Ka Makaainana, Volume VI, Number 6, 10 August 1896 — AOLE I MANAOIA PELA. [ARTICLE]

AOLE I MANAOIA PELA.

He palapala ka i loaa mai ia makou, e hoike mai ana ka mea nana ia i ka hoike kapakahi ia o na inoa o na keiki o kekahi oha na maalalo o ka "Mookuauhau Alii" a makou e hoolaha nei, oia hoi, o na poe wale no e ola nei ka i hoikeia, koe aku hoi ua ewe i make, a he hoohalike ana ka ia i kela poe pua i make me he poe ewe poo ole la. Ua kuhihewa paha hoi keia makamaka. No makou iho, aohe o makou manao pela, oiai, heaha auanei ko makou pomaikai, koe wale no paha ka hoike ae i na poe i ikeia mamua a i ike ole ia i nei wa, A ia makou nae hoi e hoopuka nei i na mookuauhau, ua manaoia he mea waiwai ole ka hoike ana i na keiki oo ole i make, koe wale no paha a ua mare wahine a kane paha a ua loaa hoi he pua a he ewe. Aia wale no ilaila e ikeia ai ka waiwai o ke kuauhau ana. Aka, ina i makemakeia e hoike pau aku, o ka hoike mai no ka mea pono loa, oiai, ua mamao loa ka manao hoolilo i kahi poe i poe poo ole mai ia makou aku. E hiki loa no ia ke ikeia iho n ka lawelawe ana a ko makou mea kakau moolelo.