Ka Makaainana, Volume V, Number 9, 2 March 1896 — Page 6
6 HONOLULU, OAHU, POAKAHI, MARAKI 2, 1896.
KELA A ME KEIA.
-
Apopo e upuia aku nei e ku mai ai ka mokumahu Pekina mai Kapalakiko mai.
Ma ka Auseteralia i holo aku ai o Mekia Sewada no ka ike ana i kona ohana ma Amerika.
Ua lonoia ae e hooliloia aku ana ka hale inu rama Be Hoki o Keoki Hapakela i haleaina ma keia mua iho.
O ka hoopii koi poho a Buluka Kakalaika, kahu, ia Bila Kamaki no ka huina he $2,278 83, ua haawiia ka pono no ka mea hoopii.
I ka hale keaka Pake kahiko ma Aala o Porofesa Zamaloka kahi i hoikeike ai i kana mau hana mana kupua i na po i hala iho la.
He lono ka i hoikeia mai ua aa o J Kakae e heihei kaa hehi hehiwawae no 800 maka o ka aoao hookahi, no elima mile ka pahu holo.
Ua hoomaha ae ke kula o Ka punahou i ka Poaha iho la no ka hoomanao ana i ka make ana o Pama Kuihelani Paka, kekahi haumana o ia kula.
Iloko o kekahi mau la o keia mahina e hooloheia ai ka hoopii hoohalahala a Cranston, Muller a me Johnstone imua o ko Kolumebia Beritania aha hookolokolo.
Awakea o ka Poaono nei i hooliloia aku ai ma ke kuai kudala na pono a pau o ka Hui Kalabu, ma Alanui Papu, a ua lilo aku ia Gus Schuman (Gas Sumana) no $6 300
He keaka lio ko ka po o ka la apopo, a o na loaa, no ka po maikai ia o ka Home Makuahine Kapiolani a me Ahahui Hawaii Opio. E lu i na kenikeni ilaila, i kokua ai no ia kakou iho.
Poalima nei i helu hou ia ai na balota o Iana a me Linekona imua o ka Aha Kiekie, a mahope o na paio ana a na loio o na aoao a i elua, na lawe aku ka Aha e noonoo no ka olelo hooholo.
Ma ke ku ana mai o ka moku mahu Kina i ka Poaha iho la, ua halihali pu mai oia he 300 ohua Pake no onei me 94 Kepani. Hora 10 kakahiaka o ka Poalima nei i holo aku ai no Kapalakiko.
E halawai ana ka Ahahui Kokua Manawalea Lahui i keia awakea ma ke keena oihana loio o J.K. Kaulia, kona kakauolelo hoomanawanui, no ka noonoo ana no ke koena dala ma kona waihona.
Poaono nei i puka ae ai ka holu mua o ka nupepa Pukiki hou mai ka Halepai Makaainana aku, malalo o ka inoa "O Pacifico" (Ka Pakipika). Ua noho lunahooponopono ia oia e J.M. Teixeira (Teseira).
Ua lohe mai makou ma ka la 17 o keia mahina o awaiauluia ai o Loio Kale Kalaitona a me Misi Me Kamaki, kaikamahine a Keoni Kamaki, ma ka matere monio maemae. Ke noho nei laua ma ke kulana hoopalau.
Ua hoi aku no kahi a laua i hele mai ai ma ka Auseteralia na wahine Mekiko elua i hopuia ai mamua aku nei no ko laua hoao ana o hoopae ma u mai i ka opiuma iuka nei, a i hookuuia hoi e ke kiure mahope iho o ka hoopaiia ana e ka Aha Apana.
I nehinei ku mai ai ka moku kaua Adamu mai Mea Ailana mai E pani iho ana paha oia i ka Beninetona maanei
Ua lilo i ka Hui Mokumahu Pili Aina ka mokumahu Waimanalo, a e hoomauia aku ana oia ma ka holoholo ana ma ua awa o Oahu nei.
O ka halawai makahiki mau o na hoahanau o ka luakini o Sana Aneru, no ke koho ana i na puuku, ke malamaia ana i ke ahiahi Poaha iho, hora 7:30, maloko o ka Hale Kula Sabati ma ka pa luakini o Sana Anaru.
Ua heluhelu ekolu ia ae imua o ka Hale o na Lunamakaainana a hooholo loa ia ka bila kanawai e hoolilo ana ia Kailua i awakumoku i ka Poaono nei, a ua waihoia aku la imua o ka Aha Senate. Na G P. Kamauoha ia wahi kanawai hoopiha buke.
Ua loheia ke kani ana o kekahi pu panapana i ka po Poaono nei makai o Ulakoheo, no elua manawa. I ka hookoloia i a aku, eia ka he mau haole no luna o kekahi moku kalepa ua hakaka a ua kimoia ke poo o kekahi o laua i ke kumu o ka pu panapana a puaa pu ke poo. Ua holo ka mea i eha, a ua kiia mai oia mahope, aole nae i ku.
Wahi a ka Lunamakaainana o ka Apana o Hana i ka po Poakolu iho nei maloko o Kaumakapili, "O na mikanele na poe ikaika loa ma ka hele ana e kakauinoa i ke au o ke Aupuni Moi, e kue loa ana i ka laikini o ka opiuma, aka nae, i keia au aole loa o lakou ekemu iki no ke kue i ua opiuma la. Eia lakou ke noho mumule loa nei." Hewa no la i na mikanele! Kapae ae no paha ka alaala.
He lono palapala ka i loaa mai la makou mai Hana mai e hoike ana, ua hele aku o Akoi, Pake, e hoohiki i palapala hopu no Loo Cho a me Ah Ket no ka hoeha hoomainoino iaia imua o ka Lunakanawai o Hana, a ua hoole mai la nae ka Lunakanawai. O ke kumu ka i hoole ai ka Lunakanawai, he aikane o Loo Cho nana, aole hoi ona makemake e hoopilikia wale aku iaia. He pipili loa ka ka Lunakanawai ma kahi o ua Pake la.
Kakahiaka Poakolu iho la, ua hopuia e D. Kaapao Leong Peu, he Pake, no ka aihue ana he lehulehu wale o na ili kaa o kekahi poe i loaa aku ma kona hale. Ua laweia oia no ka Halewai me na pono ana i lawe kolohe ai. Ua hele ae kekahi poe i ka Halewai e hooiaio ai no lakou ua mau pono lai aihueia. Imua o ka Aha Apana ua hookolokolo a hoopaiia oia. O na poe no lakou na ili i lilo, o W. Luka Wilikoki, G.W. Kualaku, Hona, a me kahi poe e ae.
Ahiahi Poakahi i hala i kau aku ai maluna o Kauai ke Kemisina Beritania a holo no ka Mokupuni kaili la. I ka moku i kaalo ae ai mawaho o Waimea, ua hiuia ae la ka hae o ke Komisina a ku wale no ka moku. I ka holo ana aku o ka waapa iuka, ua ninauia mai la "heaha ke ano o kela hae e kau mai la iluna o ka moku?" Ua paneia aku e na keiki hoe waapa, "E hoihoi hou ia ana ke Aupuni Moi." Ua hoike koke ia aku la keia lono ma na wahi a pau maloko o ka uweaolelo a lilo i mea hilinaiia.
He hooweliweli ki pu i ka makai ko ka po Poaono malalo aenei o Kapuukolo. O Keo, he ano hapa paele e hana nei me kekahi o na kaamahu o ka Hui Alahao Oahu ka inoa o ua kanaka la i hooweliweli aku ai ia Haumea, he makai. Ua hopuia oia a laweia no ka Halewai e hoopaa ai
Hora 5 a mahope iki iho o ke ahiahi Poalua ihola, ua haule iho la o Morikawa, he Kepani, mai luna iho o ke kaa ko i piha ilalo o Waianae a a'e aku la na huila o ke kaa maluna o kona wawae hema a haki pu. Ua hoihoiia mai oia no Honolulu nei maluna o ke kaamahu ia po no a lawe loa ia no ka Halemai Moiwahine. Eia oia malalo o na lawelawe lapaau ana a na Kauka Wahie, Pitasona a me Hebeta
-
Hoolaha Manao Hooko Moraki a me ke Kuai
MAMULI O KA MANA KUAI I hoikeia maloko o kekahi Moraki mai ia Pau (k) o ke Awawa o Nuuanu, Honolulu. Mokupuni o Oahu, Paeaina Hawaii, ia Levi Drew, o ia wahi like no, i hanaia i ka la 3 o Aperila. M.H. 1888, i kopeia ma ke Keena Kakau Kope Aupuni ma Honolulu i oleloia, iloko o ka Buke 107 ma na aoao 361, 362 a me 363, a ua hooliloia ua Moraki la ia A. Rosa, Kahu Waiwai;
Ke hoolahaia aku nei ma keia ua manao o A. Rosa i oleloia, ka mea i lilo ai mai ka Mea Paa Moraki aku i oleloia, e paniku aku i ka Moraki i oleloia no ka uhakiia o kekahi kumu, oia keia: ka hookaa ole ia o ka ukupanee a me ke kumupaa i ka wa i kupono ai no ka uku ana, a mamuli hoi o ia hooko ana e hoolilo aku no i kahi hoakakaia maloko o laila a me na hana hou a pau maluna iho, ma ke kuai kudala akea, ma na Keena Kudala o James F. Morgan, ma Alanui Moiwahine, ma Honolulu i oleloia, ma ka
POAONO, LA 28 O MARAKI, M.H. 1896,
MA KA HORA 12 AWAKEA.
A. ROSA,
Mea a ka Mea Paa Moraki i Hoolilo aku ai.
No na mea hou aku i koe, e ninau ia A. Rosa, Loio, Alanui Kaahumanu, Honolulu.
O kahi i paa ma ka Moraki i ole oia a e hooliloia aku ana, o ia "kela apana aina a pau loa e waiho la ma Kapouhuluhulu, ma ke Awawa o Nuuanu i oleloia, a i hoakakaia ma ka Palapala Sila Nui 2433 (Aina Aupuni) no Popoki, nona ka ili o 9-10 eka, a i lilo mai hoi i ka Mea Hana Moraki ma o ka Palapala Kuai, i hanaia i Aperila 3, 1888, i kopeia ma ke Keena Kakau Kope i oleloia iloko o ka Buke 110, aoao 175."
He Pa-hale a he aina Kalo ko keia apana aina, ma ka huli ma Ewa o Alanui Nuuanu e pii la iuka, ma kekahi aoao ae o na Loi Kalo a Haalelea, me kekahi alahele a hoea iwaho o Alanui Nuuanu. Ua paa i ke kalo i keia wa a ua hoolimalimaia mahope mai o ka hanaia ana o ka Moraki. He mau pono wai no hoi kahi o ka aina.
mar2-4pl
-
Hoolaha Manao Hooko Moraki a me ke Kuai.
MAMULI O KA MANA KUAI I HOIKEKIA ma kekahi Moraki i hanaia e G.W. OKUU o Honolulu, Mokupuni o Oahu, Paeaina Hawaii, ia A. ROSA, Kahu Waiwai, i kakauia ma ka la 5 o Iune, M.H. 1889, i kopeia ma ke Keena Kakau Kope Aupuni ma Honolulu i oleloia, iloko o ka Buke 110, ma na aoao 368 a me 369;
Ke hoolahaia aku nei ma keia ua manao ka Mea Paa Moraki e paniku aku i ka Moraki i oleloia no ka uku ole ia o ke kumupaa a me ka ukupanee i ka wa e kupono ai no ka hookaa ana, a mamuli hoi o ia hooko ana e kuai aku ai ma ke kuai kudala akea ma na Keena Kudala o W.S. Luce, ma ke kihi komohana o na Alanui Papu me Moiwahine, ma Honolulu i oleloia, ma ka
POAKAHI, LA 30 O MARAKI, M.H. 1896,
m ka hora 12 Awakea, i na aina a pau loa i hoikeia maloko o ia palapala a i hoakaka piha loa ia hoi malalo iho.
A. ROSA,
Kahu Waiwai no ka Mea Paa Moraki.
Honolulu, Feberuari 29, 1896.
No na mea hou aku i koe, e ninau ia A. Rosa, Loio, Alanui Kaahumanu, Honolulu.
-
O kahi i paa malalo o ka Moraki i oleloia, o ia no: Keia mau apana aina a pau loa e waiho la ma Moanalua, ma ka Mokupuni o Oahu i oleloia, a i hoakakaia ma ka Palapala Sila Nui 427, Kuleana 1186, no Kukalamanu, no laua hoi ka ili o 4.65 Kaulahao, a i loko mai i ka Mea Hana Moraki ma o kekahi Palapala Kuai i hanaia i Mei 12, 1886, i kopeia ma ke Keena Kakau Kope i oleloia iloko o ka Buke 102, ma na aoao 37 a me 38.
Ua paa keia aina i ke kanu laiki ia e kekahi Pake, e uku mua ana he uku hoolimalima o - Dala no ka makahiki.
mar 2-5pl.
Ua hooloheia imua o ke kiure i ka Poalua iho la ka hihia ohumu kipi o Underwood a me Sheridan. He eono mau hoike ma ka aoao o ke Aupuni a he ekolu o na mea hoopiiia. Mahope o ka pau ana o na hoonohonoho ana a na loio, ua komo aku ke kiure iloko o ka rumi a no umi minute wale no ka noho ana iloko o ka rumi, ua puka mai la lakou me ka olelo hooholo "aole i hewa" na mea i hoopiiia. O.S.M Balu ko laua loio, na ka Aha i hoonoho aku, a o ka Loio Kuhina ma ka aoao o ke Aupuni.
-
Hoolaha Manao Hooko Moraki a me ke Kuai.
MAMULI O KA MANA KUAI I HOIKEIA maloko o kekahi Moraki i hanaia ma ka la 6 o Augate, M.H. 1892, ma ia JOHN K. HANUNA a me POIPE, kana wahine mare, o Hana, Maui, ia ISAAC TESTA, Kahu Waiwai, o Honolulu, Oahu, i kopeia ma ke Keena Kakau Kope Aupuni ma Honolulu, iloko o ka Buke 139, ma na aoao 175 a me 176; ke hoolahaia aku nei ma keia ke manao nei ka Mea Paa Moraki e paniku aku i ka Moraki i oleloia no ka uhakiia o ke kumu, oia hoi: ka uku ole ia o ke kumupaa a me ka ukupanee i ka wa e kupono ai no ka ukuia, a mamuli hoi o ia paniku ana e hoolilo aku i ka waiwai i hoakakaia maloko o ia palapala ma ka
POAKAHI, LA 30 O MARAKI, M.H. 1896,
ma ka hora 12 awakea, ma ke kuai kudala akea ma na Keena Kudala o W.S. Luce ma Honolulu.
ISSAC TESTA,
Kahu Waiwai, a Mea Paa MOraki.
Honolulu, Feberuari 27, 1896.
No na mea hou aku i koe, e ninau ia A. Rosa, Loio, Alanui Kaahumanu, Honolulu.
-
O ka waiwai i paa ma ka Moraki i oleloia e manaoia nei no ka hoolilo aku, o ia noi na Mahele he Umikumamawalu iloko o ke Kumu Waiwai o ka Hui Mahiko Panailike, o Hana, Maui, i hoakaka maopopo loa ia ma ka Helu 31 o ka Buke Kuleana Mahele no Umi Mahele; Helu 55, Ekolu Mahele; Helu 48, Elima Mahele.
mar 2-5pl.
-
Hoolaha Manao Hooko Moraki a me ke Kuai.
MAMULI O KA MANA KUAI I hoakakaia maloko o kekahi Moraki i hanaia e GEORGE W. NAWAAKOA, o Honolulu, Mokupuni o Oahu, Paeaina Hawaii, ia Isaac Testa, i kakauia ma ka la 8 o Dekemaba, M.H. 1890, i kopeia ma ke Keena Kakau Kope Aupuni ma Honolulu i oleloia, iloko o ka Buke 129, ma na aoao 97, 98 a me 99;
Ke hoikeia aku nei ma keia ua manao ka Mea Paa Moraki e hooko aku i ka Moraki i oleloia no ka uku ole ia o ke kumupaa a me ka ukupanee i ka wa e kupono ai no ka hookaa ana, a mamuli hoi o ia hooko ana e hoolilo aku no ma ke kuai kudala akea ma na Keena Kudala o W.S. Luce, kihi komohana o na Alanui Papu me Moiwahine, ma Honolulu i oleloia, ma ka
POAKAHI, LA 30 O MARAKI, M.H. 1896.
ma ka hora 12 awakea, i na apana aina a pau loa i hoikeia maloko o ia palapala a i hoakaka piha loaia hoi malalo iho.
ISSAC TESTA,
Mea Paa Moraki.
No na mea hou aku i koe, e ninau ia A. Rosa, Loio, Alanui Kaahumanu, Honolulu.
-
O na aina i paa i ka Moraki i oleloia, aia ma Kaikahi, Pauoa, ma Honolulu i oleloia, kahi i waiho ai, oia hoi:
Akahi - O kela apana aina a pau loa nona ka ili o 1 69-100 eka, i hoakakaia ma ka Palapala Sila Nui 4453, Kuleana 1555, no Kealaau, a na Kealaau i oleloia i hoolilo, i ka Mea Hana Moraki ma o kekahi Palapala Kuai i hanaia i Maraki 25, 1863 i kopeia ma ke Keena Kakau Kope Aupuni iloko o ka Buke 18, ma na aoao 288 a me 289;
Alua - O kela apana aina a pau loa nona ka ili o 36-100 eka, o ia hoi ka aina i hoakakaia ma ka Apana 1 o ka Palapala Sila Nui 2638 [Aina Aupuni] ia Mele Nahakuelua no kana mau keiki, Kalaimia, Ema a me Ioane, a na lakou hoi i hoolilo aku i ka Mea Hana Moraki ma o kekahi Palapala Kuai i hanaia Aperila 20, 1885, i kopeia ma ke Keena kakau Kope i oleloia iloko o ka Buke 96, ma na aoao 223 a me 224.
He mau aina kalo a me kuai keia mau apana a elua me na pono wai, kokoke i ke kahawai o Pauoa makai mai o na aina o ka Peresidena, a aia hoi kekahi mahele malalo o ka hoolimalima i kekahi Pake ma ka uku hoolimalima o Hookahi Haneri Dala o ka makahiki. mar 2-5pl