Ka Makaainana, Volume V, Number 25, 22 Iune 1896 — Page 8

HONOLULU , OAHU, POAKAHI, IUNE , 1896.

 

(Hoomauia mai ka aoao 1).

 

wana i Nui ka poino ma ia wahi.  Peia no ma kekahi mau wahi e ae.

            Ko Kauai Ehu Kai Hoee Mimiki.

            Ia kimo Maki e ku ana i Kapaa ma ka Poaono, la 13 nei, na pa aku la kekahi makani inoino e hiki ole ai iaia ke hoomau iho ma kona kulana, oolaila, ua haalele iho la ka moku ia laila a holo aku ia no Hanamaulu e hoolulu ai a malie.  Kakahiaka nui Poakahi hoi hou ka moku no Kapaa e hoolei ukana ai.

            I na waapa i holo aku ai no uka me ka piha uakna, he lana hu, ua pili aku la no ka waapa i ka uwapo pae a mahopo iki iho paha o ka hora 7, ua ikeia iho le ke emi ano e ana iho o ke kai a maloo loa.  A pau ia, pii hou aku la a like me ka mau a emi hou, a ia emi ana ua ili iho la o Maki iluna o ke one, a no ia mea i hookani aku ai ke kapena i ke oeoe e kauoha ana i na waapa e hoi, no ka mea, mahope lakou halawei me ka poino.  Ua hoi na waapa mahope o ka pii ana o ke kai.  A haalele koke iho ka moku ia wahi no Hanamaulu, a ilaila lakou kahi i hoopiha ko ai a hoi mai la i ka Poalua iho ia.  Wahi a ka hoike a ke kapena me ke kupakako, ua ili ka moku a paa loa i ke oue i ka wa i emi ai ke kai.

            Ma nawiliwili, ua loaa like no me keia haawina a ke kai hoee, a ua pii ke kai a hoea i ke Alanui Aupuoi a komo iloko o ua hale.  Ua puni loa no o Kauai i keia kai hoee weliweli, a me he la o ke ehu wale ka i Honolulu nei i ikeia ai.  No ka mea, ia la like no ka ikeia ana o keia mea kupaianaha.

            He mau la ku wale mai no keia no na mokukaua Beritania Komusa a me Nene Ahiu.  Ua hoea mai maluna o ka Peru na lela no ua kanaka o ia mau mokukana.

            No uko o Alanui Liliha ka pauahi o ka wan aao uei, kokoke i kahi o Robata Paka, ma kahi o Kaulua i make kahiko.  He poe pake na poe noho o loko.  Ua lilo i lehu ka hale, me ka hiki ole hoi i na kaawai ke kokoke aku.

            Ua upuia e ku mai ana i keia la maluna mai o ka Auseteralia o Reve. J. P. Lytton o West Plains, Misouri, e pani ma kahi o ka Rev. V. H. Kiticata o ka Ekalesia o Sana Anaru maanei, oiai ka inoa hope ua holo hoomaha no na aina e.

            Ua pau nui i ka haalele i ka Hui Keaka Hawaii na poe hou a Porofesa Paraisa i lawe mai nei, a e pau loa aku ana paha i ka poloke.  Ua haawi ae no nae na poe kahiko o kakou nei he keaka i ka po Poaono nei no ka pomaikai o ka haole ikaika o ia hui.  A ke hana nei nae kela poe hou i hui keaka no lakou iho.

            I ka hora 2 P. M. o ka Poaha nei i malama hou ia ai he heihei kaa holo kiauau mawaena o ua lio Judah a me Billy Button, no ekolu eo ana iloko o elima holo ana, mamuli o ka aa ana aku nei o ka ona o Judah no ke aumeume o ka make i haawiia ai i ka lio hope ma ka la 11 nei, a ua lilo no nae ne eo i ka inoa hope, Billy Button me ka maalahi loa.  Paewa nae hoi ka makou i hoike ai ma ka helu i hala na Judah ka eo i ka la 11.

 

NA MEA-INU MAMA.

 

Mau Hoakaka Pokole no ke Kaulike Ole o ke Dute Ana.

 

            Malalo iho e ike ai ko makou poe heluhela i kekahi mau hoakaka pokole no ke kulana like ole o ke dute e kauia nei anaanei maluna o na mea inu o na aina e a me ke sake Kepani.  O keia no hoi ka hoakaka i waihoia aku imu o na Lunaniakaainana i ka auwina la Poalua iho la, oiai e noonooia ana ka ka Peresidena vito ii ka bila i kapaia o ka Bila Kanawai Sake.

            Na dute i kauia maluan o na mea ina alekohola malalo o ke Kanawai Dute o keia wa, eia iho ia penei.

            Sake, mai ka 12 a ka 16 pakeneta o ka ikaika alekohola, e uku ana he 15 keneta no ke galani hookaki, a i ole ia, ua like paha me 1 keneta no ke degere hookahi.

            Laga Bia, mai kai 3 a ka 5 pa keneta o ka ikaika alekohola, e uku ana he 15 keneta no ke galani hookahi, a i ole ia, he 3 a 5 paha keneta no ke degere hookahi.

            Ela, mai ka 6 a ka 7½ pakeneta o ka ikaika alekohola, e uku ana he 15 keneta no ke galani hookahi, a i ole ia, he 2 a 2½ paha keneta no ke degere hookahi.

            Stout, he 6 paha pa keneta o ka ikaika alekohola, e uku ana he 15 keneta no ke galani hookahi, a i ole ia, he 2½ paha keneta no ke degere hookahi.

            O na waina hoi maluna aku o 21 pa keneta o ka ikaika alekohola, no Europa mai ia mau waina e lawe kaokoa ia mai ai, e uku ana he $2 no ke galani hookahi, a i ole ia, he 7 a 9½ paha keneta no ke degere hookahi.

            O na waiona hoi i loaa mai na hua ai mai o na aina a pau, ke huiia me ko Amerika Huipuia, koe nae hoi ke sake Kepani, e uku ana no ke 30 a 50 paha degere o ka ikaika alekohola, he $3.50 no ke galani hookahi, a i ole ia, he 7 a 12 paha keneta.

            I keia wa, ke uku nei ke sake, he wai alekohola hoi i hanaia main a hua-ai o na mea ulu, ke uku nei he 1 keneta, a oiai hoi, o na waiona mai na hua-ai o kekahi mau aina e ae mai, koe o Iapana, ke uku nei he dute mai ka 7 a ka 12 paha keneta.

            Malalo o ka hoololi e manaoia nei, e uku ana mai ka 12 a ka 14 pa-keneta o ka ikaika o ka alekohola, he 60 keneta no ke galani hookahi, a i ole ia, he 4 a 5 paha keneta; a ina hoi e oi ana maluna aku o 14 a aole hoi e oi mamua aku o 21 pa keneta, he $1 no ke galani, a i ole ia, he 5 a 7 paha keneta no ke degere hookahi.

            Maluna hoi o ke sake a pau loa e hoopukaia ana mai Iapana mai, ua hoihoi aku ke Aupuni Kepani i kekahi uku i ka mea e hoopuka ana, (oia hoi, hoouna i pa aina e) a he pomaikai nui hoi ia e loaa ana i ka mea e hoouna mai ana i keia waiwai, a hoi e hookaulikeia ae ana ia mea me ke kanaka o Amerika Huipuia.

 

            KELA A ME KEIA.

            Pumehana ke aloha!

            O ka Poakoiu iho ka la hoano o Sana Ioane ka Bapetizo, a e hoomanaoia ana ka la me na anaina haipule e like me ka mau ma na luakini o Malieokamala a me Sana Anaru.

            Ua hooleia imua o ka halawai a ka Papa Oal i ka Poakolu iho la ke noi a kekahi Kepani no ka wehe ana ae i halekuai laau a me na mea e ae nona iho, e like me kekahi mau halekuai laau e ae.

            Mahope iho o ke ku ana mai o ka Austeralia i keia la, e haalele iho ai ka Hoku Ao i keia awa no na paeaina o Maikonisia.  He anaina pule ke malamaia ana maluna o kona oneki mamua o kona holo ana aku.

            Ma Nehinei (Iune 21), ma Kamoiliili, ua make iho la o Pai aina k., kekahi o na keiki kamaaina o ia wahi, a ua haalele iho mahope nei he wahine me na keiki he nui, na moopuna lehulehu, na kini o na hoa’laha e u aku nona.

            Ua make ma ka la 16 nei o E Helekunihi, ma Haiku, Maui.  He 58 ka nui o kona mau kamahiki.  He loio oia a he Lunakanawai apana no Wailuku no kekahi manawa aenei i hala.  He wahine a me ka ohana kana i haalele iho mahope nei e u aku nona.

            Mahope iho o ka hora 6 p. m. o ka Poaha nei, ua hookomo mai la ka mokukaua Amerika Kaletona he 13 ne la holo me elua horamai Iokohama.  Ma ka hora 9 o ka Poalima mai i haawi ae ai oia i na kipu aloha he 21 no ka hae Hawaii, a ua panaiia aku no hoi e ka batari naue ole o Kakaako.  Eia ke awiwi nei kona huao lanaha ana, no ka mea, i keia la a apopo paha e hoi loa aku ai oia no kona aina oiwi.

            Mamuli o ka loaa ana mai o kekahi palapala ia Kikaha i ka Poaono nei, e hoike mai ana ua halawai o Hooulu, kana keiki hiapo, me kekahi ulia ano kukonukonu, a ua hopohopoia hoi kona ola, nolaila, ua hoolimalima koke ae oia i ka Waialeale a holo aku la no Lanai i ka auwina la iho.  Ua lawe pu aku oia ia Kauka Mare.  O ko makou manaolana hoi, ua paleia ae ka hopohopo a ua loaa hoi he wahi moali iki no ke ola.

            Ua halawai ae o Ane Akona maluna o ke kaa huilalua me kekahi ulia ma Alanui Moi i ka Poaha iho la, ma Ewa aku o ka uwapo a Hooliliamanu, ma ka hookui ana me kekahi kaa kikane i piha i ka papa a huli pu kona kaa a kauoia aku la me ka paa no o kona mau lima i ke kaula kaohi, a ma kahi he 20 kapuai paha ka mamo hemo ka paa ana o kona mau lima.  Ua eha oia ma ke kuli a me ka helohelena.  Ua hoihoiia oia no ka hale, a na Kauka Maina i wahi kona mau palapu.  O ke kaa aole no i poino lao, aka, he wahi mea iki no.  Eia oia ua oluolu iki i keia wa.

            I ka Poaloa a hala i hoopau loa ai na hana o na Hale Aha olelo a i elua, a hookuu no hoi.

            La pule, la 14 nei, mauka o Mana, Honolulu nei, ua hanau mai la o Misasa Kamala Hiona he kaikamahine nui nepunepu.

            He anaina haipule kaulima ka ka Bihopa o Honolulu e malama ana ma Kona Hema, Hawaii, maloko o ka halepule o ko Karisto, Ekalesia ma ka la 19 o Iulai senei.

            O ka Poaha iho nei ka la i hooukaia’i kela kaua kaulana loa o Watalu. La 18, oia ka la i ikeia ai na keikikane lae oo o Europa e moni ana i ke koko no ka make a no ke ola.

            O ka Poaono nei ka la o ke kau ana ae o ka Moiwahine Vitoria iluna o ka nohoalii o Enelani, a o ke 59 iho la ia o na makahiki ona o ka lei ana i ka leialii.  E loihi kona mau la ma ia kulana.

            No Hana mai keia mau huna huna mea hou, penei: Iloko o keia mau la e nee nei, ke ikeia aku nei ka palapala noi oihana Lunakanawai a Samuela W. Kaai e lawe hele ia ana ma o a naanei no ke kakauinoa ana aku o ka lehulehu.  O ke Samuela Kaai no keia i noho Lunakenawai mua ai a hoopauia no ka pao ana i ka hai huewai.  Aole pa ha e poina ana na poo o ka Oihana Aupuni iaia.  Aloha no!  ke ku mau nei no ke akule o makou nei.  He nui kala ma Hana nei.

                        KAIHUAKAIA.

 

Hoolaha Hoohui.

            Ua hoohui ae o L. H. Dee a me H. A. Juen ia laua ilio i keia la, no ka lawelawe ana i ka oihana kalepa Mauu, Hua, a Mea ai a na holoholona, malalo o ka inoa hui o ke CITY FEED STORE, kihi o na Alanui Puowaina me Beritania, ma Honolulu nei, o ko Hawaii Paeaina.

                                                                                                            iun 22-3mnw.

 

AHI.

(PAIKII.)

Helu 80.                                                                                                                      Alanui Nuuana.

            PAIKII – Owau no nei, o ko oukou hua kamaaina kahiko loa.  E kipa mai, he emi loan a kii o na ano a pau ma ko’u hale paikii.

 

            NA LAKO HALE – Oluolu a makepono loa ke kuai ana o na Moe, Noho, Koki, Pahu0lel, Pahu-ume, Pahu-ku, Pahu-kupapau, Pela, Uluna, Moena, a pela aku.  Emi loa.

 

            E loaa no kumukuai maikai kupono no ke Keleawe a me ke Kepai.

                                                                                                            iun 22-6ml

 

EMI! Emi Loa!!

Kuai Hoopau Nui

Makepono Loa.

            E Hoomaka ana i ka Poakolu, IULAI 1, e kuai aku ana au no ELUA PULE WALE NO i na waiwai a pau oko’u halekuai malalo o ke KUMULILO.

 

KO NA KANE:

            Na Paa Lole, Palale, Palelili, Lei Ai

            Kamaa, a pela aku.  Emi lao!

 

KO NA WAHINE:

            Na Silika, Alapia, Makalena, Haloa,

            Keokeo, Vitoria, Kalakoa, Muamua,

            Palekoki, Papale, Kamaa, a pela aku

            Oluolu loa!

 

KO NA OPIO:

            Na Paa Lole, Papale, Kamaa, a pela aku, aneane e haawi wale.

 

            Mai no a hoopoina iki, aka, e hele mai no, a na ka hiki mua no ke eo o ka wae ana a ku i ka makemake.

 

Kwong Sing Loy

Na helu 407-9, Alanui Moi,

            Alanui nuuanu me Betela.