Ka Makaainana, Volume VI, Number 1, 6 Iulai 1896 — Page 8

Ka Makaainana.

8          Honolulu, Oahu, Poakahi, Iulai 6, 1896

 

Hala ma ke Ala Imi Meheu.

            I ke ahiahi la Pule, Iune 28 iho la, mahope o ka hoomailo ana a kekahi ma’i eha ma ke poo no ekou=lu malama paha a oi ia William Randall Parker (Uilama Paka), ua halele mai la oia i keia ola ana a imi aku la ma ke ala polikua a Kauai ka meheu o na makua a me na kupuna i hala mua.  Oia ka moopuna kamakahi a solomon Thompson (Kolomona Kamikina), ke keiki hoi a kana kaikamahine a Kini, i hala mua, he mau malama lehulehu ke  kowa.  Lihaliha wale no ka hoi ka hele ana.

            Ua aneane e piha iaia ke 37 makahiki, no ka mea, i Iulai 15, 1859, kona hanau ana ma Honoluu nei,  A i Novemaba 11, 1878, mare oia me Rose Kalama, kana wahine ana i haalele iho a e paiauma aku nona a me ka laua mau keiki ewalu.  Aloha no.

            Ma ka Hale hana Hao Honolulu oia i noho hana loihi ai, a na ka ma’i no hoi i kono iaia e noho a e hooluolu.  Ua hooikaika no e imi ike ola, aka, ua pahua no ka ike o na kauka.  I ka auwina la Poakahi mai i maneleia mai ai kona kino wailua puanuanu a ka luakini o Malieokamalu, a mai laila aku a nalo ma ka ilina o Koula malalo o na lawelawe haipule ana a ka Rev. Makua Kelemeneke, a hookahi ka waiho pu ia aua aku iloko o ka lua koou ma ka aoao o ke kupunawahine a me ka mauahine i hala mua e hoomaha ai hoooiii iloko o ka maluhia no ka hopena o ke ao nei.  Minamina wale!

 

Kapuahi Emi no na Paahana.

            He mau pule ae nei i hala o ka loaa ana mai nei i ka Hale Oiwi o na kapuahi emi a oluolu kupono no na poe paahana a me na poe uuku mai no hoi o kahi loaa.  No $12 wale no, ua loaa ua kapuahi la, be eha nae hoi puka ipuao o luna iho.  ua komo ae iloko o ka huakai hookahakaha o ka Poaono nei he kaa me kekahi oua ano kapuahi la ko luna, e pu-a aa no ka uwahi, a e hoomoaia ana no hoi ka berna a me kahi mau mea-ai e ae, me ka elea a awiwi loa, a ua kiolaia mai na mea i moa iwaena o ka lehulehu e kuku aku ana ma kae o na alanui a ka huakai e hele aku ana, me ke kiolaolaia mai no  hoi o na apanapana pepa hoo laha.  Ua kapaia ua ano kapu, ahi la o ke Jewel, he mea @ani a makamae.  Mai wwale no o Wile Kaimana e loaa ai.

 

            E noi mai ana ka na Pukiki o Hilo i ke Aupuni no ko lakou aeia aku e hoala ae i pualikoa no ke kakoo ana i ka Repubalika oili wale.

 

Lawe Honolulu i ka Lanakila

            Ma ka hora 4 o ka auwina la Poaono nei i kakele ae ai na hui kinipopo Honolulu a me Kamehameha ma ke kahua ulu maika.  Na Kamehameha ke komo mua a loaa iaia he 2 puni a hele lakou iwaho.  Komo aku hoi ka Honolulu a he 1 wale no a lakou puni a pau i ka hele nui iwaho.  I ke komo elua ana pa nele like laua.  A mahope mai hoomaka mai ana a pii o ka Honolulu a haule loa o Kamehameha, a o ia mau no a hiki wale no i ka make ana me ka paani ole  o ka Honolulu i ke komo eiwa ana.  Eia iho na puni i kela a me keia koo ana:

 

Kamehameah              2 0 0 0 1 3 3 0 0 ---  9

Honolulu                     1 0 4 4 0 1 0 2 * --- 12

 

Ua ikeia ko Kamehameha pahemahema ma ka paani ana, a i ahona iki wale no ia R. Pahau.

            Ia Meheula ka elua o na hahau kinipopo ana i keia au a loaa ka holo puni, a nui no hoi ka paipai o ke anaina.

            O kekahi keia o na la maka kanaka i ikeia o na la maka kanaka i ikeia, no ka uku ole ia nae paha ke kumu i piha loa ai.

 

Mokukaua Auseturia

            Kakahiaka nui poninoni wale o ka Poaha nei i hookomo mai ai ka mokukaua Auseturia Saida mai ke Kainono mai o Maria, Paemoku o Makala.  He 23 ona mau la holo mai ke awa a ke awa.  O ke awa kumoku ana i haalele aku ai a holo mai la ma keia huakai makaikai honua, oia no ke awa o Pola, kekahi o na awakumoku nui o Auseturia Mai laila mai oia i holo mai ai a puka ma ke kowa o Gibaraleta, a holo pololei no kekahi mau awa o Amerika Hema.  E ku iki iho ana oia no umi la, alaila, holo aku no kekahi mau awa o ae.  A ma ke alawei oki aku o sueza e huli hoi loa aku ai no ka home i Maraki, a i ole, i Aperila paha o keia makahiki ae.

            Ua haawi kipu aloha ae oia i ka Hae Hawaii, a ua panaiia aku no hoi e ko uka nei mau kani pu ana.  Ua haawi ki-pu hoohanhano ae no hoi oia i ka Adimerala Mekiko i ke awakea ana ae.

            Ke lawe nei oia i na kanaka he 330 iluna o kona eneki, o ka hapanui o lakou he poe ao wale no.  He 1,700 ka nui o kona mau lona.

 

            Eoao mau keikikane i ku ae imua o ka Lunakanawai Apana i ka Poakolu nei no ka aihue nui ana i kekahi mau h@a pea mai ko Geo.  Kaaka pa aku, i kohoia ka waiwai io ma kahio $6, a ua pau nui i ka hoopaiia e noho ma ke Kula Hoopololei o Keoneula no elua makahiki pakahi a he hookahi hoi no ekolu mahina  O ka lakou mau inoa oia no o Joseph Loio, 10 makahiki, Kahalewai, 14, Aberahama 16; Moke, 13; Daniela, 9; Mahi, aole i maopopo.

 

KELA A ME KEIA.

 

            Poaha iho, la 9, e eke polulu mai ai ka mokumahu Gelika mai Kapalakiko.

I ka Poalima nei i hoolaunaia aku ai i ke Kuhina o o na Aina E ke kapena a me na aliii o ka manuwa Auseturia.

 

            Auwina la Poaha iho, hora 2, o hoike ai ke Kulanui Iolani.  Ua noa na mea a pau no ka hele ae e nana. Ua komo pu iloko o na hoomanao ana o ka la i hanauia ai ka Repubalika oili wale ko ma kou mau keiki hana.  Nui ka hauoli!

            Makai aku o Alanui Moiwahine, kokoke i Alanui Rikeke ka hoikeike hakoakoa a na Kepani i na po i hala iho la.  He nui ka mahaloia o ka lakou hana a ua nui ka makahehi o na poe i ikemaka.  Makepono no ke hele, oiai, he lealea maikai.  ke eo no hoi i kahi, loa ka makana.

            Ua auau wahi kai kekahi aliikoa o ka manuwa Mekiko i ka po Poakolu iho la me kona kapa piha, oiai oia e iho aku ana a kau iluna o ka waapa.  No ke ano poeleele loa no paha aohe ike pono ia iho ke alahele, oiai aohe ike pono ia iho ke alahele, oiai aohe kukui o ka uwapo.  A na na keiki uwapo i kokua aku iaia a kau hou i kula.

            Ua kau io aku no maluna o ka Auseteralia a ao aku la no na kapakai o Kaleponi o J. Aukai Kamikana, no ka hanuhanu ana i na ea oluolu o ia alua a ke gula i noho ai.  Ua hoomama aku kona mau hoa’loha iaia me ona lei makai o ka uwapo me na huaolelo kanaeuae pu.  A ike wale aku no paha i na nani poina ole o ia aina.

            Maka hora 2:30 p.m., o ka Poaha iho la i hoopili mai ai ka mokumahu Alameda ma ka aoao o ka uwapo Osianika iloko o 6 la holo a me 22 hora mai Kapalakiko.  He heluna o ua ohua kaua i halihali mai no keia awa me ua ukana pu.  Mahope iho o ka hora 5 o kakahiaka Poalima nei i holo loa aku ai oia no na Panalaau Hema.

            Ua hookolokolo a ahewaia o Manuela Pere, kalaiwa kaapio, he $4250 me na koina elima o ka Aha Apana no kona hoao ana e hoopae malu i ka opiuma, e like me ka makou i hoike aku ai ma ka helu i hala.  Ua nei aku k@ loio e hoemiia mai ka hoopai, aole nae, ua hoohalahala loa aku la iluna.  O kona hihia hoi i hopuia ai no ka oleloino ana ia Makai Kodesa, ua hoololiia ae no ka ona a hoopaiia mai e like me ka maa mau.

            I kahi o na la o ka pule i hala iho la, i kekahi o na Kepani e holo ana maluna o kona kaahehihehiwawae, ua holo mai la kekahi kaapio ma kona alahele a no ia mea oia i hoomaka ae ai e hoohuli, aka nae, aole i huli pono ae kona kaa o kona wa no ia i palahuli aku ai a anai pu ia iluna o ka lepo a poholehole ua maka.  Ua hookauia ae oia maluna o kekahi kaapio a hoihoiia nokona hale e lapaau ai a ke pii ae la kona maha i keia wa@.

            Ua hoohuiia ma ka mare e ka Rev. H.H Parker o geo Barber @e Misi Emily Mika@@@ Ape@@@ ma Honolulu nei ma ka ia 30 o @@ Iune iho la.  he @ ea maikai ka mare uo na mea a pau.

 

            Ua hele aku e ike i ka Peresidena i kakahiaka Poaha nei ka Adimerala a me ke Kapena o ka mokukaua ao holomoana Mek@ko.  Ua hoohanohauoia ae @@@ laua ma keku laina ana ae @ @@ ko@ ma ke alo iho o Iolani Hale.

            Ua mahuka mai ka Halemai Pupule aku i ka po Poaono, Iune 27, ke kane a me ka waihine i loaa i ka mai pupule o Kauai mai, a ua hoi hou ae no.  Ua hoike ae ke kane iloko o ka Halewai i ka hopuia ana, no kela mahelelolelo kepai wale no ke kumu o ko laua paa ana mai, nolaila, e imi ana oia e pepehi iaia.  ua hoihoi hou ia aku no laua i ka Halemai e hoopaa ai.

            Mai loko ae o 215 poe koa o ka.  Repubalika i hoomaawaa kiki p iho nei no ke alualu ana i ka makana he 126 wale no poe i loaa na medala hoohanohano. He 55 poe me na medala dala a he 71 @oi poe i hookauia aku me na papaa kepau.   Aole i ikeia ka inoa o kekahi o ka makou hoa paahana pu ma ka papainoa o na poe i kiki hoomaamaa.

            Ua waiho aku o Ferede Walakahauki, keiki a J.T. Waterhouse i make, i kona noho Luna Nui ana no ka Oihana Kukui Uwila o ke Aupuni, a ua hoi ae la iloko o ka noho hoa hui aua me kona mau hoahanau pokii malalo o ka inoa hui o J. T. Waterhouse.  Ua hookohuia ae la hoi o J. Cassidy ma kona wahi, ka haole no i noho mua ai ma ia kulana he mau makahiki aenei i hala.

 

Olelo Hoolaha a ka Mea Paa Moaki no

 ka Makemake e Hooko a e Kuai a ku.

           

     I kulike ai me na olelo o kekahi Maraki i hanaia e Mahiai Kahoohuli ame Kelupaina, kana wahine mare, ia Malie Kahai, ma ka la 19 Ianuari, 1894 i ka kau kope ia ma ka Buke 160, aoao 49 @ me 50, a i hooliloia e C.W. Booth, Kahu malalo o ka Palapala Hooilina o Make Kahai, ia C.F. Hart ma ka la 28 @ Ianuari, 1896, i kaku kope ia ma @@ lohe ma keia, ua makemake ka mea @@ paa nei i ka moraki e hooko aku i na olelo o ua  moraki nei, oia hoi, ka hooku ole ia ana o ka ukupanee a me ke kumupaa i ka wa no ka hookaa ana.  Ke haawi pu ia aku nei ka olehe ma keia mahope iho o ka pau ana o na  pule ekelu mai keia la aku, e hoolahaia aku ka waiwai i paa malalo o ua morake mei @@ ko kuai kudala akea ia ana mamua pono iho o ka Hale Hookolokolo ma Kapaau ma Kohala Akau, Hawaii, ma ka @@@ Kahi, Augate 3, 1896, ma ka hora 12 eke awakea o uala ‘la.

C.F. HART., Mea Paa Moraki

 

     No na mea i @@oe e pili ana i keia moraki, e minau ia H.L. Holstein @@nekona, Loio

Hanaia Kohala Iulai 1, 1896.  O na aina i paa ma ua moraki la, ea iho ia:

     Apana 1, O kela apana a pau i hoakakaia ma ka Palapala Sila Nui He@@ ma Niulii, Kohala, Hawaii, nona ka @@ o na oka he 2, 92 anana, 18 kapuak@@@ hooliloia i ka mea moraki ma ka palapala kuai o ka la 5 o Mei, 1884, a kakou kope ia ma ka Buke 146, aoao 112.

    Apana 2, O kela apana i hoikeia ana ka Palapala Sila Nui 7378 i hook@@ no Panoahu, e waiho la ma Niulii Kehala i oleloia, nona ka nui he 2 eka, @@ auana, i hooliloia i ka mea moraki e Kahikoloa, ma ka palapala o ka la 21 o Mei 1884, a kakau kope ia ma ka @@@ 146, ma na aoao 78 a me 74.

                                                                                                            iul 6 S@@