Ka Makaainana, Volume V, Number 17, 27 April 1896 — Page 3

Ka Makaainana.

HONOLULU, OAHU, POAKAHI, APERILA 27, 1896.

 

@ ona @ lako pa o ka pap@, a oiai, he hookahi wale no ia, ua aeia no ka mea e komo aku ana e ai a e inu pu me ia.  No ka mea, o ia iho la ka mea hiki iaia he haawi wale aku i na poe a pau e hele aku ana imua ona.

            I kekahi la na loaa aku i kekahi mea kakau nupepa he elua mau kanaka e noho ana iloko, a ua ninauia aku ina he pili laua ia Derevina, eia ka laua pane:  "Aole o maua pili iaia, aka, he mau mea nele maua i ka hana a ua kipa mai maua i ona la, a ua olelo mai oia ia maua e noho maua ianei e moe a e ai a hiki i ka wa e loaa ai ia maua ka hana.  ua apo aloha mai oia ia maua.  Aneane e piha ka elua mahina ia maua o ka noho ana maanei.  He oluolu maoli no oia."

            Aia ma kekahi kuono aku, he elua mau rumi moe me na pono a pau, a ua noa hoi no na poe a pau e manao ana e moe ilaila.  Aole ona, hopohopo no na malihini e kipa aku ana; e haalele no oia i ka rumi me ka waiho iho no i na pono a pau pela.  E hookipa ana oia i na poe a pau me ka ninaninau ole aku ia lakou.

            Aia iloko o kekahi pahu laau e waiho ana iloko o ua wahi keena la kana mau mea hoomanao o na poe i loaa i ka ma'i a i pau i ka hoolaia e ia me kana aila hamo.  O kekahi mau ma'i, me ka pule wale no a ola.

           

ME KA AILA HAMO A OLA.

            Ua hele aku kekahi luahine imua ona, no ka mea, ua olelo na kauka aole laau e ola ai oia.  Ua haawi mai o Derevina i kana laau iaia me ke aoao pu i ke ano o kana hana ana, a no kekahi mau la pokole wale no, ua ole ae la oia me ka maikai.  O na kauka i hooiloilo iaia, ua hookahaha loa ia lakou.

            Ua haawi aku keia luahine ia Derevina i ke dala i uku no kona lapaau ana i kona ma'i, aka, ua hoole aku oia.  Nolaila, ua hele hou aku ua wahine la i ka hale o ke kanaka kupua, a maloko o kekahi ume o kona pakaukau, waiho iho la oia he pakaukau, waiho iho la oia he $10.  Malaila kela mau dala kahi i waiho ai me ka lawelawe ole ia, a hiki i ka wa a Derevina i maopopo ai no kahi i noho ai o ua wahine la, alaila, hoouna, aku oia i ua mau dala la iaia.

           

HE MANA KUPAUANAHA KONA.

            I kona wa e haawi ai i ka laau i ka mea ma'i, e puka aku ka mea ma'i mai loko aku o kona keena, e kukuli koke ua oia ma ka aoao o kona kuahu a hoomaka akula e pule no ka hoolaia @ ka mea pilikia, a he eha hora ka loihi o ka manawa ana e pule ai.

            Aole kana he pule ma ke ano lapuwale e like me ka kekahi poe hana hoomanamana, aka, he pule maoli no kana i ke Akua, ka Hoola nui o ke ao nei.

            Mamua o kona hoi ana e moe, e pule ana oia, i kona ala ana mai e pule ana no me ke noi pu aku no i ke Akua no ke pale ae i na pilikia mai luna aku o kekahi mea ma'i ana i manao mua ole ai e hele mai ana i ona la.  He kupaianaha maoli no keia kanaka ma kana mau lawelawe lapaau ana.

 

HE HOOLA ELUA.

            Wahi a na kanaka e olelo ai ma na pipa alanui a me na wahi no a pau, ua like oia me ka Hoola mai ka lani mai, a e kukuli no na mea a pau imua ona ke kaalo ae oia ma ke alanui.  Pela no hoi me na keiki liilii, e holo mai lakou a honi i kona mau lima me ka nana hoomau ana iaia.  E alualu hele no na kanaka iaia ma ke alanui ke hele oia ma kekahi wahi no kana hana.

            Ano koke mai nei nokeia hana kupaianaha i hanaia mai nei ma ke kulanakauhale o Nu Ioka, Helu 59, Alanui Mariona.  A ke hoomau la no ua kupua la i kana hana me ka hoola ana he lehulehu o na poo i loohia i na haawi a popilikia.

_____

            He honu aukai nui ka i paa ae i kekahi poe lawaia ma Kahakai Balanawega, Lae Taona, Aferika, nona ka nui he 5 kapui loa, 4 kapuai laula, a me 23 iniha ke kiekie, a ua hiki aku ka nui o kona mau paona i ka 500.  He 4 kanaka na lakou e hapai.

            He mare kupaianaha loa ka i lawelaweia ma Rusia mahope iho o ka make ana o kekahi wahine Iudaio.  He wahine opio, a nolaila, hooholo iho la kona ihana he mea pono oia ke mareia i ole ai oia e komo hookahi aku ma kela ao, oiai, ua hoopalauia oia.  No ia mea, ua hapaiia ae la oia mai loko ae o kona pahu kupapau a mareia ae la me kona hoa i manaoia ai, a pau ka mare ana, ua hookomo hou ia aku la oia iloko o ka pahu a hookuuia aku la iloko o ka lua.

______

Waihona Buke Hawaii.

 

            E loaa no na buke ma ka olelo makuahine no ke kuai ma ke keena o ko makou Puuku.  Penei iho kekahi o ia mau buke:

Laieikawa:                               $1.00

Gaberiela Lenoa                      75

R.W.Wilikoki                          50

Hookahuli Aupuni o 1895      50

a pela aku, a pela aku.

            O na buke e ae no hoi kekahi, e laa na buke kanawai, a me kahi mau ano e ai, ke ninau pololei ia mai ia.

F.J.TESTA (Hoke),   327 Alanui Moi.

ko 28-tf.

_____

IOSEPINE KA EMEPERESE PUUWAI OLU O FARANI.

MOKUNA I.

NA LA OPIO MA MATINUKU.

            Aia iwaenakonu o ke Kai Karibiana e ku ohaoha ae ana ka mokupuno o Matinuku, me kona mau ea oluolu o ka noho ana.  O na kukuna olinolino o ka la e papa pono iho ana no lakou maluna o ua wahi mokupuni la, a o na pua a me na lau laau e popo he maikai ae ana no lakou me ka lawe pu mai i ke ala waianu hea.  E ko mai no ke anu hui hui o ke kehau mai kona kuahiwi mai, a lawe pu mai la no hoi i ke ala onaona o na launahele o ka wao a ka manao e hialaai mau ai.  Malaelae pono ka nanaina ke nana aku na maka i ka moana nui akea i ka waiho kahela mai, ka ohu malie mai a ka nalu, ka owe nehe mai i na lae kahakai, a pela wale aku.  O ia mau nanaina maemae a pau, o ia ka ka mea e noho ana maluna o ua wahi mokupuni la e ike ai.

            Maluna o keia wahi mokupuni i oili mai ai i ka 1760, mai ka puhaka mai o kekahi aliikoa Farani opio, nona ka inoa o Kapena Iosepa Gasepada Tasera a me kekahi lede Farani, Mademoisele de Sanise, he kaikamahine, ka mea nana e hookaulana aku i ko laua mau inoa, oia o Iosepine, ka mea nona keia moolelo.  Iloko no o na la opio loa o Iosepine, na la no paha i hiki ole iaia ke hoomaopopo ae no kona mau makua, make aku la kona makuahine, a he mau makahiki mahope mai ukali pu aku la kona makuakane ma ia alahele hookahi, a koe iho la oia malalo o ka malama ana a kona mau makua hanai.

            Malalo o ka malama ana a kona mau makua hanai oia i noho ai a hiki wale no i kona nui ana a hiki i kona ike ana i ke kulana o ke ano o ka noho ana iwaena o na anaina like o Europa.  I ka wae kipaia mai ai ko lakou wahi home, e hoolauna mau ia ana oia me na poe hanohano e kona makuahine hou, Madame Renaudine, ka wahine a kekahi o na kanaka waiwai o luna o ua wahi mokupuai la.

            Mamuli o ka ka Madame hoolauna mau ia Iosepine iwaena o ua ahahui a me na poe hanohano, ua lilo iho la ua kaikamahine la i mea mahalo nui la, aole hoi o ia wale, aka, ua lilo kona mau helehelena he mea e kaili mai ai i ka puuwai o na kanaka opio ui o kona kulana like.  He lede oia i hoonaauao maikai ia a ua ike hoi i ke ano o ka hoolauna ana me na keonimana a me na lede.  Ua oleloia o Iosepine oiai kona mau la opio wale no, he Madame kupono loa oia e noho iluna o kekahi o na noho kalaunu o Europa.

            I ka wa o Iosepine e noho ana ma ka aoao o Napoliona, oia ka Emeperese o Farani.  O kana mau kamailio ana, na hoouna palapala ana, a me na hoolauna ana, ua ume aku ia i ka puuwai paakiki o kekahi kanaka e ola ana maluna o ka ili honua a lilo i mea ole imua ona.  He wahine oia i hoonaauao maikai ia, poha maikai kona leo ke himeni, palanehe kona mau wawae ma na ano hula poniuniu a pau, he ike ma ke kii'na mikioi o ke kaha kii, a ua hiki oia ma na anuu like o ka naauao.  He mea oiaio loa, o kona la i hanauia ai ua hoike mai na lani i ke kalae maikai, aole loa e hiki ke nalo hia aku na hoomanao ana o ia mau la omaka mua loa ona.  O na pua o na laau, o ia kekahi o kana mau mea makemake loa; e hoohala mau ana oia i ka hapaani o kona manawa maloko o na malapua e ako ai i kela a me keia ano pua like ole a hoihoi iloko o kona rumi e waiho ao.  Ma kona ano ke nana aku, he kupaa luli ole oia i na hoopahele he nui i like ole aku me na poe o keia au.

            O kona hoa pilipaa loa iloko o kona mau makahiki omaka mua loa, he kaikamahine no ia nona na helehelena maemae, na kekahi wahine o ke kulana haahaa i loaa ma o kona hui pu ana me Kapena Tasera, mamua o kona mare ana a loaa ai o Iosepine.  Ua kahiko iki ae oia mamua o Iosepine, he elua paha makahiki ka pakeo aku, ua lilo nae oia i lede hoohanohano no Iosepine i na wa a pau.  Mamuli o kona noho a launa ana me ka wahine i ikeia kona kulana maemae a hanohano no hoi ua lilo iho la keia lede o ke kulana haahaa i mea ike nui ia iwaena o na anaina a me na aha hoolaulea o na poe maka hanohano.  He oiaio no hoi, na hoike mai o Eupime i kona kulana hoohaahaa a me ke @ , e haawi ana hoi oia i na @ ana ma kona mau papalina i na poe o ka aoao oolea.

[E hoomauia aku ana.]

_____

HALE INU RAMA NEKINA.

            Ke hoikeia aku nei ka lohe i na makamaka, oiai, he luna nui hou ka i hookohuia iho nei no keia hale olaulea o ka lehulehu, e loaa no na waiona maikai loa o na ano a pau.  E kipa nui mai no ka pono i ikemaka.

aprl 20-4 pl.