Ka Makaainana, Volume IV, Number 3, 15 July 1895 — Page 8
8 HONOLULU, OAHU, POAKAHI, IULAI 15, 1895.
[Mai ka aoao 5 mai]
-
hoi o ka lilo e ana ia Beritania Nui, i wahi hoomaha no ka uweaolelo moana, oiai, na akaka loa aohe hoihoiia mai o Hawaii nei no ia mea, a e kaalo loa ae ana me ka hoomaopopo ole mai ia kakou nei. Aia aku nei ka keia huakai kaili aina malalo o na alakai ana a Alekanedero a me Binamu. Ahu no hoi ka pilu!
-
Poakahi i hala, ua hoike aku o Makanelese imua o ka Aha Senate ua kauohaia na Koa Kiai Makaainana e ala a e makaala pono i na po mamua aku, o pae mai o Akepoka ma e kaiehu ae ia lakou nei ma ae mai kahi aku a lakou e noho hookohukohu nei. Ua hoole ae hoi ka Loio Kuhina ia mea. Owai la o laua ka i hoike ae i ka mea oiaio loa? Ua akaka loa na maau hele ae na haole me na pu ia mau po aku, a me he la, malalo no ia o na kauoha mai ka Ilamuku aku a mai ka Loio Kuhina mai.
-
Haule hon no ka makou mau hoike hana Ahaolelo a me na nema a hoinau pu. O ka makou no nae hoi e hoike aku nei, ua hooholoia ke kanawai e haawi ana i ka mana i na Hope Makai Nui o hooko aku i kela apu auhuhu o ka hoohiki ana malalo o keia Repubalika oehaa i na poo a pau o kela a me keia apana e makemake mai ana inu. No makou iho, aole loa makou e ae e hoohiki aku.
-
Mea ia mai he uhalula maopopo loa ka na poe makai i hoehoe waapa ai i ka la 4 nei, a i eo wale no kela hoihoi ia lakou i ko Paka kolohe ma ke alailai ana i ka waapa mahope aku. Oia nae hoi, ku ka ea o ka ona a ua poo ikaika ole nei. Ia lakou ka waapa lana oi aku o ka holo, aoho nae hoi he ae e ulele hou, aole no hoi ina o Kuliaika nuu ko na keiki uwapo waapa Aia no ka a o Aloha kaumaha me 14 hoe, aole hoi me 10 hoe, e like me ia i ka la 4 nei, alaila, ae nui o hoo hou me $1.000 pili ma ko Paka aoao. He wahanui wale iho no paha!
-
O kekahi o na aihue ano nui loa i ikeia i keia wa, o ia no ka lawe ana ae nei o lakou nei ma ae i ka la 4 o Iulai nei o ko lakou la nui ia o kulaia ai no ke ku ana ae o keia Repubalika oehaa a Olekukahi. Aohe wahi mea a kohu iki, a aohe no hoi ka like aku o ka hie me ka la i nai ai o ka Repubalika nui i kona kuokoa a loaa. O keaha la ke kuokoa a lakou nei ma ae i nai ai?"
-
I keia kakahiaka i ku mai ai ka Auseteralia mai Kapalakiko.
KELA A ME KEIA.
-
He omaimai ko ke kokua mua o ka Lunakanawai Kiekie i keia mau la.
Ua hookohuia ae nei o L D Keliipio i lala no ka Papa Ola i keia wa.
Mai poina i ka alawa iho i ka olelo hoolaha e pili ana i ka halepai o ko makou Puuku.
Ua ikeia mai nei o Misita Hoke e keia Aupuni ma ke ano he Kanikela no Belegiuma maanei.
Hora 3 o ka auwina la Poakolu iho la i ku aku ai ka moku holoholo lealea E inoa i Hilo.
O keia ka la hope loa no ka hookaa ana i na auhau wai, a mahope aku he kaulele wale no.
He wahi olai uuku ka i hoonaue ae ma Kau, Hawaii, i ka auwina la o ka la 26 aku nei o Iune.
Poakolu iho la i holo aku ai ka mokukuna Kaulilua no Mokupuni Fanina e lawe ai ai no ka ooana o Goreiga.
Lehulehu wale o na pahu pu i hoounaia aku no na mokupuni e ae ma na mokumahu holo pili aina i ka Poalua iho la.
He anaina mare ko keia ahiahi hora 7:30, ma ka luakini o Sana Anaru, mawaena o Misi Laika luko a me J F C Hagene.
Eia ke hoomaemae hou ia nei ke alanui Liliha i keia mau la, a he maemae maoli io no hoi ke nana aku la
Hauoli lululima pu makou me na poe aloha aina o Hilo, i ke ahiahi Poaono iho nei, maikai no ko lakou mau ola kino.
Ma ke kakahiaka Poaono nei i hopuia ai he umi poe kanaka kipa mauka o Kapalama. I keia kakahiaka e hookolokolo ia ai lakou.
Ma ka Poakahi i hala, ma Koloa, Kauai, ua make iho la o Luluiwa k). ko Misasa Luisa Kaaloa makuakane i ke 60 a, keu o kona mau makahiki.
No na poe e makemake ana i na kii pena hoonuiia mai na kii hooleleaka, ina ma ka waihooluu a inika paha, e pono e ninau mua ia O.K. STILLMAN (Oliva Kilimana), oiai, he agena oia ma ia hana. E ninau ma keia keena nona.
mei 20-mp.
Ua loaa aku he 40 mau tini opiuma iluna o ka mokukuna Kaiulani i ka Poalua i haia, aole nae he io o loko. He mau lako puhi kekahi i loaa pu aku ai.
O kekahi o na Kepani i eha ai ma o ke pahuia ana e ke giana pauda ilalo o Waianae mamua aku nei, ua huli hoi aku ma ke Kopatika o ka Poakolu nei no Iapana.
Laukanaka o kai o ka uwapo o Kinau i kona ku ana mai i ka aluna ahiahi Poalima nei i na ohana, na makamaka, a me na hoa'loha o na poe pio kalaiaina i hoihoi noi ia mai nei.
Ua hala aku no Hilo i ka hora 5 o ke ahiahi Poakahi i hala, ka moku holoholo lealea Elinoa E holo makaikai aku ana kona mau ona i ka Lua o Pele mamua o ka huli hoi ana no Kapalakiko.
Mahope iho o ka hora 5 o ke ahiahi Poakahi i hala, ua pau iho la ka hale o K Pedeina (Podoyn) ma alanui Pi ko i ke ahi, a aohe opala lawe. Aole i maopopo ke kumu o ke ahi i hoomaka ai.
A ka Poakolu iho e kapalulu mai ai ke Kulanakauhale o Pekina mai Kana a me Iapana a eku loa aku no ka Ipuka Gula.
He nupepa puka la hou ia e wawaia nei ma ka olelo makuahine e o li ae ana mai ka Halepai Buletina Ahiahi, e noho lunahooponopono ia aku ana e Kamaki.
E wehe ahamele aku ana ka Ahahui Hawaii Opio ma keia mua koke iho no ka pomaikai o ka waihon buke o ka hui a me ka Ahahui Kokua Manawalea Lahui.
Ikiiki nehinei a po, a lilo hoi na kulu pakaua i haule iho ai i mea ahia wale ae no. Ua oi loa aku no ka wela a komo loa no i ka po nei. Pela ana no paha hoi nei la
Ua noiia aku o C.R Bihopa e hoolilo mai i kona hale nui ma Kaakopua aene , malalo o ka hoolimalima, no ona halekula kiekie malalo o ka Papa Hoonaauao.
Ua lilo ae nei i ka hoolimalima no elima makahiki i ke Komisina Beritania, Kapena A. G S Haoese, ka pa hale noho o ke Alii mauka o Kapalama, oia o Maolaulani Hale.
Ua lonoia ae ua aa o Kapena Poo Paka e pili no ka huina a hiki i ka hookahi tausani dala mahope o na makai ma ka heihei waapa lana 14 hoe me na keiki uwapo.
Ma ke Kinau o ka la apopo e holo aku ai ka Haku Bihopa e Honolulu ma kana huakai kaapuni mau i na kihapai o kona Ekalesia, a e hala na pule ekolu a huli hoi hou mai.
Iluna o Ualakaa na kaikamahine o ke kula Kamehameha i ka Poakolu ino la kahi i hoohala manawa ai me ka lakou mau kumu, maluna o na kaa hoonalulu elemu o Kamika.
E malamaia ana ka hoike o ke kula Pake o Sana Petero maoko o ka halekula, ma ka pa o ka luakini o Sana Anaru, i ka hora 2 o neia auwina la. Ua noa i na poe a pau loa.
I ke ahiahi poeleele o nehinei, no ka nui o ka ona rama ua hou hewa aku la kekahi keiki i kona makuahine me ke kui omau papale ma Makaaho ae nei, ma ke poo a kahe nui mai ke koko Ua ona no hoi keia makuahine.
Ua hoao iho kekahi Pake e holo mahuka maluna o ke Kopatika i ka Poakolu iho nei no Kina, aka, ua loaa aku oia i na makai a hoihoi hou ia mai iuka nei. Ua lonoia ae no ka nui o kona aie ke kumu i hoao ai e mahuka.
No ka hoeha ana o Kahiamoe i kekahi Pake i ka Poalua nei, ua noopai ka Lunakanawai Apana iaia he $10 i ka Poakolu nei. Pau hoi ia i ka Poaha nei no ua ku hou ae la no oia imua o ka Aha no ia hewa like no a ua hoopai hou ia mai no he $10 hou.
Mai a mahope aku o Iulai 1, aole loa e hoounaia aku ka pepa i na poe e makemake mai ana ke ole e hookaa mua ia mai ka auhau o ka pepa. Pela pu no hoi me na luna, aole e loaa aku ana ka pepa i lakou. E hoomaopopo mai na poe lawe i keia.
He wahi rula ano hou ia e lawelaweia nei maloko o ka Haleleta i keia manawa, pela ka mea i lonoia mai E hoopaa kela a me keia limahana i kona wa e hiki ai i ka haleleta, ke ano o kana hana i hana ai, kona manawa e hoi ai e paina a me ka wa e hoi ai i ke ahiahi, a pela aku.
Ma ka la 10 iho nei, ua malamaia he hookuku kinipopo ma ke kahua o ke Kula Hanai o Hilo mawaena o na hui Hilo Taona a me Malihini, he poe keiki mai Honolulu aku nei, a ua kaa i ka inoa hope ka lanakila me 16 ai puni kue ia 15. Hookahi ka oi o na malihini i na kamaaina.
Ua haalele mai i keia ola ana maloko o ka Halemai Moiwahine i ka hora 3 o ka wanaao o nehinei o Daniela Laiana Ia ahiahi no i nalo aku ai kona kino lepo ma ka ilina o Koula. He 55 ka nui o kona mau makahiki. Ua waiho iho oia he keikikane o 13 makahiki a me ke kaikamahine he 10 makahiki e kanikau aku iaia.
E pono i na poe aina ke hoomaopopo iho o keia ka wa pono no ka hoopiha ana i na palapala pai hakahaka no ka helu waiwai i kupono i ka auhauia. Ke pau o Iulai nei, aohe waiwai o ka hookananuha iho i ka helu ana a na Luna Helu. Ua makaukau ko makou Puuku e hoopiha ia ano palapala no kahi uku uuku. Mai hoohakalia a pau o Iulai nei.
Ua hiki aku i ka Halewai i kakahiaka Poaono nei kekahi wahine Hawaii no ka hoopii ana i ke kane a kona makuahine no ka lawe malu ana i kana bebe Ua hiki kino aku ka makai me keia wahine i kahi o ke kanaka nana i lawe ka bebe, a ua haawiia mai i kona makuahine. I lawe hoi keia kanaka i ke keiki no ka ike ana aohe ka makuahine ponoi e ka bebe i kauhale, o ke keiki wale no.
-
HUI KAMAA O NA POE
HANA.
POE KALEPA NUI A LIILII I NA
ANO KAMAA A PAU LOA.
Helu 516, Alanui Papu, ma Kauhale Hou o Burua.
Honolulu, P.H. iul 15-tf
-
HALEPAI MAKAAINANA.
-
F.J. TESTA (Hoke) - - Ona
Aia ma Alanui Konia, mauka o ke kihi Akau, ma ka huli ma Ewa, o Alanui Moi.
Ua makaukau loa e hana i na ano hana paipalapala a pau loa, e laa
Na Bona,
Na Aelike,
Na Laikini,
Na Palapala Kono,
Na Likiki,
Na Bila-poo,
Na Hoolaha Pai Alanui,
A pela aku, a pela aku.
NA HANA BUKE A ME PAI NUPEPA.
Aia malaila e paiia nei na nupepa "Ka Makaainana" a me "Ke Kuokoa" namu.
E hookoia no na kauoha me ka hikiwawe a me eleu. iul 14-mhp