Ka Makaainana, Volume V, Number 1, 6 January 1896 — Page 3

Ka Makaainana.

HONOLULU, OAHU, POAKAHI, IANUARI 6, 1896.     3

ua kakaolelo e noke nei i ka wehewehe ma na nupepa.  O ka leo o ke Akua ua mana ia.  Nana e pepehi a hoola, Nana no lawe a Nana no e waiho mai, aole mea kapeke lai Kona lima.

Nolaila, me keia mau hoakaka no ko kakou alo a me ka poino, ke waiho aku nei au na kakou a a pau e lawe a noonoo me ke akahele, a e kau aku na maka maluna Ona, a mai Iaia mai na pono a me na pomaikai no ko kakou Aupuni honua a me Kona Aupuni Uhane, e ku ana ma keia hope aku.

Aloha i ka aina o ka o kakou Akua nui, aloha i na alii ana i koho ai, a e aloha i ka kakou mau pulapula, o ia ka lahui.

E. W. PALAU,

Waikahalulu, Honolulu

E nana ae i ka Makpolena Ma hoolaha ma keia helu e pili ana i na Waina Kaleponi ma na kumukuai i hoemi loa ia.

Eia ke malama mau ia nei he elua po paio i ka pule hookahi, ma ka hale halawai o na lala o ka Puali o ke Aloha.  He maikai a he holomua na hana, ua noa i na mea a pau.

Ua hoohalahala ae kekahi poe limahana o ka uwapo Osianika i ka Poalima iho la i ka wa e hue ia ana o ka ukana o ka Auseteralia, mamuli o ka hoemiia o ka uku hana.  Ua haalele kekahi poe a ua hana no kahi poe.

Hele i o Makpolena Ma no na Waina maikai loa, a lakou hoi e haawi nei no na kumukuai haahaa loa.

He haole ka i hopuia iho nei i ka Poalua iho la la 31 o Dekemaba, he ohua ma ka Miowera no ka loaa ana aku iloko o kona pahu he mau tini opiuma.  Imua o ka Aha Apana ua hoopaiia oia he eiwa mahina hoopaahao me $500 i ka Poalima nei.  Ua hoohalahala hou aku la i ka Aha maluna ae.

I ko makou mau kiu e auwana hele ana ma na alanui o ke kulanakauhele nei i k a @o Hape Nu la nei, ua loaa aku ia lakou kekahi mau kanaka hunui me kakahi mau kaikamahine e himeni hele ana i kauhale Pukiki.  E !  he keu no a ka hilahila ole, heaha no ka mea o ka hele ole ana i ka hana?

HUI HANA KOPA HONOLULU.

Hoolaha no ke Kope ana o ka Pepa

Hoailona a me ka Hoailona

Kalepa.

Mamuli hoi o ka loaa ana mai ke Kuhina Kalaiaina, malolo o na kanawai o ko Hawaii Paeaina, o kekahi Palapala Hooia no ke Kopeia ana o ka Pepa Hoailona a me ka Hoailona Kapela, e like la me ia e hoohanaia nei e makou,

Ke hoolahaia aku nei ma keia e hoopii no ka Hui Hookolokolo o ka Republika i na poe a hui paha a pau loa e kuai ana i ke kopa o ka Hui, a i ole ia, malalo paha o ka inoa "Kopa Honolulu," a "Kopa Hawaii" paha, koe ke kopa i hanaia e makou.

HUI HANA KOPA HONOLULU, KAUPALENAIA.

F. W. McCHESNEY,

Peresidena.

Honolulu, Novemaba 4, 1895.

O ke Kopa a pau loa i hanaia e keia Hui, ua hoailonaia keia a me keia auka e like me keia malalo iho:

HONOLULU SOAP WORKS CO.

M. W. McCHESNEY & SONS.

O kekahi Kopa e ae e kuaiia ana me ka Hoailona e ae he Kona ia no waho mai a ua like ole ka maikai

KA HUAKAI AUMONA

He Moolelo Kosia.

(Hoopau ana.)

"Eona makahiki i hala ae, oiai au iloko o ko'u hiamoe nui, ua hoalaia ae la au ma o ka lohe ana aku i ka leo nakolokolo o na pukuniahi a me na mea hoopahupahu.  Ua kiekie ae ka la iluna o ka ilikai ia manawa, aole loa au i ae iki e hele iwaho, no ka mea, he hoohiki paa kau'u ne mea hoomoewaa i ko'u laki ua kali au me ka hoomanawanui a uhi mai ka malu o ka po.  I hakalia no a poeleele, o ko'u ho-a ae la no ia i ke ahi a hoomaka aku la e hele kaapuni maluna o ko'u wahi aupuni.  Ike aku la au he ehiku mau uhane ola e lolii ana iloko o na huluhulu a eh eha poe e malama ana ia lakou.  I kuu hookokoke ana aku, holo mai la keia poe eha a hopu ia'u me ka olelo ana mai, "e ka hupe!"  Aole loa au i pale no'u iho, ua hookuu au ia lakou e hana e like me ko lakou make make.  Hukihuki ae la i kuu wahi umiumi nei, hanaino mai la ninau mai la ia'u i kahi e loaa ai ka wai e inu; aole nae au i hoike iki aku.  O keia poe a pau he poe Farnai wale no, he mau enemi no'u.  Aole au e kokua iki ia lakou.  O kuu kaika mahine, ka mea i ukali mai mahope o'u, hiki mai la ia ma kahi o'u e ulupaia ana.  Iaia i ike mai ai i keia mau hana maluna o'u. hapai malie ae la i kana pu-panapanaa ki mai la a make kekahi mau kanaka elua a o kekahi mau mea elua iho, holo aku la laua me ka mama nui.  O ka moku o keia poe, e ku ana ia ma kahi mamao, aole hiki ke hookokoke mai no ka makau i na lae aa o poino ka moku.  Kahea aku la au e kii mai i ko lakou poe ma'.  Hoounaia mai la he ekolu poe a eo lakou ka i au mai a pae i kula nei, a loaa ko lakou mau hoa'loha.  Ua hookuu lanakila aku au ia lakou e hoi no ka moku.  He kei ko lakou lapuwale!  Mahope koke iho no o ko lakou kau ana aku iluna o ka moku, ua kiola koke mai la lakou i na poka pahu ma kahi kauhale i hoopoinoia, me ko lakou manao o ko'u wahi ia.  No kela hana ana mai o lakou ia'u pela.  hooholo iho iho la ua aole e hookuu ola hou aku i kekahi kanaka Farani mai luna aku o keia wahi mokupuni.  He mau makahiki ae nei i hala, elua mau mokupea o ia aupuni i pihole ma keia moana e waiho mai nei.  Ua au mai kekahi poe luina, iuka nei, a ua pepehiia e maua. Ua make lakou, auwe! he poe Farani, he poe ino.

"I kela makahiki aku nei, o kekahi o na moku e holoholo ana mawaena o Kosika a me Farani ua ili oia ma keia mau kahakai.  O ka leo uwe o na kanaka ke lohe la au iloko o ia manawa o ke kupilikii.  Ea, heaha la ka mea hiki ia'u ke hana aku, no ka mea, ua hoopaa au ia'u iho.  He kauaka au i hiki ole ke hoololiia na manao, he moi au i hki @ole ke kapaeia ae mai ka mea a'u i hoopuka aku ai.

"Me ka hele ole aku e haawi i na kokua ana, kukuni ae la au i ke ahi iluna o ka pulupulu, a lapalapa ae la, a loaa ae la ke ahi nana e hoomalamalama ia lakou a he mea-hoi ia e pakele ai ko lakou mau ola.  He kei no keia a na poe lapuwale nui wale.  Ia pae nui ana mai, eia ka he pio kekahi a lakou i lawe mai e pepehi, ua pa a na lima i na kaulahao, a he elua mau koa e alakai ana.  Ninau aku la au no kana hewa i hana ai.  Hoike mai la kela mau mea, he aeahaukae oia no Kosika, a o ka hoopai e loaa iaia e pepehiia e pono ai.  Pii ko'u huhu i kela manawa no ia mau olelo.  I kela wa no hoi i hoomaopopo mai ai laua he kanaka Kosika au Hopu mai la laua ia'u a hoopaa i ko'u mau lima me na kaulahao me ka hoike pu mai he uku makana kahi i hookaawaleia no ka mea e loaa ai au.  Miho iho la ua no ko'u hoike ana aku ia'u iho.  O ko'u ola aia ma ko lana poholima.  Ua mihi au imua o na lani.  Ku mai la ka moku no ehiku, la a ua kokoke e pau ka wai.  Ia manawa i hookuuia ae ai au, a pela pu no hoi me ka'u kaiak mahine.  Me ka hooponopono ole, pahu aku la au i ka'u pahi poniata ma ka puuwai o kekahi o laua a hina aku la ia i ka honua, a pela no hoi i kekahi.  He mau kanaka make laua ia manawa.  Komo iho la au me kuu kaikamahine i ko laua mau aahu koa, kau iho la ma ka waapa a holo aku la no ka moku.  Me ka eleu, lele aku la au e pepehi i ke kapena a me ke ka pena boe.  @ o kuu kaikamahine nei hoi me kekahi mau kanaka, a hiki i ko lakou pau loa ana i ka make.  Lilo ae la ia maua na waiwai o ka moku, aohe a mana hooponopono aku.  H@o mai la maua i na mea a pa@e loaa ana i ko ma@ mau lima, a lawe mai la no uka nei.  Kupaianaha ka loaa ana o ka lanakila ia mana Weliweli no hoi na hana i hanaia.

"E hoolohe mai oe, o lakou a pau, eia iloko o ka opu o keia moana kahi i moe ai no ka ma nawa mau loa.  A o kela moku, ua holo oia me ka maopopo ole o kona hopena.  A i keia hora, he mau alii nui maua no keia mokupuni, a ke kono aku nei maua ia oe, e hoi mai i ko maua home e noho ai"

Me na manao mahiehie i ae aku ai oia a hoi aku la e noho me kona mau hoa'loha.  A pela iho la i hiki mai ai i ka hopena walohia @ keia wahi kaao i kakauia ai e Napoliona, oiai oia he lutanela no na pualikoa pukaa.

HOPENA

Na Waina Kaleponi

HOEMIIA KUMUKUAI

---MA KAHI O---

MAKAPOLENA MA,

Alanui Kaahumanu.

Ke hoolilo aku nei makou i na WAINA MADEIRA, POTA, ANAGELICA a me TOKE, ma na

Kumukuai Emi Loa,

A no ka Maemae a me ka Mikomiko, o keia ae la na Waina maikai loa i haawiia ma keia mau Paemoku.

Ano no hoi o Mr. E. C. Makapolena i huli hoi mai nei mai Kaleponi a ua loaa aku nei hoi na launa a me na k@kaian@ me ka Halekuai Waina i ike lea ia o KOHIKE & VAN BERGEN, no laua hoi na in@ a i ikeia a puni o Amerika Huipuia no ka laua mau

Waina Maemae Maoli No.

Eia wale no ke kuai ana o keia mau eaina ma keia Paeaina ma ko makou halekuai ma Alanui Kaahumanu, a ma ka HALE INU WAIONA O KAOPUAUA, kihi hikina o na Alanui Beritania me Nuuanu, a ma ka NEK NA kihi hema o na Alanui Hotele me Nuuanu.

E HOOMANAO O NA

WAINA WAEMAE WALE NO

Ka makou e kuai nei a me ka haawi aku ke aha piha.

Macfarlane & Co.,

Alanui Kaahumanu, makai iho o ko Bihopa Ma Baneko.

Apo Lima Gula Nalowale.

Ma ka La Karikimaka nei ua haule aku la kuu apo lima gula i kakau a me na hua me keia:  J. Kaai, mawana o na Alanui Moi, Aala, Beritania, a hiki i ka ha epule Katolika Roma, O ka mea e loaa ai o loia e oluolu e hoihoi ae ma ke kee ao o keia pepa, a e loaa n@he uku o apana.

MRS. NOHEA KAAI.

Hoolaha a ka Lunahoopono-

pono Waiwai.

Ua koho pono ia @ a mea nona ka inoa malalo iho i luna hooponopono waiwi no ka waiwai o HANA KUKONA (W) o Honolulu, Oahu, i make.

Ma keia ke hoikeia aku nei ka loha i na mea a pau he mau koi ka lakou ma ka moraki a palapala e ae paha, hoike koke mai i ka mea @ona ka inoa maia e iho nei iloko o eono mahi a mai keia ka@ku, a i ole, e hoole loa ia mahope o ia manawa  A o na poe a pau he mau aie ko lakou i ka mea i make, o awiwi lakou i ka hookaa koke mai ma ke keena o S. K. Kane, ma ke kihi o na lanui Moi a me Betela, ma ka hale maluna.     S. K. KANE,

Lunahooponopono Waiwai o ka Waiwai o Hana Kukona (w) i make.

Honolulu, Dekemaha 27, 1895.