Ka Makaainana, Volume IV, Number 16, 14 October 1895 — Page 2

2 HONOLULU, OAHU, POAKAHI, OKATOBA 14, 1895.

NA AINA MAMAO.
Mau Lono Huikau ma kela me keia Wahi o ke Ao nei.

Kahua Pope Mua i Kahua Pope Hou.

                Ua hooholo ae ka Ahakuka Kulanakauhale o A vinona (Avignon), Italia, e hoolilo aku i $800,000 ma ka hoonaemae hou ana i ka hale noho o ka Pope malaila. Wahi a na olelo a kekahi mea koikoi a hanohano o Avinona e kohoia ana ka Pope hou ma Avinona a e noho ana malaila. Iloko o 1348 i hooliloia ai o Avinona ia Pope Kelemenete VI. Mai ia wa mai i hoomauia ai ko laila nohoia e na Pope no eha keneturia a keu aku, a he ehiku ka nui o na Pope i noho ai malaila.

Hoopuiwaia ka Moiwahine o Italia.

                Oiai ka Moi a me ka Moiwahine e u hoi ana mai na hana o ka wehe ana i ke kia hoomanao o Ka vua, ua hoao aku kekahi alii o na koa Sisilia helewawae e kau aku ma ke keehina o ke kaa alii, me ka hoopuka aku i kekahi mau olelo i ka Moiwahine a puiwa a makau oia. Ua manaoia e noi aku ana oia no ka huikalaia ae o na poe alakai eha o na hoohaunaele kipi ana ma Sisilia, a ka Moi hoi i hoole ai i ka huikala ana mahope iho o ka huikala ana i na pio kalaiaina e ae a pau. Ua hopuia ke aliikoa a laweia no ka halekoa. Mahope iho i loheia ai i noi aku ka oia i ka Moiwahine e papaia na hana hoao akeakamai maluna o na holoholona ola. Malalo oia o na kipona a ka ma'i lolo mamua aku, a ua manaoia ua ano kapeke iki ae kona noonoo.

Pokeokeo Auanei Paha o Sepania.

                Ua ulu ae he hihia koi poho hou na Amerika Huipuia kue ia Sepania. Ewalu makahiki i hala ae o ka noho ona ana o John Repko, he kupa Amerika, no kekahi hotele ma Havana. Mamuli o kekahi ano auhau hou o $800 i hookauia aku maluna o kona waiwai, ua hopu a hoomaluia ka hotele e ke Aupuni Sepania i ke kuluaumoe a kipakuia o Repeko a me kona ohana iwaho. Ua olelo ae oia he $80,000, ka waiwai o kana hana iloko o ia wa. E noi ae ana oia i ka Peresidena o Amerika Huipuia e kokua aku iaia ma ke koi poho ana aku. Ua oleloia ua noho ae na koa Sepania iloko o ka hotele a hiki ka heluna o ko lakou mau bila i ka huina o $12,000, a ua hoole nui i ka hookaa ae. Eia ua Ropeko la ma Felorida i keia wa, a he $40,000 ka ke poho ana e koi ae ai ma o ke Aupuni o Amerika Huipuia la.

Mau Aa Hooheihei Moku.

                Ua aa ae o Mi sita Rose, he kanaka waiwai no Ladana, Enelani, i ka Hui Heihei o Nu Ioka no ke kiaha Amerika. Ma Soutahametona kona moku e kapiliia ai, a na Sopa ana e kaha ke kii.
            Ua kakau ae ke kakauolelo o ka Hui Aumoku Heihei Roaiala i ka hui banaka o La ycock, Goodfellow & Bell ua telegarapa aku oia i ka lakou haawi o £1,000 no kekahi heihei mawaena o ka Hoopakele a me Valekaire III., ma na kai e ae mai ko Amerika, eia nae, ua hopohopo oia ua hala hope loa no ka hiki kupono ae ke hoohololea i keia aa heihei hou.
            He kikoo o £25 no hoi kekahi a ia hui i hoouna ae i kekahi nupepa pili lealea, i mea makana no ke kii oi loa no kekahi kiaha gula e haawi makana ia ai e lakou no kekahi heihei iloko ae o 1896 ma Amerika, Enelani a Auseteralia paha, mawaena o na moku heihei i oi ole ae mamua o kanaiwa tona.

Na Lonolono Kaua Kipi o Cuba.

                Ua olelo ae na kipi o ka apana o Sana ta Calara, o ke kumu ka i hoopoinoia ai na pupupu a me na kahua kauhale, i loaa ole ai ka he wahi e malumalu ai o na koa Aupuni.
            Ua hoopiholoia kekahi mokukaua Sepania iloko o ke awa o Ha vana a ua poino he 46 ola, o Adimerala Pereiho kekahi iwaena o ia poe. Ma ka hoike a na Sepania he hookui me kekahi moku okoa aku ke kumu, aka, ma na palapala hoi i loaa ae ma Piladelepia, ua hoikeia ae ua hoopiholoia hoi me kekahi topido.
            Aia ma Nu Ioka kahi i hoolalaia ai no ke kakauinoaia o kekahi palapala hoopii nui hewahewa, e noi aku ana i ke Aupuni o Amerika Huipuia e ike aku i na poe kipi o Cuba ma ke ano he poe lakou e kaua ana no ko lakou mau pono kaokoa iho, a ma ke ano hoi he aupuni kuikawa ko lakou i ku ae. O kekahi ae no hoi, ua manaoia e malamaia na halawai makaainana ana a puni ka aina, i mea hoi e hoolokahi ai a e hoikeia ae ai hoi o na manao kokua ia Cuba.
            He mau paee ka i ulu ae mawaena o na poe Cuba a me Sepania ma ke Kulanakauhale o Mekiko, mamuli hoi o ko na Cuba hoonauluulu okoa ae no me na hana hoohiwahiwa a hoohauoli malaila.
            Imua o ko Amerika Huipuia Aha Apana ma Wiliminetona, Delawea, ua haawi ae ke kiure i kekahi olelo hooholo "ku ole i ka hewa" ma ka hihia o 21 poe Cuba i hopu a hoopiiia no ke kue i na kanawai noho kuikawa aku. Ua apoia ka olelo hooholo me na hooho leo paiakuli ana.
            Ua hoohaule iho ke paoahi Sepania o ka mokumahu Ame rika Masekota i kekahi eke i piha me na poka owili iluna o kekahi waapa. I ka hookolokoloia ana e kekahi poe e huli ana i ka moku me ko ke kapena ae, a ua pololei a loaa oia, a ua hooholoia ka hoopai maluna ona e kekahi aha koa, no ka hoolako aku i na pono kaua i na kipi, e hoopaahaoia a pau ke ola.
            Pioloke o Kikako mamuli o ke kukala ana mai o ka Re v. H. W. Tomasi mai kona awai haiolelo mai, e olelo ana ua hoea mai ka manawa no Amerika e olelo aku ai i na Sepania e hooki i na hookaumaha ia Cuba. Ua piha o loko o ka luakini me kekahi anaina nui o na poe maikai wale no, a ua nui ka hooho hauoli pinepine ia o kana mau olelo. Wahi ana, ua haalele o Sepania i ke kuleana poo mana kaokoa, ole loa iho hoi ma ke ano he mea hoomalu, iwaena o na a puni o ke ao nei.
                Ua noke aku ka nupepa Ka Hoohui Kumukanawai o Havana, he wahaolelo no ka poai Kahiko, i ka nuku i na nupepa alakai e ae o laila no ko lakou hooikaika ole i kekahi kahua hooko hana ma ka aoao e hoopilikia loa aku ai i na kipi, mamua ae hoi o ka hoao ana e hooikaika e loaa na hooponopono oluolu ana ma ke ano o ka Sepania hoomalu ana.

Na Hunahuna Laulaha.

                Nui ka poino ma Siberia mamuli o na waikahe, pela ka lonoia.
            Lehulehu na poe kiu Fa rani i hopuhopuia ma ka palena o Geremania.
            Ua hoopuka ae o Pe residena Kalivilana i kekahi kauoha e hoihoi ana i ka oihana kanikela malalo o na rula o ka oihana kivila.
            He kaomi wale ana iho no ka Peresidena Kalivilana i kekahi pihi uwila i Sepatemaba 18 aku nei, o ka hoomaka no ia o na mea hana e niniu maloko o ka hale hoikeike ma Atalanata, he mau haneri mile ka mamao. Ua manaolanaia e holopono ana na hana o ka hoikeike.
            He kaa telepona ka i hanaia no Emeperoa Uilama, i mea uhai aku mahope ona ke haalele oia ia Berelina no ka uhai holoholona, a mamuli o ia e hiki ai iaia ke kamailio mai kekahi wahi mai o ke kahua me na poe kiai ululaau a holoholona paha, a ua hiki loa no hoi ke kukai olelo pu me kona mau Kuhina a me kekahi poe luna oihana e ae ma Berelina a wahi e ae paha.
            Ua manaolanaia ke hookokoke loa aku la na pualikoa Farani no ke kimopo koke aku ia Anatanarivo, Madegasaka, malalo o ke alakai ana a Kenerala Dukene. Aohe ona makemake i na kokua hou aku, no ka mea, aohe lakou e hoea aku ana mamua o ka lilo pio ana mai o ia wahi. Ekolu kakauolelo a ke Kuhina Nui o laila i pau na poo i ke okiia, no ka hoohuoiia no ko lakou ano makamaka loa me na poe Palani. Ua hoohikileleia he 600 poe Hova, me ko lakou hoauheeia a make he kanawalu.

Olelo Hooholo Hoalohaloha.

E ke Alii Ka Moiwahine Kanemake, KAPIOLANI, a me na Mea Kiekie na Kama'liikane DAVID KAWANANAKOA a me J. K. KALANIANAOLE;
            Welina: Oiai, ua oluolu i ke Akua Kiekie Loa ma Kona Mana ike ole ia e lawe aku mai keia ola ana a i ke Aupuni Uhane, ma ke ahiahi o ka Poakolu i hala, Okatoba 2, 1895, ma Kalihi, Honolulu, Mokupuni o Oahu, i ka Mea Kiekie ke Alii ke Kama'liiwahine Viriginia Poomaikelani, ka Peresidena o ka Ahahui Hoonaauao Liliuokalani, Mahele II, no na makahiki moau he ewalu a oi i hala o ka hoomanawanui pu ana i ka pulama e hooholo i na hana o ka Ahahui:
            Nolaila, o makou o na luna a me na lala a pau o keia Ahahui ma o ko makou komite la, me ka luuluu a me ka paumako nui ke hooholo nei:
            AKAHI. Ke komo pu aku nei ka Ahahui Hoonaauao Liliuokalani Mahele I I me oe e ke Alii ka Moiwahine Kanemake, me na Mea Kiekie na Keikialii iloko o na kumakena ana, no kou pokii Alii i aloha nui ia, a makuahine o na Kama'lii, a ke kulou haahaa nei imua o ka Haku, Nona ke ola ana o na kino a me na uhane, me ke noi e hoomama mai i ko oukou mau naau kaumaha a pau.
            ALUA. E hoounaia i kope o keia olelo hooholo i na nupepa a pau o keia kulanakauhale.
            O makou iho no o ke komite o ka Ahahui Hoonaauao Liliuokalani Mahele II me ka luuluu no ka laweia ana aku o ko makou Peresidena.
KAHANUULANI MEEK,
CARRIE SHARRATT,
KAHAKUWAIAOAO CLARK,
KELIIKAAPUNI KAWAINUI,
KAUMEALANI KAPONO.
            Hanaia ma Honolulu i ka la 5 o Okatoba, 1895.

            Ma ko makou keena nei kela wahi keonimana hapakue, kahi i lelepi ai no ke paheneheneia ka o ka himeni a kona puali anela e hoonani ana ia Satana. Hu no hoi ka aka i kamalii nuha wale a uwe ha'uha'u.
            No ke kuai waiona me ka laikini ole o kekahi wahine Pukiki mauka o Puowaina i ka La Pule i hala, la 6 nei, ua hopuia oia a hookolokoloia imua o ka Aha Apana i ka Poakahi mai a hoopaiia he $100 me na koina. Ua hoohalahala hou aku ka mea hoopiiia i ka Aha Kaapuni.
            Ekolu mau hale i komo kolohe ia i ka po Poalua, la 1 nei, ma alanui Adamu, oia na hale o Misa sa Maunakea, Misi Kalaka, a me M D Maunakea. Aole i maopopo na mea i lilo o loko o ua hale o na mea mua. O ka hale o ka mea hope ua lilo aku he $1 00 mai ke eke o kona lolewawae. Aole i maopopo ke kolohe.