Ka Makaainana, Volume V, Number 8, 24 February 1896 — Page 7

HONOLULU, OAHU, POAKAHI, FEBERUARI 24, 1896. 7

oiwi uuku loa a ka piha pono loa ana, me ka hoouku ole ia, koe nae paha hoi na poe i hiki kupono ke uku e like me ka mea hiki. Mai keia home mai i hoohanauia mai ai kekahi poe pua oiwi ohaha, a kupono ai no hoi i ka makia o ko kakou Lani Moi i aloha nui ia Ua hookumuia keia kahua hoohanau iloko o ka makahiki 1890, a ua lehulehu no hoi na poe makuahine oiwi i hoopomaikaiia.
                     I oi loa aku nae paha hoi kani i ka ae oluolu ana mai o na Kama'lii Kawananakoa a me Kalanianaole e hoolilo i ka home hookahi a ko laua makuahine, ke Aliiwahine Kekaulike i hala aku i ka make, i waiho mai ai mahope nei i puuhonua a i malumalu no kana mau lei, a o ka laua hoi ia i makana manawalea ai i keia ahahui no $1 00 no ka manawa o kanalima makahiki Aia ka mahalo nui a palena ole ana maluna o ia mau Alii opio, i loaa ai hoi he kahua e Hooulu a e Hoola ai i ka Lahui.
                     E ole keia hana kokua a ia mau Alii opio, koe kaokoa ai hoi ka waihona o ka Ahahui, i hiki aku hoi ka heluna waiwai io i ka $8,000. O ka mea e hoohanaia nei, o ke ola wale no ia o keia mau dala ae la, eia nae, aole no ia i lawa pono loa. Ua kokua pu ia mai no hoi keia puka e na lulu malama, na kokua a me na manawalea e ae i haawi aloha ia mai no keia hana kokua a aloha ia kakou oiwi a pau o ka aina kulaiwi nei. Nolaila, ua makemakeia na ahahui lala a pau e hoomaka hou i ka lulu ana i na wahi kenikeni a hooili pololei mai no i ko kakou Peresidena Alii, ka Moiwahine Kanemake Kapiolani.
Owau iho no me ka haahaa,
EUGENIA MALUHI REIS,
Kakauolelo A.H.H.L.
Honolulu, Feberuari 18, 1896.

-
Oioi Kikoi o ka Manawa.

                     He makahiki lele oi keia, oia hoi, he 29 la o keia malama, a pau ka lele oi hou ana a hiki i ka makahiki 1904, he kowa o ewalu makahiki. A ke hiki aku i ka 1904, alaila, aole e loaa hou ana keia haawina a piha he 200 makahiki. I na 200 makahiki a pau keia ano lele kikoi e like la me ka hoakaka maluna ae. Ua loaa ka haawiia e like me ko keia makahiki he 200 makahiki i hala ae, oia hoi, iloko o ka makahiki 1696 a iloko o 1704 i hoomaka hou ai ka lele oi hou ana. Iwaena o na haole, he wa pono keia no na wahine a me na kane opio e lou mai ai i ka lakou mau makau, ke kauia nae hoi e ka maunu maikai. A pehea hoi ko kakou poe opio, e kikoi nui ana paha?

-

                     Hele i o Makapolena Ma no na Waina maikai loa, a lakou hoi e haawi nei no na kumukuai haahaa loa.

NA AINA MAMAO.
-
Mau Lono Hikau mai kela a
me keia Wahi Like Ole.
Amerika me Sepania no Cuba.

                     He olelo hooholo ka i waihoia aku imua o ko Amerika Huipuia Aha Senate, la 5 nei, no ka ike aku o ia Aupuni i na kipi o Kuba a e haawi aku hoi i na pono a pau e pili ana ia lakou. E hooholoia ana paha hoi keia olelo hooholo. Nui ka piena o na nupepa o Sepania no keia mea, a olelo ae hoi kahi e hoouna aku o Sepania i puulu o na mokukaua hao nunui no Kuba. A ma ka la 10 mai hoi ua waiho aku o Senatoa Camerona he olelo hooholo hui, me ka lawe mai hoi i na olelo o ka ka Peresidena palapala e pili ana ia Kuba, a olelo iho la na olelo hooholo nei aohe mea e loaa ai o ka maluhia ia Kuba, koe wale no o ka haawi aku iaia i ke kuleana e hooponopono ponoi iho no iaia iho, a me ka haawi aku hoi ia Sepania i na lawelawe hoa'loha ana a Amerika Huipuia i mea e loaa mai ai o keia hopena.

Hoohanohano i ko Aferika Hema Poe.

                     Ua hiki ae o Kikila Roke, Kuhina Nui i pau o ka Panalaau Lae, i ka la 6 nei ma Ladana, a ua hui pu ae no elua hora me Iosepa Kamebelani, Kuhina o na Panalaau iloko o ko Saulebure Aha Kuhina, koe nae hoi ke akaka o ka laua mau kukai kamailio ana. O ke akenui ma Ladana, i ka loheia ana e hiki aku ana o Kikila Roke, e haawi ae i na hoohanohano ana iaia, aka, hala e oia ma kekahi kaa okoa a kuhihewaia kahi mea okoa oia ia. Aia ka hapanui o keia mau hoike manao ohohia ana ma ka aoao o na wahine, a ua oleloia o ka Moi no ka kekahi. Ua kuhi ae na nupepa, no keia, aohe hoi he pane ae o ka nupepa wahaolelo o ke Kuhina Nui, nolaila, ua manaoia ua kokua no oia. Wahi no a kekahi oleloia, he makemake loa ka Moi e hoalii a hoohanohano aku ia Kikila Roke, Kauka Kemisona a me kahi poe e ae o Aferika Hema.

Na Hunahuna Laulaha.

                     He mokukuna ko ka Ahahui Misionari o Ladana i hanaia ma Nu Kilani no ka hana euanelio ma Nu Gini.
                     Ua koi aku na Alii Maori o Nu Kilani e aeia mai lakou e hoouna i mahele koa oiwi i ke Taranavaala.
                     Nui ka poino o na waiwai ma Berazila mamuli o na waikahe. He aie kuloko ka i kukaiia no ka hoomaemae ana ae i ke kulana ola o Rio de Ianeiro. Ke make la ko laila poe ma ka paiwakalua i ka la hookahi mai ka ma'i fiva lenalena.
                     He palapala ka Beniamina Harisona, peresidena i pau, i kakau ae a ua hoolahaia e hoike ana aole oia he moho no ke kulana peresidena o Amerika Huipuia.
                     Ua lonolonoia aia ka Hui Kopaa Nui (Sugar Trust) o Nu Ioka ke kokua la i na huakai kipi a hoouna lako kaua i Kuba, o ka mea nui i upuia ai ma ia hana ana o ia ka hoopoino loa ana aku i ka oihana kopaa ma ia mokupuni no ka manawa.
                     He bila kanawai ka ke Aupuni o Sakone i hoomakaukau ai, e hoololi ana i ke ano o ke koho balota ana, a mamuli hoi o ia e hooneleia ana na poe paahana me ia pono, i mea e pale aku ai i ke komo ana o na poe o ka aoao Socialisa iloko o ka Ahaolelo.
                     Ma kela oehu kipi ana mai nei ma Iohanesebuga, ma ke Taranavaala, he haole Amerika, nona ka inoa o John Hays Hammond [Hamona], ka i hopuia ma ke ano oia ke alakai. Mai Peretoria, la 6 nei, i lonoia ae ai na hookuuia oia malalo o ka pela.
                     Ua hoole pili oihana ia ma Ladana na ike aku ke Aupuni o Beritania Nui i ka Mokupuni o Tirinidada ma ke ano he panalaau ia no Berazila. O keia no ka mokupuni a Beritania i lawe ai mamua iki aku nei a ulu ai he hoopaapaa ana mawaena ona me Berazila.
                     Aia no hoi he hoopaapaa palena aina mawaena o Farani ma ka aoao o Giana Farani a me Berazila. Aohe i akaka ka hopena. Pela no ka hoi mawaena o Berazila a me Bolivia, a ua noi ae o Bolivia e kohoia ka Peresidena o Amerika Huipuia i mea uwao a hooponopono mawaena o laua.
                     Ua lonoia ma Valaparaiso ua kakauinoaia kekahi kuikahi kuikawa mawaena o Kili a me Agenetina no ka hooponopono maikai ana i ka ninau palena aina. Wahi a kekahi nupepa o laila ua oi loa aku ka pono e nui na mokukaua a e uku mai hoi na kuikahi, a ua oi ae hoi ka nui o ko Agenetina mau aumokukaua i ko Kili.
                     No Konakinopela ae kekahi lono palapala i ka nupepa Manawa o Ladana, e hoike ana na hoike aku na poe o Zeitouna i na Kanikela ua makaukau loa lakou e haawi pio aku i ka lakou mau lako kaua, me ka hookoe mai no nae hoi i na pono uhai holoholona a lakou i maa mau ai i ka lawe ana. Ke koi la lakou no ona Kiaaina Karistiano.

Hale Inu Rama o Kaopuaua
(COMMERCIAL SALOON)
Kihi Hikina o na Alanui Beritania me Nuuanu.
WAINA KALEPONI EMI LOA,
Kanakolu Keneta no ka Omole, a
Hookahi Dala no ke Galani,

aia malaila e loaa ai, a o ia no hoi ke ano Waina maikai loa a Van Bergen & Kohler, he hale i kamaainaia no ka maikai o ka lakou Waina, a o Makapoena Ma na agena. Ina o ka mea maikai ka i makemakeia, e pono e hele ilaila, i loaa ai hoi ka mea maikai.

dek 23-mhp.
-
Olelo Hoolaha.

                     Ke kauohaia nei na poe a pau loa e hoolimalima ana i ko'u mau aina a pau iloko o na Mokupuni o ko Hawaii Paeaina e hookaa pololei ae i na uku hoolimalima a pau i kuu wahine mare, ia Luka Paaluhi (w), ke hiki mai i ka manawa hookaa. Aole o'u kuleana i koe no na mea e pili ana ma ia mea.
Owau no, J. PAALUHI.
feb 17-1ml

-
HELE HOOLUOLU.
O.R.L.Co.
MA NA POAONO A ME NA LA PULE

                     E haalele mai no na Kaamahu i na hora 9:15 A.M. a me 1:45 P.M., a hoea hou mai i Honolulu nei ma na hora 3:11 a me 5:55 P.M.

Na Palapala Uku Puni.

Papa 1. Papa 2
Manana - - $75 $50
Mahiko o Ewa - - 1 00 75
Waianae - - - 1 50 1 25

F.C. Smith,
Agena Ohua a Palapala Nui
feb 10-tf
-
HOOLAHA.

                     Ma keia a mahope aku o keia la ke kauohaia aku nei na poe a pau e paa ana i ko'u mau Aina iloko o keia Aupuni ma ka hoolimalima e uku koke mai i ko lakou auhau hoolimalima, ina ua hiki i ka manawa e hookaa ai, ia Prince David Kawananakoa, ma Honuakaha, Honolulu, Oahu.
KAPIOLANI.
Honolulu, Ianuari 23, 1896.
ian 27-3ml

-
C.B. DWIGHT
[KALE KUAIKA.]

Mea Hana Pohaku Kaekae Alanui, na He Kupapau a me na Kia Hoomanao Mabala.

-

                     E loaa no oia ma kona wahi noho ma Koiuiu, Honolulu nei. Telepona Helu 833. feb 17-1mk

-
E.M. NAKUINA.
KOMISINA O NA ALA LIILII A ME
NA PONO WAI.

                     Notari Lehulehu, a he Agena Haawi Palapala Ae Mare no Honolulu nei.
                     KEENA HANA: Helu 303, Alanui Kalepa. dk-1mk.

-
Ua Makemakeia
Ma ka
HALE INU RAMA LUVERA
(o ka Hale Meli mamua,)
Helu 91, Alanui Nuuanu.

5,000 Kanaka i na La a pau, no ka inu ana i ka

BIA KAULANA O KEOMOLEWA,

Ua Hele a Huihui i ka Hau.
EDUADA & HARE.
Telepona 589. Pahu Leta 475.

okt 28-tf
-
J K KAHOOKANO

                     LOIO a he Kokua ma ke Kanawai.
                     KEENA HANA: Alanui Kaahumanu,
Honolulu. jan 8, '94-1mk

-
W.H. DANIELS,
[BILA DANIELA]

                     Agena Kuai, a Hooponopono Aina, Mea Hana Palapala Kanawai, Mea Ohi Aie a pela aku.
                     O na hana a pau e haawiia aku ana iaia, e lawelaweia no ia me ka eleu a me ka omoole.
                     Keena Hana a me Wahi Noho, aia ma Wailuku, Maui.

mei 6-mk.