Ka Makaainana, Volume VI, Number 10, 7 Kepakemapa 1896 — Page 1

Ka Makaainana.

BUKE VI       Ano Hou                     Honolulu, Oahu, Sepatemaba 7, 1896.           HELU 10

 

NA AINA MAMAO.

Mau Lono Huikau mai kela a me keia Wahi Like Ole.

Alu Powa ia ke Duke o Aberuzi.

            Ia Kama’lii Lui o Savoe, Duke o Aberuzi, a me kekahi mahele o na aliikoa a me na luina o ka mokukaua Italia Karistoforo Kolomobo, o ke ku ana mamua iki aku nei ma Honolulu nei, e hele holoholo ana ma na alanui o Valaparaiso, Kili, i Iolai 16 aku nei, ua aluia lakou e ke aluka haahaa loa o ko laila poe kanaka, a mai loaa no ia lakou na haawina e like la me ko na kanaka o ka mokukaua Amerika Balatimoa, koe wale no ka hele makaukau ana o k@hi poe Italia me na mea eha, pele i keakeaia aku ai kela aluke a hiki i ko na makai hoea ana aku e kokua ia lakou.

            Ua ulu mai keia ano e o ia lehui i na Italia mai ka wa i aneane ai e ala he kaua mawaena o na Aupuni Repubalika o Kali a me Agenetine, a mamuli hoi o ko Italia hoolilo ana i kekahi mau mokukaua o ka papa elua ia Agenetine, a lilo loa ai hoi ia i mea inoino loa i na poe Kili.  I holo aku nei hoi ke Kama’lii a me kona moku e hoolaulea i na manao a e he pau ae hoi ia ano e, a ua loaa ia no, aka, ulu e hoi nei hana.

            Ua lawe awiwi ia aku la ke Kama’lii no loko o kekahi halekuai, a malaila oia i kiaiia ai.  Lehulehu a na loina i pa i ka pohaku a uhauia hoi kahi me na pauku laan@ a hina ilalo.  Ua hakoko aku no lakou, unuhi nui ae i na pahi, a pela i nee ole mai ai ua poe hoohaunaele a hoea aku na makai.  Puehu liilii ke aluka.  Lehulehu na poe i hopuhopuia.

            Ua awiwi aku ke Aupuni e mihi no nei hana, a ua apo ia aku no, oiai, he mau pomaikai pili kalepa kekahi i manaola e loaa ae ana ma ko Italia aoao.

            Make ke Suletana o Zaniziba.

            ua make o Hamed Biu Thwain, ke Suletana o Zaniziba, pela ka hoike o Augate 25 nei.  Hanauia oia ma ka makahiki 1856, a noho oia i panihakahaka no kona makuakane hoahanau, oia o Suletana Seyyid Ali Beb Said, ma ka la 5  o Ma@eki, 1893.  Ua loaa ke kuokoa i ke Aupuni o Zaniziba ma ka makahiki 1856, ma ka wa e nohoalii ana o Seyyid Majid, ke keiki a Seyyid.  Said, ke Suletana o Musecata a me Zaniziba.  Aie @a aina malalo o na hoomalu ana a Enelani.

            Aia nae he aumeume mawaena o keia Suletana a me kekahi kanaka e ae, nona ka inoa o Saida kalida.  O keia kanaka hope, ua lawe ae la ia i ka halealii maho po koke iho o ka make ana o Hamed Bin Thwain.  Ua pani ku ae la oia iaia iho iloko o ka halealii me 900 poe koa Asekarisi.  No keia mea, ua hooleleia aku la na luina a me na koa o na mokukaua Beritania Pilomela, Thrush a me Sparrow, iuka o ka aina no ka malama ana i ka waiwai, a o na wahine ua hoi hoiia maloko o ke kahua Kanikela Pelekane, a ua kiaha lakou e na luina a me ua koa marina.

 

Ki Poka ia ka Halealii

            Kakahiaka, hora 9, o ka la 27 ae i ki poka ia ai ka halealii o ke Suletana o Zaniziba e na mokukaua Beritania a ua lilo i puulehu i ke awakea ae.  O ke alii i kaili ae i @a nohoalii, oia o Said Khalid (Said@ Kalid), a me ka alihikaua o kona mau pualikoa, nona ka inoa o Said Sales (Saids Selese), ua pakele a holo aku laua no ke Keena Kanikela Geremania, kahi o laua e noho la malalo o ka malu o ka hae Geremania.

            Mahope iho o ke kukakuka po ana o Hope Adimerala Henry Rawson, C.B., e hoomalu ana i na aumokukaua Beritania ma ka Lae o ka Manaolana Maikai me ka Aekai Komohana o Aferika, a me ke Kanikela-Kenerala Beritania, A.H. Harding, i ka la mamua iho, ua hoouna telegrama ia aku i ke Aupuni o Beritania Nui ua kaili-ku ae o Saida Kalida i ka halealii a ua kukala ae iaia iho i Suletana i ka make ana o Suletana Hamed Ri@ Thwain, ma ka hoomaopopoia i make i hanaiia i ka laaumake, ua hooikaikaia aku oia me ua koa a ua hoole loa e haawi pio ae.

            Ke huiia ae me na 900 koa Asekarisi, ua loaa ia Saida Kalida he 2,500 poe koa @ako pono a i makaukau lea ma ka lawelawe ana i ua mea kaua, i aeia hoi e na aliikoa Beritania, nui na lako kaua a me na pukuniahi.  Ua kau pono ia aku na pukaniahi a me na ano pu nunui e ao iluna o na mokukana Beritania, ka mokuhae Sana Keoki, Pilomela, Racoon Sparrow a me Thrush.  Aui iho e ia la @ loaa ae ai ka pane telegarama mai Ladana, a ua hoounaia aku he palapala me na olelo kauoha hope loa e huki iho oia i kona hae ilalo a e haawi pio aku oia a me kona mau pualikoa aole  oi mamua aku o ka hora 9  o ka la 27.  A ia’wa like no hoi i kauohaia ai na poe Pelekane e noho ana ilaila e hoi ae iluna o na mokukaua mamua iho o ka hora 8.

            Po o ka la 26, ua nui ka hoohaunaele kipi iwaena o na kanaka ma na apana aku mawaho a ua kinai koke ia e 350 poe koa marina a me lui a Pelekane, i hoolele mua ia ai no ka hoopakele ana i na waiwai a e kiai i ke Keena Kanikela o Beritania Nui.  Ua hoomaopopoia ua loaa hou aku he mau kokua nui ia Saida Kalida mai na poe piepiele kauwa kuapaa, e pipili la hoi mahope ona, no ka mea, ina e kau pono ae ana ka hae Pelekane maluna o ia aina, ua like ia me ka hookuu lanakila ia ana o 250,000 poe kuapaa a o ka puupuu no hoi ia e make loa ai o ia oihana ma ia mahele o Aferika Hikina.

            Hora 8 a.m. o ka la 27, he 100 a keu na poe Pelekane a me kahi poe haole e ae i kau aku iluna o na mokukana, o na poe Italia iluna o kekahi mokukaua Italia e ku ana malaila a o na Geremania hoi ma ke kahua Kanikela Geremania.  He ahikoa moana ka i hoou@aia aku i ke kahua ma ke alo iho o ka halealii me kekahi palapala hou na Saida Kalida, e ninau aku anaina paha ua makaukau oia e haawi pio, a a me ka hoike hon ia aku no hoi iaia e ki poka ia no ka hale alii ke hiki pono i ka hora 9 ina oia e huki ole ana @ kona hae ilalo.  Ua pane aku oia ua oi loa aku kona pono ke make mamua ae o ka haawi poi ana

            Ua laweia aku kana pane ia Adimerale R@ws@o.  Hora 9 ponoi ua hoailona ak ka moku hae i na noku Racoon, Thrush a me Sparrow e hoomaka e ki.  Aole i u iho, na hulili aku na poka mai na pu o ua moku ekolu (He mau moku liilii halipu na moku hope elua o ka papa ekahi, a he moku nui ae ka Racoon o ka papa ekolu.)  Ua hoomauia aku ke ki poka ana no elima minute me ka makewalu o ka hiolo ana o na poka a me ka pololei no hoi, a na ikeia eku no hoi ka hiola ana mai o ka halealii ma na aoao a pau, a me ke koa a hoaano no hoi i noke mai ai Kooka@i ke ki i na moku a aole i pau ke ki ana a hiki i ka wa a ka mokuhae i hiu ae ai i ka hooilona, “E hooki ke ki ana,” a ia wa i pio ai na kileo o na pukuniahi o na mokokane mai ke kiola ana i na poka maoli a me na poka pahu i kula.  O ka mokuhae a me ka Pilomela ua ku laua i ka wa, aka, ua kiola mau wahi poka pahu aku no iwaena o ka enemi, e hooi aku ana hoi i ka weli iwaena o ko ka halealii poe hoopakele.  Umi minute iho o ke kani ana o ka pu mua loa, ua weluwelu a puha ka halealii a e hoomokaki ana hoi i ka make a me ka pioloke ma o a maanei, a e hoopuehu ana hoi i na poe e lawelawe ana i na pukuniahi a me ka hoohioloia o kekahi o na pu nunui mai na wahi i kauia ai.

            Aohe i akaka ka nui o ka poiao o ka enemi, ua koho wale ia aku nae ua hele a nui launa ole, o ka oi loa aku iwaena o na poe o loko o ka halealii.  Oiai hoi e noke ana ke ki poka ia o o ka halealii, ua ki aku ko ke Suletana mokumahu Galasago i lako me na mea kaua i na mokukaua Beritania.  He mau poka pahu kakaikahi i ki pololeila mai na pu nunui o ka Rakuna a me na pu eha-iniha o ke Saparo ka i puku pu mai kahi aoao a i kahi, a ua pio-koke no na kileo o kona mau pu o ka hoaano ana aku.  Ua piholo iho oia ma kona wahi i mo-kuia ai.

            Mahope koke iho o ka hamuia ana ae o ka halealii e ke ahi a e lele ana hoi na apana o na paia a me kaupoku ma o a maanei i na pokapahu, ua holo aku o Saida Kalida a me Saida Salese ma kekahi o ko laua mau ukali ma ke koa aku o ka halealii a holo awiwi@ i ke kahua Kanikela Geremania, kahi o na hoopakele i haawiia mai ai.

            I ka pau ana o keia hana ao a Beretania Nui i kela hana kaili ku a kaihi mana a ka mea i kukala ae iaia iho i Suletana, ua kukalaia ae o Hamona i Suletana, oiai, oia ke Alii i kuleana i ke kulana a oia hoi ka Beritania Nui i apono ai.  O keia no ke ano o ka Beritania Nui ao ana i na poe hookuli i kona leo.

 

Pio ke Kaua ma Matabelelani.

            Ua loaa mai he lono mai Buluwaio mai a i kekahi nupepa o Ladana, i Augate 23 nei, e hooia ana i ka lono, no ka haawi pio ana mai o na alii koikoi o ka lahui Matabele iloko o na lima o na koa Pelekane, a ua manaoia ua pau ke kaua.

            E like me na lona i loaa mai ai mai Baluwaio mai i ua au pepa o Ladana nei, ua ae ua alii Metabele aole kaua me na koa Pelekane, ina nae, e ae o Kikii@

(E naua ma ka aoao ewahi)