Ka Makaainana, Volume VI, Number 10, 7 September 1896 — Page 8

Ka Makaainana.

8          HONOLULU, OAHU, POAKAHI, SEPATEMABA 7, 1896

 

(Mai ka aoao ekahi mai.)

 

Roke e noho me lakou a malama ia lakou.  Nonoi no hoi lakou e hoopauia kekahi luna Aupuni, nana na hana a lakou i makemake ole ai.  Ua pane aku nae o Kikila Roke, ua haalele mai ua luna Aupuni la a lakou i hoa halahala mai ai i ka hana a ke Aupuni; a ma ia wa ninau aku la ia i ua poe Matabele nei, in a manao lakou no ka hoomauia aku o ke kaua, a i ole ia, e noho maluhia paha lakou.  Ua hele mai la o S cumobo, ke Alii nui o lakou, a waiho mai la i kana pu a me kaua koi kaua imua o Roke a e pakele hoi ke lakou mau ola.  Mahope iho o ka pau ana o na kukakuka ana, ua pane mai la o Secumobo: "E hele oe me ka maluhia, e kuu makua, ke pookela o na alii!"

            Ina he oiaio keia loue, alaila, no ke koa ka huluaa, ka anauao a me ka piha mana nui o Kikila Roke ke kumu i loaa ai, a mamuli no hoi paha kahi o kona hilinai a alohaia e na paele kipi.

--

Kiapa Ili Gainsborough.

            E like no hoi me ka make i hoomahui aka ai ma ka helu i hala no ke kuai kudala ia o ka moku ili Gainsboro i ke awakea ae o ia la, pela io no i hookoia ai ia awakea Poakahi ma ke keena kudala o Kibona Luika.  Ua piha ae ia wahi a na eleeleu no na kohokoho ana i hiki wale no i ka lilo ana i ka mea koho kiekie loa, oia ka hui o Alani & Lopikana no $1,825, a ke huiia me $120 no ka uku kokua o ka Eleu a me $60 no ka uku kiai o na makai, ua like me $2,025.  O ka lilo keia o ka moku, ka piha lauahu, a me na pono a pau o luna a e pili ana i ka moku.  He waapa huelo-boti kekahi i hooliloia a ua lilo ia Wile Kaimana o Ka Hale Oiwi no $75.

            Mamua nae hoi o ke kuaiia ana, ua komo ae he palapala keakea na Maka Kolopaua, no ka mea, i ka haaleleia ana o ka moku e ke kapena a me ua poe a pau i ke ahiahi La Pule, na hoouna aku oia he eh@ poe kana ka me kekahi palapala, iluna o ka moku ili e noho ai a ma ka aina kau nei ka hoi oia, aka, i ka pili ana aku o ka waapa o na makai, ua pau nui i kipakuia i kula.  Nolaila, ma ka la i kudalaia ai, ua komo he hoopii kue i ke kapena, ia Samu Alani o ka hui o Alani & Lopikana, a me H R. Hikioki, Hope Ilamuku.  Poalua ae i hooloheia ai a hoomoeia a ka Poaha nei, mahope iho o ka Lunakanawai Kaaka ae ana i ke koi a Alani & Lopikana e kapaeia ae kahi e papa ana, i hiki ai hoi ke hoomaka koke ia ka han ano ka hoopakele ana, i ka waihoia ana aku he bona no $1 500.  A i ka hoo@ ana i ka Poaha nei, ua hoopau wale ia ke hoopii, a ua hoohalahala loa ai aku iluna.  O A. Rosa a me W. R. Kakela no ka mea hoopii, a o Kini & B@lu no ka aoao pale.

--

Eia Hou No Nei Ki Pu.

            Kakahiaka Poaono nei, hora 8:30 paha, i ki ai o Kaapuni, he makai hopu i na holoholona hele ma na alanui Aupuni, ia J. Q. Pacheco, i kamaainaia hoi iwaena o kakou ma ka inoa Kalefoni, he mea lawe waiu@o uka o ke awawa o Pauoa, kokoke i kahi noho o Keo Pu.  Ia Kaapuni e hooko ana i kana hana, ua loaa aku iaia he bipi-waiu na ua Pukiki la e hele ana ma ke alanui, ua hopuia iho e ia a e lawe ana no ka pa Aupuni, ua loaa aku oia i ke Pukiki nona ia bipi a me kahi Pukiki e iho no e hohoi aku ana, mahope iho paha o ke lawe waiu ana, ua ano kahiohio ka ua Pukiki la.

            Iaia i ninau aku ai e laweia ana kaua bipi ihea, ua hoikeia aku i ka pa Aupuni.  Ua koi aku oia e hookuu mai, aka, ua koi mai o Kaapuni e uku iaia i hapalua e like me ke kanawai, a ua hoikeia aku aohe dala, aka, in a e hele a kauhale, ilaila e loaa ai.  A ia wa oia i huli ae ai a kai aku i ua bipi la, mahope aku no na Pukiki, a o ke Pukiki nana ka bipi, he uwepa kana e paa ana ma kona lima.  Nunui na leo o ua mau Pukiki la i ka walaau, a ua oili aku he poe Pukiki lehulehu, a o ka wa no nei o Kalefoni i lele aku ai a hili ia Kaapuni me kana uwepa nui hemo mai la ka bipi, a komo aku hoi ka nui manu iho e alu iaia ma na aoao a pau.  Ike iho la oia aohe on a pono i koe, nolaila, ua unuhi ae oia i kana pu-panapana e lawe pu ana a ki a ku o Kalefoni, e hoomau ana no i ka hili, ma ka waiu akau a hina aku la oia ilalo o ka honua.

            Ma ko Kaapuni aoao hoi, ua hele oia a telepone ae i ke keena o ka Ilamuku no ka mea i hanaia a ua hoounaia ka makai Pukiki, Kauka Emesona a me kahi poe e ae.  I ko ke kauka hiki ana aku, ua nana oia i ka mea i ku a ua ike iho oia ua komo ka poka ma kahi kokoke loa i ka maka waiu akau, puka pu ke ake akau a paa ka poka iloko o na aa huki o hope o ke kua.  Aohe puai nui ae o ke koko iwaho, nolaila, ua olelo ae ke kauka aohe e ola, oiai, aia maloko ke koko e hele la.  Aohe oia i ae e laweia i ka Halemai, aka, e hoihoiia no i kona hale ma kahi kokoke loa i kona wahi i kiia ai.  No keia Pukiki ka oleloia he wa a pelapela oia i kamali@a he mea houluhua mau no hoi i na makai.

            No Kaapuni hoi, ua haawi pio ae oia iaia iho malalo o ka Oihana Makai a na laweia mai a hoo paaia aia ka Halewai.  He ko@olua no kona ma keia huakai, oia o Pupue, a ua olelo ae oia ua aluia laua e na  Pukiki me na pauku laau a hoaoia hoi e hukiia mai luna iho o ua lio.  O keia Pupue ka ka mea mua a @ i Pukiki la i hoeha ai a ano pilikia loa ka oia, ki ai o Kaapuni i ka pu e like me ia mamua ae.  Ooloku loa ae la hoi na Pukiki a ki hou oia, he Pukiki okoa ka i ku lihilihi ma ka poohiwi a moku pu ke kuka, aole nae i eha.  Ki hou oia he Pukiki maluna o kekahi lio keokeo a hala nae, a o ka puehu liilii uo ia o ua poe Pukiki la.  Ua uli pu ko Pupue kua mai na uhau uwepa, laau, a me na hailuku pohaku i nouia aku iaia.  O laua no a elua, o Kaapuni a me Pupue, ka i hoopaaia ma ka Halewai, o ka inoa hope no ka nieniele ana.

            Hora 3 a mahope iki iho o ia auwina la i make loa ai ua Pukiki la, a i kakahiaka o nehinei i hoolewaia ae ai malalo o ke alakai ana a ka puali puhiohe Pukiki a ka luakini o Malieokamalu, a mai ka luakini aku a nalo ma ka pa ilina o Koula, malalo o na lawelawe haipule a ka Rev. Makua Leolono, a malalo hoi o na hooponopono hoolewa ana a E A. Wiliama.  He kaee nui ka i ukali aku.  Ua haalele iho oia he wahine a he mau keiki.

--

            Ma Kapalama aenei i ka hora 2:30 o ka auwina la Poaono nei, la 5, ua hanau mai na ka wahine a D. K. Kahakalau, he keikikane nui a mohaha maikai.

            Po Poakolu, Aug 12, i hopuia ai o S. Kanio no ke komohewa i ka huewai maoli a kekahi Pake, mauka aenei ka o Kikihale, Kakahiaka Poaha, la 20 ae laua i ku ai imua o ka Aha Apana, a ua hoopaiia, he $75 o ke kane a he $25 o ka wahine, nona hoi ka inoa o Aue Ah Mat a me na koina.  Ua hoohalahala aku ko laua loio ikeia kau kiure ae o ka Aha Kaapuni no ka hoemiia mai o ko laua hoopai.

            Oiai hoi kekahi poe kamana e hana ana makai o ka hale waapa  Makala i kakahiaka Poakahi i hala, e hoonee ana i kekahi kala o ka hale no ka hoakea aku, a mamuli hoi o ka hookuu awiwi ana o kekahi poe e hapai ana i kela paia me ka olelo ole, a ekolu poe malalo ae i eha mamuli o keia hana noonoo ole a kela poe, hookahi nae i eha ano kukouukouu loa.  Iwaena o ia poe i eha o J. Palua Kekoa.

            Poalua nei i hoohainu e ai kekahi Pake i kana wahine a on a, a ma ia ahiahi iho i lawe aku ai ua Pake nei a hoopaa i ka Halewai no ka on a.  Poakolu ae i ku ae ai oia imua o ka Aha Apana, a hoopaiia oia he $3 a ua ukuia a hemo mai.  Ma ia ahiahi Poakolu no, ua hoohainu hou ae no ua Pake nei i kana wahine a hoomaka a pepehi a hai kekahi o ua manama@na elua o ka wahine a ua hele aku ka wahine e hoopii na ka hoe@ o ke kaae, a ua kiiia m@ a hoopaaia i ka Halewa@i.  Kakahiaka @e i ku ae ai ua wahi @ nei imua o ka Aha Apana, a hoopaneeia no k@ A ua kauia mai ka hoopai he $50 me ke koina.

KELA A ME KEIA.

--

            Hoomaka hou ke kula po i keia po.

            Nui ka hele makaikai ia o waho o Waikiki i ke kaiapa ili.

            Ua haule ke kumukuai o ke kopaa.  He 3 5 16 keneta i keia wa.

            O ka la hoomaka no keia o ke Kulanui o Sana Lui Poaha nei i piha ai ka 13 makahiki o na Hoahanau e ao nei ia kula.

            Ma ka Auseteralia i hoi mai ai o Kaikuahine Alebetina o ke kula kaikamahine o Sana Anaru, a me elua Hoahanau o ke Kulanui o Sana Lui.

            I keia la e hoomaka ai ke Kulanui Iolani, malalo o na ao a lawelawe ana a kekahi kumu hou mai nei mai Enelani, nona ka inoa o John Vincent Hughes.

            Kakahiaka nui Poaono nei i ku mai ai ka Auseteralia iloko o 6 1/2 la holo ma Kapalakiko mai Poakolu iho oia e pelukua hou aku ai i ka hora 4 o ka auwaina la.

            Ma Kapauhi aenei, i ka Poakolu nei, la 2, ua hanau mai na ka wahine a Lunakanawai Apana Eduada Hoa (Edward Hore), a waialua, he kaikamahine.

            Ahiahi Poalua iho la i ku mai ai ke Koptica mai Kapalakiko iloko o 6 la, 4 hora a me 34 minute.  Ua holo loa aku oia no Iapana me Kina i ka h ra 2 auwina la o ka Poakolu mai.

            Ua loheia mai nei ma ka Auseteralia ua ano oluolu iki ae ka ko J. Nawahi omaimai.  Nui ka @ hoouluhua aku o ko laila poe kakau nupepa, aohe ka on a ekemu aku.  A no kana wahine hoi, he maikai no oia.

            Poalua iho la i ike pili oihana ia mai ai e ke Aupuni o M. Lui Voisono, ma ke ano Kanikela a Komisina no Farani.  Ua kukaiia ae na hoomaikai ana e like no me na rula mau  Hoi iho la no o M. Vizavona, ke pani iho nei mahope o ka make ana o ke Komisina mua, a kona kulana kakauolelo mua.

            No umi komo ana o na hui kinipopo Kamehameha me Regimana Ekahi i ka auwina la Poaono, Augate 29, ua eo i ka inoa mua me 16 ai-puni i ka 13 o ka inoa hope  A i keia Poaono iho la hoi mawaena o na hui Hoku me Kamehameha, na ea i ka iaoa mua me 19 ai-puni i ka 4 wale no o ka inoa hope.  Poaono iho e ulele ai na hui Regimana Ekahi ma Honolulu.

            He wahi moo nahesa kaha kaha paukuku uuku ka i loaa i kekahi keiki ma alanui Moi wahine i kakahiaka Poaono nei a ua pepehiia a mare.  Ike hoi kekahi haole o ke kaalo ana ae e koloheia ana, ua laweia aku e ia i mea hookomo ka iloko o ka alekohola.  No luna mai paha o kakahi moku o ka lele ana mai i kula nei me ka ae ole ia.

--

NO KE KUAI.

            He Hale o Elima Keena, hookahi makahiki o ka paa ana, a me Elua Apana Aina ma Kalia, Waikiki, ma ka mahele aina o Bruce Waring & Co., e hooliloia aku no i ka mea e makemake mai ana.  Aia keia wahi ke pili kokoke la i kahi noho o E. S. Boyd.

            KUMUKUAI:--$1,000, $500 a ke kuike, a ma ka Moraki ke koena no ek lu makahiki ma ka 8 pa-keneta ukupanee.

            No na mea i koe e ninau ia

                        BRUCE WARING & CO.,

a i ole, ia F. J. @, ma ke keena o kela nupepa.            M2M2sept 7-mp