Ka Makaainana, Volume V, Number 26, 29 Iune 1896 — Mai Holoai'a i ka Moana. [ARTICLE]

Mai Holoai'a i ka Moana.

Ma ka la 15 nei, ua hele aku o Kaukia, be Kukuma, i ka lawaia maluna o ka waapa mawaho pono ae o ka anemoku o Kekae, Kaanapali, Maui, a iaia i hookuu iho ai i kana aho iloko o ka hohonu, o ia no ka manawa i pa mai ai kekahi kikiao makani ikaika a hiki ole iaia ke kupaa iho ma ia wahi, nolaila ua hoe aku la oia me ka ikaika a kokoke e pae i kumupali o Kekaa. Ia wa, ua pau ae la ka ikaika i kona mau oa huki e hiki ai ke hooikaika hou aku a pae i kula, ua hoolana iho la oia no kekahi manawa e noonoo ana no kana mea e hana ai. Pau ia, kau aa la oia i ka pea o kona waapa a kia pololei aku la no Lanai. Mawaena o Lanai me Lahaina, ua pili mai la he elua mau mano nunui ma na aoao o kona waapa. Nolaila, ua wehe ae la oia i ka pea a me ke kia a hoolei aku la iloko o ke kai, a o

ia no ka wa o ua mau i'a la i haalele mai ai iaia a lilo aku la i ke aumeume me ka pea a me ke kia. Iaia i nana aku ai, ua hihia kekahi manao i na kaula o ka

pea, aole nae ona hoomapopo. Ua poeleele no hoi, pae aku la oia ma na kuanalu o Lanai a palahuli aku la kahi waapa. Ua hele aku la oia a moe ma kahaone i ka ua mea o ka maluhiluhi, aohe hiki ke neeu [nee?] hou aku. Na kekahi poe i kii mai a hoihoiia ma kahi o D. Kaopuiki a mala-

maia a hiki i ka hoi hou ana mai o ka ikaika iloko ona. Ma ka la 16 ae i hoihoiia aku ai oia no Lahaina ma ka waapa o Namilimili. Pakele mai lilo i inai na kela mau mano.