Ka Makaainana, Volume V, Number 19, 11 May 1896 — Page 2

Ka Makaainana.

 

2           HONOLULU,  OAHU  POAKAHI,  MEI  11,  1896.

 

NA AINA MAMAO.

 

Mau Lono Huikau mai kela a

me keia Wahi Like Ole.

 

Hoouka Kaua ma Aferika Hema.

  He palapala ka i loaa ae i ka nupepa Manawa o Ladana mai Buluweio, no Aperila 25, a e olelo ana: "Aohe ikeia aku o ke kaua o keia la mai ke kaone aku a o nei hoi ka hoohana manao paakiki loa i lawelaweia Nui ka pioloke. Me he la ua manao maoli no na poe Matabele e opa pu i na poe ili keokeo a e kaua hoopoino aku i ke kaona. Pela no hoi me na ilikeokeo, ua manaopaa no e ku me ka makaukau no lakou. He mahele o 500 poe Matabele ka i hele aku a ma kahi o hapalua mile mai ke kaona mai no ke oki ae hoi i kekahi poe kiai mai ka hele ana aku, a elua i make. Ua hookauia na pu Makuna iluna o na kaupoku hale no ke kiki pono ana aku iwaena o lakou, Hahana ka hakaka ana a ua kuemi hope aku ka enemi me ke pioloke iwaena o ke ki amaaman aku o na pu raifela I na poe Matebele hoa'loha aku hoi ka ai hoopau no ka hoauhee ana i ka enemi me ua pahi a a me na koi  Ua haawi ae o Kapena Makapolena a me Lunahooponopono Danecana, i komo pu aku no hoi e kokua ma ka hakaka ana, i na mahalo ana i na koa, a ia lakou i hoi aku ai, ua apoia mai lakou me na hooho leo kupinai a me ke meleia mai o ke mele lahui, 'E ola ka Moi i ke Akua.' "

  Elima haneri o na kipi i make ma ke kaua o Umeguza. He 4,000 poka i kiia e ka pu Makima a he 150 poka-pahu mai ka pu Hotekisi. Ua hololea loa keia lanakila i loaa ae a ua hoopuehuia ka pohai o na kipi ina ia wahi.

Hoola o Meleleke i ke Kuikahi.

  Ua loaa ae he lono kuikawa i ka nupepa Ahailono o Nu Ioka, Aperila 24, mai Roma, a e olelo ana no ke kuikahi maluhia a ka Moi Meneleke i hoole ai e apono, ua komo keia mau hoakaka ana: He hoohui kue aku a kokua mai; hooholo loa ana i ke kuikahi kalepa; hoopau ana i ke kuikahi o Ukisiale; e hooliloia o Tigere i okana-aina ku kaokoa malalo o Rasa Makoneae; ka hookahuaia ae o kekahi kahua Italia palena ma Mareile, a me ko Italia kokua aku hoi ma ka hooponopono ana hoi i ko Abesinia oihana dala ma ke kahua a kulana paa oiaio.

  Ua hoole nae ka Moi Meneleke i ka ae aku i keia mau kumu. Ua hoopaakiki oia e loaa ona awa kumoku, a o Managasia, he mea i manaoia he enemi no Italia, ke hoonohoia i Kiaaina no Tigere Aia no o Mekia Salesa, ka mea i hoounaia ai e kukai no ka maluhia, ke paa pio ia la iloko o na lima o ka Neg@sa.

Kauia ka Ahewa o ka Hoopai Make.

  Ma ka hookolokoloia ana mai nei o na poe alakai kipi pakalaki ma ke Taranavaala, ua ae nui i ko lakou hewa a ua kauia mai ka hoopai e make. No Peretoria ka lono o Aperila 29, e hoike ana na hoololi ae o Peresidena Karuga i na hoopai make i kauia maluna o John Hays Hammond, ka wiliki Amerika, Konela Francis Rhodes, pokii o ke Kuhina Nui mua o ka Panalaau Lae, Lionel Phillips, peresidena o ka Ahahui o na Mine ma Iohanesebuga, a me George Farrar, ona hale hotele ma Iohanesebuga. I ka hooholoia ana o ko lakou hopai i ka la mamua iho, ua olelo ae ka lunakanawai ua kau maluna ona ka hana hoehaeha loa o ka hookoa ana i ka hoopai 'koikoi loa, aka, ua manaolana oia e hana mai ana no ka Mana Hooko i ka oluolu e like me kana i hana ai i na pio i ka hoomaka ana o ka makahiki.

  Aohe i kuhai iho na pio i ka wa o ka hoopai make i hoikeia mae ai ia lakou, o Hamona wale no ka mea i kuhau a hehee iho la ilalo. Ua lawe koke ia aku oia no ka halepaahao a ua kaa koke malalo o ka ke kauka mau lawelawe ana. He palapala hoopii nui ka i kakauinoaia ma Peretoria a me Iohanesebuga e noi ana i ka Peresidena e kala ae ia Hamona a me kona mau hoa. O na poe kiure Boa hoi keia, imua o lakou e hookolokoloia ai na pio ina aole i ae nui i ko lakou hewa, ua kakauinoa pu aku no i ka palapala hoopii.

Paa he Moku Lako Kaua no Cuba.

  Ua paa i ka hopu pio ia e ka mokukaua Sepania Mesagora, ma ka aekai akau o Kuba, ka mokukuna Amerika Competitor o Ki Komohana, Felorida, ua komo me na pu a me na lako kaua, e huli ana i wahi e hoopae ai. Iluna ona o Aleferedo Labode, Kauka Bedia a me ekolu poe kakau nupepa, a ua paa pio nui ia. Ua lele aku kekahi o na poe kipi o luna iloko o ke kai a au no kula. O kekahi poe iho i lele nui ai iloko o ke kai ua pau i ke piholo. Iwaena o na poe kipi o luna, o Generala Monosona kahi. O na poe a pau i hopuia ai iluna o ka moku a i loaa aku hoi iloko o ke kai e au ana no kula, aia nui iloko o Kakela Moro kahi i hoopaaia ai. E hookolokoloia aku ana lakou imua o kekahi aha-koa moana.

  Aia ke alakai moana i Mana zanila, a no ko Kapena Generala Weila ano pihoihoi no ke ake loa i ko na pio hookolokoo koke ia, ua koi aku oia iaia e haawi ae i kona mana i kahi mea okoa, i houlolohi ole ia ai hoi na hana.

  O na lono hou no keia hopu pio ia ana o ka moku, ua loaa mua i kekahi mahele koa paele ma ka aina he 32 pahu lako kaua i hoopae mua ia i kula, a elua pio, me he mau Amerika la no. Ma ia hope koke iho i ikeia ai ka mokukuna e ka mokukana a ki poka ia, a ekolu poe o luna i make. Iwaena o na poe i lele ai iloko o ke kai o Labode kekahi, ke alakai, a ua paa i ka hopu pio ia mamua ae o ka pae ana aku i kula.

  Nui ka pioloke ma Ki Komohana i ka loheia ana aku o keia mea malaila. Ua oleloia he lehulehu ka o na poe opio maluna o ka mokukuna pakalaki he poe ohana ko lakou malaila. He eemoku no luna o kekahi mokumahu ka i hoike ae ua ike oia he iwakalua paha kane, hoo kahi wahine a me kekahi keiki uuku e hooleleia ana i ka uwapo, ua paa a pau i kaulahao. Iwaena o na kane, ma kana ike he 17 poe Amerika. A e like hoi me ka hoike o kekahi nupepa kuikawa ma Havana, he eha no poe kane i hopuia.

Mau Hoohiolo Aha Kuhina.

  Aperila 27 i waiho iho ai o Sa Makeneze Beowela, Kuhina Nui o Kanada, i ke keena o ka Ahakuka Malu a hele aku no kahi noho o ke Kiaaina no ka waiho ana aku i kona hookohu. E kauoha aku ana o Haku Abadini ia Sa Kale Tupa e wae i Aha Kuhina hou.

  Ia la like no hoi, ma Parisa, ua noi aku o Peresidena Faure ia M. Meline e wae i Ana Kuhina hou. Ua hoao oia e hooko i ka hana a ua loaa ka Aha Kuhina i kahi ia ae, a ia po iho (Aperila 28) i hoike akea ia ae ai, a o M. Meline no ke Kuhiua Nui a Kuhina Mahiai. I ka la 23 aku i haalele ai ka Aha Kuhina mua.

 

HALEKUAI LAHUI KALAHIKI.

    Helu 405, Alanui Moi, ma Waikiki aku o Alanui Nuuanu, ma ka aoao mauka, ke keena mua o ka "Hawaii Holomua."

 

ma ia halekuai o na oiwi e loaa ai na anoi a me na paihi o na ano hou loa, e laa

    Na Kalakoa  .   .  Na Keokeo,

           Na Makalena, Na Kinamu,

                   Na Huluhulu,  N. Lihilihi.

  Na Kamaa o na Kane, Wahine me Keiki, a pela aku.

  Oluolu no ke kuai ana. Aohe hewa ke kipa mai e ikemaka, a aohe no hoi ke kunukunuia no ka hoikeike ana i na mea kuai.

                   M. PALAU, Luna Nui.

     @k  14-@

Na Make o Aperila.

  O ka nui o na make o Honolulu nei no ka mahina o Aperila, he 69. Penei iho ka mahelehele ana ma na lahui: 47 Hawaii, 8 Pukiki a me 6 Amerika. O na kane he 41, wahine 28. Iloko o ka 1895, o ka nui o na make no ia mahina, 62; 60 iloko o 1894, 40 iloko 0 1893; 55 iloko o 1892. Malalo o 1 makahiki, aole i emi iho na make malalo o ka 15, a he 10 hoi, aia mawaena o 60 a me 70.

 

  Ua pau i ke ahi he 55 mau eka ko o ka mahiko o Waiaane i ka Poalua nei. Aole i maopopo ke kumu o ke ahi.

  Ma ka po Poakolu o ka pule i hala, ua hoohaunaele ae kekahi poe haole kela moku ilo ko ka hale inu rama Nekina, a he nana wale aku no ka na makai. Ina ia no kanaka Hawaii ke noke nui la i ka hopuhopu.

  Ua ku mai ka mokumahu Kiua i ka auwina la Poalua nei mai lokohama a me Kina a pili ma ka uwapo Pakipika. Ma ka hora 5 p. m. o ka Poakolu mai i haalele mai ai i keia awa no Kapalakiko. Maluna ona i huli hoi aku ai o Rodope Sepekela a me kana wahine.

 

Hoolaha Hoopau Hope.

  Ke hoikeia aku nei ka lohe 1 na poe a pau aohe kukana i koe o Lee Poy e lawelawe no ka halekuai o SUN YEE HOP LUNG KEE, ma Waianae, Oahu, oiai, ua hoi mi nei no ka ona. O na aie a pau a me na hookaa dala ana, aole e mana aia a kakauinoaia e ka mea nona ka inoa malalo iho, a ua makaukau hoi oia e kuai emi loa aku i na waiwai a pau. E pono i na poeaie ke hookaa koke mai.

                    CHUN KWAI YUEN.

  Waianae, Oahu, Aperila 27, 1896

mei 4-2mnw

 

C. E. Williams   me Keiki.

Ed. A. Williams,    Luna Nui.

Helu 611, Alanui Moi, ma Ewa iho o ka

Pa o Aigupita.

 

He mau mea kuai lako hale o

na ano a pau loa.

 

  He mau mea Hana Pahu Kupapau a Hooponopono Hoolewa.

  E hoolakoia no na Kaa Kupapau, na Kaa pio a me na Kaa-ohana.

  Ina no e ninau ia laua, e loaa no na Pohaku Kia Hoomanao no na He Kupapau.

 

  O ka Ialoa kekahi hana hiki loa ia laua, aia ia malalo o ka lawelawe ponoi ana a Ed. A. Williams, F. D., he mea i puka pono mai ka Kalaka Kula o ka ialoa Maikai ana iloke o Mei, 1894.

----NA TELEPONA----

Keena, Helu 179--Kauhale a me Kahea Po,

Helu 815.

nov 2-mp.              feb 3-mp

 

E. M. NAKUINA.

KOMISINA O NA ALA LIILII A ME

NA PONO WAI.

Notari Lehulehu, a he Agena Hawa@

Palapala Ae Mare no Honolulu nei.

KEENA HAKA:    Helu 303, Alanui

Kalepa.                        de--1m

 

J. K. KAHOOKANO.

LOIO a he Kokua ma ke Kanawai.

KEENA HANA.    Alanui Kaahumanu

Honolulu,                     @a 8, '94 la@k