Ka Makaainana, Volume V, Number 6, 10 February 1896 — Page 1

Ka Makaainana.

BUKE V ---- Ano Hou                       HONOLULU, OAHU, FEBERARI 10, 1896.                     HELU 6

 

KE ALIIAIMOKU.

 

Hoomama Hou ke Aupuni Repubalika i Kona Hoopai.

 

Ma ka halawai @u@ o ke Aha Kuhina a me ka Ahakuka Malu pu i ka Poalima nei, ua hapaiia ka noonoo ana no ka huikala loa ana aku i ke Aliiaimoku, e noho nei hoi mawaho ma ke ano he pio na keia Aupuni maloko o kona wahi a me kona hale ponoi ma Wasinet@na  A mahope iho hoi o ka noonooia ana, ua hooholoia e huikalaia oia e like me na hoakaka na pala pala malalo iho, a ma ia maui palapala no hoi e hiki ai ke hoomaopooia ke @no o ke kulau.  Eia iho ua mau palapala la

 

HALE MANA HOOKO,}

HONOLULU, FEB 7, 1896}

 

E KA MADAME:  -- Me ke ao ana a ka Aha Kuhina, ua hauoli au ma ka hoomama ana ae i na hoohaiki ana i hookauia aku maluna o kou hele kuokoa ana i ka wa o kou hookuuia ana mai ka noho paa ana.

 

Aia a hoike hou ia aku, o ka hooko wale no makou aoao mai i na kumu mahope iho ka i makemakeia e ke Aupuni:

 

Aole a haalele mai i ka Mokupuni o Oahu nei me ka ae ole o ka Peresidena a o kekahi lala paha o ka aha Kuhina. 

 

Ua makemake au e hoike aku i ko'u mahalo no ka manao paulele maikai au i hooko ai i na hoakaka ana o kekahi palapala mua. 

                                                                                                                                                                        SANFORD B. DOLE

 

MRS. LILIUOKALANI DOMINIS,

                                                Wasinetona Pa.

 

O kekahi palapala mua i hoa kakaia ma ka palapala mamua ae, eia iho ia malalo:

 

OIHANA O KO NA AINA E,

KEENA MANA HOOKO

HONOLULU, SEPT. 6, 1895

 

 

E KA MADAME:  Ma ke ao ana a ka Aha Kuhina a me ka Ahakuka o ke Aupuni, ua kakau iho au i keia la i kekahi kauoha e hookuu ana ia oe mai ka noho paa (pio) ana iloko o ka Hale Mana Hooko, a ua hoakaka hoi ia kauoha e hiki no oe ke hoihoiia no ka hoopaa ana na kekahi manawa mamuli o ke kauoha a ka Peresidena, a o kekahi no hoi, ua kaa kou hookuuia ana mamuli o na kumu a ka Peresidena e kauhoha ai i kela a me keia manawa.  Aia a hoike hou ia aku, ma ke ano he mau kumu no kou hookuuia ana, ua makemakeia oe e noho ma Wasinetona Hale ma Honolulu nei, ma ke ano o kou wahi ia e noho ai, a aole hoi e neia e hookaawale aku ia oe iho mai ia wahi mai a hala he po me ka loaa ole o ko ka Peresidena ae ana i kakauia, a o kekahi lala paha o ka Aha Kuhina.

 

Oiai ka wa o kou hoopaiia ana a i ole ia, aia ia a hoemiia e pili ana no ka manawa, ua makemakeia oe e noho ma ke ano maluhia a akahai (hookelakela ole) a e hooki hoi mai ka malama ana i na halawai kalaaina a ano hoakoakoa okoa ae paha hoi ma kou wahi noho, a i ole ia, hele aku paha ma ia mau hoohalawai ana ma kahi wahi okoa ae. 

 

Aole oe e aeia e malama i poe ukali a kiai paha, a e kaupalenaia hoi kou poe lawelawe i na kau kupuno, no lakou ka heluna i hoomaopopoia ma keia ma ka umikamamakolu kane a me ewalu wahine, mawaho ae o na keiki, e aeia o Mr. Wilisona a me kona ohana e noho ma Wasinetona Pa, ke makemake oe.  E pili ana hoi i kou hookipa ana i na poe hele ike aku, ke kono aku nei au i kou hoomaopopo mai i ke kupono ole o ka hookipa ana aku i na poe e ae malalo o ia mau mea mawaho ae o na poe kamaaina pilikino a me na poe e hele aku ana mamuli o ka hana.

 

E hilinai ana hoi i kou noonoo ponoi iho a me kou manao paulele maikai e hooko aku i na mauao, o keia mau ao ana, e hoike aku hoi ao o kou ano (o ka noho a hana ana) ka mea e hoohuli ai i ka manao ma kekahi noonooia ana ma keia mua aku o ka hooma@a hou ia ae o kou hoopai.                    SANFORD B. DOLE.

 

MRS. LILIUOKALANI DOMINIS,

                        Wasinetona Pa.

 

O na mamalaolelo i hookomo ia @oko o na apo, na makou ponoi iho no ia, i moakaka lea loa ai hoi ka manao o ka unuhiana mai ka olelo Enelani.

 

Hala Loa ia Kamaaina Aoo.

 

Ilalo o ka makani Ka@aulu o Waianae, i ka olu nui o Pokai, i haalele mai ai a kamaaina aoo i keia ola ana i ka Poakahi i hala, a no@@ hoi ka inoa o John R. Silva, ka lua@i o Keoni Waipio o uka o ke awawa o Manoa.  Ua hoihoiia mai kona kino wailua i luna nei ma ke kaamahu i kahi la mai, a mai ke kahua poo o ka Hui Alahao Oahu a ka luahini o Malieokamalu, a mai laila aku hoi a nalo loa ma ka ilina o Koula. 

 

He oiwi eia no na paemoku o Lae de Vede (Cape de Verde Islands), a ua hanauia i Iune 24, 1827, nolaila, ua piha iaia na makahiki he 68 a keu ma keia ola ana.  Ua hiki mai oia i Hawaii nei he 43 makahiki i hala ae.  Me kana wahine oiwi, he elima a laua mau keiki e ola nei, elua kane a me ekolu wahine, a na lakou aku hoi na ewe e lehulehu loa ai ka laua mau moopono.  Aloha no ia makua, a ka wahine kanemake a me na keiki e paiauma aku ai.  Ke komo pu aku nei makou iloko o ka @ like ana me kona ohana.

 

Ua mokuahana ka halawai a ka papa hooko o ka Hui Kalaiaina i ka Poailima nei O ke kumu, aole he like  o ka manao, o kekahi hoa me ko ka hapanui malalo o kekahi hoike a lakou no i hoomakaukau ai a kakauinoa like no, no na mea e pili ana i ko lakou kumukanawai.  Ua kapa aku kekahi i ke kolohe o ka Peresidena, a pela aku, a me he la e ano moe aku ana paha ia hui. 

 

KOMTE AHA SINODA.

 

Halawai Imi Laulea Iloko o ka Ekalesia Anagalikana

 

Ua hoike mua ia aku no hoi e makou, mahope iho o ka pau ana o kela halawai o ka Aha Sinoda i malamaia ai iloko o Novemaba i hala, no ka wae ana o ka Haku Bihopa o Honolulu i komite o elima lala no ka imi ana i na kumu e loaa ai o ka laulea iwaina o na aiaina pule haole elua e malamaia nei maloko o ka luakini  o Sana Anaru.  Ahiahi Poakulu iho la i halawai ai ia komite no ka noonoo ana ia kumuhana a pau i ka po Poaha nei.  Ua kohoia e ia komite i komite o elua lala no ka hana ana i kekahi hoike i ka Bihopa, e k@ mua ai hoi i ka aponoia o ka hapanui.

 

Mawaho ae ia mea, na waiho aku ka Bihopa imua o ke komite i ke ahiahi Poaha nei i kekahi palapala hoopii i kakauinoaia e na hoahanau oiwi, e noi ana no ka hoihoi hou ia mai o ko lakou manawa pule mau i ka hora 9:30 o kakahiaka o na La Pule a pau.  Aohe i maopopo ka hua a me ka hailoaa o ka hana a ia komite.

 

Ua loheia eia ke lawe hele ia uei kekahi palapala hoopii iwaina o na hoahanau haole o ke anaina elua no ka hoihoiia ae o na anaina pule haole a i elua i hookahi.

 

Mamuli o ke kuhihewa, ua paa na inoa o Keoki Hapakela a me J. W. Gibi no ka hewa hoike wahahee ma ka papa kuhikuhi hana o keia kau kiure o ka Aha Kaapuni.  Ua kaheaia laua i ka Poakahi i hala a hoopau wale ia, oiai, ua hoopau mua ia no ke kau i hala.  A pela no hoi me ko J. Lonoakai Kiwini hihia hana bia.  Maalahi lakou a he ola hoi ia ma ka olelo ana.

 

Ua lohe mai makou ua holo mahuka aku kela haole opio loihi i hele ohi dala iho nei no ka Hui Paipalapala Gezete Hawaii ma Waikiki ae i ka auwina la Poaono nei.  Wahi mai a ko makou lohe, ua hele aku oia e hoolimalima i kekahi mau kau@ka elua e hoe iaia ma ko laua waa no $10 a kau aku iluna o kekahi mokupea e kalewa ana iwaho, no ka holo loa aku ka no Kina.  A ma ia ano iho la oia i hoao aku ai, no na hana amio a limalima dala paha, a i ole ia, no ka aie nui e hiki ole ai ke kaa, eia nae aole ka i ko kona makemake, loaa ole ka moku, a pela no hoi me ka Monowai.  He kaikoeke oia no Keoki Palika, luna nui mua i pau iho nei o ua hui pai la. 

 

Noeau no ka Pake.

 

Auwina la Poaha iho la, ua loaa aku la iloko o ka pahu o kekahi Pake i laweia mai no ka Hale Dute e naua ai, mai e kahua hoomalu, mai he m@@tini opiuma i hoopihaia ma@@akamai maloko on a paa k@@@a Pake.  I ka wa i wehia ai ka pahu, ua piha o loko me na pono kino a me ekolu paa kamaa.  Miki aku nei ke Kepani lawelawe o ka Hale Dute a na paa kamaa a hapai ae nei, a o ka mea haohao o loa iaia o ia o ke kaumaha a me ke ano hakahaka o kekahi kamaa.  Lolelole koke ae la ia i ua paa kamaa la, a hoike aku la ia Pikela.  Ia manawa no i uhaeia ae ai o lalo o ke kamaa a loaa aku la he tini opiuma ua hanaia a pakii e lolii ana iloko.  Ua hoopuia ka Pake a hoopaaia ma ka Halewai, a ua hookolokolo a lhoopaiia oia imua o ka Aha Apana i ka Poalima nei, he hookahi mahina hoopaahao me $500 a me na koina.

 

He kaikamahine Pukiki o eiwa makahiki ka i hauleia i ka Poakolu iho la, mai luna iho o kekahi kowali ana e lele ana a ua make loa.  Poaha nei oia i nalo ai ma koula.  Minamina wale.

 

Ua ahona e haawi i na kenikeni no ka haupia a me ke kulolo ono mikololohua a Misasa Mele Hipa, maikai o ka Makeke Aupuni i na auwina la Poaono a pau, mamua ae o ka lu wale ana no ka hau kilima pia oneone a kau Pake e kalewa hele nei.

 

Ma ka Monowai o ka po Poalima nei i hoea mai ai i o kakou nei  ke Kouna S. M. vona Makahofa o Auseterua.  E noho ana oia i o kakou nei e makaikai ai i ko kakou mau wahi pana, a maka Auseteralia e huli hoi ai n@ Kapalakiko.  I ka makaikai honua ae nei oia a kipa mai la ianei. 

 

Ua ahewaia o David Elia imua o ke kiure i ka Poaha iho la no ka pue ana i kekahi kaikamahine o 13 makahiki wale no.  Ua noi ae kona loio no kona hookolokolo hou ia.  He keiki oia na Misasa Haliaka Mahoe, wahine a Kale Mahoe, me kana kane mua, me Elia Nailiili o Lahaina.  A o ka hihia hoi o kona hoahanau hanauna, o A. Makekau, no ka hewa piliwaiwai ki pa, ua hooopau wale ia.

 

I ka Poaono i hala, la 1 nei ua hopuia iho la o Dominigo Fereira no @@ eha ana i kekahi mea o hoopaaia ma ka Halewai.  Iaia ma ia wahi paa ona i noho ai, a oiai, aole o kekahi o kona mau hoaloha i hele aku e @ela iaia, ua hoao iho la oia e oki i kona puu me ka pahi pelu maloko o ka pa i ka po Poakahi, a e ole e ikeia e ka wiliki pakele ai.  I ka hookolokoloia ana imua o ka Aha Apana i ka Poalua nei, ua hoopaiia oia he $15 me na koina.