Ka Makaainana, Volume VI, Number 1, 6 July 1896 — Page 3

Ka Makaainana.

HONOLULU, OAHU, POKAHI, IULAI 6, 1896

3

 

NA AINA MAMAO.

 

Mau Lono Huikau mai keia a me keia Wahi Like Ole

Na Koi Amerika ia Sepania.

    Ua konoia aku o Sepania, wahi o ka hoike a kekahi mea kakau o ka nupepa Ahailono o Nu Ioka ma Wasinetona, e uku ae no na hoopoino ana a kona mau koa maluna o elua mau Am erika oiai laua e noho ana ne ka manewa ma C uba.  O ua mau Amerika la, oia o Kauka Jo s e Dele gado, he mea i l awelawe inoino ia e na koa Sepaina oiai oia ma kona wahi, a me Pedero C a s anova, i loaa aku no ia ano haawina like mai na lima o n a koa S epania.  I ka wa i loaa ai o ka oluolu kupono i keia m au mea, ua w aiho ae laua i na koi me ke Keena o ko na Aina E no na poino pilikino i loaa ia laua a no ka hoopoinoia no hoi kahi o ko laua mau waiwai.  Ua hooholo nae hoi ia oihana o ke Aupuni e ko i ikaika wale aku no no na poino pilikino i loaa i keia wa, a mahope aku hoi kekahi.

    He $100,000 ka Kauka Delegado koi, a ua manaoia na kupono loa.  Ua hilinaiia nae hoi e na luna oihana aole loa o Sepania e awiwi mai ana i ka pane koke mai Aia a hala ae he wa kupono me ko Sepania hoomaopopo ole mai, alaila, e hoikeia aku no auanei i ke Aupuni o Maderida no ko Amerika Huipuia kakali no ka Sepania pane a hoike mai i kona maa ao e pili ana i ka uku ae i kela mau koi i kona wa e makaukau ai.

Ulele Hakaka Hookuku.

    Ma ka po o ka la 24 o Iune i malamaia a i ka hakaka kuikui puupuu mawaena o Kobeta, ka moho o ke ao, a me Toma Sharkey, he luina no luna o ka mokukaua Piladelepia, oiai ia moku e ku ana ianei mamua, ma Kapalakiko.  He hakaka keia no eha puni wale no, oiai, ua aa ke kaeaea Ko bet a iloko o ia mau puni e pau ai ke aho o kona hoa paio iaia.  Eia nae hoi kahi mea apiki, i ka hoao ana iho hoi keia, aole i ko kona manao, a ua emi mai hoi kona kaulana hakaka iloko o keia manawa, a ke pii ae la hoi ko kona hoa paio kaulana iwaena o ka poai puni hakaka.

    He 10,000 ka nui o na poe makaikai i ike pono i ka laua ulele ana.  He 13 minute wale no ko laua i hakaka ai no eha puni, aole nae i pau ka eha o na puni ua hoopau wale ia ae la ka hakaka mamuli o ka ikeia ana ua ano onawaliwali ka moho o ke ao.  Ina ka i hoomau hou ia uku no kekahi mau minu t e, ina ua lilo ka n oho o ke ao i mea paani imua o Sake.  Ua ikeia ka hanana o na puupuu a Sake imua o kona hoa.

    Ia Sake i pii ae ai no ka rina hakaka, ua ano hakanu oia.  A ia Kobeta hoi i hele ai no kona noho, he minoaka kona o ke ano pahenehene.   Ua nui ka hauoli o na kanaka o luna o ka Pil adelepia i ka loaa ana ia Sake kekahi paio hahana ana me ka moho o ke ao.  Mawaena o $18,000 me $20,000 ka mea i loaa no kela hana, he hapalua ia K obe t a a he $3,000 a oi ia Sake.  Ua ano kukule loa iho hoi o Kobeta a me kona poe mamuli o ka aa ana aku o ka l uina iaia e hakaka a ka hopena, a ua ae aku oia iloko no o kona ano paupauaho a hakanu.

Na Hunahuna Laulaha.

    Ma na hoike koho b alo ta hope loa o Kanada o Iune 24 nei, he 22 ka oi aku o ka aoao Liberala mamua o na aoao e ae a pau ke huiia.

    Ua lonoia ua makemake o Emeperoa Uilama II. e hoouna ae i kona moku holoholo Mitioa (Hokulele) e heihei hoao no ke kiaha Ame ri ka.

    E malama ana na repubalika o Ame ri ka Hema i aha kukakuka maluhia mawaena o lakou iho a ua kono aku ia Ame ri ka Huipuia e komo ae.

    He 47 poe anakisa i hopu hopuia ma Bacelona, Sepa n ia, pela ka lono mai Maderida o Iune 10 iho la, a me kekahi huina nui o na mea hoopahu.

    N o Kape ta ona ka lono o Iune la 9, ua hoopii ae o Mr, Bet t lehelm, ke Kanikela Tureke ma ka Ra na, i ke Aupuni Lae no ｣ 50,000 poho no kona hopu kanawai ole ia no ke kipi.

    Ua lonoia mai Tokio, Iapana, Iune 2, ua kohoia aia maluna aku o 30,000 ka nui o na ola i poino i ke kai hoee ana mai nei, e like me na hoike i loaa ae a hiki ia la.  Aohe poino iwaena o na haole.

    E koi ae ana ka ke Aupuni Beritania i ka Aupuni Amerika e hoao aku i kana mau lawelawe maikai ana me Vene z uela no ka hoohemoia ae o ke ana-aina Beritania i hopu pio ia a i hoopaahaoia me ka hewa ole.

    No Ha v ana, Cu ba, ka lono o Iune 24, e hoike ana ua hoike ae kekahi palapala mai Maderida ua hoouna mai ke Kuhina Kaua i na dala e kupono ai no ka hoolako ana he 40,000 kanaka i manaoia no Kuba.

    Ua lonoia aia ka na poe o ka aoao Alii ma Bera z ila ke manao la e hoala kipi no ka hoihoi hou ae i ke Aupuni Moi me ke Konne s e d'Eau, ke kaikama hine a ka Emeperoa Doma F edero II. i make, ma ke ano Emeperese, malalo o ka inoa o Isabela I.

    Nui loa ka piolokeia, pela ka lono mai Cairo Aigupita, o Iune 24, no ka oili ana ae o ka mai kolera iwaena o na koa Aigupita ma Wade Hala f a.  He wahi ma m ao loa keia, a o ia ke kumu o ka pioloke loa e na luna oihana.

    He kaamahu e huki ana i kekahi mau kaa ukana lehulehu ka i hiki aku i Vanekouva me ka piha i ka pauda a me na poka-pahu no ka papu ma Esekimala.  Pela no i hoea liilii aku ai na kaa i piha m e na lako kaua no kahi, wa i hala ae, e hoike mai ana he papu kela i oi aku ka nui a me ka lako pono mamua ae o ka mea i maopopo.

 

Na Make o Iune.

    Ua hoolaha ae nei ka Agena o ka Papa Ola i ka nui o na make o Honolulu nei no ka malama o Iune, oia hoi, he 57 ka nui.  He hookahi mai loko ae o keia heluna i make ma o ke piholo ana iloko o ke kai a hookahi i kaawe iaia iho.

    Ma na lahui hoi, he 36 Hawaii, 5 Pake, 7 Pukiki, 5 Kepani, 1 Beritania, 1 Amerika, a me 2 o na lahui e ae.

    He 14 poe i make lapaau ole ia e na kauka, a he 28 h oi poe i make malalo o 5 makahiki.

    O na Hawaii no ka oi aku o na make, a me he mea la o lakou no ka hapanui o na poe i make lapaau ole ia.

 

Wela i ke Ahi a Make.

    He wahi kaikamahine uuku o 2 makahiki a me 11 malama ka i papaa i ke ahikoe a make loa i kakahiaka Poaha nei, mauka o Maunakiekie.  O ua wahi kaikamahine hookahi wale la no ko loko o ka rumi, aohe poe e ae, a e paani ana oia me kekahi mau papaa kukaepele a koe hewa, a o ia no ka manawa o ke ahi i a ae ai i kona lole.   Na kona leo hooho uwe i kono aku i kekahi poe e komo aku iloko o ka rumi a loaa aku la oia e a-ia ana e ke ahi.  Aole i loihi mahope iho a make aku la oia.   Aloha ino!  O kona inoa o Mele Kaleihaona P ioa kalalo Ahulani Kaiaikawaha.  Minamina wale ia opuu hou.  E akahele loa e na makua i ka ou kou mau hapuu, mai hoohemahema e like me keia ae la.

 

    He heluna nui o na ohua i holo aku ma ka Malulani awakea Poalima iho la no ka makaikai ana i na heihei e ka la 4 nei ma Kahului.  A i nehiuei ipau nui mai ai i ka hoi.

 

 

Hoike Rula Haole ma Manoa.

    Ma ka Poalima, Iune 26, 1896, ua malamaia ka hoike kula.   Aupuni o Manoa ma ka olelo Beri t ania.

    Ua hoomaka n a hana ma ka hora 10 a. m.  Ua pili ka mahalo i na haumana mamuli o ka loaa ana o kekahi mau huaolalo pohihihi, O na mea helu hoi, ua ku no i ka eleu ma ua wahi no a ke kumu i ao ai ia lakou, mai ka papa mua loa a i ka papa hope.   U a ae like ia no lakou i na mea helu, hoonui, puunaue, hoolawe a me ka houluula: hakina, a pela aku.  Ma keia mau haawina o ka ike, ke haawi aku nei makou i ko makou mahalo i ke kamukula, Mi s i Ros e D avison.  He 42 ka nui, o na haumana.  Pau ka hoike.ana i ka hora 12 o ke awakea, ua ma lamaia he paina na na haumana me ke kumukula mahope iho, a ua hoolawa pu ia hoi me na makua a me na makaikai.  Ua noke nui i ke kupopou a haalele i ka puaa, piha e kahi waa.  Makou iho no ke komite:

J. PANIANI,

J. W. KAHALEWAI

W. N. Keama.

 

 

Na Moku o Enelani.

    Iloko o ka makahiki 1895, aole i emi iho malalo o 343 mau moku o na ano like ole o Beri t ania, i hooliloia aku no ka holo ana malalo o na hae o kekahi mau aupuni okoa aku, no lakou ka huina nui o na tona i hiki aku i ka 359,137.  Ua lilo aku malalo o ka hae Norewai he 32 mokumahu a me 34 mokupea, no lakou na tona he 63,117.  Iapana, he 25 mau mokumahu, he 68,083 maa tona.  Italia, he 16 mokumahu a me l2 mokupea, no lakou na tona ke hu i a he 42,668.   F arani, 28 mokumahu a me 8 mokupea, no lakou na tona ke huia he 36,060.  Ge r emania, Sepania, Holani, Suedena, Den emaka a me Auseturia, e lawe ana lakou pakahi he 10,000 tona.  O Ame ri ka Huipuia, h e 11 mokumahu a me 4 mokupea, me ka huina nui o na tona i hiki aku i ka 9,097.  O ka averige o ke kumukuai o keia mau moku mai ka $20 a ka $25 o ke t ona hookahi.

 

    I ka wa o ke Kimo Maki i hoopili mai ai i ka uwapo i ka Poalia nei, aia he lehulehu o na kanaka e kuku ana e nana i ka hookomo ana mai o ka manuwa Au s e t uria.  A mahope iho o ka piii ana mai o ka moku ua hooleleia mai la he hoki i ka uwapo a hoomake ae la e kupaka i o a ianei a lilo i mea no ka lehulehu e puhee ai a hiki i ka haule ana o kekahi mau mea iloko o ke kai me ko laua mau lole maikai.  Ua uwa koke ia ae la lana e na poe e nana aku ana maluna iho.  H u no hoi ka aka!