Ka Makaainana, Volume VI, Number 2, 13 July 1896 — Page 7

Ka Makaainana.

Honolulu, Oahu, Poakahi, Iulai 13, 1896        7

 

liwai, 8--ke kanaka maluna o ka waa.

            Ua manao ka @ne@ wehewehe e lawe mai i kaua au hoakaka ana maluna o ke kukala a ke kanaka loihi a me na inoa Pueo a me Kuwili a me Ka@ialii; a e hookoe aku i kekahi.

            O ke kukala pak@lu a ke kanaka loihi imua o ka lehulehu no keia mau olelo "La Sabati komo ka Hipakane iloko o ka Mahina" he olelo pahaohao ia i ku ma ke ano o ka nane.  Nolaila, heaha la kona haina e hiki ai ke weheiaae ke kumu o kona kukala ana, a e olelo ae ai he wanana paha keia aole paha?

            O kau mau hoike ana ae no ka haina o kela nane maluna ae aole loa ia i ukali aku i ka oiaio a me ka pololei mamua ae o ka oiaio maoli e hoea mai ana, koe wale iho no ina ua like alaila, kapaia ia he pololei; a ina aole, e kapaia no ia he wahahee.  Aka, he ekolu no mahele manawa no ke kali ana i na haina moe, (1) ka hooko koke ia, (2) ka hakalia, a o ke (3) ka loihi loa.  Iloko o keia mau mahele e kapaia ai he hoopunipuni.  Ina hooko koke ole ia i ka wa pokole, o ia iho la ka wa e komo koke iho ai o hoopunipuni i ia mea heluhelu, a pela no ka hakalia a loihi aku.  Aia no nae he mau mea pahaohao e oiliili ae ana iloko o ka manawa i hoomaopopo ole ia e ka mea heluhelu, a ike ole iho la no ina ma ke ano nui a uuku paha, komo iho la no nae o hoopunipuni malaila.  Ua pau ae la keia hoonahili ana, a e  lawe mai au no kau mau haina no ke kukala a ke kanaka loihi.

 

Kukala.

            Nane.-"La Sabati komo ka Hipakane iloko o ka Mahina."

            Haina 1.  I ka malama o Iulai e hoea mai ai ka pa;hi oki.  O keia pahi oki, ua pili kana bana no na poe a pau maluna o ka oihana, he oki oihana, he oki hookaawale, a pela aku.  Ina mai ke kiekie a ka haahaa, a ke aui paha, iluna o ka lahui e kakiwi ai ka pahi oki, a i ke alii paha, a i ole, he haunaele.

            O ke kumu i loaa ai keia haina, oia no keia:

            La Sabati.- O ka hiku no ia o na la, alaila, hoonui aku me ekolu kukala ana, oia hoi, o 3x7, ua like no ia me 21 la, mai ka la 17 mai o Iune, ka la i loaa ai ka moeuhane, a hiki i ka la 8 nei, oia o Lono, a na like me 3 Sabati, oia 3x7.

            Na Pahi Oki.-O ke kumu o kona haina i loaa mai ai, no loko mai o Hipa, a kona heluhelu hoi hope ana mai. Nolaila, o hipa, he pahi oki ia, he kino ia no na mea kaua ke hoea mai ua hipa la ma ia ano.  Aka, ina he mai ahulau keia pahi, o ia iho la.

            No Malama.-Ua loaa mai ia no loko mai o mahina, he malama ia.  A pela i loaa mai ai ka haina mamua ae nei.  [Aole i pau.]

 

Iosepine

ka

Emerperese Puuwai Olu

 O Farani.

Mokuna III.

Hopuia ana o Bohane a me Iosepine.

 

            Mamua iki iho o ke kakahiaka i hopuia ai o Iosepine, ua loaa mai la he palapala iaia e hoike mai ana no kona pilikia, a e olelo mai ana e imi aku oia i kona wahi e pakele ai.  He kakahiaka nui poniponi loa ia, a..  e moe ana no hoi na keiki ia wa.  Aohe ana mea e hiki ai ke hana ae.  Ina hoi oia e haalele ana i kana mau keiki, ua like no ia me kona aloha ole ana ia laua.  A ina no hoi oia e lawe pu ana, aole no he wahi o lakou e pakele ai.  Iloko o kela manawa ua ano hoolauwiliia kona noonoo no na ulia pakalaki e hahai nei mahope o kona mau kapuai, a me ia mau noonoo iloko ona, lohe aku la oia i kekahi mea e kikeke mai ana mawaho o ko lakou hale Hoomaopopo koke iho la no oia e kiiia mai ana oia e hopu i hookoia na ma nao lili o na poe e hookele ana i ke aupuni hou.  No ia mea i haalele iho ai oia i kona keena moe a komo aku la iloko o ka rumi o na keiki e moe aua.  Nana iho la oia ia laua me na waimaka o ke aloha oiai oia e hookaawaleia aku ana mai ko laua alo aku Kukuli iho la oia a ho@i iho la i kana kaikamahine.  Apo koke mai la kana kaikamahine ma kona a-i, a hoopuka ae la i keia mau huaolelo iloko no o kona wa e hiamoe ana, "E hoi mai e moe.  Mai makau oe.  Aole lakou e lawe ana ia oe i keia po, no ka mea, ua pule au i ke Akua nou."

            Ua hoomau mai la no ka leo kikeke mawaho o ka puka o ko lakou hale me ka ikaika, a no ka hopohopoe o Iosepine @ ala mai kana mau keiki a lilo i mea no laua e kaumaha loa ai, nolaila, haawi iho la oia i kekahi nana loihi ana ia laua me ka naau mokumokuahua o ke aloha, alaila, ku ae la ia a hoi ae la iloko o ke keena hookipa me ke pani ana ia ko laua rumi moe.  Ia komo ana aku ono i ka rumi hookipa nui o ko laua hale, e noho mai ana he poe kanaka @ lako me na mea kaua iloko, e alakaiia ana e kekahi mea i piha @[phrase] kona o ka hilahila ole.  Hopuia ih@ oia me ke kaihuluhuluia ana, a o kana mau olelo i hoopuka ae ai imua o lakou aole loa i maliuia aku.  O na pono o loko o ka hale ua haoia ae la ia ma ka inoa o ka Repubalika hou.  Hoopaaia aku la hoi oia iloko o ka halepaahao o Camelite, ka hale hoi  @ [phrase] haupu mua ole ai e noho ana oia ilaila me ka hoomainoino e na lima kakauha na poe aloha ole.  Mamua @ [phrase] @ae hoi o kona hoopaaia ana, ua piha ka ewalu tausani o na poe i luku hoomainoino ia iloko o Parisa.  Aole i komo ka manao o ke aloha kanaka iloko o na poe na lakou e lawelawe ana i keia hana iloko o ia mau la a lakou e noho  ana me ka haaheo o ka kuhihewa.

            I ka wa i ala ae ai o na keiki mai ko laua wahi moe ae, ike ae la laua aole ko laua makuahine me laua, a o laua wale no ia e noho kokoolua la maluma o ka i@ honua.  A e ole ka hoike ana aku o ke kauwa lawelawe no ka hopuia ana o ko laua makua hine a hoopaaia ma kahi paa akahi no a maopopo iho la.  Na ka waimaka no e kolu mai ko laua mau maka aku i ko laua wa i lohe ai ua paa ko laua makuahine me ka hala ole iloko o ka halepaahao.  Ua like iho la laua i kela manawa me he mau keiki makua ole, a o laua  wale no paha na keiki i loaa me ia haawina kaumaha.

            I ka pau ana ae o ka luuluu i lulumi iho maluna o laua, loaa iho la iloko o Hotense kekahi manao e hele laua no ka halepaahao, kahi o ko laua makuakane i hoopaaia ai a e  noho pu laua me ia, a i hookahi hoi ko laua auamo pu ana i na ehaeha me ia a me ko laua makuahine.  O keia manao o ke kaikamahine opio, aole ia i kulike aku me ko kona kaikunane.  O kana hoi, e hele laua e huli i kekahi o na ohana pili loa i ko laua mau makua, a nana e malama ia laua me ka maluhia.  Ua hooholo like iho la laua e hooko ia manao a hele aku la laua malalo o ke alakai ana a kekahi wahine puuwai hamana no Vaseile, kahi hoi o laua i noho ai malalo o na malama ana a kekahi poe hoaloha e ko laua mau makua.

            I ka wa i uhi mai ai ka omamalu o na hana ekaeka maluna e ke kulanakauhale, ua ala mai la iloko o Bohane na hoomanao ana no ko laua home, oiai oia e noho ana maloko o kona keena ko@u puanuanu i kupono ole iaia; pela pu no hoi me Iosepine iloko o kona halepaahao i hele a paumaele me na hilihili koko o na poe i hoomakeia me ka mainoino.  E uwe ana i kekahi manawa no ke aloha i na keiki e noho la mahope.  Aole loa i maopopo ia laua ka hopena i kau aku maluna o na keiki.  O ke aloha keiki i kela wa aia mau imua o Iosepine, a ua like ia me kekahi aniani kilohi imua o kona mau a@ka.  He manawa nae mahope iho, na loaa aku la iaia ka lono no ka lilo ana o na keiki malalo o ka malama a kiai ana a kekahi o ko laua mau hoaloha.  "O, ua maha kuu mau keiki," wahi ana i pane ai maloko mai o ka hakahaka o na pine o kona keena.  [Aole i pau.]

 

Robert Napunako Boyd

(Italia)

            He Ana-aina a he kokua no hoi ma ka hooponopono ana i na waiwai paa, huli ana paha i na Buke o ke Aupui, a pela aku.

            Keena Hana:  Mauka iho o ka Hale Leta, maluna ae o ka haleaina Pake, Alanui Betela.             apl 13-mp

 

C. B Dwight

[Kale Kuaika.]

            Mea Hana Pohaku Kaekae Alanui, na He Kupapau a me na Kia Hoomanao Mabala.

            E loaa no oia ma kona wahi noho ma Koiuiu, Honolulu nei.  Telepona Helu 833.                        17-lmk 

 

C. E. Williams me Keiki.

Ed. A. Williams, Luna Nui.

            Helu 611, Alanui Moi, ma Ewa iho o ka Pa o Aigupita.

            He mau mea kuai lako hale o na ano a pau loa.

            He mau mea Hna Pahu Kupapau a Hooponopono Hoolewa.

            E hoolakoia no na Kaa Kupapau, na Kaa pio a me na Kaa-ohana.

            Ina no e ninau ia laua, e loaa no na Pohaku Kia Hoomanao no na He Kupapau.

            O ka Ialoa kekahi hana hiki loa ia laua, aia ia malalo o ka lawelawe ponoi ana a Ed. A. Williams, F. D., he mea i puka pono ma ka Kalaka Kula o ka Ialoa Maikai ana iloko o Mei, 1894.

            Na Telepona

Keena, Helu 179d-Kauhale a me Kahea Po, Helu 815.

nov 9-mp.                                feb 3-mp.

 

HalekuaiLLahui Kalahiki.

            Helu 405 Alanui Moi ma Waikiki aku o Alanui Nuuanu, ma ka aoao mauka, ke keena mua o ka "Hawaii Holomua."

            Ma ia @[phrase ] kuai o na oiwi e loaa ai na anoi a me na paihi e na ano hou loa @ laa

            N Kalakoa, Na Keokeo,

            Na Makalena, Na Kinamu,

            Na Huluhulu, N. Lihilihi,

            Na Kamaa o na Kane, Wahine me Keiki, a pela aku.

            Oluolu no ke kuai ana.  Aohe hewa ke kipa mai e ikemaka, @ aohe no hoi he kunu kunuia no ka hoikeike ana i na ea kuai.

            M. Palau, Luna Nui.

            @ [phrase]