Ka Makaainana, Volume V, Number 25, 22 Iune 1896 — Page 7

Ka Makaainana.

 

                    HONOLULU, OAHU, POAKAHI, IUNE 22, 1896                             7

 

NA OULI O KA PO

 

Ulaaia na Mea Pohihihi o ka Nane

            Mei 29, aia ko’u uhane iloko o kekahi halau iluna o Daimana Hila.  I ke aku la ko’u uhane  i kekahi wahine mai loko mai o ke kai, hele mai la oia a kainailio mai la ia’u, “O oe no ia e Kealohaaina?”  Ae aku la au Pane hou mai la kela, “Moo ka mooloa, moo ka moopoko, heaha ka mea e hoike mai ai?”  Pane aku la au, “Aohe Aupuni.”  Ae mai la ua wahine nei, a pane mai la, “Mai ka muli wai, aole au i hoomanaoia mai e ka Nuu, aole no e ka Manalua, aole no e ka Manalua, aole no e ka Manakolu, aole no i ka Amene, Heaha kau kuailo ia u?”  Pane aku la au, “O ka pono o ka lahui a me ke Aupuni.”  Pane hou mai la ua wahine nei ia’u, “E ao aku oe i na poe i kokoke wai ia kaua, e kau i ka hae keokeo a ulaula paha ina ka pa o kela a me keia; ka lima, e mihi kela a me keia nona iho,          kai okia ko’ @ kanawai.  Owai au ia oe?”  Pane aku la au, “O Kalamaku-Oe-o-ka-Noiau, aia oe i ka Puukualua, aole oe i ka Puukuakolu a i a Memene hoi a kaua.”  “Pehea iho la hoi?” wahi a ua wahine nei.  “Pehea ka hoi, mahea ka hoi kou alanui?”  Ia wa huli ae la ko’u alo i ka hikina iloko no o ka  halau a ike aku la au i kekahi paainoa mauka o ka hale ua kauia na huapalapala “Jehova,” a makai o ke hale, o “Kane,” a ma ka hikina o ka hale, o “Lono,” a ma ke komohana o ka hale, o “Kuwahailo.”  Ia wa, ua ninau mai la ua wahine nei o ke kai ia’u, “Iloko o keia mau mea au e ike nei, owai o lokou kau i koho ai?”  Ua pane aku la au, “O ka mea olua, oia ka’u i hilioai ai.”  Pane hou mai la ua wahine nei, “Pehea ka hoi i kahuli ai ke Aupuni, a owai ka hoi kau e malama nei?”  Aole au i pane aku no keia ninau.  Ia wa, ua haawi mai la ua wahine nei i ke aloha, a kau oha mai la, “E huli ae i kuu inoa, alaila, oia ka lahui; a mai manao oe, o ka olelo ola i ka po, he make ia i ke ao; aole pela.  Ekolu pua o ke kumu hookahi, o ka’u Amene ka hoi ia ia oe, a i kamailioia mai ia oa, ea, e hai aku oe, o Kalamaku au o ka noeau.”                                                   KEALOHA.

 

Wehewehe Noeau a ke Kilokilo

            O ke kahua o ka moe, ua hoomaka no ia maka hale halau i kukuluia maluna o ka piko o Daimana Hila, a i nohoia e kekahi waine o Kealoha ka inoa. 

            E hoomaka ana ka’u wehewehe no ka hale halau.  O ka hale halau, heaha ia?  He hale ia i piha i ka lehulehu o na kanaka, o like me ka iuakini, halehalawai paha, a e like me ka halepaahao a hale lealea paha.  Ina iloko o kekahi o keia mau mahele ka haina, alaila, na ke au o ka manawa e hoike mai.

            Ina o ka halau iuakini ka haina, alaila, he hoomaikai i ke Akua ka Kealoha no na mea i loaa mai Iaia mai.  Ina i ka halau halepaahao ka haina, alaila, he poino ko Kealoha.  Ina i ka halau lealea ka haina, alaila, he hauoli ko Kealoha no na mea i loaa iaia.  A ina e hoohuiia o Halehalau me ka inoa o Kealoha, ka mea e noho ana iloko o ka hale, e loaa ana ka haina “Hale Halauakealoha.”  Ina o ka haina ia, ala @ ke aloha ka hoike o keia hale, he hale ia no ka loko maikai o ke Akua me ka manawalea.  A ina he halehalau kalei waa keia a Kealoha e noho nei, alaila, he hale hana waa keia, he hale hooponopono no ka waa aupuni, malaila o nana ai a ikeia ae he waa me ka lako o kona mau hemahema a pau, a pela e i keia ai he waa aupuni maoli Nolaila, o ka hale halau a Kealoha i noho ai, he hoailona ia o ka hale aupuni maoli.  A ina e hoohuiia ko Kealoha inoa me ka wahine o ke kai mai, e loaa ana ka haina “Kealoha mai ke kai mai” no ka waa aupuni.  A malia ina aku a Hoea mai, hoomanawanuiia iho, ke ole ka ma’i luku.

            Ke ku ana o ka hale halau i kapiko o Daimana Hila, heaha ia?  O ke kahua ia i hoikeia ai ke aloha iloko o ka enaena ahi no ka molia ana i ka pono o ka aina, a e hiki ai ke olelo ae, he “Kahua Na’i Aina.”

            O kahi o ka Halehalau i kukuluia ai, iluna ia o hea?  Haina: Iluna o ka Lae o ke Ahi, oia o “Laeahi.”

            Ku iluna o laila, heaha ka haina?  He aloha e laweia mai ana mai ke kai mai na ka i a hooko kanoha he ahi, a ua palapalaia ma kona lae, “Aloha ka na’i aina o ke kai, ka lamaku o ka noeau.”

            KA MOEUHANE      Ike aku la ko’u uhane i kekahi wahine mai loko mai o ke kai, hele mai la oia a kamailio mai la ia’u, “O oe no ia e Kealohaaina.”  Ae akua la au.

            Ke hoike nei ka wahine o ke kai i ka inoa o ka wahine o ka aina, o Kealohaaina, me he la, ua ike mua no oia iaia.  A ua panai aku la oia ia “aina” ma ka welau o ka inoa Kealoha, a ua loaa ao la ka inoa piha o Kealohaaina.  Mamuli o ka panai ana aku o ka wahine o ke kai ia “aina” no Kealoha, ua like ia me ka hoihoi ana aku i ka aina no ka wahine o ka Halehalau, alaila, he wahine hoihoi aina ka keia mai ke kai mai.  A i ka hoohuiia ana o ko Kealohaaina inoa me ko ka wahine o ke kai mai, o loaa ana ka inoa piha.  Kealoha-aina-mai-ke-kai-mai.  Owai ia?  O Liona (w) paha.

 

KA NANE A KA WAHINE O KE

KAI IA KEALOHAAINA

Nane 1 “Moo ka mooloa moo ka moopoko, heaha kau mea e hoike mai ai ia’u?”

            Ka haina a Kealoha, “Aohe Aupuni.”  Heaha la ka pili o keia haina i ka nane moo a ka wahine o ke kai? 

            Eia ke kumu i pili ai, ua ku ka nane iluna o ka moo-aina, a pela i pili ai ka haina “aupuni,” he moo-aina ia, he mala-ai.

            A pehea hoi i pili ai o “aohe?”  No Imu ia, he moopoko ia penei:  O na mea ulu a pau o ka aina, e laa ka ai, ka uwala, ka uhi, a pela aku, e pau ana lakou i ka luaia iloko o ka imu.  Nolaila, o ka moo aina i uluia e na mea ai, he moo loa ia; a o imu kahi e kaluaia ai, he moo-poko i; a o ke kaluaia ana, o kapau ana ia o ka ai, pau ke aupuni, make ke aupuni, “aohe aupuni,” i ku like ai me ka haina.  Aka, he nui aku no na mea pili i ka moo, e like me keia;  Moo kuauhau, moo alii, moo puna, moo-akua, a pela aku; aka, o keia mau moo a pau,. aole lakou i kupono i ka haina “aohe a i puni.”

 

KA HOOHALAHALA A KA WAHINE O KE KAI

Nane2              “Mai ka muli wai, aole au i hoomanaoia mai e ka Nuu, aole e ka Manalua, aole e ka Manakolu, aole no e ka Amene, heaha kau e kuailo mai ai ia’u?”  Haina a Kealoha, “O ka pono o ka lahui a me ke aupuni.”

[Aole i pau]

 

Linekona a me ka Makai

            I kekahi po, i ka wa o kela kaua huhamahi o Amerika.  Huipuia, o noho ana ka mana poo aupuni o Amerika ia wa ma Wa sinetona me ke pihoihoi mau no ka hopena o na hana mawaena o na koa o ka Akau a me ka Hewa, ua hooiliia iho la kekahi hakaka kuikui puupuu akea mawaena o kekahi mau kanaka ma ke alo iho o ka hale keaka Lahui.  E ku ana he makai malaila ia wa, a i kona wa i ike ai i keia mau kanaka o hakaka ana, ua papa koke aku la oia ia laua o hoopau ia hana, a ua pau koke ae la.  Ua hoea koke mai la ke kanaka kino puipui mai waena ae o ka nui kanaka a olelo mai la i ka makai e hookaawale ma kahi e, a i ole pela, e hoeha koke ia oia.  Ua pane koke aku la ka makai:  “E hopu koke no au ia oe ke hana oe pela.”  Ia mau oleio no, ua kui koke mai la ua kanaka la i ka makai a hala ae la ka puupuu.

            Ia manawa i haawi aku ai ka makai i kana mana ai mahanahana malalo o ka auwae o ke kolohe a hina aku la ilalo, ua ko koke e make.  Ua kiiia ke ka uka a ua hoike ae la oia aole he manaolaua i koe no ka mea i eha, uo ka mea, ua hai ka a i.  No keia mau olelo a ke kauka, ua piha ka makai me ka makau a haalelekoke iho la ia wahi a hele pololei aku la no ka Hale Keokeo a hui pu me ka Peresidena.  O ka hora 2 ia o ka wanaao ana i hoea aku ai a hoala i ka Peresidena, a komo aku la iloko o kona keena.

            Ua noho mai la ka Peresidena e hoolohe i ka moolelo a ka makai o hoike aku la iaia a hiki i ka pau ana, alaila, i mai la oia:  “Ke manao nei au e make ana kela kanaka ia oe, aka oiai, @e wa kaua keia a ua lehulehu wale na poe i make iloko o keia wa, nolaila, e hoopoina loa ia mea .  e hoi oe e hooluolu ia oe iho.  “E kokua no au ia oe.”

            “Aole pela,” wahi a ka makai.  “Aole oia ka’u mea i hele mai nei.  Ua ike no au ua hana au i ka’u hana, a aole he hopohopo ana no ia mea.  Eia wale no ua makemake loa au e kamailio ia oe no kekahi mea a’u i kaumaha loa ai.”

            Ku ae la o Linekona iluna a hopu iho la ma ka poohiwi o ka makai, kamailio iho la.

            “Ano, e hoi oe e hooluolu ia oe iho.  E ae mai nae oe e haawi aku au i mau oleloao ia oe.  Ma keia mua ino, ina e loaa ana ia oe kekahi ulia o ia ano mai kui oe, aka, e hahau me ka laau newa a ano e ae paha, ma na mea e make ole ai oia.”

            I ka pau ana ae no o ia mau olelo a ka makai, ua ku ae la ia a hoi aku la me ka hauoli o ka manao.  O ka Peresidena kona puuhonua e pakele ai mai na kanawai o ka aina.

 

Robert Napunako Boyd

(Italia)

            He Ana-aina a he kokua no hoi ma ka hooponopono ana i na waiwai paa, huli ana paha i na Buke o ke Aupuni, a pela aku.

            Keena Hana:   Mauka iho o ka Hae Leta, maluna ae o ka haleaina Pake,

Alanui Betela.                                                                                                 apl 13-mp

 

C. B. DWIGHT

[KALE KUAIKA]

            Mea Hana Pohaku Kaekae Alanui, na He Kupapau a me na Kia Hoomanao Mabala.

            E loaa no oia ma kona wahi noho ma Koiuiu, Honolulu nei.  Telepona Helu

833                                                                                                                  17-lmk

 

E.M. NAKUINA

KOMISINA O NA ALA LIILII A ME NA PONO WAI

Notari Lehulehu, a he Agena Haawi Palapala Ae Mare no Honolulu nei.

Keena Hana:   Helu 303, Alanui

Kalepa.                  dk-lm

 

HALEKUAI LAHUI KALAHIKI

Helu 405, Alanui Moi, ma Waikiki aku o Alanui Nuuanu, ma ka aoao mauka, ke keena mua o ka “Hawaii Holomua.”

            Ma ia @ @ai o na oiwi e loaa ai na ahoi a me na @ o na ano hou loa, e laa

Na Kalakoa,                         Na Keokeo,

Na Makalena, Na Kinamu,

Na Huluhulu, N. Lihilihi

            Na Kamaa o na Kane, Wahine me Keiki, a pela aku.

            Oiaola ao ke kuai @.  Aohe hewa ke kipi mai e ikemaka a aohe no hei he kumu kunuia no ka hoikeike ana i na mea k@.

M. PALAU, Luna Nui