kula kaikamahine o Kona Hema, Hawaii, a ma ka Malulani o ka Poalua ho la i huli hoi aku ai ke kumuao, Misi L. S. Wilisi, me hookahi haumana, ke kaikamahine mauli loa a ka ona o keia pepa

            He ahaaina hoomanao la hanau ka Palakiko (Frank Harvey) i haawi ae i ke ahiahi Poaono, la 12 nei, no ka piha ana o koua 40 makahiki.  Ua lehulehu ua poe i hele aku e ai i kona lokomaikai ma ko@a wahi ma Kalihi.  Ke haawi aku nei makou i na hoomaikai ana o ka la iaia.

            He haole opio ano wi@i, nona ka inoa o Keaka Komikana, ka i hoounaia aku e ka Lunakanawai Apana @no eono malama e noho hana o@lea ai ma Kawai ka Poakolu, la 9 nei, no ka loaa ana aku i ka po ma kahi o J. L. Kaaka, mea pena hale, me ke kuleana ole.  O ka uku ia no ka mahaoi.

            Iawaena o na ohua i kau aku ma ka Auseterlia o ka Poakolu, la 9 nei, he opio Hawaii kekahi i hele aku nei e imi i kona pono ma na aina e mamua ae o ka noho ana maanei e kali ai, oia o Ulysses Jones keiki opio loaa ka Loio Aeko i make.

 

Robert Napunako Boyd

(ITALIA)

He Ana-aina a he kokua no hoi ma ka hooponopono ani i na waiwai paa, huli ana paha i na Buke o ke Aupuni, a pela aku.

            Keena Hana:  Mauka iho o ka Hale Leta, maluna ae o ka haleaina Pake, Alanui Betela.     apl 13-mp

 

C. B. DWIGHT

[KALE KUAIKA.]

Mea Hana Pohaku Kaekae Alanui, na He Kupapau a me na Kia Hoomanao Mahala.

            E loaa no oia ma kona wahi noho ma Koiulu, Honolulu nei.  Telepona Helu 833.   17-lmk

 

S. K. PUA,

He Agena no na Waiwai Paa

He Mea huli i na Kuleana Aina i mea @ maopopo ai;

He Mea Ohi i na Aie i hiki ole ke Ohiia e na Poe no lakou na Aie, a

He Mea Hana i na Ano Palapala P Kanawai a pau.

KEENA HANA: - Ma ke keena o R. W. Wilikoki, Alanui Konia.   aug. 31-lmk

 

HALEKUAI LAHUI KALAHIKI.

Helu 405, Alanui Moi, ma Waikiki aku o Alanui Nuuanu, ma ka aoao mauka, ke keena mua o ka "Hawaii Holomua."

Ma ia halekuai o na oiwi e loaa ai na anoi a me na paihi o na ano hou loa, e laa

Na Kalakoa,    Na Keokeo,

            Na Makalena, Na Kinamu,

                        Na Huluhulu, Na Lihilihi,

Na Kamaa o na Kane, Wahine me Keiki, a pela aku.

            Oluolu no ke kuai ana.  Aohe hewa ke kipa mai e ikemaka, a aohe no hoi he kunu kunuia no ka hoikeike ana i na mea kuai.

                        M. PALAU, Luna Nui.

            @@@@@

 

NO KE KUAI

            He Hale o Elima Keena, hookahi makahiki o ka paa ana, a me Elua Apana Aina ma Kalia, Waikiki, ma ka mahele aina o Bruce Waring & Co., e hooliloia aku no i ka mea e makemake mai ana.  Aia keia wahi ke pili kokoke la i kahi noho o E. S. Boyd.

            KUMUKUAI: - $1,000; $500 ma ke kuike a ma ka Moraki ke koena no ekolu makaluki ma ka 8 pa-keneta ukupanee.

            No na mea i koe, e ninau ia

                        BRUCE WARING & CO.,

a i ole, ia F. J. TESTA, me ke keena o keia nupepa.               sept 7-mp

 

C. E. Williams me Keiki.

            Ed. A. Williams, Luna Nui.

Helu 611, Alanui Moi, ma Ewa iho o ka Pa o Aigupita.

He mau mea kuai lako hale o na ano a pau loa.

He mau mea.  Hana Pahu Kupapau a Hoeonopono Hoolewa.

(Picture of horse and carriage)           

            E hoelakoia no na Kaa Kupapau, na Kaa pio a me na Kaa-ohana.

            Ina no e ninau ia laua, e loaa no na Pohaku Kia Hoomanao no na He Kupapau.

            O ka Ialoa kekahi hana hiki loa ia laua aia ia malalo o ka lawelawe ponoi ana a Ed A. Williams, F. D., he mea i puka pono ma ka Kalaka Kula o ka Ialoa Maikai ana iloko o Mei, 1894.

                        -NA TELEPONA

Keena, Helu 179 -- Kauhale a me Kahea P@ Helu @1@.

            nov 9-mp                     @@@@@@