Ka Makaainana, Volume VI, Number 10, 7 September 1896 — Page 5

Ka Makaainana.

 

Honolulu, Oahu, Poakahi, Sepatemaba 7, 1896

 

ka pono a me ka pololei, ho’o maalahi ka nee ana o ka hana imua, akaka hoi paha kahi e ku ai, aole hoi paha o ke amio mau ka mea e huhu ole ia ai.

 

            “Makaaianana” ka makou. Ae, ua hiki. Ka i no hoi o Ka Makaainana ka inoa nana i awaiaulu aku i na poe a pau, a pau pu no nae na oehaa o ka “mokumahu” a Kamaki e hookele nei. Pehea la e hiki ai ke oleloia he Aupuni keia no ua makaainan ina he “banana” ka lakou mea i maa i ka hohole. Ina pele, ea, he poe lop? no, a o ka mea no ka ia i “ pauakaaka’.ai a “hohole samoka.” “Baigole, wasa mala iu?” “Nao,” a pela aku.

 

No Kama’lii Kaiulani.

 

            O na lono hope loa mai nei e haalele aku ana ke Kama’lii Kaiulani a me kona luaui ia   Ierese i Augate 11 no kekahi huakai ike ia Sekotia. I na la hope hoi o Augate, e holo aku ana ko kakou alii opio no Holaui, kahi ona o hookipaia aku ai e Kounese Mon?co (Monceau) a no hookahi paha mahina e noho ai ilaila. A ilko hoi o keia manawa, e holo ana kona luaui no Parisa. E kau ana paha laua ma kekahi moku ma Livapulu i ka la mua o Okatoba, no ka hoi loa mai i ka aina nei, a i na la hope o ia malama e hoea mai ai.

 

            Ma Ierese, he nui ko ka lehulehu ohohia no ko kakou Alii opio, a ma na hana pili oihana a pau, oia koke aku no mahope o ka wahine a ke Kiaaina, ka hope hoi o ka Moi o Enelani. Ua hoikeia mai he maikai no na ola o ke Alii opio a me kona luaui.

 

            E like paha hoi me keia lono ae la no ka hoi mai o ke Alii opio, eia kona hala ma a

Ainahau, Waikiki, ke hoomaemae a ke hoomakaukauia nei no ka hookipa aku iaia. O na palapala a me na nupepa ma kona inoa, eia ke loaa nei ianei i keia wa, pela ka hoikeia mai, nolaila, he mea maopopo loa e huli hoi mai ana oia.

 

Poina Ole ia ko ke Alii La.

 

            Aia iloko o na umauma o na poe aloha Alii a pau, ua kukuni paa ia no ke aloha no ko lakou Aliiaimoku i hoino a i hoopilikiaia. Ua hauoli makou e hoike ae aohe no i hoopoinaia kona la hoomanao hanau, o ka Poakolu iho la (aole hoi o ka Poaha, la 3 nei, e like me ka hoike lalau o ke Kuokoa), ka piha ana hoi ia o ke 58 o kona mau makahiki. Lehulehu na poe i hele aku e haawi i na hoomaikai ana o ka la­ iaia ma kona wahi ma Waikiki, a ua hele pu aku no hoi kahi poe me na ohu a me na mohai hookupu, me he mea la ua lanakila loa ae oia. Ia kakahiaka nui, ua holoholo ae ma na alanui maluna o eko?u kaa nunui he poe wahine me na holoku akala makalike, me ka hae Hawaii ma ka kaa mua a me na hua palapala nunui i penaia, e hoike ana o ka “Hui Nalaniewalu.” A ma kekahi mau home lehulehu ae no hoi, ua hoomanao akahele ia me ka malie, me ka noonoo no aole oia i lanakila loa, aka, he pio no oia na ka “Repubalika Hawaii kolopa naue ole” a “Ka Iwi Hou.”

 

Pii ke Ohohiaia.

 

 

            I ka aha hoikeike hula anapau ahi hope loa a Misi Elese Adea i haawi ai i ka po Poakahi iho la no kona pomaikai ponoi iho, a iaia hoi e kuupau ana i ka anapau me na hoohihipea ana o kona aahu lahilahi kuuwelu kiepaepa, e uhi paa pu ana ka pouli ia loko o ka hale hana keaka koa ma Haimoapio, ua hele no hoi a piha i na poo makaikai, a ? ka maamaama wale no mai ke kukui ea hookahi aku e kiolaia ai o na waihooluu like ole, ua hoomakaia ka hookomo ae i na kii. Ua manaoia o na kii mua no i hoikeikeia ai, a lilo hoi ia i mea ano manaka no kahi poe a ku ole hoi i ka hoihoi, aka, i ke aka pono loa ana ae o ke kii, he mea e ke kamahao, no ka mea, o ke kii no ia o ke Kama’lii Kaiulani. A i ka ike pono loa ia ana aku, ua olo ka pihe ohohia o loko, huroia, paipaiia, hehihehiia, leleleia na noho, a me na ano hanakuli e ae, koe na hana  e hoike ana ua hoowahawahaia. O kahi kii hookahi wale no ia i hoikeia ia po a o ka pau no ia. E paikau ana no koa mawaho iho. Ua hoike mua ia no nei kii hookahi i na po i ka Hale Keaka Pake, a o ia like no ke ohohiaia o na poe i hele aku ilaila e makaikai ai.

 

Uoia ma ka Berita o ka Mare.

 

            Hora 7:30 a kakahiaka o nehinei, maloko o ka luakini o Roma, i hoohuiia ae ai ma ka berita maemae o ka mare, o M Kamakani me Misi Nani Kapua, kaikamahine hiapo a R.S. Kapua, kekahi o na mea puhiohe leo alakai o ka bana Aupuni e ka Bihopa o Panopolisa. He anaina ike i na paa mare mahope iho ma kahi o na makua o ka wahine, ma Alanui Kula, a he papaaina hoi i huluu i na ono a ka puu mahope iho o ia ma kahi o A.K. Palekaluhi no ko laua hanohano.

 

            E hahaiia laua e na pomaikai o keia ola ana, o ka Ka Makaainana uwalo ia i na mana lani.

 

_________

 

            E hoomaka ana na kula Aupuni a pai i keia la.

 

            Ua olelo ae ka o Kimo Ka nabela e noho no oia a ike i ko Wineterope (Winthrop) hookolokoloia a hiki i ka hopena, ina no e hala ana he makahiki holookoa iaia e noho ai ma Ka palakiko.

 

E KOHO BALOTA.

 

O ko Peresidena Kalivalana Iini ia, i Akaka ai Kulana.

 

            “Honolulu, Augate 20.--Ua lawelawe hou ae o Kuhina Wilisi i na hana o kana oihana. Ua paholaia ae kekahi lono i hooiaia, i holo aku nei oia i Amerika Huipuia no ke kuka ana me Peresidena Kalivalana no ke kumuhana hoohuiaina. A ua oleloia ae, o ka hopena o ia kuka ana ua hoomanaia mai nei o Wilisi e komo iloko o ke kukakuka ana no ka hoohuiaina paha, a i ole i hooponopono Aupuni Moi paha me Kanilani ma ka nohoalii, a i ole ia, malalo paha o ka hoomalu ana a Amerika Huipuia--na ka lahui nae e koho a hooholo i kekahi o keia mau hooponopono aupuni ana a lakou e makemake ai.

 

            “Ua hele aku o Wilisi e ike i ke Aupuni mahope koke iho o kona hoi ana mai. Ua hoomaopopoia aole oia i kamailio no ke kulana pili kalaiaina iaia malaila. Aole e akaka ko Peresidena Kalivalana manao mamua o ko Peresidena Kole hoi ana mai mai Maui mai.”

 

            Ua laweia mai keia maluna ae mai ka Buletina mai o Kapalakilo o ka la 27 o Augate, i hoounaia aku mai Honolulu nei ma ka la i hoikeia. A oiai, ua kulike loa keia me ka Ka Makaainana i hoakaka aku ai i kekahi mau pule i hala, aole loa nae makou i lihi launa a ike hoi i keia leta, a ole loa aku hoi i ka mea nana i kakau. Aka, me ke kanalua ole, he mea iloko o ka poai o na luna Aupuni ka mea nona ka pulima, a oia no paha hoi ka Rev. poohina S.E. Bihopa, oiai, ua maopopo oia ka mea kakau o ia nupepa ma o kakou nei. O ka mea hilu nae hoi a makou e kanaenae ae nei, o ke

 

“Akaka wale no Haleakala,

Ka ue a ke Kini o Koolau”

 

Koi Poho a na Pio i Kipakuia

 

            Ma ke Kopatica mai nei i loheia mai ai ua haalele aku ka Hui Mokumahu Kanada Anseterelia i na hoohalahala no kela mau hihia koi poho a ia niau pio kalaiaina i kipakuia aku ai e keia Aupuni iloko o na la mahanahana o 1895. Ua nui na lilo o ka hui mokumahu o neia mau hoopii, a me he mea la ua ana aku la no hoi paha. Ke maopopo paha ke poho e ukuia aku ai i na poe i kipakuia, a ke loaa aku paha hoi, alaila, e hoi hou mai ana no paha hoi lakou ianei, a hui ai ?? alo a he alo me kekahi poe i olelo kue ia lakou.

 

___________

 

            Ua lonoia aohe ka o Luna kanawai Apana Keoki ?e la Vena e noi ana no ka haawi hou ia mai o kona hookohu luna kanawai. Ua pau, a i ole ia, e pau ana paha i kahi o keia mau la. Molowa koke no ka paha

 

Hala no hela Ao

            I nei kakahiaka nui poniponi, hora 5, i kuu mai ai ke aho a make iho la ke kino o Misasa Mele Kuamoo Kanahuna, ka wahine aloha a Wm. Chung Hoon, ma ko laua wahi hou e noho nei mauka aenei o Leleo. Ua piha iaia na makahiki he 36. Hora 3 o keia auwina la e hoolewaia mai ai kono kino kupapau a ke luakini o Kaumakapili, a pau ka pule malaila, lawe loa ia aku e kanu ma ka ilina.

 

Paia Pohaku Hanee.

 

            I ke kuana eloelo o ka po Poahiku a ao ae Poakahi i hala, ua hiolo pu he paia pohaku a kekahi poe Pukiki i hana iho nei no Kale Aki, ma ka aoao o alanui Moi o kela lua nui mauka o Leleo, makai pono o alanui Liliha. E ole no ke kamana haole i makaukau mua i kana apana hana ma ke koo ana ae ia lalo, ina la ua hiolo na kua i hoomoe a i kukuluia malana iho. Ua uhau hou ia ua paia la a papalua ke oolea pohaku maloko mai i keia wa. He hale nui loihi, elua hale ke kiekie a he ewalu keena, ke ku aku ana ma ia wahi.

 

Moku Ekolu Poo i ka La Hookahi

 

            Nui ka nune a me ka ui aku a ui mai i ka loheia ana ae i kakahiaka Poaono nei ua hoopauia he ekolu poe paahana o ka Oihana Dute. Ia kakahiaka ua kauoha ?e ka Hope Luna Dute ia Tome Kuke, kekahi o na kiai, a hoike aku iaia ua pau oia mai ka hana aku. Ua koiia aku ke kumu, aohe nae he hoikeia aku. Iaia a puka a hoike i kona hoa hana, T.P. Severina, ia kiau no, he mea paikii mamua, no kona pau, loaa mai no he kauoha ia Severina ua makemakeia oia e ka Hope Luna Dute. Ua hele aku oi? a ua loaa mai ka makana e like me kona mua ae. A o ke kolu iho o lakou, oia o C.J. Fisela, mea koho i ka waiwai io o na waiwai komo mai, a e like no me ke ano o ka hoopauia ana o na mea mua ae, pela no me ia, aohe kumu i hoikeia. Ua lonoia nae no Kapalakiko mai nei ka ke kumu. Na Kimo Kakela mai nei no paha? O kekahi hoi, o ka hua keia o na kukakuka ana o ke Kuhina Waiwai me ka Hope Luna Dute. Aohe  nae hoi i maopopo na kumu io o ka pau ana. O ka hoohuoiia nae hoi, no ka puia loa paha i ka hohono opiuma, no ke pakele mau, aohe wai a loaa iki.  Mahope aku ke ahi, ua pua ae la hoi ka uwahi.

 

_______________

 

            Poakolu iho la i hooloheia ai ?a hihia hoeha me kekahi mea e mak? ai o Ata Fitigerala, o ka hoopaneeia ana mai ka Poakahi mai, no kela hewa a makou i hoike piha aku ai ma ka helu i hala. I kahi la ae i ahewaia ai e ka Lunakanawai Apana a hoopaiia ai e noho i Kawa ma ka ha?a oolea no elua makahiki a e uku i ua k?iua. Ua hoohalahala aku i ka Aha maluna ae.