Ka Makaainana, Volume IV, Number 26, 23 December 1895 — Page 7

HONOLULU, OAHU, POAKAHI, DEKEMA B A 23, 1895. 7

NA MOKUPUNI

Mau Lono o na Apana Like Ole
o keia Aupuni .

Na Mea H ou o Puna Paiaala i ka Hala me ka Hinano.

Ma ka La Sabati , Novemaba 17, hora 8 a.m. mareia e ka Rev. W. Kamau o T . P. Kahai me Naleialoha Manoa , ma ka home noho o ke kane, ma ka apana o Kaueleau. Pau ka mare, hookuene pono ke a naina no ka hookomo ana o ko waho ia loko.
                Hora 12 a oi, ua malama hou ia no he anaina mare ma ka luakini e ka Rev. W. Kamau, oia o C. W. P. Kahawai me Liko Manoa.
                Pau ka mare, ua wehe mai la ke kahu i ka makou olelo alakai ma Kinohi 2:23, hapa mua, "Oia nei no ka iwi o kuu mau iwi a m e ka i'o o kuu mau i'o." I ka wehe ana mai keia, "okipau ka hana i ke one kani o Nohili" i ka u a mea he hookalekale, o kekahi paha hoi, o ke kuapue, akahi no a ae oluolu ia a ku e hanai hou mai i ka ai o ka uhane, mai ka hoopauia ana aku e na Ekalesia huiia.
                Hookuuia ke anaina pule, a poha koke mai la ka leo a ke aloha o na mea mare i ke anaina, e paina ka aina a wakea ma kahi i hoomakaukauia ai o na mea-ai, a ua hanaia pela. A o ia ka ka mea haku mele i puana iho ai, "E hea i ke kanaka e komo maloko, E hanai ai a hewa ae e ka waha, Eia no ka uku la o ka leo."
                A no ia mea, o ka'u pule i ke Akua no na paa mare, e loaa na pomaikai kino, a me na pomaikai uhane.
                Ma ka La Pule, la 1 nei, i wehe hamama hou ia ai ka luakini o Opihikao, no ko Rev. Kamau komo aku e hai i ka olelo a ke Akua, a wehe ae la oia i kana poolelo ma Kekahuna 12:1. Akahi no a komo hou ko lakou kahu, mahope iho o ke panikuia ana no kekahi mau mahina loihi.
                Ma ka mahina o Okatoba i hala i hoopauia aku ai o Hauhia, a paniia ma ia hakahaka o D. W. K. Waiwai . No'u hoi, mahalo au nona, ua kupono oia ma ia wahi a he lima akau no na hana a ke Akua ma Kalapana.
                No J. W . Nuhi, ua hoopauia i ka la mua o keia mahina, a o D. K. Makuakane ma ia wahi , a he mea i maa i ka hana a i noho Luna Makai no Puna nei i kahi manawa, a no Laupahoehoe i kahi manawa, a he haipule n o ke Akua.
                Ke lohelohe wale ia mai nei, e pau loa ana ke ku ana mai o ka mokuahi i ka La Sa ba ti ma Pohoiki. Ina o ka oiaio ia, ma halo no. Waiho iho i la noa ka la e ku ai.
                Ua malama ae ko makou makamaka, J. P. Kuaiohalani, wahi paina la hanau no kana hanai, ma ke Sabati, Dekemaba 1 i hala, a ua konoia ke anaina pule e naue malaila, a o kou mea kakau kekahi i naue aku e hoonuu i na mea i hoolakoia.
                Ke nee nei no na hana a ke Akua imua iwaena o ka E kalesia o Opihikao, a ua aneane ka liona e moe pu me ka hipa keiki
                Eia ke komite hoeueu, Z. M. Naahumakua, ke hana nei i kana hana iwaena o ka ekalesia o Kalapana. Pua ka uwahi.
                Ua lohe pono iho nei au, ua hiki mai ke kauoha mai Onomea mai a me Hamakua, e hele ke komite e lapaau ia wahi. A pehea ana la? E hana aku, o ia ka pololei. Eia ka Ie su : " O ka mea hooia Ia'u i mua o na kanaka, Na'u oia e hooia i mua o Ko'u Makua i ka lani."
                J. K. KANUHA .
Opihikao, Puna, Hawaii, Dekema b a 2, 1895.

Ahahui Paio o Kalaupapa .

Ua malamaia ma ka Hale Hui Opio o Kalaupapa he kula paio. Dekema ba 3, ho ra 7 p.m. U a hoomaluia ka halawai e ka luna hoomalu , Charles K ahalehili . O ke kumupaio i paioia, penei: "O k e ahi a me ka wai, owai o laua ka mea oi ma ka hoopomaikai ana i ka lahuikanaka?"
                He me a e hauoli ai ka manao o keia makapeni ke hoike ae, i ka piha naauao o na opio o k eia ahahui paio ma ka wehewehe ana, e hooikaika ana kela a me keia e kaa ka lanakila ma ko lakou aoao iho, a pela no hoi kekahi aoao. A u a like maoli no hoi na a lihikaua me ke Duke o Weline tona a N apoliona B onapate , e hakoko ana ma ke kahua kaua o Watalu, pela no na alihikaua o keia ahahui paio, e hooikaika ana kekahi e loaa ka lanakila iaia a pela no hoi kekahi.
                Mahope o ka hooki ana o na aoao elua i ka paio ana, u a ku mai ka lunahoomalu, C ha r le s Kahalehili, a hoopuka mai la i kana olelo hooholo, oia hoi, " O ka wai, o ia ka mea oi ma ka hoopomaikai ana i ka lahui kanaka. No ka mea, o ke ahi a me ka wai, ke hoopomaikai like nei laua ma kekahi mau mea, oia hoi, ma ka hui pu ana o keia mau mea elua. Ua hiki ke hooholo i na mokuahi, na kaa ahi, ke hoohana i na hale wiliko, na hale olo papa, a pela aku. Aka, eia he puu dala nui no ka wai mai ma ka waihona Aupuni o Hawaii nei, me ka w ai e hiki ai ke hoomaemae i na aahu o na kanaka; aole o ia wale no, ua hoikeia ma ka olelo a ke Akua ka p omaikai lua ole o ka wai, Mataio 3:6, "a ba pe tiz oia iho la lakou e ia iloko o Ioredane, me ka hai a na mai i ko la kou hewa." Pauku 11, "Owau no ke bapeti zo aku nei ia oukou i ka wai, no ka mihi aka, o ka mea e hele mai ana mahope o'u he nui Kona mana i ko'u, aole au e pono ke lawe i kona mau kamaa." Ioane 1:26 31 a me 33, ua hoikeia ka pomaikai oikelakela o na kanaka mai ka wai mai, nolaila, ua maopopo loa o ka wai o ia ka mea oi ma ka hoopomaikai ana i na lahuikanaka a pau."
                Ke haawi nei keia makapeni i ka hoomaikai i neia mau opio i loohiaia i na haawina o ka ehaeha a ka ma'i lepera, ma ke kukulu ana i keia Ahahui Paio ma Kalaupapa, i wahi e ao a e kulaia ai lakou ma ka naauao. Nolaila, imua ma na hana maikai a lanakila.
                S. H. KAUILAOKALANI.
Honolulu, Dek. 7, 1895.

Akahi no haule ana o " Ka Hoomana Katolika" ia makou mai ka hoomaka ana ma kela helu aku nei. No ka mea unuhi ka ulolohi me kana kope, aka, eia ke hoomauia aku ana ma keia helu.

DAI NIPPON

Helu---, Aoao makai o Alanui Hotele , ma Waikiki o ke kihi o Monikahaae . Ma ka mokumahu Kulanakauhale o Pekina i loaa mai nei na

WAIWAI IAPANA HOU

NA SILIKA, NA LOLE KEPANI,

NA LAKO HOONANI, a pela wale aku ,

A e weheia ana i ka Poakolu , la 11. E hoomanaoia, e kuai emi loa ia aku ana keia mau waiwai oiai ke kau kulaia , i oi aku no paha hoi ka emi i ko na halekuai Kepani e ae .
M rs . J. P. P. COLLACO, O na .
dek 9-8mnw

Na Waina Kaleponi

HOEMIIA KUMUKUAI
---MA KAHI O---
MAKAPOLENA MA ,
Alanui Kaahumanu .

Ke hoolilo aku nei makou i na WAINA
MA DEIRA, POTA, ANAGELICA a me TOKE, ma na
Kumukuai Emi Loa,

A no ka Maemae a me ka Mikomiko , o keia ae la na Waina maikai loa i haawiia ma keia mau Paemoku.
                Ano no hoi o Mr. E. C. Makapolena i huli hoi mai nei mai Kaleponi a ua loaa aku nei hoi na launa a me na kukai ana me ka Halekuai W aina i ike lea ia o KOHLER & VAN BERGEN, no laua hoi na inoa i ikeia a puni o Amerika Huipuia no ka laua mau

Waina Maemae Maoli No.

Eia wale no ke kuai ana o keia mau wai na ma ke ia Paeaina m a ko makou halekuai na Alanui Kaahumanu , a ma ka HALE INU WAIONA O KAOPUAUA, kihi hik ina o na Alanui Beritania me Nuuanu , a ma ka NEKINA, kihi hema o na Alanui Ho tele me Nuuanu .

E HOOMANAO O NA
WAINA MAEMAE WALE NO

Ka makou e kuai nei a me ka haawi aku ke ana piha.

Ma cfarlane & Co.,

Alanui Kaahumanu , makai iho o ko
Bihopa Ma Banako .
dek 9-mp

 

HALEKUAI KUIKE OAHU

"KE OLA O HAWAII."

Helu 322, - - - Alanui Nuuanu .

Oiai hoi, ua pau ae la ke kuahaua ana , ua weheia hoi ka halekuai maluna ae i Iulai 1 nei, nolaila , ua makaukau loa e hooko a e hoolawa aku i na iini o na poe a pau . E ko no ka makemake o na wahine ke kipa mai malaila , a e pono no hoi ke kipa mua mai mamua o ka hele ana i na halekuai e ae Malaila no e loaa ai
                Na Makalena , na Kalakoa , na Keokeo Halua me Vitoria , na Papale , na Kakini , na Hainaka, na Waiala , a pela aku a nui a lehulehu wale.
                E ike mai ia kakou hoakanaka .

M. E. SILVA,

iul Luna Nui .

C. E. Williams me Keiki.
E d. A Williams, Luna Nui .
Helu 611, Alanui Moi , ma Ewa iho o ka Pa o Aigupita .
He mau mea kuai lako hale o na ano a pau loa.
He mau mea Hana Pahu Kupapau a Hooponopono
Hoolewa .

E hoolakoia no na Kaa Kupapau , na Kaapio a me na Kaa-ohana . Ina no e ninau ia laua , e loaa no na Pohaku Kia Hoomanao no na He Kupapau .

O ka Ialoa kekahi hana hiki loa ia laua , aia ia malalo o ka lawelawe ponoi ana a Ed. A. Williams, F. D., he mea i puka pono mai ka Kalaka Kula o ka Ialoa Maikai ana iloko o Mei, 1894.

---NA TELEPONA---

Keena, Helu 179 - Kauhale a me Kahea Po ,
Helu 815.
no v 2-mp

NO WAIANAE.
O. R. L. Co .
MA NA POAONO A ME NA LA PULE.

E haalele no na Kaamahu ia Honolulu nei i na hora 9:15 A. M. a me 1:45 P. M. o na Poaono . Ke huli hoi mai , e hoea ana i Honolulu nei ma na hora 3:11 a me 5:26 P. M.

Ma na La Pule , e haalele ana ke Kaamahu ma ka hora 9:15 A. M. E hoea hou mai ana i ka hora 5:26 P. M.

Na Palapala Uku Puni :

Papa Ekahi - - - $1 75
P apa Elua - - - 1 25

F. C. Smith ,
A gena Ohua a Palapala Nui
ok 21-tf

LEO KONO AKEA .

"Owau mai kau e hea mai ai ,
E hea ke kanaka e komo maloko ,
E hanai ai a hewa e ka waha ,
Eia no ka uku --- o ka leo!"
Aloha Oukou :
                Ke kono a ke poloai akea aku nei au i na Hawaii e kipa mai ma ko'u halekuai a e kuai i na lole nani o na ano hou loa loaa mai nei ia'u mai Enelani , Farani , a me kahi mau aina e ae . E loaa no na

Papale Mauu Laiki , Na Lipine ,
Na Lihilihi, Na Hulu ,
Na Keokeo Lilina a ano e ae ,
Na Kawele, Na Khei

A me na waiwai e ae he nui loa ke helupapa aku, ma na kqmukuai haahaa loa.
                He kuleana ke loaa ana i kela a me keia e

Kuai ana a Piha ka $5.00

E lilo mai ai o kekahi piano o $350 ka waiwai io ma ke koho ana i ka nui o na hua o loko o kekahi ipu pu , a i Dekemaba 31 e okiia ai imua o kekahi komite.
                Owau no me ka mahalo,
                                                L. B. Kerr,

Alanui Moiwahine , e pili pu ana me ko Kimo Mogana keena kudala.
dek 2---4 mnw .

KU KIMA.

Helu 411, Alanui Nuuanu . Helu 59 maluna .

Oiai, ua pau ka wa kuai hoemi ma kou halekuai, eia nae , e hoomauia aku ana no ke kuai emi ana o na waiwai iloko o keia mau la e nee nei a pau ae na la kulaia.
                O na Kalakoa , na Lole Huluhulu , na Kinamu , na Keokeo Halua , na Lole Alapia , a pela aku .
                Pela no hoi me na aahu o Kane me Keiki.
                Heluna nui o na Kamaa no na poe a pau.
ok 14-2mh dek 9