Ka Makaainana, Volume VI, Number 5, 3 ʻAukake 1896 — Page 3
| This text was transcribed by: | Kaulana Dameg |
| This work is dedicated to: | Awaiaulu |
Ka Makaainana.
kai leo nui o Niukukahi, aole oukou e ike hoa ana ia Kalani E ka malu a ke ao, ke pani wai o Iao, ke kai holuholu o Kahuli, a me ka makani kololio o Waikapu, ua hoopale mai o Kawelaokalani ia oukou a ia kakou hoi a pau a ua hoi aku oia ma ka poli o ka Mea Mana Loa, e kali ana i ka leo o ka pu a ka Anela, oiai, "aole o kakou kulanakauhale e mau ana maanei, aka, ke imi nei kakou ia mea ma ia hope aku." Ua pau, na nalo, ua moe i ka moe kau a hooilo o Jno. W Kawelaokalani. Aloha! Aloha!! Ua
1:—Hii no i ka Poli o Wailaahia,
Me ka makani Kahaaha-la-i o Niua,
Ka ua Hoehaili o Waiehu,
E kipehi ana i ka ili.
HUI:—Iliilihia i ka leo o ke kai,
Me ka nalu hoi lua o Kawili,
Ka iliili nehe o Maluhia,
E kipehi ana i ka ili.
2:—Ka noe a ka ua liilii,
I ka luna o ka Makoa,
Halii a ka uhiwai,
I ke kula o Lihauanu
3:—Wai hu'i lau-i o Eleile,
Ka makani Kilioopu,
No ke kupa o ka aina,
O Kawelaokalani—ua nalo.
Owau iho no me ka luuluu,
JNO. KALINO.
Waimea, Hawaii, Iulai 23, '96.
Ma ke Kauoha
HOOLAHA HOOKAHEKAHE WAI.
Ke hoolahaia aku nei ma keia i na poe a pau e paa ana i na Pono Wai, a i ole ia, i na poe paha e uku ana i na uku wai, o na manawa no ka hookahekahe wai ana, aia ia mai ka hora 6 a 8 A. M., a mai ka hora 4 a 6 P. M.
ANDREW BROWN,
Luna Nui o ko Honolulu Oihana Wai.
Aponoia:
J. A. KING,
Kuhina Kalaiaina.
Honolulu, Iulai 16, 1896.
jul20-mhp
W. T. MONSARRAT
(MAUNAKEA),
KAUKA HOLOHOLONA,
KEENA HANA—Hale Pepehi Bipi o Koholaloa,
MANAWA HANA—Hora 8 a 11 A. M., a Hora 1 a 3 P. M.
O na kauoha e waihoia ana ma ka Halelio Calabu, Telepone 477, e hoomaopopo koke ia no. Telepone o Kauhale, 626. iul. 27—2pl.
Hoolaha Manao Hooko Moraki a Kuai a ka Mea Paa Moraki.
I kulike ai me na olelo o kekahi moraki i hanaia e G.B.ELAMA [k] a me KEALALAINA, kana wahine, ia John Pulaa [k], i hanaia ma ka la 28 o Mei, 1888, i kopeia ma ke Keena Kakau Kope, Oahu, ma ka Buke 110, aoao 329 me 330, ke hoolahaia aku nei ma keia, ka makemake nei ka mea paa moraki e hooko i ua moraki la, no ka uhakiia ana o ke kumu aelike, oia hoi, ka uku ole ia o ke kumupaa a me ka ukupanee ma ka wa e ukuia ai.
Ke hoolahaia aku nei hoi, mahope iho o ka hala ana o na pule ekolu mai keia la aku, e hoolahaia aku no ka aina i paa ma keia moraki ana, no ke kuai, a e kuaiia aku no ma ke kudala akea ma ke Keena Kudala o Jas. F. Moragan, Honolulu, Oahu, ma ka POAKOLU, Augate 12, 1896, ma ka hora 12 o ua la'la,
☛ No na mea i koe e ninau ia
J. A. MAGOON,
Loio o John P@laa, ka Mea Paa Moraki
Honolulu Hale, Alanui Kalepa,
Hanaia ma Honolulu Iulai 20, 1896.
Eia ka waiwai e kuaiia aku ana:
O kela apana aina a pau e waiho la ma Kapaakea a me Opukaala, Waiki, Oahu, i hoakakaia ma ka Palapala Sila Nui Helu 2508, Kuleana 1530 ia Kanea@hii, maloko o laila he @i@ a me @@@@@@@ka
@ui @-@@
MOOKUAUHAU ALII.
Na Iwikuamoo o Hawaii Nei Mai Kahiko Mai.
KO FREDERICK WILLIAM KAHAPULA BECKLEY MA.
1. Liloa k noho ia Akahi akuleana w, loaa o Umi-a-Liloa k.
2. Umi-a-Liloa k noho ia Kapulani w, loaa o Keawenui-a-Umi k.
3. Keawenui-a-Umi k noho ia Koihalawai w, loaa o Kanaloakuaana k.
4. Kanaloakuaana k noho ia Kaikilani w, loaa o Keakealani k.
5. Keakealani k noho ia Kaleiheana w, loaa o Moana k.
6. Moana k noho ia Kanaloa w, loaa o Keaweiuiulani k.
7. Keaweiuiulani k noho ia Kaula w, loaa o Kapaliuweloa k.
8. Kapaliuweloa k noho ia Luukia w, loaa o Namaha w.
9. Namaha w noho ia Cox (he haole), loaa o Halaki w, (Charlott Cox.)
10. Hoolulu k noho ia Halaki w, (Charlotte Cox), loaa o Kaiheekai k, Mooheaunui k Kahinu w, me Kinoole w.
11. Kaiheekai k noho ia Namahana w, loaa o Auhea w.
12. Auhea w mare ia Jesse Crowningburg, loaa o William Charles Keeaumoku me Elizabeth Keomailani.
13. William Charles Keeaumoku mare ia Lydia Kolomoku, loaa o Miriam Peleuli.
14. Elizabeth Keomailani mare ia Wray Taylor, loaa he mau keiki e ola nei.
15. Aohe pua a Mooheaunui k.
16. Kahinu w noho ia William Beckley, loaa o F. W. Kahapula, Maraea Kahaawelani w, me George Mooheau Beckley.
17. F. W. Kahapula Beckley mare ia Emma Metcalf, loaa keia poe: Sabina Kahinu, Frederick Kahapula, Jr., me Frederica Beckley.
18. Maraea Kahaawelani Beckley mare ia Kaiapeelua k, loaa o Leander Kaonowailani, Violet Kahaleluhi Kinoole, Grace Namahana i-Kaleleokalani, Frederick Malulani, George Heaalii me Benjamin Kameeiamoku.
19. George Mooheau Beckley mare ia Mary Risely, loaa keia poe: William Kauluheimalama, Henry Hoolulu, Juanita me George Mooheau Beckley, Jr.
20. Kinoole w mare ia Benjamin Pitman, loaa o Henry Hooulu, Mary Kinoole (Mrs. Mary Ailau), me Benjamin Pittman, Jr.
(MA KO HOOLULU K, MA AOAO).
1. Lonoikahaupu k noho ia Kalauikauleleiaiwi w. loaa o Keawepoepoe k.
2. Keawepoepoe k noho ia Kanoena w, loaa o Kameeiamoku k, me Kamanawa k.
3. Kameeiamoku k noho ia Kahikoloa w, loaa o Hoolulu k.
4. Hoolulu k noho ia Halaki w, loaa o Kaiheekai k, Mooheaunui k, Kahinu w, me Kinoole w.
5 Kaiheekai k, noho ia Namahana w, loaa e Auhea w.
6. Auhea w, mare ia Jesse Crowningburg, loaa o William Charles Keeaumoku me Elizabeth Keomailani.
7. Wiliiam Charles Keeaumoku mare ia Lydia Kolomoku, loaa o Mariam Peleuli.
8. Elizabeth Keomailani mare ia Wray Taylor, loaa he poe keiki e ola nei.
9 Ao e pua a Mooheaunui k.
10. Kahinu w, mare ia Wiliam Beckley, loaa o Frederick W. Kahapula, Maraea Kahaawelani me George Mooheau Beckley.
11. F. W. Kahapula Beckley mare ia Emma Metcalf, loaa o Sabina Kahinu, Frederick W. Kahapula, Jr., me Frederica Beckley.
12. Maraea Kahaawelani Beckley mare ia Kaiapeelua k, loaa o Leander Kaonowailani, Violet Kahaleluhi Kinoole, Grace Namahana - i - Kaleleokalani, Frederick Malulani, George Heaalii me Benjamin Kameeiamoku.
13. George Beckley mare ia Mary Risely, loaa o William Kauluheimalama, Henry Hoolulu, Juanita me George Mooheau Beckley, Jr.
14. Kinoole w, mare ia Benjamin Pitman, loaa o Henry Hoolulu, Mary Kinoole (Mrs. Mary Ailau) me Benjamin Pitman, Jr.
KO ROBERT HOAPILI BAKER MA.
1. Liloa k, noho ia Akahiakuleana w, loaa o Umi.
2. Umi-a-Lilloa k, noho ia Kapulani w, loaa o Keawenui a-Umi k.
3. Keawenui a-Umi k, noho ia Koihalawai w, loaa o Kanaloaakuaana k.
4. Kanaloaakuaana k, noho ia Kaikilani w, loaa o Keakealani k.
5. Keakalani k noho ia Kaleiheana w, loaa o Moana k.
6. Moana k, noho ia Piilani w, loaa o Ilikiamoana w.
7. Kauhi-a-Haki k, noho ia Ilikiamoana w, loaa o Kahanaumalani k, Heiaholani k, Moana w, Koialiipuheelani k, me Huapuaalani k.
8 Kahanaumalani k, noho ia Naheana w, loaa o Kanuha k.
9. Kanuha k, noho ia Kamanohelii I. w, loaa o Napuupahoehoe k.
10. Napuupahoehoe k, noho ia Maunahia w, loaa o Luka w, Malie w, me Kamanohelii II. w.
Malie w. noho ia Ikekeleiaiku k, loaa o Kamai w, Robert Hoapili Baker k, Henry Kanuha k, me Kinohou w.
12 Kamai w, mare ia Patrick Cockett k, aohe pua.
13. Robert Hoapili Baker k, noho ia Emma Merseburg w, loaa he mau pua lehulehu wale e ola nei.
14. Henry Kanuha k, ua mare wahine no nui no kana mau pua.
15. Kamanohelii II. w, mare ia Rev. J. Kauhane o Kau, loaa no he mau pua lehulehu e ola nei.
HOOPOLOLEI.—Malalo o ko E. K. Lilikalani mookuauhau ma na helu 6 me 7, o ka pololei, o Moana k, noho ia Piilani w, loaa o Ilikiamoana w, aole o Hikiamoana w. Ma ka helu 7 iho o Ilikiamoana w, no ka pololei, aole o Hikiamoana w.
(Aole i pau.)
Ua makaukau ke kii a me na hoolala ana no ko Konela Bila Konuwela hale hou e kukuluia aku ai ma ke kahua o ka hale mua i pau i ke ahi ma ke kihi hikina o na alanui Piikoi me Moi.
C. E. Williams me Keiki
Ed. A. Williams, Luna Nui.
Helu 611, Alanui Moi, ma Ewa iho o ka Pa o Aigupita.
He mau mea kuai lako hale o na ano a pau loa.
He mau mea Hana Pahu Kupapau a Hooponopono Hoolewa.
E hoolakoia no na Kaa Kupapau, na Kaa pio a me na Kaa ohana.
Ina no e ninau ia laua, e loaa no na Pohaku Kia Hoomanao no na He Kupapau.
O ka Ialoa kekahi hana hiki loa ia laua, aia ia malalo o ka lawelawe ponoi ana a Ed. A. Williams, F. D., he mea i puka pono ma ka Kalaka Kula o ka Ialoa Maikai ana iloko o Mei, 1894.
—NA TELEPONA—
Keena, Helu 179—Kauhale a me Kahea Po,
Helu 815.
nov 2-mp. feb 3-mp.
Hui Papa a Kukulu-Hale Oahu.
(OAHU LUMBER & BUILDING CO.)
Leleo, Alanui Moi, kokoke i ke Kahua o ka Hui Alahao & Aina Oahu.
Poe Kalepa Laau, Hana Aelike a me Kukulu hale.
Poe Hookomo Mai a Hoolilo aku i na Puka, Olepelepe, Kui, Pepa, Pena, Aila, Na Pono Kamana, A pela aku, a pela aku.
Telepone 53. Pahu leta 222.
apl 20-11