Ka Makaainana, Volume VI, Number 5, 3 August 1896 — Page 2

Ka Makaainana.

HONOLULU, OAHU, POAKAHI, AUGATE 3, 1896.

========================================

 

KO KA PO MAU OULI.

---

Kamahao no Kahoaka, a Heaha la ka ke Kilokilo?

 

[Koena mai ka Helu 4 mai.]

    

     Nolaila, he mea pono ka nanaia ka hana a na inoa o na Alanui Moi me Papu.  Elua no mea i manaoia, Moi a me Papu.  O kona olelo ana, Moi Papu, a i ole, Papu Moi.  O ka luna aupuni kiekie loa ia e noho hoomalu ana maluna o ka lahui, nolaila, ua loaa he haina e olelo ai ai aia no he luna e hoomalu ana maluna o kekahi poe, aka nae, o ka mea kupaianaha nae, ke hoike mai nei o Papu i kona ano iho he halepaahao ia.

     Nolaila, ua hiki ke loaa ka haina penei:  O kekahi luna e noho hoomalu ana maluna o kekahi poe, e lilo ana oia ma ke ano me he lawehala la, aka, owai la ia?  E nana aku no.

     MAHELE 5 - Na kanaka ekolu, he inoa no paha ko keia mau kanaka, eia hoi, aohe i hai mai ka moe i ko lakou mau inoa.

     Nolaila, na'u hoi e hai ao i ko lakou mau inoa, ina paha o ia, aole paha.  Eia ko lakou mau inoa, o Kane, Lono a me Mauli.

     O Kane ka mea nona ke pawai nui i ikeia ae la ma ka huina o Alanui Moi me Papu; o Lono, nona na hauwawa o keia mau la aku; o Mauli, nona ka mauliawa me ka ailiili o na hanu me ka paupauaho o aneanae aku ai e make, a make aku no paha.

     MAHELE 6 - Ke kapa o na kanaka ekolu, o ia ka Aeokahaloa.  He hoike paha ke ano o keia kapa no ke kipakuia aku mai ka aina aku no kekahi mea o ahewaia aku ana (Ina nae he kapa kuehu keia.) He elua no ano o keia kapa: (1) Wauke, (2) Nanahu; no loko mai o ko laua hoohuiia ana i loaa mai ai ka inoa Aeokahaloa.  Nolaila, o ka nanahu ka mea hapala, a kohu aku la iluna o ka wauke, a pela e loaa ai ka haiua o ka wauke, o ia ke kino o kekahi luna hoomalu, a o ka nanahu kona mea i

hapalaia.  Nolaila, ua loaa ka manao he hoahewaia no kekahi luna e hoomalu ana i kekahi mahele kanaka.  A owai la ia?

     MAHELE 7. - Na kanaka maluna o na bipi momole.  He hoike ka momole no ka hoololohe me ka hookananuha.  Nolaila, o na kanaka i kau maluna o ka bipi, he poe hookananuha lakou, a malia o lakou no ke alakai ana no kahi hana, e like me ka lakou huki, ana ae i ke kaula waha a kuiike me ko lakou makemake iho.  Nolaila, he paonioni paha keia me ke

kue aku kue mai ma ka hukihuki, (kaulawaha) a hoea mai ao paha auanei he mokuahana,. Eia la iea nei mnokuahana,  eia paha iwaena o na koa, a i ole, iwaena paha o kahi mau luna aupuni?  Ma ka nana aku, he pulupulu paha keia no kekahi ahi e hoea mai ana, ina no ka hoea ae:  aka hoi, i mahu iho no hoi, o ke oki no ia.

 

MAHELE 3 O KA MOE.

    

     MAHELE 1 - Ke Pukiki nie ka pua ilio i hoopaaia na nuku i na apo keleawe.  He mau hoike na ilio no kekahi enemi, a o  ke Pukiki ke kahu o ka enemi.  A ina e loli ae kela Pukiki i pu, alaila, o ke kiki pu no ka hope (oia hoi, pu kiki), alaila, he hakaka ka mea hoea mai ina e ku mai ia ano.

     MAHELE 2. - Ka holo ana o na kanaka maluna o ka ohe ma ke Alanui Hotele, he hoike ia no ke kue kanawai, (ina nae he kanawai ia mea he ohe).  A i ole, he hehiia no ka mana o ke kanawai e na wawae o na poe ha'iha'i kanawai.  Alaila, he haunaele no ka hope, a malia paha o hoea mai ke kanawai koa.  O ka pono no nae hoi ka emi pu iho, aka, i emi ole iho, o ke aoa no paha auanei ia o ua poe puailio nei.  Ma ka hoomaopopo iho, me he la, aole keia he pualio okoa, @ne he la no o na koa no keia a ke Aupuni e hanai nei.  No ka mea, ke hoike nei ka inoa o keia alanui ia Hotele, a o Hotele hoi, he hale hanai ai ia no ka lehulehu, a pela e pili ai ka haina no na ilio a ke Aupuni e hanai nei.  Aka hoi, i hamau iho no hoi na waha e like me ka paa o na nuku i na apo keleawe, he pau ana ka hoi ia.

     MAHELE 3 - Na poe me na pahi palaulau me na ko'i e ku ana mawaho o ka Halepaahao, he mau ouli ino ia ina e hoea mai ana ma ke ano o ke kaua me ka hakaka, a i ole, he upu paha no ia hana e hanaia.

     MAHELE 4 - Ka pau ana o ka Halepaahao i ke ahi a me koua hioio ana.  He hoike ka pauahi no ka hakaka me ka haunaele ina e ulu ana iloko o ka halepaahao, a i ole, he ahi keia e koi mai ana e noho aku kekehi poe ha'iha'i kuawai iloko o ka halepaahao.

     Ka hiolo ana o ka Halepaahao, he hoike ia no ka hookuuia o kekahi poe lawehala me ka huikalaia o ko lakou pono kivila, ke ku ma ia ano; a i ole, he noho hou aku no kekahi poe no ka halepaahao.

     A ke aui ae keia mau hoike, alaila, he pau no ka mana o ka mea e kiai ana i ka Halepaahao.

     MAHELE 5 - Ka pau ana o ka Hale Mana Hooko i ke ahi, he hoike ia no ka ulu ae o ka mokuahana a kue aku a kue mai iloko i ka Hale Mana Hooko, ma paha mawaena o na luna aupuni, a i ole, i na poe aku paha malalo aku o lakou.  A e like me ka ikaika o ka lapalapa o ke ahi, pela no paha  auanei ka ikaika o na hana e hoea mai ai, a ma ia mea e lilo ai i haunaele nui, a malia o hoea mai he uluaoa hanuaele, e puka ai kekahi pualikoa hoomalu.  A he wahi ano hopohopo no nae no ka hiolo o ka mana o ke Aupuni e hele aku ai i ka mauliawa ana.

     MAHELE 6.   Ka pau ana o ka Hale Aupuni Mililani i ke ahi.  Ua like no na hoike me ko kela maluna ae, koe wale no na uluku pioo

iloko-o na keena o ia hale; a malia o mahae ae na poe oloko o ia hale, a i ole, e huaiia ae ana na kee a lilo i ahi lapalapa no ka mekuahana, a i ole, he pukeia paha no ka Mana Hookolokolo e hele aku ai i ka hiolo ana.

     MAHELE 7 - Ka pau ana o ka Halewai i ke ahi, he like no na hoike me ko kela maluna ae, a me he la pela no keia.  Heaha la ka pauahi e holapu aku ana i ko ka Halewai poe?  Mahea la ka hio ana o ka Oinana Makai?  Eia pana kahi hapa i Manu'a?  Na ke dala ka hilinai, a na ke dala ole ka hilinai ole.  Ma ka nana aku he kanalua ke kulana o ke Aupuni.  O ka laki loa o ke Aupuni, o ke emi pu iho ona hana, alaila, ahona he Aupuni ia; aka, i emi ole e like me ka ikaika o ka a o ke ahi, he mea maopopo he hiolo ka hope.  Aka hoi, ina mai waho mai ka pulupulu e a ai ke ahi i na hale Aupuni, ke hana okoa ia.

     O ka moeuhane, he hookoia i ka wa pokole i kekahi wa, a he wa loihi iki aku i kekahi manawa, alaila, hookoia, a he loihi loa aku no i kekahi wa, alaila, hookoia.

     A i kekahi manawa no hoi e kinai ana na moe hope i na moe mua, ina a ani ua kokoia ana o na hana iluna o ku lakuikanaka a me ke Aupuni.

     Ka hope keia o ke kaao a ke kaikamahine o ua Pali Nihinihi o Alapahi.

KILIKILO DIMERATA.

---o---o---

 

     Mamuli o ka hookohuia ana mai nei o S. K.Aki i Lunahooponopono Waiwai no ka waiwai o Pilipo Kakimilo i make, ke hoolaha aku nei oia imua o ke akea no na poe a pau he mau koi ka lakou no ka waiwai o ka

mea i make a ua aie paha iaia, e waiho koke ae iloko o eono mahina ma ke keena loio o S. K. Kane.  E heluhelu ae i kana olelo hoolaha.  A pela no hoi me ka Keliihananui (w), e pili ana no ka wawai o Mao (w) i make.

================

 

Ua Nalo me ka Walohia.

 

     Mahope o ke kaa ma'i loihi ana o Jno. W. Kawelaokalani, Kalino, a ma ka la 16 o Iulai, 1896, ma Waiehu, Maui ua waiho mai la oia i keia ola ana.  Aole au i ike (kona pokii) i kona wa hope loa, oiai, ma ke Kinau o Iulai 18 i ku mai ai i Hawaii nei i loaa mai ai ia'u ka lohe "ua hala oia me ka walohia."  Nolaila, ke noho nei au me k@ kaumaha  luuluu nona.  Ua hoonaauao kiekie ia oia ma na ike oke au holomua o Hawaii nei, ua puka pono mai oia mai ke Kulanui mai o Lahainaluna ma ka makahiki 1868 paha, me kona mau hoa he lehulehu waio, a eia no paha ka hapanui o kona mau hoa ke ola nei i keia manawa.  I kona wa i pukan mai ai, ua malama oia i ka oihana kumukula ma Maka'ehu, Kula, Maui, a mahope o ka lawelawe pokole ana ia hana, ua hapai ae oia i ka oihana hana lima malalo o Samuela Alekanedero ma Haiku, Maui.  No kahi m@ makahiki kona noho ana malaila, a hoi loa a noho ma Waiehu, a malaila i hapai ai i ka oihana kalepa ai i kahi manawa a ma kahi hana e ae no hoia pono ai ka noho ana.

     Ua hanauia oia ma Waiehu, Maui, na Kapalapala (w) a me Kalino (k) a aia malaila ka hapanui o ka ohana kahi noho ai.  He keiki kupa oia na ma "Waieha" a ua kamaainaia oia e na mea a pau.  Ua mare oia i ka wahine ma ka M. H. 1870, a ua make ia wahine ma ka makahiki 1876, a

ua mare hou i ka wahine, a na laua m@ he mau kaikamahine elua @ ola nei.  He makee nui oiai ka pono o kona mau pokii a ua malama pono oia ia makou me he makua ponoi la i kana @ keiki.  He hookipa a heahea i na mea a pau i kipa aku ana i ona la, a na ka make i hoop@ia mau hana maikai ana.  Ma kona kino lepo hope loa,ua oluoluia i ka Mea Hanohano Jno. W. K@lua a me na makamaka ka lawe ana ae i na koikoi o na lilo @ ka pahu a me na mea pili i kona anaina hope loa.  Ke p@ hola aku nei au i ko'u mau hoomaikai i na poe i haawi mai i  na kokua aloha i ko'u ha@ mua a me makou hoi ka oh@ a pau. Na ke Akua e hoopomaikai ia oukou a pau.  Na laila, me ke kaumaha i ili iho maluna o'u a me ka ohana @ pau no ka mea i hala    Aloha! Aloha!! E ka makani Kili@ a me ka wai hoihoi lan@ Eleile, aole olua e ike hou @ i na helehelena o Jno. W. Kawelaokalani.  E ka ua Hoo@  me ke Kaahaahala i o N@