Ka Makaainana, Volume V, Number 17, 27 April 1896 — Page 6

Ka Makaainana.

 

6          HONOLULU, OAHU, POAKAHI, APERILA 27, 1896

 

OLIVA KAZELA

 

KA OLALI NOHO KUAHIWI O INIA.

 

KA UI HOLOLIO IMUA O KE KAHUA KAUA.

 

Helu 2

            Iaia nae i ala ae ai ia kakahiaka a noho ma ka ipuka o ko laua wahi hale, ike aku la oia i kekahi mea hololio e holo mai ana ma kahi mamao, a i kona nana pono ana aku, ike aku la oia o kana keiki no e hoi mai ana.  Hoi pono mai la na manao maikai iloko ona a nalohia aku la na noonoo ano e o ka wa i hala.  Eu koke ae la oia a hele aku la a paa i ke kaulawaha o ka lio a ninau koke aku la no i ke ku nu e kona hele loihi loa ana, a o ia ka Oliva i pane mai ai i kona makua:

            "O! e kuu makua, e hoi aku kaua iloko a e hoike aku au ia oe i ka mea hou ano nui o ka'u huakai i loihi loa ai."

            Lele koke iho la oia mai luna iho o ko@a lio au hoi aku la laua iloko o kahi hale e noho ai.

            "E hoolohe mai," e kuu makua, wahi a ua Oliva la i pane aku ai.  "He lono ano nui ka'u e hoike aku nei ia oe."

            "E hoike mai, e kuu keiki; oiai, ke kau nui aku nei au o ka lohe mai i ka mea e pili ana i kou hele loihi loa a hiki iho la i keia hora au i hoi mai la."

            Aia he mau noonoo ano hoohuoi iloko o ka elemakule no keia hele loihi loa o kana keiki me kona manao, ua hele paha oia iloko o ke kulanakauhale a ua ike i kekahi mau mea e hoolalahu ai i kona noonoo maikai.  Aka nae, he mau koho hewa wale no ia ana, no ka mea, ua kamailio koke mai la o Oliva.

            "Ia'u i hele aku nei e holoholo ma o aku nei, ua hoopahaohao loa ia au i ka ike ana aku nei i kekahi puulu kanaka e nonoho ana ma kela a me keia wahi, a ma ka'u koho aku he mau tausani paha ko lakou he luna a maluna aku.  Ua lako lakou a pau me na mea kaua, a e holohe@ ana hoi kahi poe me na aahu nani, a e lewalewa ana he mau mea hulali ma ko lakou aoao.  A ua maopopo anei ia oe, e kuu makua, ko lakou ana a me @ @akou hana?"

            Aole hiki @ Kazela ke pane koke aku, oiai, ua maopopo aku la iaia ke ano o kela poe a kana keiki i ike ai Aka, o kana wale no i kamailio mai ai,--- E kau mai aku oe maluna o kou lio, a e holo pololei aku iloko o ke kulanakauhale e hoike aku hoi i keia lono au i kamailio mai la ia'u.  E lawe pu aku oe me keia palapala mai ia'u aku imua o ka Moi, a e kali aku hoi no kana pane ia oe."

            Aole no he ano pau ae o na manao kanalua iloko o Oliva no kela puulu kanaka ana i ike ai, a e ake loa ana oia e maopopo heaha la ka lakou hana o ka hoomoana ana ma kekahi wahi oneanea me na pahuhae a me na mea kaua, a pela wale aku.

            A o ia ka ka makuakane i kamailio hou aku ai iaia me keia mau olelo:

            "E hoolohe mai i ka'u olelo e Oliva, e holo koke aku oe a hoi mai, oiai, he lono ano nui loa kau i lawe mai nei.  E lohe mua ko kaua Moi mamua o ko kaua hooko ana aku i ka hana no ka pono o ko kaua aina."

            Ae koke aku la ke keiki me ke ano kanalua no nae.  Kau ae la ua keiki la maluna o kona lio ma ka lawe pu aku i ka palapala a ka makuakane a holo mama aku la no ka halealii o ka Moi o Inia.

            Iaia i ku ai mawaho o ka puka pa, kikeke aku la oia a o ia no ka wa i pa-e mai ai he leo mai loko mai me keia mau olelo:

            "Owai mawaho, a heaha ka huaolelo o ka manawa?"

            Pane aku la na keiki hololio la me keia:

            " 'Ke ehukai o lalo ka @ua,' a owau o Oliva Kazela; he lono ano nui ka'u i lawe mai nei imua o ka Moi, a e wehe mai i ka puka no'u."

            Wehe koke ia mai la ka puka a komo aku la oia me ka haaheo nui iloko o ka pa alii me kona hulupala nani, e haulehia no ka noonoo maikai o na poe o ka aoao palupalu.

(No keia pule ae)

 

            I ka wa o kela kaua weliweli mawaena o Perusia a me Farani, o ka lilo o ka lahui Farani no kela a me keia kanaka Perusia i make, he @20,000

            Aneane e piha he 2,000 ka nui o na moku i pau aku i ka piholo iloko o ka opu ana ole i kela a me keia makahiki, me ka hali pu aku he 12,000 mau kino uhane, a me na waiwai i kokoke aku i ka $100,000,000 ke poho.

            He 5,000,000 ka nui o na kope o ka Baibala i paiia ma Enelani i ka 1804, e ka Ahahui Baibala o na Aina E, iloko o na olelo like ole he 35, a i ka makahiki i hala; ua pii hou ae ka huina o ua buke i paiia i ka 147,000,000 iloko o 330 mau olelo like ole.

 

NA PALAPALA

 

            Aole maluna iho o makou ke koikoi o na hala a me na hewa no na ma @o i hoopukaia malalo o keia poo, aka aia no maluna iho o na poe na lakou i kakau mai.

 

MR. LUNAHOOPONOPONO:

            Ma ka la 28 iho nei o Maraki, ua ikeia aku ka Lunapaahao E. Van Hao e hikaka ana maloko o ka hale inu kope o Ahina, ma Naalehu, ua hele a pulu i ka wai hoomalule kino, e hele ana ma o a maanei me ka ike ole i kana mea e hana ai, nana aku oe i kahi Pake, pukaka lua.  A me ia ano ona e hikaka ana, loaa aku nei he Pukiki, kuiia aku nei.

            Ua hele nui aku la na Pukiki e hoopii ia Lunakanawai Waipuilani.  Ua hoopauia ua lunapaahao nei, aneane no hoi e elua mahina o ka noho hana ana, o ka pau koke no ia no keia hana, he ona Bay Rum

            Aole oia wale no ka mea ona, aka, o ke alii makai no kahi me ke kapena makai, a no ia ona no o na poo oihana, ona pu no me na lala.  AOle o ia wale no, aka, he makai no kekahi me kahi iwi aoao hou e noho pu nei, ua nunui na wahi keiki, o ia kahi makai o Pahala, Kupanaha no keia poe makai.  Pela no paha ke ano o na luna AUpuni o ka Repubalika o Hawaii?  Aka, no ka noho peresidena ana nae paha o keia makai o Pahala no ka hoomana Moremona o na Ekalesia o Kau nei, i manao ai e kapae i na kanawai maemae o ka Repubalika o Hawaii.  Ina pela, hanohano no ua wahi peresidena Moremona nei.  E aho i ekolu iho kaikuahine, lawa pono.

            Pupuu hoolei loa mai Kona mai, noho ana ke alii makai o Kau nei, no kela hihia o E. Van Hao.  Aole i loheia ka hopena a hoi mai o Hikikoki mai ke kiure o Kailua.

            Nui ko Kau nei poe i hele no ke kau kiure ma Kailua, o W. J. Yates me kana lede.  J. H. Waipuilani a me kana lede, a me Mrs. J. H. S. Martin no kana hoopii oki mare, a e huli hoi mai ana lakou ke pau na hana.

                        C. KAWELOHEA.

            Kau, Hawaii, Aperila 1, 1896.

 

            He Pake ka i hopuia no ka malama opiuma a hookolokoloia imua o ka Aha Apana i ka Poalua iho la a hookuuia no ma o ka lawa ole o na olelo ike ma ka aoao o ke Aupuni.  Ua hoopaiia aku nae oia no ke kipe he $50 me na koina, a ua hoohalahala loa aku ka Pake i ka Aha Kaapuni.

 

HALEKUAI LAHUI KALAHIKI.

 

Helu 405, Alanui Moi, ma Waikiki aku o Alanui Nuuanu, ma ka aoao mauka, ke keena mua o ka "Hawaii Holomua."

 

Ma ia halekuai o na oiwi e loaa ai ma anoi a me na paihi o na ano hou loa, e laa

            Na Kalakoa, Na Keokeo, Na Makaiena, Na Kinamu, Na Huluhulu, Na Lihilihi,

            Na Kamaa o na Kane, Wahine me Keiki, a pela aku.

            Oluolu no ke kuai ana.  Aohe hewa ke kipa mai e ikemaka, a aohe no hoi he kunukunuia no ka hoikeike ana i na mea kuai.

                        M. PALAU, Luna Nui.

            ok 14-tf

 

Hui Papa a Kukulu-

Hale Oahu.

(OAHU LUMBER & BUILDING CO.)

 

Leleo, Alanui Moi, kokoke i ke Kahua o ka Hui Alahao & Aina Oahu.

 

Poe Kalepa Laau, Hana Aelike a me Kukulu Hale.

 

            Poe Hookomo Mai a Hoolilo aku i na Puka, Olepelepe, Kui, Pepa, Pena, Aila, Na Pono Kamana, A pela aku, a pela aku

Telepone 53                 Pahu Leta 222.

apl 20-tf

 

Olelo Hoolaha.

            Ua wehe hou ae nei o TAI SING i hale aina mahope o ka Hale Leta.  He umikumumalima 150 poi, bipi, a me ti.  Ma na Poaono, he kaka a me ka moa no 15 keneta wale no.                    TAI SING.

            Honolulu, Mar. 31 1896.

apl 6-1mhn

 

HELE HOOLUOLU.

 

O.R.L. Co.

 

MA NA POAONO A ME NA LA PULE.

            E haalele mai no na Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 a me 5:55 P.M.

Na Palapala Uku Puni.

                                                Papa 1.                        Papa 2.

Manana                      $  75               $  50

Mahiko o Ewa 1 00                                 75

Waianae                                  1 50                             1  25

F. C. Smith,

Agena Ohua a Palapala Nui

feb 10-tf

 

C. E. Williams me Keiki.

 

Ed. A. Williams,                     Luna Nui.

Helu 611.  Alanui Moi, ma Ewa iho o ka Pa o Aigupita.

 

He mau mea kuai lako hale o na ano a pau loa.

 

            He mau mea Hana Pahu Kupapau a Hooponopono Hoolewa.

 

            E hoolakoia no na Kaa Kupapau, na Kaapio a me na Kaa-ohana.

            Ina no e ninau ia laua, e loaa no na Pohaku Kia Hoomanao no na He Kupapau.

 

            O ka laloa kekahi hana hiki loa ia la@ aia ia malalo o ka lawelawe ponoi ana a Ed. A. Williams, F. D., he mea i puka pono mauka Kalaka Kula o ka laloa Maikai ana @ o Mei, 1894.

NA TELEPONA

            Keena.  Helu 179---Kauhale a me Kahea @ Helu 818.

            nov 2-mp.                    feb 3-mp