Ka Makaainana, Volume V, Number 17, 27 April 1896 — Page 1

Ka Makaainana.

 

BUKE V ---Ano Hou             Honolulu, Oahu, Aperila 27, 1896.                 HELU 17

 

AIA I MOKUAWEOWEO

 

Ke Ahi Hookalakupua a ka Wahine.

            Ma ke Kinau i loaa mai ai ka lono no ka ikeia ana o ka ulawena o ke ahi a ka wahine o ka lua iluna o Maunaloa.  Oiai ke Kinau ma Mahukona, ua loaa mai la ka lono no ka hoonaue ikaika ana o ke olai ma na Kona a me Kau i ka Poakahi i hala, a ua ikeia aku ka @wahi i ka pii ae i ka lewa me ka maopopo loa mai luna aku o Maunaloa. I ka po he hiki ke ike maopopo loa ia ka ula o ke ahi iluna o ka lewa mai luna aku o ka oneki o ka moku. Mai Lahaina aku i ka po Poalua iho la, ua hiki ke ike moakaka loa ia iloko o kela mamao o 160 mile.

            Ma ke ku ana mai hoi o ka Likelike i ka Poalima nei, ua lawe pu mai la no oia i ka lono e hooiaio ana i na moa a pau i loheia mai ai ma ke Kinau.

            Ua koho wale ia aku no me he la o Kau, a i ole, o na Kona paha kahi a ke ahi e iho ai ke ole e pio e. No ka mea, aia ma kela huli ma o kahi hoohahana loa o ka hele okooko ana o ua loahine hookalakupua la. Alia hae hoi kakou e pulale e.

            Ma ke Kinau o ka Poalima nei hoi i holo nui aku ai kekahi poe puni makaikai e ike i ua ahi hookalakupua la, a mawaho ae o ia poe he elua mea kakau nupepa namu o kakou nei.

 

            Ua ku mai i ka 6:45 p.m. o ka Poalima nei ka mokumahu Mauna Lebanona mai Potolana a me Vitoria iloko o 10 la holo.

            Ua lohe mai makou ina aole i nei pule, alaila, i nei pule ae e holo aku ai na hoa o ka Papa Ola no ke kahua ma’i lepera o Molokai, ma ka lakou huakai mau.

            Hooulu hoohaunaele hou no ua Pukiki i ka po Poaono nei ma ke alanui Nuuanu, ekolu ko lakou nui, a ua hoopaaia ma ka Halewai. Ua helaia lakou mahope iho e J M Vivasa.

            Maluna o ka Miowera i holo aku la no Vanekoua i kau aku ai ka Rev. V. H. Kitikata no ka holo loa ana no Enelani e hoomaha ai. Mamua o kona haalele ana mai ua paholaia aku imua ona he makana aloha mai na hoahanau aku o Saua Anaru, nona ka huina he $207. Makai o ka uwapo ka Bihopa Wilisi me ka wahine, ke Komisina Beritania Haoese, a me kekahi poe e ae kahi i lulu lima pu ai me ia.

Hanau mai Aohe Mau Lima.

            Ma kela ku ana mai o ka Auseteralia, ua lawe pu mai oia he kaikamahine Pukiki i hanau kupaianahaia mai e kona makuahine aohe mau lima. He 10 ka nui o kona mau makahiki i keia wa. Me kona mau wawae ua hiki iaia ke ai, kakau, humuhumu a me ka hooponopono ana nona iho. Iloko o kona opiopio a uuku loa no hoi, ua hiki loa iaia ke lawelawe hana ma na ano a pau. O kona makuahine, he ilihune loa oia, a eia keia kaikamahine ke hele nei e imi i ola nona iho a me kona makuahine, ma kona hoikeike ana i na mea hiki iaia ke hoohana me kona mau wawae E hoikeike aku ana oia ma Honolulu nei i keia mua iho.

 

No Kela Piano Nani a Maikai.

            Iwaena o kela poe eiwa i koho pololei ai i ka nui o na anoano pu, no kela piano Nu Enelani nani a maikai ma ko L B. Kahalekuai, ua loaa ole he lokahi, oia hoi, he ewalu i ae e lulu a hookahi mea hoole. Mahope o ke kali ana no hookahi pule me ka hapa no ko lakou manao, ua hooholo ka ona halekuai e luluia, a i ke ahiahi Poakolu iho la i hanaia ai pela, no ka mea, ua hoakakaia no ma na palapala koho a kela a me keia ina e paia pai kekahi poe koho, alila, e luluia a o ka mea e oi ana, ua eo iaia a nana na makana la. Pela i hookeia ai i ke ahiahi i oleloia, a ua lilo ua piano la ia Misasa Ganzel, he wahine haole. Ua laki no oia.

 

Hoopaiia e ka Aha Apana.

            Mahope iho o ka pau ana o na olelo ike ma ka aoao o ke Aupuni ma kela hihia no na mea ino wale o ka lunahooponopono J. D. Hayne, ma o ka hoolaha ana maloko o kana nupepa oili malama i paiia ma ka aina e, i kekahi manao e pili ana i kekahi poe ma Hawaii nei, a me ka paio ana a na loio, ua haawi mai la ka Lunakanawai Apana i kana olelo hooholo i ka Poalua iho la e hoopai ana i ka mea i hoopiiia he $100 a me me $4.60 koina. Ua hoohalahala loa aku ka aoao pale imua o ka Aha Kaapuni. Numana a me Kalaitona no ka mea hoopiiia.

 

            Ua pili mai i ka uwapo i ka hora 2:30 auwina la o ka Poaha nei ka Rio de Ianeiro mai ka Ipuka Gula iloko o 7 la holo a me 14 minute. Ma ke awakea o ka Poalima mai i niau aku ai oia no Kina a me Iapana.

 

Powa Hilahila Ole.

            Eha poe haole i powa aku i kekahi kanaka i ka po Poaono nei, nona ka inoa o Keonialii, ma kekahi wahi pouliuli o ke alanui Betela. Penei iho kahi moolelo a ka mea i loaa i ka poino i hoike mai ai ia makau. Ua hele aku he eha mau haole e koi iaia e hele i ka inu rama a u haele nui mai ia mai ka huina mai o ke alanui Moiwahine a me Puowaina, a kamau kiah@ ina kekahi o na hale inu rama. Pau ia, iho loa no kahi o na lio poniuniu a pau ka nana lealea ana, hoi ae la a ka Nekina kamau kiaha iho la me na hoa sela moku, pau aku la hoi kona pili ana me kona mau hoahele haole. No ke kaumaha loa hoomaka aku la e hoi no kauhale, a ia manawa i kahea mai ai kekahi haole mahope, a ia alawa ana aku, o na haole no i haele pu mua ai no me ia. Hopu mai la kekahi haole iaia i kela manawa me ka paa ana i kona puu a kulai iho la ilalo, o kona wa ia i holina ae ai, a holo mai la na haole ekolu e paa iaia, oiai hoi ka haole mua e noke ana i ke kuikui ma kona mau maka a hiki i ka eha loa ana. O kekahi haole, oki ae la i ke eke o ka lolewawae a moku a lawe aku la he $9.00 dala iloko a holo aku la. Kaualako hele ia aku la oia a hiki i ka eha loa ana a haaleleia iho la.

            Mahope iho o ka nalowale ana o kela poe haole, ua hoomaopopo oia he makai ka i hele aku a kokua iaia ma ke alakai ana a hiki i ka huina o na alanui Papu me Moiwahine, a hookuuia aku la e h i no konahale ma o aku o Kapuaiwa Hale i kau hale hoolimalima Pake. Ua ano mama iki ae oia i keia wa.

 

Aohe Emi Aku a Koe Mai.

            Ke waihi iki ae ko makou poe heluhelu ma kahi okoa ae o keia helu, e ike no lakou i ka L. B. Ka hoolaha no ke kuai hoemi loa ia o na waiwai ma kona halekuai. Ua hiki ole keia ke hoohewahewaia, ina e nana pono ia iho ana kekahi mau mea e hoolahaia aku nei, a he kea maoli io no a ka emi, i ike ole ia hoi mamua aku nei. He mea hewa ole no ke kipa @i aku ua poe puui kuai lole malaila, a malia o ka no hoi i kau wahi o ka makemake, alaila, kuai iho, no ka mea, ua oluolu kumukuai, aohe lua o ka emi. Ano ka wa e ola ai na iwi.

 

            Kumukuai o ke kop@ he 4 @.

 

Kau Kiure o Mei.

            Malalo iho e ikeia ai ka papainoa o na poe i ohiia no keia kau kiure ae o na haole a me na Hawaii.

            Na haole - F J Lowrey, J J Lecker, George Angus, W W Dimond, D W Corbett, W Lucas, I Rubenstein, T M Starkey, George Gray, Archie Turner, B Orderstein, J M McChesney, E M Marshall, C J Sherwood, B R Campbell, Willard Brown, Frank Hustace, J D Tregloan, C B Gray, Fritz Rowald, C B Huston, J S Martin, W L Hopper, F C Smith, A B Wood, G S Harris, Jr., I A Burgett, H G Wooten, L C Ables, John Phillips, Theo Wolff, C M V Foster, J J Egan, C V Sturdevant, H A Parmalee, J H Schnack.

            Na Hawaii - James Olds, Jr., T C McGuire, Isaac Adams, M R Colburn, S Mahelona, U H Jones, Kahololio, John Wallace, J Rosa, WM Chung Hoon, James Morse, J W Akana, E E Mossman, Pamalo Huli, D K Brown, George Hookano, S L Kinimaka, J L Holt, Jr., John Galbraith, George Kawai, Adam Puaaloa, Wm McGurn, D H Kahanamoku, John Ah Sing, J H Mossman, E Lazarus, H Kahalewai, C P K Kamoa, C A Long, Joseph Kekipi, Pinehaka Naihi, D K Naone, A K Kunuiakea, James Spencer, E J Crawford, J Nalua.

 

            He aha-mele ko uka o ke Kula Kamehameha kane i ka po o ka la apopo. Oluolu ka uku, he hapalua dala wale no, a komo pu me ka uku kaa panee o ka hele ana a me ka hoi ana mai.

            He luina no luna o ka moku Melrose ka i kipoia ka lae me ka omole a poopoo pu na kekahi luina moku okoa ae no, a ua kaheawai mai ke koko. Ua paa ka mea hoeha i ka Halewai Mauka ae nei o ka Nekina i hanaia ai i ka po Poaono nei.

            He pahupahu hilio@i hookuku ka i malamaia ma ke keena pahupahu o ka Hotele Hawaii i ka po Poalima nei, mawaena o M K Keohokalole a me A W Howe, no 250 pi@e. Ua lilo ka eo i ka haole he 4 pi@e mamua o Keohokalole. Piha ka rumi pahupahu i n@ makaikai.

            Ua lono wale i@ ae no he 578 ka nui o na poe i kakauinoa no ka hoomauia aku no o ke kiki pu ana ma ua La Pule, a he 473 wale no ma ka hoole loa. He Pukiki wale no ka hapanui o na poe i kakauinoa no ka hoomauia aku, a he poe kuonoono a me na poe kue loa i ka hehi wale ia o ke kanawai Sebati.