Ka Makaainana, Volume IV, Number 10, 2 September 1895 — Page 7
HONOLULU, OAHU, POAKAHI, SEPATEMABA 2, 1895. 7
NA MOKUPUNI.
-
Na Lono Kuwaho mai kela a me
keia Apana o keia Aupuni.
-
Kahi Muhee Hololua i Kupeeia.
Ma ka la 19 o Augate nei, ua hoohiki iho la o Samuela Kanahele malalo o keia Aupuni Repubalika. O keia Samuela Kanahele, he keiki kupa oia no ka Ua Kukalahale o Honolulu ma ka oihana kamana, a he noeau oia ma ia oihana. E hoomanao pu ia no hoi, o keia Kanahele kekahi i ke kahua kaua o Leahi me na poe aloha aina, a o keia no ke koa i uwe no ka nui o ke aloha i ka wahine a me ka ohana oiai na poka pukuniahi e halahia ana maluna o ka puu o Leahi mai luna mai o Eleu, oiai kona mau la he aloha aina oia, aka, i keia wa ua Ikapokaia oia, ua hala ka nani mai iaia aku. He holoholona oia i keia manawa a hiki aku i ka hopena o kona mau la.
S. WILIAMA.
Kawala, Molokai, Aug. 23, 1895.
-
Huakai i ke Kapitala o Honolulu me kuu Misi Rebecca Kapahee, ma ka Oneki o Kilauea Hou no ke Kahua Ma'i Lepera.
Haalele ia Kailua ma ke ahiahi Poaha, Augate 15, hora 5, a kau maluna o Kilauea Hou, a ma ka hora 2:30 o ka wanaao Poalima, la 16, haalele ke Kilauea Hou i ke kai malino o Kona a eku aku la ka ihu o ua mahimahi la no na ale kuehu o ka moana nui akea, no ke kai hawanawana o Kawaihae. Ma ka hora 7:30, leko aku la ka heleuma a holo na waapa no ka hooili bipi ana. Haalele ia Kawaihae, hora 11:15 A.M., a ku ma Mahukona no na poe ma'i lepera o Kohala, he 10. Haalele ia Mahukona ma ka hora 1:15 P.M. a motio aku la no ke one o Kakuhihewa. Nui ka makani o ka moana a no ia mea i palua iho ai i ka holo o ua kaupu aukai la o na ale hanupanupa o Alenuihaha. Ma ka hora 3:30 A.M. o ka Poaono, pili aku la ke Kilauea Hou i ka uwapo, a lele poeleele ana i ke taona.
Ma keia huakai moana, ua nui ka mahalo i ke kapena o ke Kilauea Hou, i kona kupakako a me na wiliki, no ka oluolu a me ko lakou malama i na ma'i a me na kokua ma'i a pau. Hora 4 ponoi, hiki mai la na kaa o na ma'i a kau aku la lakou no ke kahua ma'i o Kalihi a koe iho la au a me ko'u hoa aukai o na ale o ka moana, Daniela Kaninau. O na bepe a maua ua kau aku la ma ke kaa - mea e ka eha eha o ka puuwai, a ma ka hora 6:15 ua kau ma ke kaa o J.W. Kailimai. O maua elua me na pahu lole me na bepe a holo no ke kahua ma'i ma Kalihi. A ke mahalo hou nei no ke kalaiwa i kona kali oluolu loa ana mai. Nui na hoomaikai no keia alahele malihini. Hora 7 ponoi hiki i ke kahua hoolulu ma Kalihi, a ilaila i hui ai me na makamaka i loohia i na haawina o ka weliweli o kela ma'i lepera, ke kupua nui hoopahaohao o na mokupuni o Hawaii, nana e pulumi nei me ka hoomaha ole. Ma ke kahua ma'i o Kalihi, ua kuu akea ia na ohana a pau o na ma'i e komo me ke keakea ole ia. Nui ka oluolu o ka Luna Nui, a ke mahalo nui nei au iaia ma na ano a pau. O na mea i lonoia no ka wa i hala, aole ia haawina i keia wa. Nolaila, ke hoike nei au, ua aeia na mea a pau e ike aku i ka lakou mau ma'i. He 46 ka nui o na ma'i, a koe na poe ma'i o Molokai mai. O Meleana Sena o Kohala a me ka'u bepe, a me kahi mau ma'i e ae, ua aeia no oia e ai no ma kona rumi e ka Luna Nui, a oia hoi kahi wahine ohana nui a'u i ike pono, a ua hele mai kona mau ohana e ike iaia i na la a pau. A ke hoao nei na ohana o Misasa Meleana Sena e noi i ka Peresidena o ka Papa Ola e aeia e noho mawaho e lapaauia ai. I na hoa'loha a pau, ke hoomaikai nei au me ke noi pu aku i na Lani e kiai ia Hawaii mai o a o, a pela ke Akua e malama mai ai i kuu Lepeka i loaa i na haawina ehaeha o kela ma'i hookalakupua nana e ulupa nei i kuu lahui ponoi. Ke pule nei au, na ke Akua lua ole e kiai a malama mai ia Hawaii aina, Hawaii lahui, a me Hawaii Aupuni.
J.W.H. ISAAC KIHE.
Puuhale, Honolulu, Aug. 27 '95
-
Eia na Pukiki hana alanui ke hoolilo nei i ka hale puhiohe e ku nei maloko o ka pa o ka Hotele Hawaii i wahi hiamoe no lakou mahope o ka pau ana o ko lakou aina awakea i na la a pau. Pinepine loa ko lakou ike mau ia malaila.
Ua haawiia ae e na hoa'loha i ka po Poalua, Aug. 20, no C.F. Pitasona, he aha hulahula ma loko o ka hale waapa o ka Hui Healani, a he holoholo waapa maloko nei o ke awa i ke aumoe ana iho. Aole oia i holo aku ma ka Monowai.
Ua hopuia i ka Poaha, Aug. 22, kekahi wahine malalo o kekahi palapala hopu i hoounaia mai nei mai Wailuku mai, no ke kumu, he haalele kane. Eia oia kopaa mai nei ma ka Halewai, a e hoihoiia aku ana paha no kahi ana i hele mai ai no ka hookolokoloia.
I ka po Poaono Aug. 24, ma ke kahua o na lio poniuniu, i kekahi makai i pau ka manawa kiai e ku ana me kana lede e nana i na lealea o ia po, ua hele aku la kahi keiki Paniolo, o Keo ka inoa, e kolohe i kana wahine, a ua pii ae kona kai a kipaku i kahi keiki o hookaawale. Ua aa hakaka koke aku ua wahi ke iki Paniolo la, a mamua o ka hemo ana ae o ke kuka o ua wahi makai la, ua loaa aku la kona opu i ka puupuu a ke kolohe a nalo aku la iloko o ke aluka kanaka. O ka hoaa wale iho la no ka mea i loaa i kahi makai ia wa.
Haneeia e ka Uwinihepa a Eha.
Mamua iho o ka hora 8 o ke kakahiaka Poaha, Aug. 22 oiai kekahi poe e hana ana ma ke alo iho o ka hale pakui hou o ka hale kukui uwila makai o Ainahou, ua haki iho la ke kua o kahi a lakou e ku ana i hele a kaumaha o luna iho i ka uwinihepa, a palahuli aku la na mea a pau ilalo. O na poe i eha ma keia haneeia ana e na pohaku uwinihepa, oia he Pukiki, ua moku o hope o ke poo; he haole Norewai, ua moku ma ke poo a me kekahi maka; he Kepani, ua haki ka wawae, a o ke kanaka hoi, he moku malalo ae o ka auwae. Ua hoihoiia lakou ma ka Halemai Moiwahine e lapaauia ai.
-
Make Ulia ma Moanalua.
Poaono, Aug. 17, i kau aku ai o Kapau maluna o ke kaa basa hali ohua nui o Kamika no Moanalua, hora 4 paha o ia auwina la, a maka noho'na mamua me Kipi, ka hookele kaa, oia i noho pu ai me kona ona. Aohe mau mea ano nui ma ke ala a hiki i kahi puu e iho aku ai ilalo o Moanalua, a ma ia iho'na oia i haule aku ai mai luna aku o ke kaa a ka honua, a a'o aku la ke kaa maluna ona mai ka aoao hema mai o ka puukolo a kikepa ilalo o ka wawae akau, a ua hana nui ka hoao ana e kaohi mai i na lio me ka laua ukana kaumaha mahope. Malaila oia i waiho ai a kiiia aku, a ikeia iho la ua akaa pu ia ka wawae a kaawale ka io mai ka iwi. Ua hoaoia no na ike e lapaau i kona palapu, aka, ua pahua, no ka mea, i ka Poalua iho la oia i make ai a nalo i ka Poaha mai malalo no o Moanalua i ke 54 o na makahiki. Wahi mai a ko makou lohe, iaia no paha ka ike e make ana oia, kauoha e ai, a i ka makaukau ana, ua olelo ae ua ana oia, e hele aku ana oia, a ninau no na keiki, a i ka akoakoa ana mai o kona ohana, ua olelo aku e hele a e haalele ana oia ia lakou, a ua hele ka oia a piha o loko, a ma ia hope koke iho, hina aku la oia a moe loa, no ka mea, ua niau aku la kona aho no ke ala polikua a Kane. He kahuna oia i mahalo nui ia e kekahi poe ma kana mau lawelawe lapaau ana, a he paniolo bipi hoi kana hana. I ka 20 o kona mau makahiki i mare ai oia i kana wahine e ola nei, a ua loaa he 13 mau keiki ia laua, eiwa o ola nei. Aloha no ke kane a me ka luaui i hala aku la, a loaa no hoi ka mea e u ai.
-
HALEKUAI KUIKE OAHU
-
"KE OLA O HAWAII."
Helu 322, - - - Alanui Nuuanu.
Oiai hoi, ua pau ae la ke kuahana ana, ua weheia hoi ka halekuai maluna ae i Iulai 1 nei, nolaila, ua makaukau loa e hooko a e hoolawa aku i na iini o na poo a pau. E ko no ka makemake o na wahine ke kipa mai malaila, a e pono no hoi ke kipa mua mai mamua o ka hele ana i na halekuai e ae. Malaila no e loaa ai.
Na Makalena, na Kalakoa, na Keokeo Halua me Vitoria, na Papale, na Kakini, na Hainaka, na Waiala, a pela aku a nui a lehulehu wale.
E ike mai ia kakou hoakanaka.
M.E. SILVA,
iul 8-tf Luna Nui.
I ka Poaono i hala, ewalu mau Pake i hopuia mai na kauhale ma na alanui Hema a me Moi no ke kue i na rula o ka Papa Ola, ma ke kiola ana i na mea ino ma kahi i kauoha ole ia ia lakou. He eha i hopu hou ia i ka La Pule ae.
-
HALEPAI MAKAAINANA.
-
F.J. TESTA (Hoke) - - Ona
Aia ma Alanui Konia, mauka o ke kihi Akau, ma ka huli ma Ewa, o Alanui Moi.
Ua makaukau loa e hana i na ano hana paipalapala a pau loa, e laa
Na Bona,
Na Aelike,
Na Laikini,
Na Palapala Kono,
Na Likiki,
Na Bila-poo,
Na Hoolaha Pai Alanui,
A pela aku, a pela aku.
NA HANA BUKE A ME PAI NUPEPA.
Aia malaila e paiia nei na nupepa "Ka Makaainana" a me "Ke Kuokoa" namu.
E hookoia no na kauoha me ka hikiwawe a me eleu. iul 15-mhp
-
Na Mea Kanu no ke Kuai.
Aia ma ke keena o ko makou Puuku e loaa ai kekahi mau mea-kanu i hoouluia no ke kumukuai oluolu. E ninau ponoi ae ao iaia. iun 3-jul 1
-
Hui Mea Kahiko Hawaii.
Kuai mai a hoolilo aku i na ano mea kahiko a pau o kakou nei, na Peahi, na Eke-Lauhala a ano e ae paha, na Moena, a pela aku, ma Alanui Moi, mauka ae o ka Hale Repubalika.
HARRY SAYLOR,
aug. 12-tf. Luna Nui.
-
NO WAIANAE
O R. & L. CO.
MA NA POAONO A ME NA LA PULE.
E haalele no na Kaamahu ia Honolulu nei ma na hora 9:15 A.M. a me 1:45 P.M.
Ke huli hoi mai, e hoea ana i Honolulu nei ma na hora 3:11 a me 5:55 P.M.
NA PALAPALA UKU PUNI:
Papa Ekahi, - - - - - - - $1 75
Papa Elua, - - - - - - - - - 1 25
F.C. SMITH,
Agena Ohua a Palapala Nui.
jul 29-tf
-
No ka Hoolimalima
O ka hale ma Alanui Kalepa, i hoohanaia mamua e ka Hui Hoolaha Buletina Puka La. Ua hiki loa no o lalo ke maheleheleia i mau keena oihana, a pela aku.
E ninau ma ke keena o
WM. G. IRWIN & CO.,
iune 24 Kaupalenaia.
-
G.E. SMITHIES,
[KEOKI KAMILA.]
Mea Hooponopono Hoike Helu, Mea Ohi a Koi A e, Mea Kakau Kope, a Mea Kalepa Aina.
KEENA: Helu 406, Alanui Papu, ma ka Hale Opunui.
Telepone Helu 184. mei 27-3ml
-
W.H. DANIELS,
[BILA DANIELA]
Agena Kuai, a Hooponopono Aina, Mea Hana Palapala Kanawai, Mea Ohi Aie a pela aku.
O na hana a pau e haawiia aku ana iaia, e lawelaweia no ia me ka eleu a me ka omoole.
Keena Hana a me Wahi Noho, aia ma Wailuku, Maui.
mei 6-mk.
-
E.M. NAKUINA.
KOMISINA O NA ALA LIILII A ME
NA PONO WAI.
Notari Lehulehu, a he Agena Haawi Palapala Ae Mare no Honolulu nei.
KEENA HANA: Helu 308, Alanui Kalepa. dk 3-1mk.