Ka Makaainana, Volume V, Number 22, 1 Iune 1896 — Page 2

Ka Makaainana.

2                                  HONOLULU, OHAU, POAKAHI, IUNE 1, 1896.

 

NA AINA MAMAO.

 

Mau Lono Huikau mai kela a me keia Wahi Like Ole

 

Na Lonolono Kaua o Cuba.

 

            Aohe hilinai o na Kuba i ko Generala Weila manao huikala i na poe kipi e haawi pio aku ana a hoohiki e kupaa mahope o Sepania.  U@ oleloia ke hoohiki ka kekahi, ua hopu hou ia oia no ke puhi ahi a hookolokoloia imua o kekahi aakoa hoomeamea a hoopaiia a ki pu ia i kahi kakahiaka ae.  A ua oleloia no hoi he mea ka kekahi e make ana i ka puka ana o ka la i kela a me keia kakahiaka maloko o kakela Cobana.

            Mamuli o ka mai fiva lenalena ua make aku o Generala Vicuna ma Corala Falaso, Matanazasa, kahi hoi i waiho ma'i ai no kekahi mau la lehulehu.  Ma ke kulanakauhale o Matanazasa e kanuia ai kona kino.  Na Generala Benala aku ana e hoomalu ka Generala Vicuna puali, a ua kauohaia e keakea aku i ko Makima Gomeza nee aku e komo a e kaua i ka apana o Havana.

            Ua lonoia ae ua haaleleia aku o Peresidena Sanata Lucia o na kipi e Calixto Garacia a me Jose Maceo, i u hoole hoi i na kauoha a ka Peresidena.

            Ua loaa ae na lono ma Nu Ioka no ka pae maalahi ana aku o na kipi maluna o ka mokukuna Laurada, ma ka aekai akau mawaena o Maderida a me Cubana.  Aia keia huakai malalo o ka hoomalu ana a Generala Juan Fernandez Ruiza, kekahi mea o ke kaua ana mamua no umi makahiki, a he 97 kanaka ka nui me 750 pu raifela, 880,000 poka owilii, he papa pai, dainamaita hoopahu, na laau lapaau a me na mea paahana kauka.

            A ua manaoioia hoi ua pae maalahi aku na pono i hoounaia aku ma ka mokumahu Bemuda, o ka haalele ana ia Iakasonavile, Felorida, he mau pule mamua aku.  Ma ka aekai hema i hoopaeia aku ai he 36 kanaka a me na ukana a pau, oia hoi, he 390 pur aifela, 415,000 poka owili, 1,200 paona dainamaita a me kekahi pu Hotekisa.  E like kame na kauoha, he wahi okoa ko ka Bemuda e hoopae ai, aka, loaa e i kekahi mau mokukaua Sepania, a nolaila, ua hoololi ae oia i na mea i hoolalaia.

 

Na Poe Pio o ke Taranavaala.

 

            Ua hooia loa ia ka lono, ma kahi hoi o ka hoopai make i kauia maluna o na pio @ kela huakai kipi paoa, oia he @ alakai o ka ohumu kipi ana ma Ioha@esebuga, ua hooloiiia ae ia a e hoopaahaoia no umikuma malima makahiki.  Aole loa keia hoemiia ana mai o na hoopai i hihoiia a ko Peretoria poe a ke nune maopopo loa la na manao ano e iwaena o ko laila poe.  Ua hoikeia ae hoi e kakahi poe i hilinaiia ua hooikaika loa ka o Peresidena Karuga e hoololiia ae na hoopai hoopaahao a pau a e kauia ma ka hoouku dala ana.  Noe ekkolu la o kona hooikaika ana, aka, ua haule kona manao i ka hapanui o ka ahakuka mana hooko.

            Ua hoike ae o Kamelani, Kuhina o na Panalaau, imua o ka Hale Makaainana ma Ladana, ua loaa aku he telegarama @aia mai ka agena Beritania ma Peretoria, e hoike aku ana ua hooia ae o Peresidena Daruga e loaa no i na pio hoomaemae o Iohanese buga na hooluolu a hoolaulea kuikawa ana oiai lakou maloko o kahi paa.

            Nui na lono malaila e malamaia ana he mau halawai akea nui ma Iohanesebuga, ne ke kukakuka ana i na hoopai o na pio hoomaemae.  Ua hoole na keena telegarapa i ka lawe i na palapala e hoike ana no ua mea e pili ana i ke kulana kalaiaina malaila.

 

Na Hunahuna Laulaha.

 

            Ua hoopahu hou ia ae ia mea pahu ma kahi kokoke i ka halealii ma Maderida, Sepania, ano koke mai nei.

            Ua hoikeia ae ua makaukau ka ke Suletana o Tureke e hana aelike mihi a haamalielie aku me na poe Amenia.

            He omaimai ko ke Suletana o Tureke i keia wa mai na haawi na kauhola e maluhi a e malule mau ai ke kino.

            Ke luai-a-Pele la ka Mokupuni o Socori, 3,707 kapuai ke kiekie, he 400 mile ma ke komohana ae o Manazanilo, Mekiko.

            No ekolu la o ke koho ana, aole loa he loaa iki o kekahi Senatoa no Lllluisiana iloko o ko Amerika Huipuia Aha Senate.

            Ke opa pu ia la na Tureke e na kipi ma ka Mokupuni Cerete.  Aia na makaainana Tureke ke puhee la ma ke ano uluaoa ma na aoao a pau.

            Ma Viena, Auseturia, Mei 19, i make ai o Akidue Kale Lui, pokii o Emeperoa Farani Iosepa a hooilina hoi i ka nohoalii o Auseturo=Hunegari.  La 22 mai i hoolewaia ai oia.

            Ua hoohaunaele hou ae na poe paahana Kepani ma Base Tere, Mokupuni o Gadalupe, ma na Inia Komohana.  Oi loa aku ka nui o keia ala haunaele ana, a ke hopohopo la napoe mahiko.  Ke lawelawe la ke Aupuni Panalaau i na kumuhana oolea no ke kinai ana, me ka nana ole ae i na hoakaka ana o ke kuikahi.

            Ua lilo pio i na Kude ka halekoa o Siva, Asia Unku, a ua pau na lako kaua o na koa i ka laweia.  Ke hooweliweli la lakou ia Anatoria Hema a ke hoomakaukau nui la no na hana hiena hou aku.

            Ua telegarapa aku o Peresidena Cacerasa i pau ia Peresidena Pierola o Peru, e haawi aku ana i kana a me ka kona poai mau hoohana ana ma ke kinai ana i ka hoeueu haunaele ma ka apana o Loreto.

            Ma a ouli ka e ikeia la ma Amerika Huipuia, e olowalu ana ko Makinile kohoia i moho eresidena no ka aoao Repubalika.  Lehulehu na kauoha kaa uo lSana Lui i hooleoia, no ka hiki ole ke hoolawaia.

            O ka bila e haawi ana i uku hoomau no Francis E Hoover (Huva) o Ohio, ua hooholoia mai nei e ka Hale Lunamakaainana maluna ae o ka hoole ana a Peresidena Kalivilana e kekahi koho ana a 196 ia 47.

            No Valaparaiso mai ka lono mamuli ka o ke koi a paipai ana a Kili, ua hooholoia mawaena o Berazila.  Kili a me Agenetina he kuikahi kalepa me ka hooko ana aku hoi i ka loina o ke kahua alakai hana Monoro no Amerika Hema.

            Ehookuu ana ka ke Za o Rusia i kela a me keia e hoomana e like me kona manao iho, pela ka mea i louoia, a e hoopukaia ae ana he palapala e pili ana no ia mea i kona wa e poniia @i.  Aia ka ka Pope ke hooikaika la aole e hoopukaia ae ia palapala.

            Ua loaa like ae i na Keena Amebasedoa Beritania, Farani a me Rukini ma Konakinopela, Tureke, he kikoo no @10,000 pakahi ma ke ano uku poho no na hana hiena i hanaia ma Jida, Aisia Uuku, iloko o Mei, 1895, ka wa i ki poka ia ai e na Bedouina o ke Kanikela Beritania a me kona hope, ke kanikela Kuikawa o Rusia, a me ka kakauolelo a ke kanikela Farani.

 

            Awakea o ka Poalima nei i hookomo mai ai iloko nei o Kou ka Auseteralia, a pili ma ka uwapo Osiauika.

            Ua maalo mai ma ko makou keena hana nei ke keiki alualu waihula o Mana (Helia) me ke ola kino maikai.  Mai iaia i loaa mai ai ia makou ka lono puahiohio no ka maau helo ka ona a me kekahi mau poe okoa iho e kii i na hua manako o na kumu manako o Makaaho.  He ike ole paha no ka haku aina e pau nui ai ika hopuia.  Auwana no hoi kanaka!

 

Hala Ma Kela Ao.

 

            Ma ka wanaao Poakolu, Mei 20, ua kipa mai la ka anela o ka make a lawe aku la i ka hana ola, ka lamaku o ke kino'o. Misasa Kealohanui, ko'u kaikuahine, a haalele iho la ia makou ka ohana e paiauma aku mahope nei me ka luuluu.  Ua mareia oia me Chas. Maikai, a ua nui na makahiki a laua o ka noho ana, mai ko laua wa i mareia ai a hiki i kona hala wale ana aku la no, me ka loaa ole ia laua o kekahi mokuhana a kuee.  Ua haalele iho oia he makuahine, he mau kaikaina, he mau kaikunane, he mau keikikane a me na kaikamahine na kona mau pokii e paiauma aku mahope nei me ka mokumokuahua o ka noonoo.

            He nui kona mau hoa'loha, he oluolu oia a he heahea hoi i na malihini hele ma ko laua ipuka hale.  Kou oiaio,

                                                            ROBT. SAM. KAPUA,

                                    Kahului, Maui.

 

            Poakolu e pelu hou aku ai ka Auseteralia no kahi ana i holo mai ai.

            E i aku ke au mai la i ka moana a hoea loa mai i o kakou nei he elua mau mokukaua, hookahi Mekiko a hookahi Auseturia.  O kahi mau la o keia mahina e ku mai ai.

            O Taiwana Maru ka mokumahu Kepani i ku mai ai i ka Poaha nei, he 19 na la holo mai Koabe, Iapana, me kekahi heluna nui o na Kepani limahana i hiki aku i ka 1,245

            Ma ke awakea o ka Poalima nei, Mei 29, i malama ae ai o Mr. a me Mrs. Rose Apaki he papaaina i luluu me na mea ai o kela a me keia o na mea ai Hawaii no ka hoomano ana i ka piha ana o na makahiki elua o ka laua milimili o ke ola ana, oia o Wile Apake, a he nui no na poe makamaka a me na hoa'loha i hoea ae i ka la hanau o ke kama opio, a o ka makou wale no e hooloihiia ke ola o ke kama opio a palalauhala a haumakaiole.

            O ka aha hulahula hoomanao la hanau o ka Moiwahine Vitoria, ua malama io ia ae @ ia ma ka po Poakolu iho la ma ka Paka Kuokoa.  Ua hoonaniia oloko o ka hale me na hae like ole a me na lau nahele o ka wao, a he nani maoli no i na maka ke nana aku.  Hoomaka na hana mahope iho o ka hora 8 a pau i ke aumoe.  He paina mea ai mama mamua o ka hookuu ana o ua lealea, a me na leo mele hoolealea mai ka hui himeni Kawaihau kapilipili.

 

HALEKUAI LAHUI KALAHIKI.

 

Helu 405, Alanui Moi, ma Waikiki aku o

Alanui Nuuanu, ma ka aoao mauka, ke

keena mua o ka "Hawaii Holomua."

 

Ma ia halekuai o na oiwi e loaa ai na anei @ me na paihi o na ano hou loa, e laa

 

                        Na Kalakoa,                            Na Keokeo,

                                    Na Makalena,               Na Kinamu,

                                        Na Huluhulu,                    N Lihilihi,

            Na Kamaa o na Kane, Wahine me Keiki, a pela aku.

            Oluolu no ke kuai ana.  Aohe hewa ke kipa mai e ikemaka, a aohe no hoi he kun@kunuia no ka hoikeike ana i na mea kuai.

                                                                        M. PALAU, LUNA NEI

            @