Ka Makaainana, Volume V, Number 16, 20 April 1896 — Page 1

Ka Makaainana.

 

BUKE V         Ano Hou                     Honolulu, Oahu, Aperila 20, 1896                  HELU 16

 

HEBERA WELI WELI!

 

Meha Pu ia e Hoomaluia nei e ke Aupuni

 

            Mai ka makou i hoopuka ai ma ka helu i hala a hoea mai i keia helu, aohe mau mea ano nui loa i oili ae no ka ma’i samola poki e hoomaluia nei makai o Kanakeaulana.  Eia uae, mahope iho o ka puka ana aku o ka helu i hala, ua loheia mai la ua make kela ma’i i hooleleia ae ai mai ka mokumahu Gelika, a oe puka hou ae no he mea ma’i hou, ua koe nae hoi ka oiaio loa ana o ia lono ia makou.  Iloko o na hoao ana e loaa ua hiki ole loa ke loaa kau wahi meheu no ka maopopo loa o ka oiaio, ua kiai makaala loa ia ka hoopuka ana ae i na lono e hoopioloke ai i na noonoo ana o ka lehulehu.

            Ki kiai hoomalu ia nei o kai o Kahakaaulana e kekahi poe makai kumau i waeia, a ke ku kiai la lakou me na pu.  Ua oleloia eia na lilo a pau o ka hoomalu ana i na agena o ka moku i lawe mai ai i ka ma’i a pela a hiki i ka wa e pau ai ka hoomalu ana.

            Awakea o ka Poalua iho la ua ulu ae he uluaoa haunaele mawaena o na Pake Limahana e hoomaluia nei makai o Kahaka aulana a no ia mea i lele aku ai ke kuke a me ka maheleolelo Pake o uwao, ia manawa no i nininiia mai ai laua i ka wai wela a o ka maheleolelo ka mea i wela loa ia.  Ua hopuia na Pake hoohaunaele a hoopaaia e na kiai, a ua maluhia na mea a pau i keia wa.

            Ma ka aoao hoi o ka Papa Ola, ua oleloia ae aohe a kakou mea o hopohopo ai, no ka mea, ua oi loa aku ka makaukau o kona mau kauka ( na hoiona o ke au kolera) e kinai aku i nei kupuino.  Ua o iho nei o Kauka Maoa i kekahi bipi-keiki i loaa ai ona palahehe no ka o ana aku i ka lehulehu i o ole ia mamua, a ua hoi oia i ka Papa Ola e kauoha i na kauka Aupuni o ae ma na wahi a pau e hana aku pela, i makaukau ai hoi no ka wa e komo io mai ai o ka pilikia iwaena o ka lahui.  Eia nae, aohe i manaolanaia pela.

            No ka nui ole o na maka palahehe i ka Papa, ua hoouuaia ke Kiu vana Giseno i Hanalei, Kauai, i ka Poaono, la 11 nei, a loaa mai he mau maka palahehe hou o ka hoomaia ana ia Kauka Wedika, ko laila kauka Aupuni.  Nolaila, me ia mau mea, ua lako loa ke Aupuni ma o ka Papa Ola la.  O ka pono n@ i@.

            Ua manaoia mamuli o ka lohe ole ia o kekani mea e pili ana no na poe i hoomaluia, e ano palekana loa aku ana kakou, a he mau la helu wale no hoi a pau nui mai ia poe i ka hookuuia.  Me he la nae hoi aole loa pela ka mea i manaoia no ia poe @ kakahiaka o nehinei i loheia mai ai u puka hu ae he mea ma’i hou iwaena o lakou, ma ka loheia mai he Kepani no.  Aia ka lawe lawe lapaau ana o ko Kahakaaulana poe malalo o Kauka Wesona.

            Ma ka kauka Wesona hoike i waihoia ae imua o ka Papa Oia ma kona halawai ana i ka auwina la Poakolu iho la, penei iho ka nui o na poe e hoomaluia la makai:

            Pake.   Poe i o hou ia, 261 i makai (ke hui me 12 wahine); na o kahiko, 11; 3 i o ole ia’ loaa mua i ke samola poki, 71 Huina 346.

            Kepani             Na o kahiko, 412 (80 wahine);  o ole ia, 86 (10 wahine); loaa mua i ke samola poki, 82 (13 wahine).  Huina, 580.

            He hookahi no mea ma’i he Kepani, nolaila, he 927 ka huina nui loa.  O na poe i kupono e o aku, e like me na huahelu mamua ae he 14 Pake a me 498 Kepani, he huina nui hoi o 512.    Ua o pau loa ia na makai a me na poe kiai, no lakou ka heluna o 23, me ke koe o na maheleolelo Pake elua, no ka mea, ua loaa mua no laua i ka ma’i.

            I ka Poalima nei i hoomakaia ai o hoohana ke kapena a me na kanaka o ka mokukuna hoopae opiuma Henerieta i ka lua pohaku iuka o Kamoilili.  Elau mau kiai e nana mau ana ia lakou me na pu raifela.

            O na noi a kekahi poe Pake a me kahi poe e ae e kapaeia ae ka hookapu o ka lawaia ana maloko nei o ke awa, ua paakiki loa ka Papa Ola aole loa e aoia aka, e hoomau aku no i ke kapu e like no me ia e ku nei.

            I ka hora 3:40 o ka auwina la Poaono nei, la 18, ka la o kela pauahi nui nana i luku iho ke kulanakauhale nei a mai neoneo i ka 1886.  Aole no hoi he wa a kaa mai i ka La Pule, Oiai, i ka La Pule mamua.  A piha no hoi he 10 makahiki.

 

Niau ia Makamaka Oiaio

            Aole no i loihi loa ua la o ke kaa ana i ka ma’i piva, mai ka Poalima mai a ahiahi o ka Poalua iho la aneane e hora 6, haalele mai la ke aho o J. Mauliawa, ma kona wahi noho ma Kapuukolo aenei.  Ua hooikaikaia no ka ike o na kauka, aka, ua pahua, no ka mea, ua ikaika loa ka ma’i maluna o kekahi mea i ao o e like me ia.

            No Kahuku, Kau, Hawaii, kona hanauia ana i ka wa o ka Mamo, na Kalama (k) a me Kauainui (w), a hala aku la oia i ke 65 a keu o kona mau makahiki.  Aloha ino!  Ua haalele iho oia i kona hoapili hookahi o ka noho mare ana no 30 makahiki a oi, oia o Lahapa, e uoho u aku nona, oia a me ka laua mau hanai.  (O keia no ka Lahapa a makou i hoike ai mamua aku nei nana i huna na iwi o kona mau kaikuaana mahoe.)  Aohe a laua wahi pua iki.

            I kona mau la opiopio, he lawaia kana hana, a no ke ano elemakule mai hoi ua waiho aku ia haua a hookahi ka noho a lawelawe hana pu ana me kana wahine ma ke pakaukau kamano, i’a maloo, ake bipi, limu, a pela aku, a he kanaka oia a makou e olelo ae ai ua ulakolako me na pono o keia hoho ana a ua kuokoa hoi nona iho.  He la’a oia no ka hui malu o na Naita o lerusalema a no ka Hui Kalaiaina no hoi.  Ma na ano a pau, aohe kau e hoohewahewa ai, he makee oiaio oia i kona aina a no kona Haku Alii, me ka hiki ole i kahi ke hoohuli ae i kona manao, ina ua hooholo oia o kana ia i manao ai o ka pono ia.  He koo ikaika oia no ka pono o kona Haku a Hoola a imi aku la no, aole na@ oia i make, aka, ua hiolani no kela nani oi loa mahope aku.  Eia nae hoi ua palapalaia:  “A hala he hapa na makahiki, alaila, e hele aku au i ke ala aole au e hoi hu mai.”  Lihaliha a walania wale.

            Ua nui na makamaka a me ua hoa loha i hele aku e makena pu me kaua wahine kane make, i ka wa i loheia ae ai ua make oia.  Luuluu wale!  Auwioa la Poakolu ae hora 3, i maneleia aku ai kona kino wailua a ka luakini o Kaumakapili, ana hoi i aloha ai, a pau ka pule ana malaila, ua hoolewa loa aku a nalo ma ka ihua o Kawaiahao, malalo o na lawelawe haipule ana a ka Rev. J. Waiamau, a haaleleia aku ia oia e hoomaha iloko o ka maluhia o kona Hoola no ke kakali ana no ka La       Hookolokolo.  Walohia no!

 

Piholo Iloko nei o ke Awa.

            Ma ka hora 3 o ka wanaao o nehinei, oiai no e pili ana i ka uwapo o Poka Ma, ua piholo ino la ka mokumahu Kaena iloko o kekai a koe ae no na kia me ka pukauwahi, no ka mea, ua hoopaaia i ka uwapo.  I ikeia keia e ke kiai po o kai o ka uwapo iaia i kaalo ae ai ma ia wahi.  Ua manao wale ia ua wehe hamama ia kekahi o na ohe a komo e kai iloko, a o ia ke kumu i piholo ai.  A oiai, aohe ukana o ka moku, aole he mau pilikia a hopohopo ana no kona poino.  I keia la i hoolana hou ia ae ai oia e na kanaka a hiki i ka hoi hou ana e like me kona mau.

Kiolaia Mai Luna o ke Kaa

            Ia Kaluhilaau e iho mai ana no kai nei mai uka mai o Nuuanu i kakahiaka Poalua nei, maluna o kona kaa huilalua, ua hookui pu aku la ua wahi kaa nei ona me kekahi o na lio ka-kaula a kekahi mau keiki e hoi ana mai Honolulu aku nei no Koolau, a kiolaia aku la oia mai luna aku o kona wai kaa, a o na wahi keiki kolohe ua hao aku la i ka holonui no lalo o Koolau.  Ua hoike koke ia ka lohe i ka Halewai, a mai laila aku no lalo o Kaneohe ma ke telepona no ka hopu ana ia laua, a ua paa koke no laua i ka hopuia.  @ a hookolokoloia laua imua o @ a Aha Apana i ka Poaha nei a ahewaia hookahi a hookuuia kahi.  Ua hookauluaia nae ka hoopai o ka mea i ahewaia.

            Piha no hoi na kaa basa hoonalulu elemu i ka la i nehinei e holo ana i Moanalua i ka makaikai.  Ua holo pu aku ma ia huakai makaikai he ekolu o ko makou mau keiki hana papanai.  I ke kula o Kaiwiula i himeni ai lakou me na leo hooho o na diabolo, i kokua pu ia e eha poe keiki paa lalo.  Kamau kiaha i kahi o ke au i haki ai a huli hoi mai la no ke kulanakauhale nei.  Nui ka hauoli!

            Ua lohe mai makou i ka po Poakahi i hala, oiai ke kane a kekahi wahine ua hele i kana han@ @ koa, na komo ae la he wa@ ao iloko a pahiuhiu iho la me ua wahine la me ka manao ole ae no kana kane.  Ia laua e u uoke ana i ka ai hoopau, ua hemo aku la ke pani o ka puka o ka rumi i ka mea ona waiwai, a o ke kolohe hoi ua lele aku la oia ma ka pukaaniani a haule ilalo a holo loa aku la.  O ka wahine hoi keia, ua nokeia iho la i ka paluku no ka hana lapuwale.