Ka Makaainana, Volume V, Number 25, 22 June 1896 — Page 5

Ka Makaainana.

 

HONOLULU, OAHU, POAKAHI, IUNE 22, 1896

                                                                                                                                                5.

Naone, no kona makemake ole ka i ka mea on.

-------------------------------------

            Pehea la kona manao no ia hana, hanohano paha oia iaia iho?  Ia makou la he hilahila a he ku i ka hoopail@a, oiai, he bila kela e hoopi@ ana i ke dote maluna o ke sake, kekahi hoi o na mea-inu inoino loa e pahola nei iwaena o ka lahui.  O kona kokua ana i kela vito, o ia no kona kokua ana e hoolanakila aku i ke ino.

-----------------

            Oiai, ma ka hoopiiia ana ae o ke dute o ke sake, o ka hoopii ana ae no hoi ia i ke kumukuai o ia mea-inu, a ke hiki aku paha hoi i ka wa o na waina Kaleponi e komo mai ai me ke dute ole ia, e emi mai ana paha kona kumukuoi, he mea hoi ia i oi ae ka maikai i ko ke sake ino ino.  Ma keia e ikeia mai ai no ka halahu o kona ku hookahi ana.

----------------

            Wahi mai a ka oleloia, na lilo ka i mea ole na nuku a huhu ana a na ahahui mikanele a pau no ko Senatoa Balauwina kokua ana i ka Bila Waina a kona kaikeeke Kuhina, a i koho ka hoi oia i oluolu ai hoi ka manao o ua kaikoeke la.  I akakuu iho ka hoi ka huhu ana o na lala o kela mau ahahui, i ko Balauwina hooia ana aku ka nana e uku na lilo a pau o ke kukulu hou ana i ka luakini o Wainee ma Lahaina.   Aia wale no ka hoi ka na koke o ka ina ina o kela poe.

------------------

            E liko no me ka makou i olelo ai mamua iki aku nei, e hookuu ana ka Ahaolelo a e hoi aku ana na hoa me he poe aihue la i ka po.  Kamolamola a ano ole no hoi ka hookuu ana, a ua like loa no me he poe ilio la i pepehiia e ke kahu a ua ano pepelu hoi na huelo mawaena o na uha.  Aole no e like aku me ko ke au i hala ke ku maoli no i ka hanohano.

-----------------

            Kupanaha no paha hoi ko Pele hooehu ana ae i ke kai hoee a mimiki a ma ka la i pepehi loa ia ai o kela Kanawai Hoopaa Inoa.  Malia he ehu wawae no nei no kahi mau hana o keia mua iho.

------------------

            Palaualelo kela manao ana o ko Hilo a me Puna Lunamaka aina o kikoo mai ka Iapana ia Hawaii nei mamuli paha hoi o ke dute kaumaha ia ana o ke sake, a he mea ka ia no Amerika Huipuia e hoohui koke mai ai mamua ae o ka hoea ana mai o kela wa.  No ia mea, aohe a Hawaii nei hopohopo ana.

            Ina e hoao mai ana o Iapana ia ano hana, a ina hoi e hoomaopopo ole mai o Amerika Huipuia, @ia aku no ua mau Mana ikaika hou aku, he ekolu a eha paha, e ae ole ana ia Iapana e hoao e hana mai pela ia Hawaii uuku nei.  Aia no la, ku no na poe a@ hoohuiaina nei i ka hoka la.

----------------------

            No nei aku nei no ka lono, a ina na nupepa o Kapalakiko i hoopukaia mai nei, no ko V. V. Akepoka waiho ana aku i ka hana pili i kona hihia kipi n@, a kipakuia ai oia, imua o ke Aupuni Beritania, a nua ikeia mai ka aohe i pono kona ahewaia.  A mamuli ka noi o ia pono ole, ua koi mai ke Aupuni Beritania no ko Akepoka aeia e hoi mai i Hawaii nei.  He keu keia a ke ano e, aohe i lauahea ae maanei, aia aku nei ka hoi i@o.

            Ua ninauia aku nae hoi i kona pokii, ia C. W. Akopoka, a ua hoike ae aole loa he wahi moali iki o ka oiaio no kela koi.  Oiai, ke waiho ma'i la no kona kaikuaana, aohe ana mea e ae e hiki ke kamailio nona.  Aka, ke makaukau oia e hoi mai no Hawaii nei, aole loa e @ ia mai ana, aka, ku ae no a hele mai.  Hoonana no la!

------------------

            Lilo keia i mea nane nui ia ma o, a na hele loa aku ka ninauia a ia Kuhina Nui Olone ma Wasinetona, aohe nae hoi i loaa.  O kekahi o na kakau olelo ka i hoike ae ua lohelohe wale ia no, aole nae hoi he mau palapala e hooia ana.  "Hu ka puaa la e, Hu !"

-----------------

            Aia aku nei ka a i Wasinetona, nui ko Kuhina Wilisi waha i ka hoike aku he Aupuni maikai keia, ua lokahi a ua laulea na poe a pau, a ua nui no hoi ke dala, o ke ano nui ae la o kekahi mau mea i oleloia nana i kamailio a ua hoopukaia me kehi o na nupepa i kipeia e ko kokou nei poe.  Kupaianaha no na wiliau ana o ka manao.

------------------

            Ano e no ka lawelaweia ana o ke kau o ka Aha Kaapuni ma Wailuku mai nei.  Ua manaoia e lawa ana kekau me $900 no na lilo, o ka ka Aha Kiekie ka ia i hoouna aku ai.  Aole ia i lawa, noi hou mai i $500, a he ka@oha ka i hoounaia aku i ka Luna Leta, o kahi apiki nae, ua nele ka Luna Leta me ke dala ole e hiki ai ke hoolawa, nolaila, ua holo pu-a-a ka Makai Nui ma o a maanei, aohe loaa o ke dala e uku ai i na kiure.  A laa ka pilikia, ua hele i ka hilinaiia.  Pehea ana la ka pono o na kiure mai kahi loihi mai, aole paha e hiki ana ia  lakou ke kali a loaa mai ia lakou ia mau dala?  Nui no ka hoi na lilo

------------------------------

-----------------------------

            Ma ka la 9 o Iulai e malamalama ai ka hoike makahiki o ke kulanui o Iolani. 

 

Haunaele ma Olowalu.

            I ka po Poaono, la 13 nei, oiai na Kepani limahana o ka mahiko o Olowalu e malama ana he halawai no ka noonoo ana i kekahi hana e pili ana no lakou, ua hele aku la kiai a kauoha ia lakou e puhi i na kukui a e hoi e moe.  Ua ae aku no lakou me ke noi aku nae i umi minute no lakou e hooponopono ai ia hana a lakou a pau ae.  Hele aku la ke kiai a hoea mai la hoi ka luna, a me ka leo kalakala i hele aku ai a puhi i ke kukui, a ia manawa no i hailukuia aku ai oia me ka pohaku a me na pauku laau; a ua ki mai no hoi ka luna i kaua pu panapana.  Ua aloalu aku na Kepani iaia a hiki i ka hale, a ua hooweliweliia no lakou me ka pu kau poohiwi.  Ua hopuia ka luna i kahi la ae a laweia no Lahaina e hoopaa ai a hookuuia malalo o ka bela.  Ua hopuia no hoi na Kepani no ka h@ hana a hoopaa nui ia, he 50 paha ka nui.  Pakele ke ola o ka luna.  He rula paa ka keia no ia mahiko, o ke puhiia o kukui i ka hora 9 a hoi na poe a pau e moe i ikaika no ka hana i kakahiaka ae. 

-------o--o--o--------

Nana ke Kolohe.

            Ma Hilo, i ka Poakahi, la 8 nei, ua mioia iho la he $62 00 mai loko mai o ka ume pakaukau o ka hale amara o J. M. de Gouvea, e Keoni Akana, o Kelikolio kekahi inoa.  la kakahiaka no ka laweia ana mai o ke dala mai ka hale mai no ka hale hana me ka manao e uku no kekahi mea i @la.  Ua haaleie aku la nae ia i ke dala iloko o ka pahu a puka aku la e hele no ka hale inu kope o Akana, Pake, a ua ike @o oia ia Kelikolio e nana ana ia loko o kona hale hana.  Iaia i hele ai a hoi aku, ua lilo na dala.  Ua hoike koke aku oia i keia mea i ke Kape@a Makai, a ua hopuia ua wahi keiki kolohe la, a he $38 00 wale no dala i loaa aku iloko o kona hale.  Mahope o kona hoomaka'uka'uia ana ua loaa hou he $18.  A he $6 i ukuia ia Kale Rose, o ia na dala ana i aihue ai i ka i o Mokuola mai ka lole aku o Kale Rose.  Ua hoihoiia ae no nae ia mau dala.

--------o--o--o-------

            I keia la e ku mai ai ka Auseteralia mai Kapalakiko.

           

            Eia he hoopii imua o ka Aha Kiekie na Burua Ma, G. N. a me A. S. Wilikoki, H. P. Balauina a me Welch & Co. o Kapalakiko e kue ana i ka Hui Kopaa Papaliike, he hoopii koi aie o $150,000 me ka ukupanee o 8 pakeneta no ka makahiki.  Eia keia poe ka paa nei i ka moraki o keia mahiko, a ka makemake nei lakou e hooponoponoia keia mea a e ukuia aku ka lakou mau dala.

 

 

Eo ia Honolulu.

            Iloko o ke aumeume nui mai ka hoomaka ana o ka paani ana a hiko no hoi i ke komo ewalu ana, ua lilo aku la ka eo o ka paani kinipopo o ka Poaono nei i ka Honolulu me 9 aupuni ia 3 wale no o ka Regimana Ekahi.  Ma na komo mua ana, ua haele like no ma ka ekolu a kahi aoao a pela no i kahi, a i ka ewalu o na komo ana ua loaa i ka Honolulu he 6 holo a nele loa hoi kahi a pau wale no ka paani ana, aole nae i paani ka Honolulu i ke komo eiwa ana.

            Aia ke pahemahema nui loa ma ka aoao o ka Regimana Ekahi, a o ka eleu hoi i ka hoa paonioni.

            Ma na komo ana, ke waiho aku nei makou i ka papakuhikuhi penei:

                                                                                    1 2 3 4 5 6 7 8 9

                                                            Regimana 1     0 1 0 1 0 1 0 0 0 - 3

                                                            Honolulu         1 1 0 0 1 0 0 6 * - 9

 

---------------------o--0--o----------------

 

Minamina Wale ia Mau Opio.

            I kahi wa o ka Poakolu nei, mahope o ka waiho mai pokole ana no kekahi mau la helu, ua laweia aku la ke aho o ka J. J. K. Keola keiki o 16 malama.

Ua nalo no ia auwina la.

            Wanaao Poalima nei, hora 1, ua ukali aku no hoi ka J. K. Kahookano keiki o 9 malama, mahope nae hoi o ke kaa mai loihi ana, ma he la mahope koke iho no o ka nanau ana.  Ia auwina la no i nalo ai.

            Aia me na makua ko makou upu ana.  Eia nae, mai kaumaha kakou, aka, e hauoli hoi, no ka mea, o ka makemake no ia o ka Mea Nana i haawi mai ia laua, i mea paha hoi e ike ole ai i na hala a me na inea o keia ao a me keia ola ana.

---------------------------

Paahao Make no Kawa.

            Kakahiaka Poalua iho la i make ai o Koolauiki (k), he mea i hoopaiia no hookahi makahiki hoopaahao ma ka hanaooiea no ka aihue mai Kekaha, Waimea, Kauai, iloko o ka hale mai o ka Halepaahao o Kawa, mahope o kekahi ma'i pokele ana mamuli o kekahi eha i ka umauma a me kekahi mau haawina e ae o ke kino e popilikia ai

            Ma ke kaa hali ukana o Mika Uilama i laweia ae ai kona kino wailua a nalo iuka o ka ilina o Makiki, o W. Kamana, ka hope lunapaahao, ka mea hookahi wale no i hele ao maluna no o ia kaa hookahi.

 

--------------o--0--o-------------

            Ua hookohuia mai nei o F. W. Makapolena a me W. H. Konuwela i mau lunahooko kano@ha @ waiwai o Misasa Adelia Konuwela i make, malalo o $50,000 bona.

            Ma Kaunakakai, Molokai, Iune 19, 1896, ua hanau mai na ka wahine a ko makou makamaka, oia o Joseph. M. Uahinui, he kaikamahine nui mohaha.  Nolaila, e hoopomaikaiia laua me na hua ohaha mai ko laua mau puhaka mai.