Ka Makaainana, Volume VI, Number 2, 13 July 1896 — Page 5

Ka Makaainana.

 

HONOLULU, OAHU, POAKAHI, IULAI 13, 1896

 

            “ka pohaku, ka @i kamahao o o ka aina.”  Ola no ka hoi na iwi o kakou i na haole malihini o ke ano hoapono o like ae la me keia Clarence E. Edwords (Kalaleua Edewoda), a ole loa hoi i na ili keokeo i hanauia maanei a i ai i na waiu o na wahine Hawaii.  Ia lakou, ea, hoopailua makou a me kakou na paha hoi a pau.

 

KA MARE MA ENELANI

 

            Malalo o ke poo o “Na Aina Mamao” e ikeia iho ai ua hooholoia ke kanawai e ae ana i ka mare aku o kahi kanaka i ke kaikuaana @ kaikaina paha o kana wahine i make, a pela no hoi me ka wahine i ko ke kane aoao.  Ua loihi ka hooikaikaia ana no ka hooholoia o nei aknawai na akahi no a hoea aku me ke kulana o loaa ai o ka aeia.  I paa keia kanawai i ka ikaika o na bihopa o ka Ekalesia Anagalikaua i noho he poe lala no loko o ka Hale o na Haku, a i waena hoi o na poe kiekie hooikaika loa, o ke Kama’lii o Wale Kekahi.

 

            Ina e hoomaopopoia iho, he keu keia a ke kanawai kapakahi.  Ke make ka wahine a ua haalele iho he mau keiki liilii, aole loa e like ana ke aloha o kekahi wahine okoa aku i pili ole ia lakou ma ke koko e like la me ke kaikuaana a kaikaina paha o ka makuahine i make.  O Enelani hookahi wale no ka aina iwaena o na aina malamalama i papa loa i keia ano mare, a ano hoi, ua komo aku la paha hoi ka noonoo maikai maoli a ua hooholoia.

 

            E koe aku ana no paha ke kueia o ia ano mare ma ko ka Ekalesia aoao, iloko o na mahele a pau o ka Ekalesia Katoliku Hemolele Oiaio Hookahi.  Oiai, aohe he pili ma ke koko no ke kane ka pokii o kekahi wahine, koe wale no ma ka mareia ana, nolaila, aole no hoi paha i hewa kela ano mare a ua kue ole no hoi paha i na kanawai e ke Akua.  E lilo ana keia i au hou no ia aina ma neia mea, oiai, ua “hookahi wai o ka like” ae la me na aina e ae.

 

“HAEHAE KA MANU!”

 

            A ike io no kakou i ke kamahao o kela poo iwiw (lolo ole) o ka Luna Nui o na Hana Aupuni.  Ia makou i olelo ai mamua no ka uhiia o ke alahao kaa panee e ka lepo a ke kao omo lepo i luai aku ai, a ua paa ilalo ma kahi o ekolu a oi aku kapuai, aole i noonooia no ka huai ae ia wa, aka, aia a hiki mai nei i keia wa iho la, o ka hana ia a hala he mau la okoa o ka hue ae i ua alahao ia.  Nui no ka hoi ka ike.  E ole nae hoi ia, loaa ia mau la hana hou o na hanaiahuahu a ua o Rowela ma.

 

            Ma ka la 4 nei, ua buki ae na mokukaua like ole a hoouluwehiwehi ae i na kia me na hae o na waihooluu like ole.  A ma ka welau loa hoi o na kia waena, ua kau ae na mokukaua Amerika a me Mekiko i ka hae Hawaii, e hoike mai ana na ike laua ia la ma ke auo he la kulaia Hawaii, eia nae, o ka mokukaua Auseturia hoi, ua kau ae oia i na hae Hawaii me Amerika, e hoike mai ana ua ike oia ia la he la kulaia no ia mau Aupuni a elua.  Ma ka makou koho, o ka moku ia i hana i ka mea pololei.

 

            Eia nae hoi, he mau la mahope mai, na ia moku no ka pinanaia o na likini a kuku na luina iluna o na i a i ka wa a ke Kuhina o ko na Aina E i holo ike aku ai.  Ka i no paha hoi no na poo aupuni wale no ia hanohano, i keia nae hoi ua lilo i ke Kuhina.  He kuhihewa paha, a i ole ia ua halahu no ka ike i na loina hoohanohano i kulakula loa.  E ole nae hoi ia, loa@ na mea hou e walaau ai.

 

            Ua lohe mai makou no na lawelawe hana hoaie dala a kekahi loio haole hou e hoohana nei, a ma ka makou koho iho ua kupono ole oia e hoomauia ma ia oihana a o ke kaili ae i kona laikini ka hana pono loa i ka Mana Hookolokolo.  Penei i ho kahi moolelo i loheia:  Hele aku nei ka he wahine Hawaii e aie i $150, iloko o eono malama o hookaa aku ai, a haawi aku nei i kona aina pa hale o $3,000 ka waiwai io i mea hoopaa no kela mau dala.  Ua hanaia ke kahi palapala moraki e hoopaa ana i ua waiwai paa la, a ke pau ka manawa i oleloia, e uku aku na wahine la i ka huina o $350, oia hoi, he $200 ke ola no kela $150 iloko o eono malama.

 

            He alunu a he powa maopopo lea kela ano hana, a he imi loaa piepiele hoi kela i kueia ma ke kanawai, a he hoopukapuka ino ka olelo ana.  Ua ake loa paha hoi kela loio e pii koke ae kona waiwai, i ano like aku paha hoi me na ano hana i pii ino ai o ka waiwai o kekahi poe ewe mikanele hoopukapuka dala o kakou nei.  Ke ao aku nei makou i na poe ake aie dela iwaena o ka lahui, e hoomamao loa aku lakou mai ka ipuka oihana o na loio la i noho he kumukula mamua.  O ka ike nae paha hoi ia i loaa iaia mai kekahi poe mikanele mai.

 

            Ua olulolu hou ia o G. D. Gilimana, Kanikela Hawaii ma Bosetona, e pauea @a na aupepa o laila no ke kue aku i na manao kui @ouhou o Iuliusa A. Pama, ia hoa’loha o ka lahui e paio la ma o.  O keia Gilimana ke mea pale ikaika loa ma ko ua mikanele aoao, eia nae, ua poina ole ia oia e ko Lahaina poe, a noua hoi ka oleloia e ko laila poe, @he mikanele maluna, a malalo, aole loa.”

 

            Ku no hoi paha ka hoopailua i keia poe hoopalaimaka a uhiuhi lau mamane.  I @o hai kee, wikiwiki lakou e walaau ae, a i ko ka oiwi iho hoi, he ole a he ole loa ka puai ae.  O ua Gilimana nie no paha hoi kahi i hailuku ae i ke Aliiaimoku mamua me ka lepo o ka hailiili, a o ka makane ia i loaa aku iaia, o kela hookohu Kanikela.  Ahu no hoi ka pilu.

 

            Wahi o ka hoike mai a na poe kakau i na nupepa namu o  kakou, ua nui no ka pili ma na wahi like ole i malamala ai o na lealea i ka la 4 nei, oia hoi, ma Kahului, Lahaina a me Hilo.  Aohe nanaia ae o ke kanawai i hooholoia iho nei a momoe hoi na maka o na “kaiko.”  He kauawai waiwai ole no paha hoi keia.  Ina paha ia mau wahi ka Rev. H. W. Peka, ina paha ua pio iaia i ke kinaiia.

 

            Ina ua hiki ole ia Kapena Poo Pak ke kinai i ua hana uko ole a kekahi poe kamalii ma Alanui Liliha, ua makehewas oia e hoomauia ma ka oihana.  Aia kekahi o keia poe kamalii malalo pono o kona mau pukaihu.  He hailuku pohaku a me ka lepo i na Pake hele ae ma ke alanui ka hana mau a keia kamalii, a me ka hana hoonaukiuki wale aku no hoi me ka hana ole ia mai.  Ina e hopuia kahi, e lilo no ia i kumuao no ka hapanui ae.

 

Anaina Pule Mesa.

 

            Maloko o ka halepule Katolika i kakahiaka Poalima nei, mamuli o ke noi ana a ke kapena o ka manuwa Auseturia i ku iho la i o kakou nei a holo aku la no Iapana, ua malamaia ae la he anaiua pule mesa hoomauao no na alii ekolu i make o ka manuwa Auseturia Donau, i ku ai i Honolulu nei i ka 1870 a kanuia ma ka ilina o Koula, e ka Bihopa o Panopolisa, Kulekana Ropeta.  Ua akoakoa ae na alii a pau o ke Saida malaila a me na laina a me ko lakou puali puhiohe.  O na he Kupapau hoi keia ua hoowehiwehiia me na pua a me na lau nahelehele ma ia hope iho.

 

            O ka Miowera ke ku mai anai ka Poakolu iho ma ka Akau mai.

 

Hoike Kula o Iolaui.

 

            I ka auwioa la o ka Poaha iho la i lawelawoia ai na hana hoike o ke Kula Iolani, imua o na poe he lehulehu i akoakoa aku A iwaena o na poe i hiki ma ia kahua hoonaauao, o ka Moiwahine Liliuokalani, na Kama’lii Kawauanakoa me Kuhio, Kuhina Kupa, a me kekahi poe e ae iho no a makena wale. I ko ka Moiwahihe komo ana aku iloko o ka rumi hoike kula, ua hooleiia mai la oio e Misi Carrie Clark me kekahi lei ilima ma kona a i, me ke kuku o na poe a pau iluna a koe Lookahi o Kuhina Kupa ilalo.

 

            Ua hoonuanuaia o loko o ka rumi kula me na hae Hawaii, Pelekane, Amerika a me Pake.  E kakau ana no hoi ma na papa eleele na kii kaha noeau a na haumana a me kekahi mau mea e ae.  Ua ku no i ka nani na mea a pau, a ua nui ka mahaloia o na haumana no ko lakou aapo ma na mea i aoia aku e na kumu.

 

            I ka pau ana o ka hoike, ua haawiia aku la na makana i na poe haumana i loaa ia lakou na helu kiekie a hookuuia no hoi na hana.  A he mau lealea heihei ka pauina loa, ma’ke kahua mawaho iho.

 

Aole o Honolulu Ilaila

 

            Ua haalele iuo loa ia ka Honolulu i ka hope waa i ka Poaono nei e ka Hoku, he 3 wale no a lakou mau puni iloko o eiwa komo ana a he 12 hoi a ka inoa hope.  Eia nae, iloko no o ia haule ino loa ua lilo no i mea no na poe makaikai i kakoo mahope o lakou e noke ai i ka paipai a me ka uwauwa, aohe hoi he nanaia aku o ka uuku loa o na wahi ai puni.  Ua ku no kaona a ka Hoku no ko lakou lanakila.  Eia nae hoi, aohe ano eleeleu mai o na poe paani o ka Honolulu.  Peneia iho na holo ma na komo ana:

 

Hoku 0 2 1 2 3 0 3 1 0 - 12

Honolulu 0 0 2 0 0 1 0 0 0 – 3

 

            I keia Poaono iho ke Kamehameha a me ka Regimana Ekahi

 

Na Poe i Kalaia

 

            Ma ka la 4 iho nei, ua oluolu i ka Ahakuka Malu ke kala loa aua i keia mau inoa malalo iho me ka hoihoi hou ia aku o ko lakou mau poko kivila: Na pio kalaiaina T. B. Walker, John S. Kaaua, Kawika Liilii, Charles Warren a me Iosia Kiui.  A ua hookuu loa ia mai hoi keia poe malalo iho mai ka noho pio ana, oia o Hapaumi, Maximo D’Leon, Ah Chau, Keawe, Susa Muramoto a me Kahelemauna.  He eiua hoi mau Kepaui i hoemiia mai ko laua mau hoopai, o Masuda a me Otsuka.

 

            He wahine Hawaii i loohia me ka ma’i ano opulepule ka i holo pukiki aku me ka manao e lele iloko o ke kai i kahi o keia mau la iho la, aka, ike e ia e D. Nahoolewa a nana i paa aku iaia, ina ua poino kona ola, makai o Kakaako.