Ka Makaainana, Volume V, Number 26, 29 June 1896 — Page 6
6 HONOLULU, OAHU, POAKAHI. IUNE 29, 1896.
IO SEPINE
--KA--
EMEPERESE PUUWAI OLU O FARANI.
MOKUNA III.
HOPUIA ANA O BOHANE A ME IOSEPINE.
Ua nele maopopo loa laua ma, na ano a pau, a aole mea hiki i ka makuahine ke hana ae. Ua
hiki aku laua i Parisa ma ke kakahiaka nui o ka la e omamaka ae ana ona hana weliweli ma ia kulanakauhale, a ua kapaia hoi o ka Nohoalii o ka Weli, ka nohoalii hoi nona ka moolelo weliweli i ikeia iloko o ia au. Ia laua i noho aka ai aole he mau hoa'loha ma ko laua aoao, a e ike mau ia ana hoi o Hotenese ma na alanui e makilo ana i na poe e maalo ae ana i wahi ola nona. A na ka opu i piha i ke aloha i hanai iho i kona opu.
Aka nae, i ka wa i nalohia ae ai o keia mau haawe a pau i hekau iho maluna o laua, a mare o Iosepine me Napoliona, lilo ae la ua kaikamahine la i kaikamahine na ka Emeperoa, e hoopuni ana ua hoohanohano he nui iaia. Ua lilo oia i opuu makamae no loko o ko ka Emeperoa halealii ma Vaseile a me Sana Kalauda. I na keikialii a me na poe hanohano o Europa, ua kau aku ko laku mau maka maluna ona. O kona nani ua hohola aku ia maluna o Europa holookoa. He hookohi wale no iwaena o keia nui launa ole o na poe i hoohiki aku iaia i kaili mai i kona puuwai palupalu, oia o Lui Bonepate, hoahanu o ka emeperoa, ua uwehe ae i ke pani paakiki o kona puuwai a lilo ae la laua he io hookahi, i ka wa i lilo ae ai o Lui i Moi no Holani, ua pii ae la oia he moiwahine no ke kalunu. Aole i loihi ke kau ana mai o ka hanohano maluna ona, a hoi hou oia e like me kona mau la makanui loa o ka noho ana ma keia ao. Mamuli o ua hana maikai ole a kana kane, e kuulala ana ma o a maanei, ua kaawale aku ka no hoalii mai iaia aku, a lilo he mea pono ole no Hotenese. Hooholo like iho la laua no ka hookaawale ana; e hele kekahi o laua ma ke alahele okoa a pela no hi kahi a pau ko laua mau la ma keia ao. O ka manao ehaeha no ke aloha ke lulumi mau la iloko o Hotenese, aole loa e hiki ia ia ke holoi ae i kona mau waimaka e iho makawalu ana ma kona mau papalina. Ua hele aku oia a noho ma kekahi o na kakela kahiko e ku ana ma kekahi o na awawa o Suizelani. Aia iloko o ia mau la ana e noho kane ole ana, aole hoi he mau kauwa lawelawe e like me kona mau la e noho ana i ka hanohano, he mau hoa'loha e pohai ana ma kona mau aoao, e holopapa ana ka uwahi pauda o ke kipikipi kuloko ma Europa. Kaa hope ae la na la a me na makahiki o kna noho hookahi ana iloko o ka luuluu, a na ka palupalu mai o ke kino i hoomoe iho iaia maluna o ka moe a hanu ae la no ka manawa hope loa. O kana keiki wale iho no, o Lui Napoliona, he Peresidena no ka Repubalika o Farani no kekahi manawa, ka mea hookahi i ku iho ma ka aoao o kona moe make a upoi iho i kona mau maka, a i ukali hookahi aku hoi no kona luakupapau koou. Ua nalohia kona mau maka mai luna aku o Europa. Ua pau kona hoomanao ana i na la ona a me kona makuahine hoomanawanui
i alo pu ai i na ehaeha o keia noho ana.
Ua paa maalahi aku o Iosepine me kana kaikamahine i Farani. Ua apo mai kana kane iaia me ke aloha. He mai la no ke aloha iloko ona no na la opio. I kona wa i apo aku ai ia Eugene, na hoopoina koke iho la oia i na hana a kana kane iaia i ka wa i hala ae. E like me ka pua i mohala ae me ka ohana, pela iho la ko laua noho ana me na keiki iloko o ka hauoli palena ole. He mau la iho iaia no ka hauoli a me ke aloha. Aka nae, he mau la pokole wale no ia a nalohia koke no, ua like me ka ohu. No ka mea, o ke kaua kipi kuloko aia ke holapu la iloko o Farani. O ka moi a me ka moiwahine ua paa maloko o ka halepaahao. Ua hookahuliia ke kumukanawai a me na kanawai o Farani. O Bohane ka mea hooikaika loa e loaa ka noho'na kuokoa i kela a me keia. E ku ana oia ma ka aoao o La Ferete me ka manoio hana no ke kuokoa o Farani. Ua lilo kana mau hoolala hana ana i mea makemakieia. Ua kohoia oia i hoa no kekahi Aha Mana Hooko, a ua lawelawe pu i na hana iloko o ia aha. Mahope iho o ka pau ana o na hana o ia aha, ua hoi hou oia iloko o ka pualikaua; a i ka wa i noho ai ka Ahaolelo Hana Kumukanawai, ua koho hou ia oia i hoa no ia aha, a i ka lua o ke kau o ia aha i noho ai, ua kohoia oia i peresidena.
O ka noho moi o Farani, ua hooleiia; ua lanakila na kanaka maluna o ka nohoalii, ua kipakuia na alii ahaolelo hoopilimeaai. Ua maheleia ae la hoi o Farani iloko o elua mau aoao kalaiaina, na Iakobine a me na Gironadisa, i keia wa. O na Iakobine, o ia na poe o ka papa haahaa, he poe makemake ole i na hana a na poe Gerenadisa, oia hoi na poe e ake ana e hoohalikeia ke Aupuni Repubalika o Farani me ko Amerika. O Marata, Danetona me Robesebia na alakai o na Iakobine. Ua lokahi ka hapanui o ka lahui mahope o ka lakou alakai ana. He weliweli na hana e ikeia ana ma na alanui o Parisa mawaena o keia mau aoao kelai aina a elua.
Ua lanakila na poe o ka aoao Iakobine maluna o na hana hao wale a hooluhi wale. Ua alakaiia aku na kakoo o ka aoao Gironadisa na kahi o ka pahi okipoo. No keia aoao i pio o Monesina Bohane. Aole loa oia i ae e haawi aku i ke ola o kona mau hoa'loha i na enemi i wahi e pa mahope o ka aoao ana i koho ai a hiki i kona manawa hope loa. O Madame Rolaua, kekahi o na wahine puuwai koa o ia mau la, he wahine manao koa hoi ma na ano a pau, oia pu kekahi i kakou mahope o ka aoao Gironedisa.
I kekahi kakahiaka, ia Iosepine e noho ana maloko o kona keena hooluolu, e noonoo ana hoi no keia mau hana kipikipi iloko o Farani, ua hoea mai la he kauwa a olelo mai la, ua makemake kekahi mea e ike iaia. He kanaka ua mea la i makemake e ike iaia, me kekahi eke e paa ana ma kona lima, ua piha o loko me na paa kamaa lehulehu.
"E ke kamaaina maikai," wahi a ua kanaka la i kamailio mai ai ia Iosepine, "ua lohe au he makemake ka oe i mau paa
kakini haulaula."
Ua hookahaha loa ia o Iosepine no keia mau olelo a ke kanaka opio, aka, ua nee mai la oia a kokoke ia Iosepine a hawanawana mai la me keia mau oleo,--"He mea hana ka'u e hooike aku ana ia oe."
"E hoike mai," wahi a Iosepine i kamailio aku ai; "mai kanalua no kuu kauwa nei."
"A!" i hooho ae ai oia, "o kuu ola nei no ka panai no keia mea ke loheia ae." Ia manawa i nane koke ae ai o Iosepine i kana kauwa e hele aku e kii i kana kane me keia mau olelo:
"E kii aku, e Vitorine, ia Bohane; e wiki!"
Huli ae la ke kauwa a hele aku la e hooko i ke kauoha a kona haku, a noho kokoolua iho la laua, a o ia no ka wa o ua kanaka opio la i pane mai ai: "Aole he wa e ae nou e hana ai no ka hoopakele ana i ke ola o kau kane, o keia wa wale no. I ka po nei i hooholo ai ke komite o ka Aoao Hookahuli Aupuni e hopu iaia a hoopaa ma kahi. A aia ke hanaia la he palapala hopu nona i keia manawa."
"Pehea i maopopo ai ia oe keia mea?" i ninau aku ai o Iosepine me ka haalulu nui.
"Owau kekahi o ke komite," wahi a ka pane, "a he kumeka kamaa ka'u hana, a ua manao au ua kupono keia mau paa kamaa nou i mea hoomanao na'u ia oe, e madame."
(Aole i pau).
He mau heihei lio ke malama. ia ana ma Kahului i ka la 4 o Iulai.
Ke hoomaeia nei he mau paipu wai hou no Alanui Liliha ma kahi o na paipu wai mua, oia he 8 iniha ma kani o 4.
Ua koho lokahi ia o Kale Makate, Alii Ahaolelo mamua i ke kau o 1890, i Kapena no ke Komopani D o na pualikoa o ka Repubalika, ma kahi o Kapena W.C. Waila-opio i waiho aku.
He palapala noi ka Kapena Sekota o ka Puali Makai i waiho ae ai imua o ka Pala Ola no ke kulana Agena Lumahana, ma kahi o J.D. Makawe, e waiho aku ana. Eia ke noonooia nei kana noi.
He mau kepani hana no Ahuimanu, malalo o Hanale Makapolena, ka i hopuia i ka Poakahi, la 15, no ka aihue ana i kekahi kikoo dala no Hanale Makapolena a hooliloia i ka mea okoa aku. Ia po iho no ua paa hou ae la he Kepani no Heeia i komo pu iloko o ia hana kolohe. Imua o ka Aha Apana i ka Poakolu, la 17 mai, ua hoopaiia he 10 mahina hoopaahao pakahi ma ka hana oolea me na koina.
EMI! EMI LOA!!
Kuai Hoopau Nui Makepono Loa.
E Hoomaka ana i ka POAKOLU, IULAI 1, e kuai aku ana au no ELUA PULE WALE NO i na waiwai a pau o ko'u halekuai malalo o ke KUMULILO.
KO NA KANE:
Na Paa Lole, Palule, Paleili, Lei A-i, Kamaa, a pela aku. Emi Loa!
KO NA WAHINE:
Na Silika, Alapia, Makalena, Halua, Keokeo Vitoria, Kalakoa, Muumuu, Palekoki--Papale, Kamaa, a pela aku. Oluolu loa!
KO NA OPIO:
Na Paa Lole, Papale, Kamaa, a pela aku, aneane e haawi wale.
Mai no a hoopoina iki, aka, e hele mai no, a na ka hiki mua no ke ao o ka wae ana a ku i ka makemake.
Kwong SIng Loy
Na Helu 407-9, ALanui Moi, mawaena o na Alanui Nuuanu me Betela.
iun 22-1ml
HELE HOOLUOLU.
O. R.L. Co. MA NA POAONO A ME NA LA PULE.
E haalele mai no na Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 a me 5:55 P.M.
NA PALAPALA UKU PUNI.
Papa 1. Papa 2.
Manana $ .75 $ .50
Mahiko o Ewa 1.00 .75
Waianae 1.50 1.25
F.C. Smith,
Agena Ohua a Palapala Nui
feb 10-tf