Ka Makaainana, Volume VI, Number 7, 17 ʻAukake 1896 — Page 2

Ka Makaainana.

2          HONOLULU, OAHU, POAKAHI, AUGATE 10, 1896

 

Secotia e hana i mokukana holo o 45,000 tona, nona hoi ka lilo o 1,600,000 a e haawiia ae ia Sepania ma ke ano makana iloko o umikumamawalu malama.

            Ke pii mahuahua loa ae la na ma'i ahulau fiva-lenalena a me samola-poki ma kekahi mau apana o ka Mokupuni o Kuha

--

Mau Koho Ana Aupuni.

            Eia iho malalo no kohokoho no ka hana ana i ke kahua o ke hale kikowaena hou o ka Oihana Kinaihi, o ka weheia ana i ke awakea Poaha nei ma ke keena o ka Luna Nui, penei:

 

R. Lishman . . .            $1462

Walker & Sinclair .        1421

F. H. Redward . .         1300

C. B. Dwight . . .          1289

W. Mutch . . .                           1175

Lucas Bros. . . .             1044

A. Harrison . . .               899

J. Bowler . . .                  775

F. Harrison . . .                725

E. B. Thomas . . .            700

 

            O ka mea kohokoho haaahaa loa ka i aeia a i keia la paha e hoomaka ai ka hana.  Nui no ka manao a me ka like ole mawaena o na poe koho a pau.

            No ka hana ana i ke alanui aekai o Kailua, Kona, Hawaii, penei iho na kohokoho ana:

 

M. F. Scott . . .           $1400

Geo. McDougall & Son 2800

J. Maguire . . .                6000

David Alawa . . .           8700

 

            Aohe no he mamao aku a koe mai o keia mau kohokoho ana, oiai, he $1,500 wale no ka haawina a ka Ahaolelo i hooholo ai.  E lilo ana paha ka hana i ka mea koho haahaa loa.

            O na kohokoho mahope iho, no kekahi mau halekula hou ia a ka Papa Hoonaauao e kukkulu aku ai, penei:

            Halekula o ekolu rumi ma Maemae, Oahu Lumber and Building Co. $2140; R. Howie, $2347; H. F. Bertelmann, $2555; Albert Task, $2600; H. F. Heuss, $3175.

            Halekula o elua rumi ka ke KKula Alii, T. Gandall, $1850; H. F Bertelmann, $1824; Albert Task, $2050; H. F. Heuss, $1948.

            Halekula ekolu rumi ma Manana, Ewa, Oahu Lumber and Building Co., $2850; R. Howie, $2574; Albert Task, $2750; H. F. Heuss, $8850.

            Halekula ekolu rumi ma Kahuku, Koolauloa, Oahu Lumber and Building Co., $2450; R. Howie, $2649; Albert Task, $2760.

            Hale noho no ke kumu, Kahuku, Koolauloa, Oahu Lumber and Building Co., $850; Thomas Phillips, $500; H. F. Bertelmann, $750.

--

Bila Wawae Kamaa Ole.

            Kakahiaka Poakahi i hala, i ka hemo ana o na puka lehulehu o ko T. H. Kewiki Ma halekuai nui, na ikeia iho la ua komo kolohe ia o loko i ka La Pule mamua iho.  I ka noii pono ia ana aku, ua loaa he mau waiwai i lilo a me ke dala iloko o kekahi mau pahu-ume, aohe no nae hoi i nui loa.  Ma ka hakilo pono ia ana, na ikeia mauka aku nei ke komo ana o kekahi mea kamaa ole, pinana ma kekahi alapii e ku ana iloko, a me ua mea hana wili, ua wiliia aku kekahi mau wahi a loaa he kowa e hiki ai ke komo.  A pela no ka hoi i ka hale kapili moku o Srenesona & Laila, e pili la makai iho o ka Hale Hana H@o Honolulu, a na lilo he mau mea hana, aohe no nae he wahi dala iki

            Ua hoike koko ia ae ka lohe i ka Oihana Makai, a ma na noii ana a Makaikiu D. Kaapa, ua kono oia o William Hoopii, oia noi, a Bila "Wawae Kamaa Ole," oiai, ua hemo oia mai Kawa mai no kaoa mau hewa aihue hookalaku na @ i hana ai he @hau makahiki i hala ae.  Ma kaua koho ana, uateleponeia aku ia Luna Makai Nawaakoa ilalo o Waianae, oiai, aia oia ilalo o laila kahi i hana ai, a ua hopuia oia a loaa aku no he mau lako hana i ano like me ia i hoikeia aku mai luna aku nei.  Ia ahiahi Poakahi no i hopuia ai a i kahi la ae i laweia mai ai iluna nei a paa ana i ka Halewai, a imua hoi o ka Lunakanawai Apana i kahi la ao, ua kapae ae eia i kona niuaninauia a waihoia aku la hoi kona hihiano ka Aha Kapuni ma ke kiure.

--

Ku i ka Hewa a Kalehuia.

            Mamua ae o ko ka Peresidena holo ana aku nei no Maui, ua heluheluia aku ka olelo hooholo a ka aha-koa e pili ana no Kapena Gude imua o kona puali, Komopani E.  He eono ka nui o na kumu hoopii, a he elima i ku ka hewa iaia.  O ka hopena mai hoi o ia olelo, ua kipakuia oia mai ka hana aku a o kona hoopai no hoi ia.

            Aole oia wale, aka, o ka hoike kekahi on a i hoike ai nana i pinana mai ka pa ma.  Puka Likelike a komo iloko, kii a lawe i kekahi hoailona ki pololei o kekahi o na pukuniahi, a nona hoi ka inoa o H. J. Rhodes, he wahi elekule no.  Oia ka mea malama o ke kahua hooulu mea kanu o ke Aupuni iwaho o Pawaa, a no ke kupono ole hoi o kana mea i hana ai i kona poo ae ma ka oihana, oia o Komisina Mahiai J. Masadena, ua hoopau a kipakuia aka oia.  Ua manao paha he hana akamai kana i hoike ae ai ua hookoia e ia, a lolo iho la nae hoi.

--

Honolulu vs. Kamehameha.

            Aohe no i lehulehu loa na poe makaikai o waho o ke kahua kinipopo i ka auwina la Poaono nei, a nui ole no hoi ka hoihoiia.  Ua lilo ka eo i ka inoa hope me 10 ai puni i ka 1 o ka inoa mua me ke koe o hookahi komo ana.  Penei iho ka hoike o na ai puni:

                         1  2  3  4  5  6  7  8  9

Honolulu           0  0  0  0  0  0  1  0  0 --1

Kamehameha     0  0  6  0  4  0  0  0  *--10

            I keia Poaono iho e ulele ai na hui Hoku me Honolulu.

--

            Ua holo aku nei ka Ilamuku no Maui ma ka Malulani o ka Poalima nei.  Malia i holo aku la e kini i ka Peresidena, o halawai nae ka poino.  Ua ukaliia aku oia a ka moku e ka Loio Kuhiua a me ka Hope Ilamuku.

            Uwe ka makou no kamalii hana ole, wahi a kela huaelo hoohuiaina hou.  Heaha ka mea e uwe ai, oiai, o ke dala a me ka hana pololei ka mea e loaa ai.  E like la hoi me Kamaki, olelo he $9.00 o ka pule ka uku o ke keiki hookahi, a elua iho la Poaono, he $1.00 pakahi ka mea i haawiia aku.  Lohe mai makou ua pau ke dala i ka ukuia iaia.  Nana ao la hoi ke "pauakaaka," a he ike mua ole no paha hoi ko kela poe oia okoa maoli no ia.

 

KELA A ME KEIA.

--

            He buke Banako Hale Leta ka i nalowale.  E nana ae i ke hoolaha.

            Ua lilo aenei ka aelike no ka hana ana i waapa Aupuni ia W. J Balls, mea k@pili waapa.

            Ua hu@ hoi nou aku nei o Kouna Matasu a me kona poe no Iapana ma ke Kina o kela mau pule aku nei.

            Ma na loon hope mai nei, ua pii iki ae ke kumukuai o ke kopaa he 1-16 keneta, oia hoi, he 3 3-8 keneta i nei wa.

            Poaono iho a ahiahi, hora 8 e uaalele aku ai ke Kinau ia Hilo a ku mai ianei i keia kakahiaka Poakahi ae, la 24.

            He la hoano ka Poaono nei no ka laweia ana o Marie ka Virigine i ka lani a ua hoomanaoia ma ka luakini o Malieokamalu.

            Olohani na luina o Ke Au Hou, no ka uku pono ole ia, pela ka lono i loaa mai ia makou mai ka i mea maino mai laila mai.

            He omaimai ko Misasa Ema M. Nakuina e waiho nei, he fiva ka hoomaka ana a pohola, iho i kai nei a loaa hou, a o ia ka ma'i e waiho nei.

            Ma ko ke Aupuni aoao imua o ka Aha Apana, o Makaik@ D Kaape ka loio lawelawe i na hihia ma ko ka Ilamuku wahi a hoi mai oia.  Ua eleu no ka hoi.

            No ka hopu manaoino a me ka hoopii hewa, ua hoopaiia o S. M. Kaaukai e uku i $500 poho ia Misasa Mele Akoni Rose, pela ka hooholo a ke kiure i ke ahiahi Poaha, la 6 nei.  Mai ka Poakolu mai ka hoomakaia ana.  Ua hoohalahala aku ka mea i hoopiia i ka Aha maluna ae.

            No na inoino o ka lanahu aole ka Auseteralia i ku mai i ka Poakahi i hala aku, i kahi la ae ke ku ana mai i kakahiaka nui wale.  Ina no ka i kuupauia mai kona holo, aumoe oia e ku ai, nolaila, ua hoemi iki ia ka holo, i ku kakahiaka mai hoi, e like me ia maluna ae, aole kumu e ae o kona ulolohi.

            He 20 aoao o Ka Pueo i nei puka ana a ua hoea mai no i ka Poalima nei.  Mahalo.  O ka hana ana ia, he imi mai, aole paha hoi na makou e huli aku I keia puka ana aku ka, he 24 aoao, a e paa mau aku ana pela.  Ua loheia mai apopo ka e puka ai kona Helu 3, a i ka Poaono aku ka Helu 4.  Eleu no!

            Ahiahi Poaono nei i haule ua mai ai a ua hoomau me ka eloelo ia po a ao nehinei a awakea wale no  Ua mau mai no ke poluluhi ana me ka ikiiki pu.  He owaka iki mai no ko ka la a nalo aku, a pa kikiao no hoi ka makani.  O na haawina maa mau no hoi ko na alanui.  Pela no i ke ahiahi nei, eloelo ka helelei ana, a maha no hoi a ao nei po.

            Ua kipa ike aku o Kuhina Wilisi i ke Aupuni i kakahiaka Poakahi i hala, no ka hoike kino aku hoi i na Kuhina ua hoi mai nei oia e hoomau i kona kulana.  Ma ke alo iho ka bana a me kekahi pualikoa.  Ua ukahia aku oia e kona hope iho nei ma ka oihana, e Kanikela Kenerila Mila.  Aia oia ke noho nei ma ka hale mauka loa o ko W. W. Holo pa, makai iho o ko Samu Daa@o na pa, Alanui Nuuanu.

            Piha leale i a hauoli ko makou mau paahana i ka hele a makai kai i ka hulahula "anapau ani" a Misi Elese Adea.  Aohe wa hao o ka loaa wale mai o na palapala komo.

            Ekolu po o ka pule i hala iho la i hoikeike ai ka hui hana keaka ponoi a Misi Elese Adea, a pala aua no hoi i keia pule.  Aia ma kahi okoa o keia helu ka hoike piha no ka po mua i wehe ai ma Haimoeipo, a ua piha hauoli na poe a pau i hele ma ia po a me na po hope mai.  Poaha me Poaono iho la.  O ka ikemaka ka oi aku, aole loa hoi o ka lohe pepeiao wale no.  E nana ae i ka hoolaha.

--

BUKE BANAKO NALOWALE.

--

            Owau, o ka mea nona i ka inoa malalo iho nei, ka on a kekahi Buke banako Hale Leta i nalowale, a i ole, lawe maoli ia paha mai ko'u wahi noho aku ma Kaopuaua, Honolulu, Oahu; ke hoikeia aku nei ka lohe i na mea a mau mea maha e loaa ana ua Buke nei, nona ka Helu 7962, ma ka inoa o Luacy Kalei, e hoihoiia ae ma ke keena o Ka Makaainana, a i ole, ma ke keena loio o Jas. K. Kaulia, ma Honolulu, Oahu, a e loaa no he uku makana i ka mea nana e hoihoi mai i ua Buke nei.

            Owau iho no,  LUACY KALEI.

            Honolulu, Augate 17, 1896.

aug. 17--4mw

--

EKOLU

"Po Lea o Halalii"

Halepaikau Hao ma Haimoeipo,

Po Poakahi, Poaha me Poaono,

La 17, 20 me 22, Hora 7:30,

Ia mau Po e Ike hou ia ai ko Ame-

rika Oi ma ka

Hulahula "Anapau Ahi"

A me Kona Puali Ponoi ma na hana

Hoolealeaia Hoohala Manawa e ae,

E laa na HIMENI, na HAIOLELO,

A pela aku.

Elua Hora e Hauoli Ai

Na Ukukomo:--$1.00, 75 a me 50 Keneta

            E loaa no na Palapala Komo ma ka Halekuai o Wali, Nichols Co., Alanui Moi.

--

E Kau i Helu

no Kou Hale

--

            Ke hooia aku nei makou e kau i Helu Pololei a Paa Mau no kou HALE a HALEKUAI paha ma kau mea e uku ai.

            Ke hooia aku nei makou aole loa oe e hoololi hou ae i kou Helu.

            Ke hooia aku nei makou e helu pololei ia keia Kulanakauhale mai LOKO A WAHO a e hiki aku ana ko makou mea Helu i ou la ma nei mua koke iho.

            Aia oukou a kahoo like mai, pono ka makou hana.  E loaa uo ia oe he

Helu Piula, Keleawe, Aniani, Hao

            a ano e ae paha au e makemake ai.

--

            Q. H. BERRY,

aug. 17--4mw  Luna Nui.

--

HALEKUAI LAHUI KALAHIKI.

Helu 405, Alanui Moi, ma Waikiki aku o Alanui Nuuanu, ma ka aoao mauka, ke keena mua o ka "Hawaii Holomua."

Ma ia halekuai o na oiwi e loaa ai na anoi a me na paihi o na ano heu loa, e loaa

            Na Kalakoa,                Na Keokeo,

                        Na Makalena,              Na Kinamu,

                                    Na Huluhulu,              Na Lihilihi,

            Na Kainaa o na Kane, Wahine me Keiki, a pela aku.

            Oluolu no ke kuai ana.  Aohe hewa ke kipa mai e ikemaka, a aohe no hoi he kunu kunuia no ka hoikeike ana i na mea kuai.

                        M. PALAU, Luna Nui.

@ 14-@