Ka Makaainana, Volume IV, Number 25, 16 December 1895 — Page 8
8 HONOLULU, OAHU, POAKAHI, DEKEMA BA 16, 1895.
Mokukaua Beritania
Ma ka hora 4 pm o ka Poaha iho la i hookomo mai ai ka mokukaua Beritania Nane Ahiu mai Beritania Kolumebia, ke awa ana i haalele aku ai ma ka hora 9 o ke kakahiaka o ka la 21 o Novemaba a holo mai la no keia awa. E ku iki iho ana keia mokukaua maanei no elua paha pule a hiki i ka wa e loa a mai ai na kauoha. Ianei no keia moku he mau makahiki ae nei i hala, a ke lawe nei oia maluna o kona oneki ia ewalu wale no mau pukuniahi, a oia kekahi o na mokukaua uuku loa iwaena o na aumokukaua o Enelani. He 800 lio ka ikaika hoonee i kona mau enegini.
-
Akoakoa na Poe Ike Kanawai.
He halawai o ka Papa Loio ka i kaheaia e ka Loio Kuhina i ke awakea Poaono nei, no ka noonoo ana no kekahi olelo hooho o hoalohaloha no Lunakanawai Pekekona i make. Ua hoomaluia ka halawai e ka Loio Kuhina, a ae loio malihini ke kakauolelo. Mahope o ka noonoo ana no kekahi wa, ua haawiia ka hana no ka hoomakaukau ana i kekahi komite, a imua o ka Aha Kiekie ma ka banako i keia kakahiaka e waihoia aku ai. Pau ia, ua noonoo pokole ia ka mea pono no ke kukulu ana i ahahui mau iwaena o na loio, a ua hoomoeia nae hoi a no kahi wa okoa aku e noonoo hou ai, ke kaheaia e ka lunahoomalu.
-
Kuaua o ka Hooilo.
Mahope iho paha o ka hora 11 o ka po Poakolu iho la, i haule makawalu mai ai ke kuaua me ka ikaika a ao ka Poaha, pouli pu ae la me ka hunaia o ka malamalama o ka la a po ia la. A ua hoomau mai no ke kulukulu liilii ana o ka ua ia po a ao ka Poalima. I keia la, akahi no a ikeia aku ka la, no ka manawa pokole wale no nae a pouli hou no a po ia la. Ua ano kanahai iki mai nae hoi i ka Poaono nei. O ka ukele nae o na alanui i na la mamua iho aole ia i nalohia ae, ua mau mai no ia. O ke kuaua nui nae o ka Poaha iho la, ua hoopoino aku ia i kekahi mau waiwai o ka halekuai o Hakafila Ma ma o ka pulu ana o na waiwai he nui o loko i ka wai, a ua hiki aku ke poho i kohoia i ka $1,000. Na ke Kaawai Helu 1 i pauma ae ka wai o loko o ka hale a pau iloko o eha hora. Aole no i pau loa, ke helelei liilii nei no, eia nae, ua loihi ka ikeia o ka la i nehinei me ka welawela pu, a me ka imoimo mai no hoi o na hoku i kahi mau po iho la a me ka po nei.
-
Ua haawi ae o A. Iana, luna nui o ka Hale Hana Hao Honolulu, he paina hoolauleai na poe hana o ia hale hana, no ka hoomanao ana i kona la hanau, i ke ahiahi Poaono iho la
E hoakeaia aku ana o Alanui Rikeke mai Alanui Moi aku a ka makeke hou makai o Waikahalulu. Eia iho ke kiure i waeia: F. Makinikaea, J M. Poepoe, W.W. Kamelani, Alika Robikana, J.A. Makanalese a me W.F. Alani. I ke awakea Poaono nei lakou i halawia ai ma ke keena o ka Ilamuku, a hoopanee no ka hele ana e nana pono.
KELA A ME KEIA.
-
He wahi olai uuku ka i hoohaue ae ia Hilo i ka Poalua iho la, mamua o ke awakea.
Ma ka po o ka la apopo e koho hou ai ke Komopani G i kapena no lakou ma kahi o Hanale Kaia i hala i ke ala hoi ole mai.
Ke ikeia aku nei i keia mau la ka piha mau o na halekuai i na poe kuai mau mea makana Karisimaka. Aohe hewa o ia.
E ninau mau no ka Makapolena Ma mau ano Waina, a e loaa no ia oe ka mea maikai loa.
Ua loaa hou mai ia E. Wude wada he aeia e ka Aha Kaapuni iloko o umi la e waiho aku ai i kana mau hoohalahala kumu e pili ana i kona hihia.
Ma ka la 20 o Novemaba i haalele aku ai ka mokukaua Italia Karisitoforo Colomobo ia Aukalana no Samoa, a mai laila mai oia e holo mai ai no onei.
O ka aha fea i manaoia ai e haawiia ana maloko o ka pa o Sana Anaru i ka Poaono iho la, ua hoopaneeia a kahi manawa o keia pule ke malie maikai.
He wahine aoo me ka ia poe keiki he ewalu ka nui ka i pau nui i ka hopuhopuia i ka Poalima nei no ka hele e lawaia ma na palena i papaia e ka Papa Ola.
Elua moho e hoao ana no ka noho Senatoa hakakaka o Hawaii oia o H.L. Holstein (Linekona) a me Alika Iana o ka Hale Hana Hao Honolulu. He poe e aku no paha hoi kahi, aohe nae hoi i loheia mai.
O na Waina oiaio maoli a Makapolena Ma, aia wale no ke kuai ana ma ko lakou halekuai ma Alanui Kaahumanu, a ma na hale inu rama o Kaopuaua a me ka Nekina.
I ka po La Pule i hala, ua komo kolohe, ia ka hale hana wai momona o Holisita e ku nei mauka iho ka Hale Dute a laweia aku la he hookahi pahu wai momona iloko o ka puu papa, a ilaila kahi i inuia ai a pau ka wai o na omole. Aole nae i maopopo ke kolohe.
Ua loheia mai nei ma ka Malulani no kela hoonaue ana a ke olai i ka po La Pule i hala, aole no i ikaika loa ma Hawaii, aka, ua oolea iki hoi ma Maui. A o ke ahi hoi keia a Pele, ua pio a ua haule o lalo, a ua manaoia nae hoi e oili hou ae ana no, no ka mea, he hana mau no ia na ua luahine maka piheka la.
Eia hou no ua koi poho ke oili mai nei na G.A. Ritimana, kekahi o na pio kalaiaina i kipa kuia mai nei aku Na ke Au puni o Amerika Huipuia i hoouna mai nei i ke Kuhina Amerika Wilisi maanei. A i ka Poalima nei hoi i komo aku i ka E. Nore koi no $50,000, ma o ke Kanikela la o kona Aupuni, Denemaka, oia o F.W. Makapolena.
He ah ano hoolele hau i ko ke alanui Konia i ka auwina la Poalima iho la no kekahi halekuai Kepani e kokoke nei i ke alanui Pauahi. I ka wa i holo aku ai o ke kaa kinaiahi, ua pani mai la ke Kepani i ka puka o ka hale, a o ia no ka wa i wawahiia aku ai a noha a komo ka iliwai iloko Aole nae he nui loa o ke ahi, ua pioloke no me ka nui ole o ka hana, mamuli o ke komo pu ana aku o kekahi o ko makou mau luina no ka hoopio ana, pela i nui ole ai.
Hele i o Makapolena Ma no na Waina maikai loa, a lakou hoi e haawi nei no na kumukuai haahaa loa.
Eia iho o Paulo Isenebega makua i o kakou nei, ma ka Auseteralia i hoea mai nei.
O ka Poaono ae ka la hoano o Sana Toma ka Aposetole, a e hoomanaoia ana ma na luakini o Sana Anaru a me Malieokamalu.
E like me ka makou i hoike aku ai ma ka helu i nala no ka hopuia ana o S. Naukana no kona hoao ana e holo nui ma ke alanui Moi, kokoke i ka uwapo a Haaliliamanu, a pakele ai ke ola o kekahi kaikamahine Pake, ua hoopaiia oia e ka Aha Apana i ka Poaono i hala he $25 me na koina.
Ua manaolanaia e puka ana ka buke mele a ko makou Puuku i na la hope o keia pule, a i ole hoi ia, i na la mua o keia pule ae, ke halawai ole nae hoi me na kuia. E kuaiia aku ana no ka hapaha, a ua piha na aoao he 100 a keu. Ua kupono kona nui no ka hookomo pakeke ana.
E nana ae i ka Makapolena Ma hoolaha ma keia helu e pili ana i na Waina Kaleponi ma na kumukuai i hoemi loa ia.
He lono ka i loaa mai ia makou no ka hoopaiia ana o ke kumukula haole o ke kula o Hauula, no kekahi hewa ana i hana ai maluna o kekahi haumana o kana kula, he $50 me na koina, e ka Aha Apana o Koolaupoko. Ua hoohalahala oia i ka Aha maluna ae, a ua hookuuia mai malalo o ka bela. Ma ka Alameda o ka Poaha iho la i heo aku ai oia no Kapalakiko. O Brickenridge ka inoa o ua haole la, a maluna aku paha o ka 13 makahiki ka nui o ke kaikamahine ana i pue ai.
I ka po Poaima iho la, ua uneia iho la ke pani puka o kahi halekuai kika e ku nei ma alanui Betela, ma ka hale telepona kaa iho nei ma ke kihi ma Waikiki aku o ko Kake a me Kuke halekuai o ke kapili koke la ana iho nei no ia, a hemo, a komo aku la ke kalohe e aihue i na kika o loko o na pahu liilii i hiki aku ka waiwai io i ke $40 a heo aku la me ka ike ole ia. I ka hele ana mai o ka mea nona ka halekuai e wehe i kakahiaka ae, e hamama aku ana ka puka. I hea la na makai i ike ole ai i keia eu? Pau he 35 pahu kika a pau pu me na omole wai momona.
-
HUI HANA KOPA HONOLULU.
-
Hoolaha no ke Kope ana o ka Pepa
Hoailona a me ka Hoailona
Kalepa.
-
Mamuli hoi o ka loaa ana mai ke Kuhina Kalaiaina, malalo o na kanawai o ko Hawaii Paeaina, o kekahi Palapala Hooia no ke Kopaia ana o ka Pepa Hoailona a me ka Hoailona Kalepa, e like ia me ia e hoohanaia nei e makou.
Ke hoolahaia aku nei ma keia e hoopii no ka Hui Hana Kopa Honolulu iloko o na Aha Hookolokolo o ka Repubalika i na poe a hui paha a pau loa e kuai ana i ke kopa o ka Hui, a i ole ia, malalo paha o ka inoa "Kopa Honolulu" a "Kopa Hawaii" paha, koe ke kopa i hanaia e makou.
HUI HANA KOPA HONOLULU, KAUPALENAIA.
F.W. MCCHESNEY,
Peresidena.
Honolulu, Novemaba 4, 1895.
-
O ke Kopa a pau loa i hanaia e keia Hui, ua hoailonia kela a me keia auka e like me keia malalo iho:
HONOLULU SOAP WORKS CO.
M.W. MCCHESNEY & SONS.
O kekahi Kopa e ae e kuaiia ana me ka Hoailona e ae, he Kopa ia no waho mai a ua like ole ka maikai.
dek 16-4pl
Ma ke Kauoha.
-
HOOLAHA WAI.
I kulike ai me ka Pauku I, o ka Mokuna XXVI. o na Kanawai o 1886:
(Ohana East Kuhio and Kaiulani. 92 1226)
O na poe a pau loa e paa ana i na pono wai a e uku ana paha hoi i na uku wai, ke hoikeia aku nei ka lohe ma keia ua kupono a e ukuia hoi na uku wai no ka manawa e pau ana i Iune 30, 1896, ma ke keena o Honolulu Oihana Wai ma ka la 1 o Ianuari, 1896,
O na uku wai e koe ana i uku ole ia no umikumamalima la mahope iho o ke kupono ana e ukuia, e hookauia aku no he uku kaulele o 10 pa-keneta.
Aia ma ke keena o ka Oihana Wai ma Kapuaiwa Hale e ukuia ai na uku wai.
ANDREW BROWN,
Luna Nui o ko Honolulu Oihana Wai.
Honolulu, Dekemaba 16, 1895.
dek 16-3mnw
-
HOOLAHA.
Mamuli o ka mana i loaa i na Komisina o na Aina Aupuni malalo o ke "Kanawai Aina, 1895," ua hookohuia na poe malalo iho i mau Hope Agena o na Aina Aupuni, e hoomaka ana ua mau hookohu la mai Novemaba 1, 1895.
Mr. Charles Williams, no ka Apana Aina Elua, Hawaii.
Mr. J. Kaelemakule, no ka Apana Aina Ekolu, Hawaii.
J.F. BROWN,
Agena o na Aina Aupuni.
Keena Aina Aupuni, Honolulu, Dekemaba 4, 1895.
dek 16-3mnw
-
MAU RULA NO KA PAPA OLA.
-
E Pili ana i ka Lawaia a me ke Kuai ana o ka I'a ma ke Kulanakauhale o Honolulu.
PAUKU 1 - O ka lawe ana mai i ka i'a unahi, i'a-iwi a o kekahi mea e ae paha o ke kai a wai paha mai kekahi wahi, kuono a lala paha o ke Awa o honolulu, a i ole ia, mai kekahi kahawai e komo ana iloko o ke awa i oleloia a hiki a maloko mai o hookahi haneri kapuai mawaho aku o kekahi wahi e loaa ana i ke kai pii a emi paha mauka o ka aina nei mai ke awa aku i oleloia a maloko mai hoi o kekahi laina e holo ana mai ka lae ma Iwilei kokoke i ka hale pepehi puaa o ka Hui Pepehi Puaa a hiki i ke keena o ke Kahua Hoomalu, a mai laila ae a ka hoe pahu, a mai ka hoe pahu a hiki ma ka lihi iho o ka pa-pohaku komohana o ka pa-pohaku ako'ako'a e lu ai i na lepo o ke awa e omoia ana ma Kakaako, ua hookapu loa ia.
PAUKU 2 - Ua papaia ke kuai ana i ka i'a a me na mea e ae a pau o ke kai ma ka Apana o Honolulu, koe wale no ma ka Hale Makeke Hou, a ma kekahi mau wahi okoa ae e ae kuikawaia ana, kahi e hiki ai ka i'a a me na mea e ae o ke kai ke waiho akea ia no ke kuai ana malalo o ka hoomalu ana a na Luna Nana e hoonohoia ana e ka Papa Ola.
PAUKU 3 - E loaa no ia poe Luna Nana ka mana e hopu, hoahewa a hoopoino aku i kekahi i'a a mea e ae paha o ke kai e waihoia ana no kek kuai, a i ole ia, i laweia ae paha i ka makeke, e loaa ana hoi ia lakou he kumu e manaoia ai ua laweia mai kahi mai i papaia ma keia mau Rula, a i ole ia, ua kupono ole no ma ka nana ana i mea-ai.
PAUKU 4 - Ma keia, ua hoopauia na Rula o ka Papa Ola e pili ana i ka lawe ana mai a me ke kuai ana aku i ka i'a i hanaia i Novemaba 13, 1895.
Ma ke Kauoha a ka Papa Ola.
J.T. WATERHOUSE,
dek. 16-3mnw Peresidena.