Ka Makaainana, Volume V, Number 11, 16 March 1896 — Page 7

HONOLULU, OAHU, POAKAHI, MA RAKI 16, 1896. 7

NA PALAPALA

[Aole maluna iho o makou ke koikoi o na hala a me na hewa no na manao i hoopukaia malalo o keia poo, aka aia no maluna iho o na poe na lakou i kakau mai.]

Ua Kapaeia ka Oiaio.
[Hoomauia.]

                O na makahiki i oleloia, o ia na makahiki oi loa o na pomaikai i loaa mai i na alii a me ka lahui, wahi o ka haiolelo pukalua a Alapaki, o ia ka ka mea kakau e hoomaikeike aku nei me ka hoike pu aku i na poe i make iloko o ia mau makahiki i hala. Pela pu no hoi me na hana a na mikanele maluna o na poe i hala aku.

NA ALII MAKE.

1823, Sepatemaba 16, make ke Aliiwahine Keopuolani.
1824, Mei 23, Keeaumoku opio.
" Mei 26, Keoki Kaumualii.
" Iulai 8, Moiwahine Kamamalu.
" Iulai, 13, ka Wohi Moi Liholiho.
1826, —Kahalaia.
1827, Feberuari 8, Kalanimoku.
1829, Ma raki 23, Keeaumoku.
" —Namahana, makuahine o Kaahumanu.
" —Piia, ka muli o Kaahumanu, wahine a Laanui.
1830, Ma raki, o Manuia.
" Augate, o Poki maluna o ka moku.
1831, Dekemaba 29, o Naihe Nui.
1832, Iune 5, Kaahumanu.
1834,—Kamanele a me Keola.
1836, Dekema ba 21, Nahienaena.
1837, —Aikanaka, keiki a Keohohiwa.
1839, Ape rila 4, Kinau (w).
" Ape rila 10, Kaikioewa.
" Augate 25, Liliha, wahine a Poki.
1840, Ianuari, Hoapili (k).
" Oka toba 20, Kamanawa.
1841, Mei, o Kapiolani Nui, wawahine a Naihe Nui.
1842, Ianua ri, o Kaheiheimalie Hoapili (w).

            Iloko o keia mau makahiki, pau ka noho poo ana o na alii maluna o ke Aupuni, lilo holookoa ka hooponopono ana o ke Aupuni i na mikanele. A mai ka makahiki 1842 a hiki i ka 1852, kukalaia ke kumukanawai o Kamehameha III. ma Luaehu, i Lahaina, Maui. Nolaila, mawaena o ke kowa o keia mau makahiki ano nui, ua ulu mai na hana pepehi i na alii a me ka lahui, no na kumu malalo iho:
            Akahi—No ka aeia ana e hookomo mai i ka barani a me ka waina, a me na wai ikaika e ae e hookomo mai iloko nei o ka aina, i hooholoia ma ka la 3 o Aperila, 1847. A ma keia ano ua komo kuhohonu na alii a me ka lahui ma ka inu waiona, a ua lilo wale aku na aina no keia mea he rama a ua nui ka poino. Aole hoi o ia wale ka poino i loaa i na alii a me ka lahui mamuli o na hana hoowalewale a na mikanele, aka, o na ola pu kekahi i lumaiia e ka ikaika o ka rama, a o ia kekahi mea nana i hoemi mai i ka ulu nui ana o keia lahui. Ma ia e ikeia iho ai ka hawawa a naaupo maoli no o ka hookele ana a na mikanele i ke Aupuni. Anoai paha o oleloia mai aole i hana na mikanele pela. Ua hiki loa ke hooiaioia ma na ano a pau e hiki ole ai i ua poe mikanele la ke ku pale mai no lakou iho, no ka mea, o na mea a pau i hanaia imua o ka malamalama o ka la, aole hiki ke hunaia kona oiaio.
            Alua—No ka aeia ana o na luina moku okohola e hookamakama me na wahine Hawaii, e like la me na olelo aelike no na pono o na luina i hooholoia ma ka la 23 o Iune, 1848. O keia kekahi hana pilau a pelapela loa i hoouluia iloko nei o ka aina e na alakai lahui. Oiai, mamua aku aole loa i maa keia lahui i na hana hookamakama, e noho ana no lakou me ka maluhia. Aka, i ka hiki ana mai o na mikanele, hiki nui mai la na haole a hana iho la i kekahi hana malihini loa iwaena o keia Paeaina, emoole laha hikiwawe ae la ka ma'i kaokao a lanakila ae la kona alahele ma na ipuka hale o na Hawaii.
            Mamuli o ka laha nui ana o ka ma'i kaokao maluna o keia lahui, ua lilo ia i hana nui na na alii ka noonoo ana i ka mea e hiki ai ke kinai aku. He ma'i malihini loa no hoi keia i keia lahui, pela pu me ka ma'i Pake, kekahi o na ma'i nana e kaualako nei i ka lahui iloko o ka luakuapapau, a he nui wale aku.
            O ka ma'i kaokao, he ma'i lawe maoli ia mai no ia e na poe i loaa mua i ka ma'i, pela i lilo ai ka waihona keiki o na wahine i mea ole, a lilo i kumu e hiki ole ai ke hooulu mai i ka lahui.
            O ka ma'i kaokao, ua maopopo ia i na alii a me na poe noonoo o ia au, he ma'i ia nana e hoohanau mai i na ma'i ino e ae. Nolaila, ma ka imi ana i na kumu pale e hiki ai ke kinai i na ma'i ino i loaa mai ma o ka hookamakama. Ua kukulu iho ka Moi Liholiho he elua mau kumu kaupale, a ke ku nei ia mau kumu kaupale i kia hoomanao no ke aloha lahui a hiki i keia wa.
            O ka mua, o ia ke kukuluia ana o ka Halemai Moiwahine e ku nei, i wahi e lapaauia ai na mea e kaupale aku ai i ka laha nui ana o ka ma'i kaokao, a pela aku.
(Aole i pau.)

            Ua hoopauia mai ka oihana aku o Kumakaikona, no kona hahau ana me kana laau newa i ka ilio a kekahi haole a make loa.

HOIKE PIHA LOA
O ka Ahahui Kokua Manawalea Lahui a o ka Hopena Nei.

                E like me ka makou i hoaiai ano nui aku ai ma ka helu i hala, ano, ua loaa mai ia makou hoike helu o na loaa a me na lilo o ka Ahahui i oleloia maluna ae mai ke kakauolelo mai. Aohe a kakou mea i koe e hoowahawaha ai a e nauki ai, no ka mea, ua pono ka lawelawe a me ka hookoia ana ma ka aoao o na luna hooko o ka Ahahui. Ina i pono ole, o makou no ka mua loa e kipehi aku ai ia lakou. Malalo iho e ikeia ai ua hoike helu piha loa la:

            Hoike piha o na Loaa a me na Lilo a ke Kakauolelo o ka Ahahui Manawalea no na Ohana o na Pio Kalaiaina, mai Aperila 4 a hiki i Novemaba 25, 1895.

NA LOAA.
NA KOMI TE OHI DALA.

M rs. Laura Mahelona . . . . . . $ 299 50
M rs. Lilia Aholo. . . . . . . . . . . 214 25
M rs. Amalia Joy . . . . . . . . . . . 114 35
M rs. Hamea Kaulia . . . . . . . . 82 35
Mi ss E. K. Doiron . . . . . . . . . 78 00
Mi ss Hanaia Kanahele . . . . . 67 00
M rs. Keluia Kainoa . . . . . . . . 19 00
M rs. M. K. Kapu . . . . . . . . . . 18 70
M r. George Fern . . . . . . . . . . 18 00
M rs. Kekona Pilipo . . . . . . . . 17 55
M rs. Kilikiliula Weed . . . . . . 14 00
M rs. Lahapa Mauliawa . . . . 13 50
M rs. Mikala Maile . . . . . . . . . 10 00
            Huina . . . . . . . . . . . . . . . . $966 20

KOMI TE KUMAU.

W. F. Reynolds . . . . . . . . . . . $ 48 70
F. J. Testa . . . . . . . . . . . . . . . . 16 40
Eno ch Johnson . . . . . . . . . . . 8 50
J. K. Kaulia . . . . . . . . . . . . . . . 10 50
            Huina . . . . . . . . . . . . . . . . $ 84 10

NA KOKUA KUWAHO.

Ahamele . . . . . . . . . . . . . . . . . . . $ 276 25
M r. T. R. Walker . . . . . . . . . . 100 00
            Huina . . . . . . . . . . . . . . . . $ 376 25

KOKUA MAI NA APANA MAI.

Apana o Hilo, Hawaii . . . . . . $ 100 45
" Puna, Hawaii . . . . . 50 00
" Waianae, Oahu . . . . 30 00
" Kohala, Hawaii . . . . 20 00
" Kona Akau, Hawaii 7 00
" Hakalau, Hilo, " 6 80
            Huina . . . . . . . . . . . . . . . . $ 214 25
Huina nui o na loaa . . . . . . . $1,640 80

NA HOOLILO.

Aperila 30, 1895, huina i ukuia i na ohana he 35, $ 253 25
Aperila 30, 1895, i na ohana ma Kakaako, he 11 . . . . . 59 20
Mei 31, 1895, i na ohana he 53 . . . . . . . . . . . . . . . . . . . . 334 75
Mei 31, 1895, i na ohana ma Kakaako . . . . . . . . . . . . . . 40 05
Iune 30, 1895, i na ohana he 53 . . . . . . . . . . . . . . . . . . . . . 331 50
Iune 30, 1895, i na ohana ma Kakaako . . . . . . . . . . . . . . 43 95
Iulai 31, 1895, i na ohana he 30 . . . . . . . . . . . . . . . . . . . . 150 50
Iulai 31, 1895, i na ohana ma Kakaako . . . . . . . . . . . . . . 13 75
Au gate 31, 1895, i na ohana he 30 . . . . . . . . . . . . . . . . . 110 00
Au gate 31, 1895, i na ohana ma Kakaako . . . . . . . . . . . 21 75
Au gate 31, 1895, lilo ahamele 97 85
Sepatemaba 30, 1895, i na ohana he 30 . . . . . . . . . . . 31 00
Sepatemaba 30, 1895, i na ohana ma Kakaako . . . . 5 00
Oka toba 31, 1895, i na ohana i koe 5. . . . . . . . . . . . . . . . 13 00
No vemaba 23, 1895, i na ohana 5. . . . . . . . . . . . . . . 20 00
No vemaba 23, 1895, kela a me keia lilo komite . . . . 15 25
            Huina . . . . . . . . . . . . . . . . $1,540 80

Koena ma ka waihona o ka Ahahui i No vemaba 23, 1895 . . . . . . . . . . . . . . . . . . $ 100 00
Huina hookaulike o na lilo . $1,640 80


            O keia ka hoike piha a ke Kakauolelo o ka Ahahui Kokua Manawalea mai kona kukuluia ana a hiki iho la i ka hopena o na hana i manaoia; a ma ka aoao o ka Ahahui, ke haawi aku nei ke Kakauolelo i na mahalo kiekie ana i na poe a pau i laulima pu ma ke kokua ana i na mea e hoomauia ai ke kokua ana i na ohana o na pio kalaiaina, a hiki i ka hopena. A o na dala he $100 i koe, ua hooholoia e mahele like ia no ka Home Makuahine Kapiolani a me ka Ahahui Manawalea Hawaii i kukuluia i ka wa kolera aku nei, a e ku nei no hoi i keia wa, a o ke koena o na lole no ka Home Makuahine Kapiolani e like me ka hooholoia ana. Me ka mahalo, Ke kauwa no ka lehulehu, J. K. KAULIA, Kakauolelo Ahahui Kokua Manawalea Lahui o na Pio Kalaiaina. Aponoia: MINERVA FERNANDEZ, Puuku.

            Ae, he kanaka inoa (ole wale) io no kela eepa (keonimana) o kahi punawai o Kalihi. Pela io ka hoi! Pono loa, pono mau, a komo i ke ao aina o Diabolo!!

Hoolaha Manao Hooko Moraki a me ke Kuai.

                MAMULI O KA MANA KUAI I HOIKEIA maloko o kekahi Moraki i hanaia ma ka la 6 o Augate, M. H. 1892, ma ia JOHN K. HANUNA a me POIPE, kana wahine mare, o Hana, Maui, ia ISAAC TESTA, Kahu Waiwai, o Honolulu, Oahu, i kopeia ma ke Keena Kakau Kope Aupuni ma Honolulu, iloko o ka Buke 139, ma na aoao 175 a me 176; ke hoolahaia aku nei ma keia ke manao nei ka Mea Paa Moraki e paniku aku i ka Moraki i oleloia no ka uhakiia o ke kumu, oia hoi: ka uku ole ia o ke kumupaa a me ka ukupanee i ka wa e kupono ai no ka ukuia, a mamuli hoi o ia paniku ana e hoolilo aku i ka waiwai i hoakakaia maloko o ia palapala ma ka POAKAHI, LA 30 O MARAKI, M.H. 1896, ma ka hora 12 awakea, ma ke kuai kudala akea ma na Keena Kudala o W. S. Luce ma Honolulu. ISAAC TESTA, Kahu Waiwai, a Mea Paa Moraki. Honolulu, Feberuari 27, 1896. No na mea hou aku i koe, e ninau ia A. Rosa, Loio, Alanui Kaahumanu, Honolulu.
            O ka waiwai i paa ma ka Moraki i oleloia e manaoia nei no ka hoolilo aku, o ia no: na Mahele he Umikumamawalu iloko o ke Kumu Waiwai o ka Hui Mahiko Panailike, o Hana, Maui, i hoakaka maopopo loa ia ma ka Helu 31 o ka Buke Kuleana Mahele no Umi Mahele; Helu 55, Ekolu Mahele; Helu 48, Elima Mahele. mar 2-5pl.

C. B. DWIGHT
[KALE KUAIKA.]

Mea Hana Pohaku Kaekae Alanui, na He Kupapau a me na Kia Hoomanao Mabala. E loaa no oia ma kona wahi noho ma Koiuiu, Honolulu nei. Telepona Helu 833. feb 17-1mk

J. K. KAHOOKANO.

LOIO a he Kokua ma ke Kanawai. KEENA HANA: Alanui Kaahumanu Honolulu. ian 8, '94-1mk

W. H. DANIELS,
[ BILA DANIELA]

A gena Kuai a Hooponopono Aina, Mea Hana Palapala Kanawai, Mea Ohi Aie, a pela aku. O na hana a pau e haawiia aku ana iaia, e lawelaweia no ia me ka eleu a me ka emoole. Keena Hana a me Wahi Noho, aia ma Wailuku, Maui. mei 6-mk.

E. M. NAKUINA.

KOMI SINA O NA ALA LIILII A ME NA PONO WAI. Notari Lehulehu, a he Agena Haawi Palapala Ae Mare no Honolulu nei. KEENA HANA: Helu 303, Alanui Kalepa. dk—1m