Ka Makaainana, Volume IV, Number 23, 2 December 1895 — Ua Kapaeia ka Oiaio. [ARTICLE]

Ua Kapaeia ka Oiaio.

[Hoomauia ] O ka oihanu lapaau, o ia ka mahele nui iloko o ka papa huli honua. No loko mai o ka papa hulihonua ke ola o ka lahui a me na mea a pau o ia au. Ua imi aku lakou me ko lakou ike

a me ko lakou noonoo nui ma ka hoiliili ana mai i na lau o kela a me keia lau o na laau, mai ka mu'o o luna o ka mole o lalo, mai na laau mai o ke kuahiwi a na laau e ulu ana i ke kula a hiki i na mea ulu o ke kai a me na mea kolo e ae o kahakai, e laa na pipipi, na pupuawa, a me kekahi mau mea kolo e ae o ke kai. Ua hoolilo iho la lakou ia mau mea a pau i kahi hookahi, i papa laau, ma ka hoohuihui ana i ko lakou ikaika i kupono no kela a me keia ma'i o ke kanaka, mai ka wa o ke keiki iloko o ka opu a hiki i kona wa oo. Ua hoomakaukauia keia mau laau kiai ola no ke ola loihi o ko lakou oia lahui ana. Aia no ka hooponopono ana o na mea a pau i oleloia ae la maluna malalo o ke kuhikuhi ana o ka papa kilokilo, no ka mea, o ia ka papa kahuna kiekie o ke au kahiko, a o ia paha ka mea i oleloia, o "ke ola paha ia a ke Akua, ke hele la a kolo pupu a hau makaiole." O ko lakou ola ia wa hookahi haneri makahiki ka haahaa, a he 150 makahiki ke kiekie, a o ia ka hua o ka lakou hooponopono lahui ana, a pela lakou e hana mau ai a hiki i ka piha ana o na makahiki he 2000. Penei ka pule pale a na poe hoohuihui laau o ke au kahiko: (He mea pono e unihiia ma ke ano hoopokole i mea e ike ai na makamaka heluhelu o KA MAKAAINANA, he hana naaupo paha ka lakou i hana ai, aole paha, aka, na kakou e koho mai ka mokuna ehiku mai o ka buke moolelo o Kane.) Pauku 7—O Kane ia Waiololi, o ka wahine ia Waiolola, hanau ka puaa iki, noho i ke kai, kiaiia e ka laauaki, noho iuka, he pau hee i ka wawa, he nuku, he wai ka ai a ka laau o ke akua ke ko mo i ka hale, aohe komo kanaka. Pauku 8—O Kane ia Waiololi, o ka wahine ia Waiolola, hanau ka limukele noho i kai, kiaiia e ka ekele noho iuka, he pau hee i ka wawa, he nuku, hee nuku, he wai ka ai a ka laau o ke akua ke komo, aohe komo

kanaka. Pauku 9—O Kane ia Waiololi, o ka wahine ia Waiolola, ha nau ka limukala, noho i kai, kiaiia e ka akala noho iuka, he pau hee i ka wawa, he nuku, he wai ka ai a ka laau o ke aku ke komo, aohe komo kanaka. Pauku 10—O Kane ia Waiolo li, o ke wahine ia Waiolola, hanau ka lipeepee, noho i kai, kiaiia e ka akala, noho i kai, he pau hee i ka wawa, he nuku hee wai ka ai a ka laau o ke akua ke komo, aohe komo kanaka Pauku 11— O Kane ia Wai ololi, o ka wahine ia Waiolola, hana kaloloa, noho i kai, kiai ia e ke kalamaloloa, noho iuka, he pau hee i ka wawa, he nuku hee wai ka ai a ka laau o ke

akua ke komo, aohe komo kanaka. Pauku 12—O Kane ia Wai ololi, o ka wahine ia Waiolola, hanau ka ne, noho i kai, kiaiia e ka neneleau, noho iuka, he pau hee i ka wawa he nuku hee wai ka ai a ka laau o ke akua ke komo, aohe komo kanaka. E na makamaka heluhelu i keia moolelo, e kala mai i ka mea kakau moolelo, no ka mea, he nui aku kahi i koe aku, a ua unuhiia mai keia wahi i mea hookaulike no na mea i hoikeia ma na helu mua a me na helu e hoopukaia aku ana. O na pau ku maluna ae, o ia ka lakou papa laau i hoohuihui ai a lilo i laau kiai me ka ae pu mai o ua anela kiai o ke kanaka. I mai o Iesu, "ke holoholo

mau nei ko oukou mau anela kiai e nana i ka helehelena o ko oukou Makua ma ka lani." I kela a me keia la mua o ka makahiki, he la hoomaemae ia no ka lahui mai o a o o ka aina, no na haumia o ka aina malalo o na rula o ka oihana kahuna, aohe mea koe i kauhale, ua ka paia ia la he la hiuwai, hiuwai kane, hiuwai wahine, hiuwai keiki, hiuwai ka aina. O ia ko lakou la mihi i ke akua, i kapa ia, Ilohima, ke akua nui mana loa. O ko keia wa hoi, o ka la mua o ka makahiki he la inu rama a pili waiwai no na haole, ma na ano hana lapuwale no a pau a na haole e hana nei ma ke ano hookamakama. Nolaila, haalele mai ke Akua i ka lahui e make iloko o ko lakou noho huikau ana, mamuli no ia o ke alakai hewa ana a na mikanele, e like me ka olelo a kekahi mau makua mikanele. Olelo hoi o Laiana o Kohala, "wae aku ka opala i ka lani, paa aku i ka lani na ke Akua ia, haule mai i ka honua nei, na Laiana " Olelo hoi o Laimana o Hilo, "e wiki kakou o piha opala ka lani ia Laiana." O na olelo ana a keia mau maku o ka pono pela, he hoohaahaa ana ia i ko laua kulaua iho, a ua hoohaahaa pu ia ka inoa maikai o ka lahui ma kela huaolelo "piha opala ka lani i na Hawaii." Pela io paha, ua piha opnia io ka lani ame ka honua i na hua kikania, no ka mea, ke ohi nei na Hawaii i ka hua, he make. (Aole i pau.)