Ka Makaainana, Volume VI, Number 1, 6 Iulai 1896 — Page 1

Ka Makaainana.

Honolulu, Oahu, Iulai 6, 1896

Buke VI---Ano Hou    Helu 1

 

LA POA KIULAI

----

 

Na Hoomana Hauoli a me na Hoohivahiwa

 

                I ka Poaono @ai, la 4, i piha ai ka 121 o na @akahiki o ka loaa ana ia Amerika Huipuia o ke kuokoa mai ia Beritania Nui aku.  Ma Hopolulu nei, ua hoo@        ae na poe Amerika oiaio ia la me na hoohiwa @iwa he nui.  I ka po mamua iho, he ana hulahula ka i haawiia ae ma ka Paka Kuokoa maialo o na lawelawe ana a ke Komite i kohoia no ia la.  I kakahiaka nui Poaono, he ki-pu aloha.  I ka auwina la, hora 1, he mau lealea ma ka Paka Kuokoa no, he hai olelo no ka la kuokoa mai ia Mekia Z. K. Pangborn, a ke kulanakauhale e Ierese, N.J., a me kekahi mau mea e ae, e like no me a maa mau i na makahiki i hala ae, e kehakeha ana hoi ia lakou iho.  I ke ahiahi, he kipu aloha hou no.

 

                O kekahi mau hana e ae o ka la, ua huikau pu iloko o na lealea o ka hoomanao ana i ka la i hanauia ai o ka Repubalika o Hawaii.  A peneia iho ka papakuhikuhi o na hana i malamaia:

 

                I ka hora 6 o ke kakahiaka, he heihei waapa mawaena o ka Makala a me Healani, a lilo ka eo ia Makala.  Heihei waapa hueloboti mawaena o na makai kumau, na makai kiai o Kawa a me na keiki hoe o na waapa pailaia.  Ua puke ino loa ka waapa pailata i ka hoi ana mai, aka nae, ua haawiia ka eo i na makai kumau e ka lunakanawai no ka huikau ana ka o na hoe iwaho.  I ka hora 7, heihei kaa hehihehiwawae no 25 mile ka pahu holo.

 

                O ka huakai hookahakaha hoi, ua hoomaka ke kai ana i ke kokoke ana e kani i ka hora @, mai ka pa alii mai a hele ma Alanui Kalepa, pii ma Alanui Papu a huli ma Alanui Beritania, pii ma Alanui Ema a huli ma Alanui Kula, iho mai ma Alanui Papu a hoi ma ke Alanui Moi a hiki hou i kahi i hoomaka ai.  O na makai ka mua loa, ka Ilamuku o ka la me koua mau ukali, na aliikoa, na pualikoa, ka luna nui o ka Oihaua Kinaiahi a me na kaa kinaiahi me na kanaka, na kaa like ole me na hoohiwahiwa he nui, a me na poe hahai wale aku no.  He huakai nui maoli no kela.  O na kamalii kula kekahi o Kawaiahao malalo o ka malumalu o na pua i ole ai e wela i ka la, no ka mea, aohe o lakou mau papale.  O ka lehulehu no hoi o na poe makaikai ma kapa alanui kahi i kuku aku ai.

 

                Mai ka hora 10 a 11:45 @ ike i ka Peresidena ka hana me na haawi hoomaikai ana.   A i ke awakea ae, hora 12, he ki-pu aloha no ka Repubalika o Hawaii.  Ua hookui ae na ki-u aloha ana me ka na poe Amerika, a hui mai hoi me na mokukaua.

 

                I ka auwina la, hora 2, he mau lealea o na ano like ole ma ka pa kinipepo o Makiki, a i ka hora 4, he paani kinipopo mawaena o na hui Kamehameha a @ne Honolulu.

 

                A pau ia i kahora 7 a mahope wale iho, ua piha ae la ke kahua o Halealii Kuea i @a kanaka no ke nana ana i ka hoolele ahikao ana o ia po.  Aole i kana mai ka nui o na kane, wahine a me na keiki o na lahui like ole.  Ua nana aku no hoi a molowa a ku a hoihoi olo.  I ka bana Aupuni no, hoi ka hoolealea ana me na leo mele.   O ka hopena o kela hoolele ahikao ana o ka po, o ia a@ ka puka pu ana o ke poo o kekahi keiki Pukiki i kekahi ohe i haule iho mai luna mai me ka maopopo mua ole, oiai e mumulu ana kamailii ma kahi e hanaia ana.

 

                O keia ka pauiua hope loa o na hana hoomanao o ia la.

 

KELA A ME KEIA

 

                He poe wahine Hawaii maluna o na lio me na holoku eleele kekahi i komo pu iloko o na hauoli ana o ka la, ma ka hookikakaha a hoohehelo ana ma na alanui.  He hookohukohu hoi ka haua a kekahi poe wahine me na kahakahana hae Amerika maluna o ko lakou mau papale.  Pela no hoi me ua kane.

 

                Ua hoowehiwehi ae kekahi mau hale oihana o ke kulanakauhale nei me na hae like ole a me na lau nahele no hoi kahi, i kulike ole aku nae hoi ka hie a me ka nani e like me ko ka makahiki i hala.

 

                Aole no he ano maikai loa o na hana hookahakaha, mamuli paha hoi o ka hookaawale ana o na Amerika oiaio ia lakou iho.

 

                Popopo ka heihei waapa o ia kakahiaka.  Ua puka a eo maoli i na keiki o ka waapa pailata, haawiia iho la  nae ka eo i na makai.  Haule loa hoi o Lo me kona waapa i ka huelo.  O ia uae paha hoi, ku kaena a na makai, o Kimo Kupihea nao hoi ka oi loa aku.

 

                Ua huikau pu hoi me kekahi poe makai o Kukuluaeo i ka hoomanao i keia la ma ka hohola ana i kekahi papaaina hauoli.  He la@i i hanaia me ka noeau ke pa a me na pola ai.  Pela pu no hoi ma kekahi mau wahi e ae.

 

                Iwaeua o na kaa hoikeike, he kaa kekahi i piha me @ eke palaoa,  a he kaa me na papaa hau nunui me ka puaa, halakahiki, i’a a pela aku iloko.  He kaa hoopahenehene kekahi i na kaa panee o kakou nei, a ua ku i kauwahi o ka akaia.  Hookahi kaa lawe bipi o ka hui Meteropolitana e kakau ana no na hipa i loleia, io bipi maka, a he bipi keiki a me elua hipa ola.  He mau kaa e ae no hoi kahi i piha me na ano waiwai e ae.

 

                O ka oi loa aku paha hoi o na kaa, mai ka hale hana mai o T.B.Mare.  Na Papa Samu o Amerika e hookele ana, e ku ana hoi ke Akua-wahine o ka Lanakila mahope, he koa me ka pu a he luina manuwa ma kona mau aoao, a malalo iho hoi ona he kaikamahine oiwi puipui i uhiia me ka hae Hawaii.

 

                Aka, o ka maemae maoli paha hoi o na kaa, o ia kahi kaa uuku e hukiia ana e elua mau kao keokeo, he wahi keiki uuku ko luna, malalo o ka hookele ana a Tome Makuaea.  He mau kaa hehihehi-wawae kekahi i h ele a paihi, eia nae, ua lohe mai makou i ke ano kapakahi o ka haawiia ana o na makana, i na poe wale no ka o ka Ahahui Hooikaika Kino Honolulu, a he neo @oi ka i loaa i na poe mawaho ae o lakou.  No ia hui no ka na lunakanawai.

 

                O ka Luna Nui o ka Oihana Kinaiahi hookahi wale no maluna o kona kaa, a ua like me he mea la ua haaleleia.  Mahope aku hoi ona na kaawai, ua hele no a luhiehu me na hoohiwahiwa like ole, e like no me ke ano mau mai kahiko mai.

 

                Hamole loahoi na hale i hele a hihipea na hoopaihi ana i ka makahiki i hala, e laa me Holo me Keiki, Kakela me Kuke, Hale Opunui, a pela kau, a pela aku.  Ua hoike mai la i ka hoihoi ole i nei makahiki, a o na hale inu rama hoi ka oi i nei hana ana, o ko Kimo Doda paha ka o.  Eia nae, ua hapa mai no na hoohi wahiwa o ke ano Hawaii, a he @  Maleka wale no ka hapanui loa  ma na ano a me na mea a pau.   Hoike no ka hoopailua Hawaii  la.  Aia no a he mea Maleka,  nui ka hoihoiia.  Kakaikahi  loa hoi na halekuai i hoopaihi  ae, aka, o na hae hoi ko kahi   mau hale i welo ae.  O ka Halep@ Kekake nae hoi, he hapa  Hawaii a he hapa Maleka ka  olelo ana, o ka hope no nae hoi  ka oi loa aku.

 

                O ka makou pualikoa i mahalo ai, o ia ke Komopaui F malalo o Kapena Zigila.  A @ukali aku hoi ke Komopani G  malao o Kapena Kea a me ke   Komopani H malalo o Kapena  Timi Mare.  Iwaena hoi o na Kapena o na pualikoa like ole,   o Kapena Kale Makate ka makou hoohialaai.

 

===========

 

Haawina Kokua Kula

 

                Wahi a ka hoike o ka nupepa okalesia oili hapaha a ka Bihopa o Honolulu, o Iune iho la:  Mamuli o ka unuhiia ana aku o ke kokua Aupuni mai ke Kula Iolani, i kokua mau ai hoi a pau i ka hopena o 1895 iho la no ka hoonaauao ana he umikuma@  lua keiki Hawaii ma ke $50 pakahi, e loaa ana he $600, na hooholo mai nei ka Ahahui no ka Hoolaha ana i ka Ike Karistiano (O Ladana, Enelani,) ma kona halawai ana iloko o Maraki he haawina kokua no ekolu makahiki i keia kula o ewalu kulana haumana o £ 6 o ka makahiki no na keiki Karistiano Hawaii.

 

                Ia wa like no hoi i hooholo ae ai ka Ahahui he £96 no ewalu kulana haumana (eha no keikikane a eha no kaikamahine) ao ekolu makahiki ma ka £4 o ka makahiki hookahi, no na Karistiano Pake ma ke kula ma Makapala, Kohala.

 

============

 

Nui Laki Sini Loi

 

                Poakolu iho la i wehe ae ai o Kwong Sing Loy (Kawona Sini Loi) i ke kuai hoemi a hoopau o kona halekuai mauka ae o ke kahua o Polelewa.  Ua piha mau ka halekuai mai ia la mai a hiki i ka Poaono nei i na pe o @ lahui like ole.  O ia ka Sini Loi i hoike ponoi mai ai ia makeu:  “Nui laki Sini Loi, Nui kanaka, haole, Pake, Pukiki, hele ma ikuai, Kuai emi loa.  Nui loa dala.”  He hoike keia no kona hilinaiia, a mamuli paha hoi kahi o kona kamaaina.  Aole i pau keia kuai hoemi, e hoomau aku ana no a k@mo aku i keia pule ae.